|
حبطرش ؟؟.
حبطرش قصة ثانية
http://im10.gulfup.com/2011-11-10/1320953726421.jpg الموضوع هنا وقفة مع الذات ... من يعجبة يخش في الموضوع ومن لا يعجبة يحل عنا عالبدري .... كل القصة من اساسها اني عايف التنك وقرفان وزهقان وبهاوش الذبان .... وكل الموضوع انه انا نرفوز اكثر من اللازم ولما نزلت من بطن امي الله يرحمها عملت طوشة مطنطنه مع امي نفسها ... يعني محسوبك لما يطلع الصبح من البيت بلخم هاذا كفين وبلخم هاذاك شلوت وبلخم الزبال خماسي وبقضي بقية اليوم بالمخفر ولما بسوق السيارة بالشوارع ما بخلي حدا من شري ..شفير ما بطرب غماز بلعن صباح ابو .. شرطي واقف بدخن ما بخليلو .. حرمة بتقطع الشارع بهريها مسبات ... خبر بالجريدة ما بعجبني بمزع الجريدة .. اغنية مايصة بالراديو بفشخ صاحب الراديو .... شو الاسباب ما بعرف ربنا خليقني هيك متخلف وبقرة وعبيط طنجرة ... ما بحب العوج وما بعجبني العجب ولا الصيام برجب ... كل هاذا وانا اعفط سجاير ... ما بالكو وانا صايم اربع خمسطعشر ساعة بدرجة حرارة جهنم ... وبشوف واحد مايص مايع رخو بالشارع يا حزركو شو بسوي فيه ... مثل ما حكينا وقفة مع الذات .... وفشة خلق بلاش اورط مع خلق الله وتلاقوني بدور على كفيل بمركز الشرطة ومن مركز الشرطة بتصير التهمة التعدي على رجال الامن ومن المركز للمحكمة وبعدين بتصير تهمتي التعدي على هيبة القاضي وبعدين وبعدين .. الله يستر .. على هيك قررت ان اقوم بعملين فقط في رمضان .. الاول ان افش خلقي بهالزاوية الهاملة الى سميتها حبطرش والثاني مثل كل سنه بسلخها عمرة وبرتاح من شوفة كامل السوالقة الى بتغص البال . وبركز كل الهوشات على رفاق العمرة .سامحونا ... والى للقاء ... كل عام وانتم بالف خير http://im10.gulfup.com/2011-11-10/1320953726722.jpg http://im10.gulfup.com/2011-11-10/1320953726153.jpg |
رد: حبطرش ؟؟.
((((كل القصة من اساسها اني عايف التنك وقرفان وزهقان وبهاوش الذبان .... وكل الموضوع انه انا نرفوز اكثر من اللازم ولما نزلت من بطن امي الله يرحمها عملت طوشة مطنطنه مع امي نفسها ... يعني محسوبك لما يطلع الصبح من البيت بلخم هاذا كفين وبلخم هاذاك شلوت وبلخم الزبال خماسي وبقضي بقية اليوم بالمخفر ولما بسوق السيارة بالشوارع ما بخلي حدا من شري ..شفير ما بطرب غماز بلعن صباح ابو .. شرطي واقف بدخن ما بخليلو .. حرمة بتقطع الشارع بهريها مسبات ...)))) ما عرفتك والله ههههههههههههههههههههه عزيزي ايو حبطرش عفوا قصدي ابو قنوة،، الله يعين اللي ضميرهم صاحي متلك على هيك دنيا ماشية بالشقلوب ونيالك بعمرتك الله يقبلها منك وترجعلنا بالسلامة بس مو متل ما يوم ولدتك امك بتهاوش مهاوشة هههههههههههههههه وجيبلنا معك زمزم وتمر من المدينة وسلملي سلام خاص جدا لحبيبي ونور قلبي سيدنا محمد صلى الله عليه وسلم |
رد: حبطرش ؟؟.
متعب الصقار نازل بهيجن وبخلي الواحد يشيش ويعرش ..ومحسوبكم بكيف علي ابو تعيب ..وبحب اسمع غناويه لانة زلمة بالعربي حريف وصوته فيه بحة كويسة ..وبحترم نفسة وبحترم التراث . ومش هيلمه
اما هاذاك شو اسمة عمر عبد للات ما بهضمو ولا بطيق اشوقف خلقتة او اسمع صوته .. لانه في اعتقادي وتبعا للحاسة السادسة التي عندي والتى لم تخذلني ولا مرة اعتقد جازما ان عمر خريط رعيط استعراضي ومغرور ... وكل غناوي مجاعرة وجعير والزلمة تبع مصاري وبس وما بفهم بالغناء ولا بالطرب وهو المسعول الاول والاخير عن تدمير تراثنا الرائع من الاغنيات والاهازيج الوطنية وغير الوطنية وتسفيهها الى درجة القرف المصحوب باستفراغ البطن يعني المراجعة او قذف محتويات البطن على خلقة من لا يعجبك شكله وانا لا يعجبني شكل عمر وبدي استفرغ ... جيبولي عمر |
رد: حبطرش ؟؟.
والله ياريما ما بتصدقي اذا قلتلك انه عملت هوشة في العمرة رقم ثلاث وين الهوشة ... الله وكيلك عند الكعبة وين عند الكعبة عند الحجر الاسود ..شو القصة
القصة انا انا طويل شوي يعني حوالي متر وتسعين سنتمر ..المهم انا نازل بقرب شوي شوي على الحجر الاسود علشلن نقوم بالمطلوب وقدامي صديق الى بقرة يعني قصير ووزنة حوالي 120كيلو غرام اذا مش اكثر .. المهم انا بدز صيقي البغل علشان يفتح الطريق وانا علشان طويلة وهبيلة بوجة صديقي وين يروح لاني كاشف كل الوضع ..مثل عامود الكهربا. المهم ظل بيني وبين الحجر الاسود متر ..هون... في واحد ما بعرف باكستاني او ايراني او افغانستاني يعني من هذول المقرفين الي بتحممو كل مطلع قرن هجري مرة .واللي انا بكرههم للسما .. وما بحب اشوف بمكة غير العرب .. هيك الله خلقني ... اخونا في الله هذا لف ايدو على رقبتي ومسك طرف الحجر الاسود وكبسني على جدار الكعبة ومنع تقدمي وزحفي المظفر .. هون حكيتلو بلطف ان يترك يده لاتمكن من التقدم للحجر ويتقدم هو بدوره خلفي . ويبدو انه كان فكر حالة مهم ومش عارف انه احنا تلاتيح وما بتفرق معانا وعند الهوش ذيبك .. فقال لي بالحرف الواحد (( دي مش بتاعك انت )) ولعت معاي وسحبت يده بقوة عن طرف الحجر الاسود وقلت له ( لا بتاعي انا يا حمار ) وما ان رميت يده حتى سحبة تيار المعتمرين الى مكان لم اعد اراه منه .. وراحت علية الله لا يردو ... شكرا على طيرانك اللطيف فوق اغصان هذه الحديقة . كل عام وانت بالف خير اعاده الله عليك وعلى الاردن والامة العربية الخالدة بالنصر والعزة والكرامة ... |
رد: حبطرش ؟؟.
الحمقى فقط يعتقون ان هذا انجاز: مبادلة الجندي الاسرائيلي شاليط بحوالي الف طن من الاسرى العرب.. قيمة الانسان العربي... ثوب امي المطرز ممسحة. والعابرون في الشارع المزدحم لا يساوون »خوذه« صدئة لجندي اسرائيلي. وبحسبة بسيطة, فان سكان الوطن العربي, من المحيط الى الخليج, عبارة عن »خردة« يمكن مقايضتها بجنزير دبابة, او بخصلة من شعر مجندة .. قيمة الانسان العربي... رأسي »بسطار«. وعشيرتي بأكملها لا تُرى بالعين المجردة. والجماهير مجرد كائنات. وكل العابرين في ساحة المدينة رصيد جيد يصلح للصفقة اذا اقتصى الامر ان يسترجع اليهود »علبة سردين« نسيها جندي اسرائيلي في الثكنة. واصدقائي جميعا سقطوا من عيني بعد ان طرحوا انفسهم في المزاد لقاء »ميدالية« عثروا عليها بعد الانسحاب... الحمقى فقط يعتقدون ان هذا انجاز... وهلا ابو سته وستين قنوه ... رمضان كريم !!!!!!! |
رد: حبطرش ؟؟.
ربنا يتقبل منك العمرة وعقباعند الجميع وكل عاام وانتوالجميع بالف خير دخول على قدي بعترف ^ _ ^ هههه بس كثير استمتع بطرحك استاذي ابو قنوة لكم تقديري واحترامي |
رد: حبطرش ؟؟.
شو ابو معمر شكلك دايخ ومش عارف شو بتهرج ... انت هنا في زاوية حبطرش شو جاب شاليط شلوط مش ناقصنا بلاوي ...مش بكفينا هضاك الي مكيف على حالو وصار ملك ملوك الزولو ..شو صار .. بتخوثو على مين .....
|
رد: حبطرش ؟؟.
اسحل سحسل دلا على قلن بلاستك
ملخوم بلاخم ملتخم على الكبر مجنون منجن فى الكتابه كلمات منتهيه مهتريه ما الها معنى خليكو صاحين ما تغيبو عن الوعى تقبل الله منكم الطاعات |
رد: حبطرش ؟؟.
شكرا يا حلا
نسيت اشكرك من اول لانه اخونا كامل بحط خشمة بكل موضوع وبلخم الواحد مرة بيتكلم عن السياسة وهو ما بفهم فيها ومرة بصير شيخ الاسلام ابو رجل مسلوخة ومرة مش عارف شو بصير .. الزلمة كامل عميل صهيوني امبريالي اشتراكي بازلتي متقيح حبيب نسوان مصاص دماء الشعوب. |
رد: حبطرش ؟؟.
|
رد: حبطرش ؟؟.
اليوم اول ايام ابو الرمض ...
اليوم بعد الضهر ناوي انزل اضيع وقت بالسوق .. واشترى شوية اغراض خفيفة مش مثل الهلافيت والمفاجيع .. باشتري لزوم ما يلزم وما بكثر . مثلا سلامة خيركو كل شىء موجود بالبيت بس بدي شوية مزمزة حتى لو ما لزمت باشتريها. اولا بدي اروح اشتري شوال بصل وبكسة ولا بكستين بطاطا وكم راس ملفوف مع زهرة وثلاث اربع بكس بندورة وشوي خيار وثوم وباذنجان .. ومن كل نوع شوية مش لازم اكثر .. بعد هيك بروح على اللحام بشمط من عندة ذبيحة وكم معلاق علشان السحور ومن عند تبع الجاج بدي اجيب عشرين ثلاثين طير من مرة بدل ما اظل رايح جاي على لسواق .. بعدين بروح على السوبرماركت .. شوية عصير ماجي على عصير فواكه على شوية مقبلات وكم شوال رز وسكر وكم كيلو سمك .. وبعدين بدي شوي تسالي وووو ممكن الواحد بزودها برمضان خاصة اذا بشتري لوازمة قبل الافطار بنفجع وبصير مثل الثور مشان هيك قررت اضرب بريك .. واشتري كل اللوازم بعد الافطار .. اذا مو مصدقين لاقوني على قهوة الغندور بعد الافطار واسحبولكو نفس ارجيلة .. والعبو برتيه طرنيب على السريع . |
رد: حبطرش ؟؟.
لخمه تلخمك بمناسبة حلول شهلر رمضان المبارك
وجزاك الله خير عن كل الملخومين فى تعبيراتهم المنتهيه دمت بود |
رد: حبطرش ؟؟.
لا حول ولا قوة الا بالله لعلي العظيم
انا لله ووانا الية راجعون استغفر اللة العظيم من كل ذنب عظيم اللهم لا تؤاخذنا بما عمل .......... |
رد: حبطرش ؟؟.
هناك حب من طرف واحد. ومن طرفين. ومن ثلاثة اطراف. وهناك »نصف حب«. و»رُبع حب«: »انصافا وارباعا«, وأنا »اضرب اخماسا باسداس«/ »اثمانا بأتساع«/ وابصم بالعشرة انها تحبني. ولكنها تكره حبها لي. لذلك, تراها مربوكة على الدوام ,والله اني ملخوم ومسطل وماكل هوا مو عارف شو القصه.
»نصف حب«, وهذا مفيد لي لآكتب. ولكنه مُتعب لها: أُشفق عليها, واتفهم. وليتها تدرك انه يصعب ان يدعس ابو قنوه على »دواسة البنزين«, وعلى »الفرامل«, بذات القدم: فإن العلاقة تظل تراوح مكانها. ويعلو صوت النبض تحت العجلات. وما من »ورشة« لصيانة القلب اذا أفرط في الضخّ. المدّ والجزر في موجة واحدة. ولكنها تأمل ان يكون المد في بحر, والجزر في بحر آخر يعني يكون المد عند غندور لما يلعب ابو قنوه الطرنيب ويصل لبنك الاسكان والجزر عند الانتر ونروح مشي لعند ايلات . وتتوقع أن تنسكب دموعها من عين دون الثانية. وأن تبتسم بشفتها العليا فقط. كم أُشفق عليها. هذه الصائمه في رمضان وبتحب اصابع حبطرش ... قصدي اصابع زينب !!!! |
رد: حبطرش ؟؟.
الله يعينك في رمضان
|
رد: حبطرش ؟؟.
الطول طول عز ابو قنوة ولولا طولك ما طالك هاد اللي ابصر من وين جاي دينهم ما اله علاقة بديننا ابدااااااااا انا جرتهم
رمضااااااااااااان كريم |
رد: حبطرش ؟؟.
يا ريما .. احيانا بكون طول عز واحيانا بيني وبينك بهدله .. خاصة اذا وقع الشخص في احراجات غير مقصودة مثلا..... مثلا يوقف يحكي مع واحد بطول البريزة مثل كامل السوالقة الله يرحمة ... يعني كل طول كامل ما بتجاوز طول مسبحة جدتي اللة يطول عمرها اللي صار 114 سنة يعني ثلاث قرون عدا ونقدا .وشكلها مطولة.... ولسانها طولة 11 شبر هاي جدتي ... عندها مسبحة من ايام السلطان ابو قردين ..بقول انه كامل الله يقص خبرة طوله طول مسبحة جدتي يعني 66 سم لا اكثر ولا اقل وفوق ....هيك كامل عندة 144 عاهة وستديمة 452 عاهة مؤقتة .. واخف عاهة عندة القرع .. تعرفي يا ريما لو اني اقرع او اصلع....... على الطرباش لانتحر وارمي حالي بالبحر علشان مافي واحد ولا واحدة يقولي يا اصلع .. او يا اقرع .. بيني وبينكو فضيحة وعليها شهود ... والله يعين مدامتو ام مجد عليه .. اكيد انها على الجنة عدل بدون اي شك ليش لانها صبرت على كامل وعلى شكل كامل وعلى لسان كامل .... وعلى زناخة كامل ..وعلى برادة كامل وعلى هبالة كامل ..
شو خلانا نفتح الموضوع ... اه موضوع الاحراج اذا كان الواحد طويل .. بس بيني وبينكو ما في احلى من الست الطويلة .. خاصة اذا كان الفحل تبعها يعني القبضاي جوزها ازعر وماشيين سوا على الكورنيش ... يا عيني ... وبما انه القزردة بتحلو بالليل والليل يا ليلى يعاتبني ويقول لي سلم على ليلى ... فانا كل مساء رمضان مبحط على رصيف شارع الكورنيش بتفقد الرايح والجاي ويمكن اشوف ليلى هناك ويمكن اشوف عبلة ويمكن اشوف ام رياله او ام خنانة او ام بربور او ام حنيك وبصراحة ممكن اشوف القرد ... بس مش ممكن نهائيا اشوف خلقة كامل ...بتئرف كتير ...ياي . |
رد: حبطرش ؟؟.
سميرة توفيق بتغازل ياسين بقوش وتقول له بيع الجمل يا محمود ........ بسيطة ...
ذهبت ادراج الرياح كل خفقاتي طارت كل حمائمي احترقت كل فراشاتي ذبلت ورود الحب والهوى وانت لا تشعرين سقطت معاذير الغرام وتناوحت احلامي بك الوداع الوداع ... اني اراك في جوار الموقد اخذت هنالك مقعدي .... بالوصف ذات المقعد واراك تمنحها يدا مسلوبة ........ذات اليد .. الله يرحم فايزة احمد ومحمد سلطان خمسون عاما وانا ابحث ..كما فيروز على مداخل عكا ... خمسون دهرا اهيم في سقف السيل وجسر الحمام وطلوع الحايك وقهوة خبيني .. اه عليك يا حبيبة . الله يستر من هالنهفات مررت من امام مقهى السنترال حيث كنا بنقمر( يعني بنلعب قمار ) على قدنا ... ايام زمان وبنلعب شكت عن شوية برايز ... ومررت من امام سوبرماركت نفاع حيث كنا نلطش قزايز البيرة من الثلاجة وندحشها تحت البنطلون سوكرجيا كنت .......... لا ازال اذكر رباعيات (يا عم اعطيني بنتك واجعل الله خذاها ).. وتذكرت مرور هتلر وماركس ونابليون رموزالمهابيل لا تنسى في عمان وتذكرت فاطة السلطية وجميلة العناتية وغيرهن ... صديقي ابو عيطة .. واحد مقحف ..وهامل كل يوم دوام بالمدرسة بنروح على القهوة بنلعب طرنيب او تركس وقراية ودراسة .. ما في...... سلامة تسلمك قال ابو عيطة ولا يهونو السامعين اتحب ان تذهب معي الى سينما عمان ..بقولو انه فيها فلم من كعب الدست كله طخ بطخ .. او شو رايك نروح على سينما دنيا فيها فلم سكس وما بقطعوش منه وبجيبو مناظر خارجية .. قلت له طيب يا هامل يا ابن الهامل معاك شماغ احتياطي ... علشان نتلثم ونروح على سينما دنيا وما حدا يعرفنا ..... بلاش نوكل هوا ونخسر ثمن التذاكر 14 قرش ... دخلنا وصديقي سينما دنيا ... احسن سينما بالعالم .. المهم الفلم كان بواد ودعاية الخارجية بواد . الفلم كان تركي مصدي المهم بلعنا الخازوق وقعدنا ندخن بعد حوالي نص ساعة تم انارة الصالة للاستراحة خرج ناس ودخل ناس .. انتهت الاستراحة وجلس الناس قبل ان يتم اطفاء الانوار .. تعلق بصري بشخصا اما يجلس ... انه هو بالتاكيد ... اكاد اجزم واقسم انه هو ... قلت لصديقي ابو عيطة ..ولك يا ابو عيطة مش هاظاك القاعد قدامنا ابوك يا ملعون الوالدين .... .. كان ابوه بالفعل خرجنا نسابق الريح .. وفي الصباح التالي كانت القصة على لسان كل طلاب المدرسة .. وكل قهاوي الهاشمي الشمالي .ولكل عيال الشوارع .ولكل محلات الخضرة وموزعين الغاز ولعيبة الفطبول وفرقة الدبكة والدحية ... الخ . . والفضل لمحسوبكم ... بعد التوجيهي نجحنا كلنا ما بعرف شلون ... المهم اخونا ابو عيطة اصبح مواطن ايطالي اللان بعد ان تزوج طليانية بتفك عن المشنقة ... بس لسة بذكرني بفضيحة السينما ..تلك كانت عمان اجمل مدن الدنيا |
رد: حبطرش ؟؟.
جمل يركبك وينزل ركبك فى حنكك
ابو قنوه لقد شهتك فى الاسواق زى الملخوم بتشترى سداسد وخماسى ومنهبل مع رمضان ويسعد شاليشك قولت جدتى القذله منك فوق العين بترف والطول طول هبل والقحل فى العين ما ينبل من دمع الخوف والخجل منك يا ابو قنوه لن الريح والجي على الكرنيش بعطيك المقسوم الله يمد فى عمرك الى ام الاولادواشوفك على عكزة الزمن فى نادى المهن مع فرقة العقبه الى نصهم فى خلل دمت بود يا غالى |
رد: حبطرش ؟؟.
:hh21: رمضان كريم انت هيك يا ابو قنوة اعطيت كامل من حسناتك واخدت من سيئاته هو انت ناقصك يا ابن الحلال؟؟؟؟
بالك هو انت شو كنت تحكي ما سمعت منيح؟؟؟؟؟؟ هي كانت تقوله بيع الجمل يا علي ،،، بس علي مو هون يلا الله يعينه الجمل |
رد: حبطرش ؟؟.
زمان كنت اشم كل طبايخ الحارة برمضان
اليوم خشومي مسكرة ما بعرفش ليش ممكن الطبخات صار مالها طعم ولا ريحة ولا لون مثل قرارات الحكومة وممكن خشومي انشطبت وبطلت تشم من الدخان والسجاير . على كل حال السيجارة عندي بعد الافطار بتساوي كل العالم .. وممكن ارتكب جناية علشان سيجارة بعد الافطار . الناس تغيرت وصارت بلا حس ولا زوق ولا همة ولا ما يحزنون .. في عام 1932 كنت مارا من وين من عند المستشفى الايطالي بعمان يعني من شارع بارطو .. المهم كنت بدور بالبالة عن حيشاكو كندرة نمرة 47 الكندرة هاي ليست لي لكن وصاني عليها واحد صديق عزيز .....كانت السنة سنة توجيهي .. واحنا كنا شلة همل طول نهارنا بالقهاوي وبالسينمات او بنلعب فطبول بملعب توب تن بالهاشمي او بنروح نحضر مباريات الاهلي والجزيرة . في النهاية لقيت كندرة لونا شمامي وسعرها 1.25 لاغير . لفيت الكندرة بجريدة الاخبار التي كانت تصدر وقتها وطلعت من جرباني سيجارة اف . ال يعني فيلادلفيا احسن دخان بالعالم .و نتعت الكندرة وكأني ناتع بطارية صواريخ ارض بحر وذهبت الى سرفيس خط 15 عند المدرج الروماني ايامها ودفعت 3 قروش وركبت مرسيدس ابو جمعة طراز 190اس ال ...ووصلت نهاية الخط الى صديقي وناولتة الكندرة على راسو وناولني قيمتها .. المهم بعد هيك قلت له لمن القوارب البحرية هاي واقصد هنا الكندرة .. ان شاء الله مش الك او لابوك .. قال لا ..انها من اجل عمك ابو خليل .. وابو خليل لمن لا يعرف كان عم او خال او جوز خالة او ابن عم او خال ابن خال جدك لكافة طلاب المدرسة الهاملة والكندرة كانت هدية له لكي يتواسط لصديقي ليعيدة على المدرسة ويحضر على انه ولي امرة . ابو خليل كان يملك بقالة نشترى منها راحة وحلقوم وبيبسي وساندويش مرتديلا وحلاوة . . على دوار نقاوة ونقاوة او عبدة نقاوة كان يبيع جرار غاز على الدوار مقابل عبد الاحول الحلاق الخاص بحضرتنا ايامها عند ابو خليل ..كنا نلطش بزر وقضامة وحلقوم وكعك اكثر ما نشتري كنا لصوص صغار .. ابو خليل كان ابو المدرسة كلها .. قبل ايام قرأت اسم ابو خليل في الجريدة .. ابو خليل مات حزنت كثيرا وتمزق قلبي وكانما المدرج الروماني كله اختفى او ان جبلا من جبال عمان لم يعد له وجود ..... ابو خليل مات ..... سامحنا يا ابو خليل على كل سرقاتنا الصغير .. رحمك الله ابو خليل .. . |
رد: حبطرش ؟؟.
جرايدنا هاملة
كل اخبارها نفس النسخة مش معقول.......... ان تطابق الاراء والكلمات بين الصحفيين لدرجة التطابق في الاسم والعنوان والنقاط. مش معقول واحد كان موظف ما حدا بعرف عنة يصير بيوم وليله صحفي مش هيك بس بصير رئيس تحرير .. مش معقول مسلسل الجرايد الى ما فيها غير الدعايات ... نفسي اقراة السفير بتعب كثير ا لما القاها ... مليت خرط الراي ومعط الدستور.. وامريكية الغد . مليت |
رد: حبطرش ؟؟.
مجلة كويتية : مهند سيقوم باداء مناسك العمرة
طباعة الموضوع طباعة الموضوع مع التعليقات 2008-08-25 والذي يعرض حصريا على قناة mbc، بدعوى أن المسلسل يدعو إلى الرذيلة، على الرغم من أنه يؤطر العلاقة الزوجية بالحب والتفاهم والمودة والرحمة ويدعو إلى لم شمل الأسرة والعائلة. في الوقت نفسه ذكرت مجلة المجالس الكويتية أن بطل المسلسل التركي "مهند" يستعد لزيارة الأراضي المقدسة لأداء مناسك العمرة في شهر رمضان المبارك. وتحت عنوان "مهلا يا فقهاء مصر والأردن والسعودية.. هل مسلسل "نور" يدعو إلى الرذيلة فعلا؟"، ذكرت المجلة "أن بعض الفتاوى وصفت مسلسل "نور" التركي بأنه منحط ومنحل ويدعو إلى الرذيلة، لكن المجلة تساءلت "لماذا هذا المسلسل بالذات؟ مع أن المحطات الفضائية الخليجية تعج بالمسلسلات الأمريكية والسورية التي فيها ما يقف حياله مسلسل "نور" خجلان مستحي!". وأجابت بقولها إن "مسلسل "نور" سبب ضجة ومتابعة، ومعادون لأي برنامج ناجح، ليحرجوا المشاهدين ويحسسونهم بالذنب، ويتلذذون بذلك"، وتساءلت المجلة عن المسلسلات الأخرى التي عرضتها قناتي mbc وLbc، مثل مسلسل "الملك فاروق" وعبد الحليم أو سعاد حسني، كما تساءلت عن برامج ممثلي هوليوود والأفلام الأمريكية على القناتين mbc2 وmbc 4. (((( انهى الخبر ))) المهم مهند بدو يؤدي العمرة .. وممكن نور ام شدوق تكون معة .. يعني بالعربي الفصيح رايح .. امسكهم بمكة .. وعينك ما تشوف الا النور .. بوحدة من زواريب مكة بريحكو منه مش رايح اذبحة ولا اسلخو موس كباس ولا رياح اهبدة بالقنوة على راسة .. بس رايح ابلغ عنه هيئة الامر بالمعروف والنهي عن المنكر .. شو رايح اقوللهم بسيطة جدا ... رايح اقوللهم هاذا الساقط مهند ولية متنكرة بملابس رجل وبلحقها بتهمة انه بدخن بالشارع . |
رد: حبطرش ؟؟.
رحنا واجينا مثل كل سنة
تعب شديد وهوشات بالرحلة وغم بال وما تنسى تجيب زمزم وما تنسى تجيب سجادة وما تنسى بدنا سبحة اصلية .. واحد بدو بخور .. وما تنسى .. كله صنع الصين لشو الغلبة .. الى ما بعرف من وين يشتري الخردوات بدلو عليها بالععبة .. كل المحلات خردة ... السنة هاي نسيت كل شىء تيتي تيتي مثل ما رحتي جيتي والي مو عاجبة يبلط البحر .. |
رد: حبطرش ؟؟.
تقبل الله عمرتك آمين
فكرة حبطرش حلوة كتييير و قصصك حلوة كتير الله يهدينا ويهديك والله يعينك عصبي وما بتحب العوج بجد الوضع هيك صعب كتير انا ما بحب العوج بس هادية كتير يعني اهون بلى تسسلم بجد تسليت كتير لما شفت الاسم استغربت بس بعدين بيضتها الله يعطيك العافية |
رد: حبطرش ؟؟.
مشكور يا ابو قنوة
موفق بإذن الله ... لك مني أجمل تحية . :191[1]: |
رد: حبطرش ؟؟.
العفو يا حبابي الله يسلمكم كلم
بنخش بالموضوع بتاع اليوم ... في رمضان وكل رمضان بتبلش بالعقبة جرائم القتل اليومي ... والمقصود هنا تحديدا حوادث السير القاتلة .... امس فقد قتل 3 اشخاص بساعة الساحور على طريق ميناء الحاويات . وقبل ذالك بنت 6 سنوات دعسها باص مدرستها ليش لانه الشوفير مستعجل بدو يروح عند مرته ام بربور . وقبلها واحد بمنطقة المعامل وقبلها واحد شمطته بي ام وراح فيها ... شو الاسباب ....... معروفة الناس خلقها مش ضيق لكنه مسكر خالص والشبيحة نازلين تفحيط بالشوارع .. والشوارع خالية من المركبات بساعات الشوب والسواقين طيران ... واهمل شلة منهم شلة دلوعين الماما وحبايب البابا هذول بالذات بتمنى واحد منهم يدعسني عن جد ويكسر عظامي لشو .. حتى افش غلى بالماما والبابا والهاني ابنهم والعن سنسفير ظهر معقبهم من 800 سنة وجاي .. اما الهمل الثانيين من الشوفرية فهم شفرية التكاسي ابو لون اخضر دول مش شايفين حدا قدامهم مع انهم طفرانين ويدوب يسكرو كمبيالات التكسي والواحد منهم مش مبين من ورا الاستيرنج.......... وبس يصير حادث ببلشو رعط كانهم فهمانين قوانين السير ولما يطلع الحق عليهم بصيرو بدهم يبوسو الكنادر والحفايات ..ليش عم بصير هيك مش عارف .. بس باين انه احنا بنحب الرعط وبنحب مبدأ شوفيني يا جارة .. وبنحب يقولو عنا انه فلان ماشاء الله عليه .. . رافقتكم السلامة |
رد: حبطرش ؟؟.
اليوم الثاني من أيلول... من رمضان
يوم خاص, وأنا موجود حالياً في مكان قريب جداً منك, وبعيد جداً عنكِ. وأتذكر قصة للكاتب المصري »موسى صبري« اسمها »حادثة النصف متر«. وتروي »حدوتة« عن رجل وامرأة التقيا وقوفاً, ودون سابق معرفة, في باص مزدحم من باصات النقل العام. يحدث هذا كثيراً في »القاهرة«. ويحدث عندنا ايضا: رجل وامرأة يقفان وجهاً لوجه على مساحة لا تزيد عن متر في باص مزدحم. ويؤدي تدافع الركاب الى اقتراب جسديهما في ما يشبه العناق مرّة تلو الاخرى. ويشعر كل منهما بالآخر: حرارة الآخر. ويعرف كل منهما ان الطرف الثاني سعيد بما يجري. ويتمنى ان تدوم رحلة الباص الى الأبد. اليوم الثاني من أيلول, وهو يوم خاص. وهو اليوم الاول لي في مكان يبعد عنكِ نصف متر فقط: هناك قوة تدفعنا الى الاقتراب اكثر فاكثر. لا تقولي انهم الركاب الذين يتدافعون حولنا في الباص. لسنا في باص اصلاً. كل ما في الامر اننا في حفل توزيع طرود »تكية ام علي« في مبنى البلديه القديم بالعقبه نلتصق جنباً الى جنب دون مادة تساعد على ذلك. وعبثاً نحاول تفكيك بعضنا في »هذا الجو الايماني« رمضان كريم والجميع اخذ ؟؟؟ ... وابو جريد اخذ؟؟؟؟ وراحت على ابو قنوه ..؟؟؟ لا ما راحت على ابو قنوه ..؟؟؟ لانه اخذ في العمره ..؟؟؟ ما في حد احسن من حد وهناك الاجر عظيم مو زي هون ؟؟؟؟ والكل مدعو يوم الوقفه من اجل الالتصاق لتوزيع بطاقات شحن الشرف والكرامه!!! فئة كل شي بعشرة قروووووش . |
رد: حبطرش ؟؟.
شو بدك توزع لتوزع بدك بدل تكية ام علي تكايا ..
العالم حتوكل بعضها . والناس ذبلانة مش مهم ............. مش مهم تكوني حدي حتى غنى مش مهم الصوت يودى ويحكي عني انا ما بكتب يا رفيقه ما بعزف جملة موسيقى انا ما بلحن ما بغني الا لفني وانت فني .. ******** هيدا الي طلع معي حكيت من الاول ان الموضوع كلة ................... حبطرش |
رد: حبطرش ؟؟.
ابو قنوة بكافة فروعة يهنئكم بعيد الفطر المبارك اعادة الله عليكم وعلى الاردن و الامتين العربية والاسلامية بالخير واليمن والبركات .
|
رد: حبطرش ؟؟.
|
رد: حبطرش ؟؟.
والله والقايل
|
رد: حبطرش ؟؟.
لد جاي يا ابو قنوة
حين يبدأ الانجليزي حديثه فانه يقول (Will) ثم يدخل في النص مباشرة، لغويا فان (Will) لا تعني شيئا وليس لها معنى وهي الكلمة الوحيدة في اللغة الانجليزية ربما والتي حين يكون موقعها في بداية الجملة تكون بدون المعنى،.. ولكن الانجليز يفسرون الامر على انه في بداية الكلمة يكون استلالا اي تنبيه المستمع بأن ثمة كلاما قادما. ... في بلادنا ثمة ألفاظ للاستهلال في الكلام وهي ليس لها معنى، منها مثلا «لد جاي».. واحيانا يقولون «هيه».. وثمة كلمة اخرى يستخدمونها للتنبيه وهي «يا شين». ... لدينا تأكيد للاستهلال ايضا فحين يقول المتحدث «صلو ع النبي» يرد الحاضرون «اللهم صل على سيدنا محمد».. فيرد مرة اخرى «زيدو النبي صلاة» وربما يسحب «الشوط» الساعة على هذه الشاكلة. ... الاستهلال مهم في الحياة، حتى قبل الدخول للمنزل هناك استهلال مشهور عند الاردني فهو يقول «إحم م م م» اي «يتنحنح» وهذه شيفرة سرية من اجل دخول الحريم الى الغرف المجاورة واحيانا يتم الطلب من الضيف بعد «الاحم م م م» بأن ينتظر قليلا على الباب، لان الحريم «مفرعات» اي بدون اغطية رأس. ... مرات بعد «الاحم م م م» تسمع دوي بسقوط برميل، زنة «الف كيلو» فيخيل اليك ان احد سقوف المبنى قد انهار، لكن الحقيقة هي ان احدى الحريم تكون قد دخلت بسرعة عارمة الى الغرفة كونها «مفرعة» وربما اصطدمت «بحائط» مما تسبب بهذا الصوت، وهذا الامر يعطيك ثقة بأن «الاحم م م م» قد اعطت نتيجة. ... اريد ان اسأل ماذا تعني «إحم م م م» لا شيء سوى انها استهلال وتنبيه. ... لم تخسر الحكومة عندما تقول قبل اي قرار «إحم م م م» او «لد جاي».. او حتى «صلوا ع النبي». وكل عام وانتم جميعا بالف خير بس صلوا على النبي |
رد: حبطرش ؟؟.
الغالى ابو الحجايا
will وال الله عليك وعلى ابو قنوه هذه بدية حديث الحكومه الى كل من يتعدى عليها ما الها الا رفع الاكف الى السماء وتقول وال الله على كل من يعارض مشاريع الهف فى البلد ويريد طرد الاستعمار حتى فى عيدان الكبريت كله حبطرش |
رد: حبطرش ؟؟.
وين العقول
من الجهل وين الحكماء من ابناء هذه المحافظه الحافظه الى القيم والعادات الجوع يعمل اكثر من هيك فى الفقراء ولكن الاغنياء من قال الهم يعملو هيك بداء الزمن يقترب من ضهور الدجال على العالم احذروه |
رد: حبطرش ؟؟.
صديقنا »ابو قنوه« ما يزال مصمما على اتهام الحكومه بأنهم »انبطاحيون«: أنا لا أستغرب وجود بعر غنم في طنجرة الطبيخ. البارحة, البارحة فقط, قابلت في الطريق طفلا رضيعا يتوكأ على عكاز: من المؤكد انه ذاهب للمشاركة في جنازة اقيمت على هامش الافراح عند الجيران بالعيد : أنا لا أهذي, ولكني احاول الارتقاء الى مستوى التخبيص الذي بات مألوفا في الساحة السياسية الاردنيه . »الانبطاح«.. كنت طفلا أنذاك, وكان الكبار يتوقعون حدوث غارات ضمن فعاليات حرب حزيران, واتذكر ان رجال الدفاع المدني قالوا ان »الانبطاح« هو الاجراء الوحيد لتفادي الموت وقت الغارة. فكرة معقولة... ولكن الكبار اختلفوا في الرأي: هل يكون »الانبطاح« على البطن, ام على الظهر? صديقنا »ابو قنوه« لم يحدد. لا يحدد. يثرثر فقط: هذا »منبطح«, وهذا »مطبّع«, وهذا عميل, وهذا منتفع ومتواطىء.. وغيرها من التراكيب التي يمكن ادراجها في سياق السخف والابتذال.. الكلام مهنة: أنا اكتب, وارد . و .... و و»الجعير« مهنة كذلك: هو يشتم, ويلعن, ويستثمر صرير قلمه في المنتدى لحتى يلعن ابو مذاغت الي خلفونا انتصارا لابو صابر حبيبه. من منا »المنبطح«? احنا ولا حبيب ابو صابر ... انا لا اردّ على أحد, ولكني بدأت الاحظ أن »الادمغة« تحوّلت الى »نخاعات« في مطاعم الوجبات السريعة. وأن الألسن شرائح »مرتديلا« فاسدة في المزبلة. وان الاعين مركونة في المستودعات باعتبارها »خردة« صدر فيها قرار اتلاف. بعد ما سخروا الطفايله تحويشة العمر في شختك بختك عالدولاب..!!!؟؟؟ قال بحبك يا حمار ... والله بحبك يا حمار ومية ورده !!! عجبك هيك يا كامل ؟؟؟ |
رد: حبطرش ؟؟.
العجيب الغريب انه كامل بستنى ظهور الدجال
كانه ما بشوف حالة كل يوم الصبح بالمراية ......... عجيب زمان ........ يعني زمان ... قبل كم سنة .. ايام الجاهلية كنت قاعد بمعط على بار الاكومارينا قعد جنبي واحد شبيح ازعر ... وانا بحب الزعران علشان هم اصلا نشامة .. بس الناس ما بتفهمهم ..................... المهم اخونا بالله............ قعد جنبي وكان معة وحدة ايطالية ومعها امها الله وكيلكم الام احلى من بنتها ........... المهم ............سولفنا وانا عيني على الام ........... وهو قال لي انت طبق الام وانا بطبق بنتها وبنصير حبايب الام كان قالب عدادها ... يعني بالعربي ... حلقتلي رغم طول باعي في الخرط والعرط والتشبيح ورغم اني ازعر ... وقطاع طرق ... حلقتلي وحلقتلها ........... المهم .............. المهم بالموضوع عندما اراد الازعر ان يذهب شو قال للطليانيات الي معا قال مايلي : ........ (( او كي جو (go) خن جو ) على وزن روح خن روح .. هو قالها ومحسوبكو فقع تحشيشة ( يعني ضحكة بتدوي دوي ) وطحت على ظهري من كثرة الضحك . المهم ... والمهم مرة اخرى . اخونا ابو معمر بقول انه زمان لما كان زغير بالعمر ............................ كانه كان زغير بالعمر الا اذا ابو معمر بقصد قبل ست سبع ميه سنه .........هيك بنصدق . المهم .......................... مش مهم . |
رد: حبطرش ؟؟.
تداعى العالم كما الغنم على قفة الشعير
لماذا تداعى العالم السبب بسيط ... امريكا بعظمتها وبقضها وقضيضها على حرف الخا ......... بريطانيا ام الراسمالية صارت بتأمم بنوكها وحق البنك الواحد في بلجيكيا الهاملة 12 مليار ......... تصورو الوضع جميل جدا ........... والله يزيدهم 750 مليار لدعم بنوك بدها تقع بامريكيا اليابان تضخ 13 مليار دولار الدول الوروبية تضخ 120 مليار بلجيكا ولوكسمبرغ و مش عارف مين تضخ 10 مليار هبوط اسعار النفط الى 90 دولار وان شاء الله يصير البرميل بشلن خلينا نتجلى ونشحط بعواياتنا . دول الخليج مش رايح تسكت طبعا وكل الى حوشو بارتفاع النفط رايحين يكتو علشلن قرايبنا عيال بوش . الازمة تتصاعد ازمة ثقة بالبنوك ازمة ثقة بالرهن العقاري رواتب مدراء البنوك وتعويضاتهم تصل لغاية 450 مليون للشخص الواحد عمليات بيع اسهم فرارا من الخسائر ... وعلى ذكر بوش الى قرب يفارقنا هو سبب الازمة لانة وحسب استطلاعات الراي من اكثر رؤساء امريكيا غباءا ... ركز معاي العراق لعنت سنسفير ابو الى عقب امريكيا 5 مليار دولار نفقات ثابتة للامريكان بالعراق زيد عليها نفقات طواري ونفقات قتلى ودمار معدات واليات ونفقات نهاية الخدمة واعمال اضافية ونفقات اصلاح ابار النفط علشان يلهفوها ونفقات اعادة اصلاح بعد التدمير ونفقات اعادة اعادة اصلاح بعد اعادة التدمير اضرب الناتج بعدد اشهر السنة وبعدد السنوات وزيد على المجموع المساعدات الامريكية للحكومات العراقية يعني يا حبايب امريكا شغلها بالعراق مثل حراث للجمال ... وبعدين ابو البشابيش بوش ولد بوش سلخ اسرائيل محطة انذار من طراز حديث يصل مداها لحتى ايران ... وسلخهم 25 طيارة من طراز اف 35 وهي احدث طيارة بالعالم وما في مثلها حتى بالجيش الامريكي وبعدين وعدهم بخمسين طيارة من نفس الطراز كل هذا والزلمة مفارقنا بدو يضمن امن الكيان الغريب .. لكن هيهات هيهات .... اسرائيل يا جماعة ما رح تكون موجودة بعد سنة 1022 اذا مش قبل هيك . هيك الاراء وهيك الواقع والتاريخ وهيك الصحيح خلينا نرتاح من هالجرب الى زرعته بريطانيا فينا الله لا يرد امريكيا ولا بريطانيا ولا اسرائيل الى مزبلة التاريخ ... |
رد: حبطرش ؟؟.
زمان
لما كان للحمار عز والعنز بنص نيرة زمان لما كان ترك نقل الطحين الاحمر ماركة فورد يجوب جبال عمان ولما كان سعر كيلو السكر قرش ونص ما كان عندنا مشكلة المشكلة اليوم هي تكوين الذاكرة الوطنية للاجيال القادمة زمان ما كنا نعرف غير علكة سهم وعلكة شعراوي والراحة والحلقوم والبيبسي والميرندا وعبد الحلاق وابو كريم سايق باص خط 14 وكان التلفزيون يفتح على الستة وبرامجة تمام التمام ولحد اللان حافظها خذ مثلا برامج القناة 3 الافتتاح بالسلام الملكي ثم بالقران الكريم صور متحركة فلنستون وبعدين اما برنامج الصحة والحياة او مع المزارع والحج مازن القبج او مضافة ابو محمود او العلم والحياة وبعدين مسلسل دكتاري او مسلسل جحيم المعركة او مسلسل بيتون بليس على الثمانية الاخبار ثمانية ونص المسلسل العربي بعدين يا فلم مصري يا جرب حظك القناة6 بتفتح على السبعة وفيها مسلسل اجنبي يا منكس يا هواي يا ايرن سايد المحلات بشارع الهاشمي كنت حفضها عن غيب وبتعشلق بالباص تبع ابو كريم لما ارجع على الهاشمي والهاشمي جبل غريب عجيب الهاشمي جبل كرة قدم بامتياز وما بحكي سر لما اقول انو كنت بلعب بنادي شعبي هاذا النادي مسح الارض بالرمثا وبالجزيرة وبالوحدات وكانت مباريات الدوري بتلاقي فيها كل اهل الهاشمي واهم المباريات كانت بين الجزيرة والفيصلي وكنا بنط من فوق اسوار ستاد عمان لانا مشطوبين ما معانا قروش ندفع قرشين حق التذكرة .. وايام المدرسة كنا يا صباحي يا مسائي اذا صباحي بنفل الساعة 9 يعني على الفرصة وبرنوح يا نلعب فطبول يا على قهوة ابو محمود بنفت بلعبة هند او طرنيب اذا كنا بدوام مسائي بنروح الصبح نلعب فطبول وبنفل بعدين على القهو وكان عندنا مدير الله يرحمو اسمة ابو وائل كل يوم يكبسنا على القهوة والي بمسكة لازم يجيب ولي امرة والمرحوم ابو خليل كان ولي امر ثلاث ترباع عيال المدرسة المهم ابو وائل انجلط ومات من ورانا الله يرحمة مدرسة الهاشمي كانت اهمل مدرسة بالمملكة الاردنية الهاشمية بلا فخر وكنت انا بالصف الثالث الثانوي ح وكان هذا الصف اهمل صف بثانوية الهاشمي بلا فخر وكان محسوبكم اهمل طالب بالثالث ثانوي ح بلا فخر ... يعني محسوبكو خبير همالة من زمان كنت بجيب كل هبايل الهاشمي والمشطوبين والسوكرجية وبقعد بالصف علشان يحضرو دروس وكنت بجيب بالشتا بابور كاز او بولع حطب بالصف ومرات بجيب صفيرة علشان ان دار لمعلم ظهرة فقعته تصفيرة من كعب الدست ... ومرة روحت لوح الصف معي على الدار لانة كان لازمنا علشان نغطي خم الدجاج ومرة رفشت ببطن استاذ اسمة جبرا لانه قال عني مجنون وطردوني شهرين ... ومرة نقلوني تأديبي على مدرسة التاج وثاني يوم زقطني مدير المدرسة وكان اسمة رستم بدخن بالصف علشان واحد فسد عني رستم الله يسهل عليه طردني تاديبي ورجعني على ثانوية الهاشمي . ومرة قبل حصة الانجليزي مسمرت باب الصف من الداخل وعملناها دبكة ومرة طلبت اذن من استاذ التربية الاسلامية علشان اطلع اصلي ...... وكانت حصته اخر حصة..... وكان المسجد على السطح وكان اليوم هو يوم الثلاثاء .. المهم فكحت من المدرسة لاني ما كنت اصلي ..... وغبت اسبوع بحالة .... ولما رجعت على الصف ما طاب لي ارجع غير يوم الثلاثاء..... التالي وبنفس حصة التربية الاسلامية ......عند الاستاذ فتح الله الذي كان وزنة 168 كم وطولة 2.4سم ...... فتح الله شلح عقالة ولحقني بكرادور المدرسة وانا طاير مثل البزرة قدامة .......وينيك يا قهوة ابو محمود... واول مرة شفت وحدة لابسة فوق الركبة كان اسمها عهود ....... وكانت تمر من قدام دارنا وهي مروحة ولابسة تنورة فوق الركبة لون ازرق سماوي ... اخذت الارض وكان معي نقيفة سلوك مش نقيفة حجار لانة نقيفة لاسلوك بتهري الوبر .. المهم سلختها بالنقيفة على موخرتها يعني على البطارية تماما .... وسمعت تأوهاتها..... واسرعت خطاها بعد كم يوم كمنت الها علشان اقنصها بالنقيفة بين الشجرات ...... وانا مبطوح بجهز وبعاين علشان اجبد عهود مرة اخرة ......وقبل انطلاق القذيفة الى التنورة اياها لقيت واحد دعس برجلة على ظهري........ لديت لفوق واذا هو رحمة ابوي. ... يومها اكلت كتلة نصها موت وما بوكلها حمار ........ وعلقني ابوي بشباك الحمام..... رجلي فوق وراسي عند ارض الحمام وبالعربي خشومي على مصرف الحمام بالتمام ......وما همني كل ترفيشة البطن الى اكلتها ولا سمط العقال كل الي كنت خايف منه ..... يسحل البنطلون عن رجلي ويبين بكيت الفليدلفيا من تحت الجرابين .... بس ربك سترك غيض من فيض ايام زمان احسن من ايام الخصر المازط تبعتكو للموضوع بقية ... |
رد: حبطرش ؟؟.
لأكثر من مرة أراى فليم وثائقي من خلاله يحاولون الأمركان
في مدينتهم المشهورة (هوليود) لأنتاج فليما وثقائقيا يبرورون أفعالهم مع العراق وقد أخرجو الفليم على شكل دعابة وسخرية أنهم حرورو العراق من قائدها السابق رغم عنه فلم أخر يحكي لنا قصة رؤوس الصورايخ النووية التي باعتها روسيا لأيران وتخيلو سعر الراس الواحد 200 مليون دولار وفي الفليم يحكي كيف الأمريكان أصبحو أبطالا حين اوقفو هذه الصفقة رغم أنف الجميع ولكن لا يعلمون أن أيران كدست مستودعها بتلك الروؤس والمواد الكمائية سرا قبل أن يكون لهذا لمؤلف لهذا الفليم ذلك الذكاء الذي اسميه أغباء ذكاء ما زالت تلك الخدع التي يمارسها الرئيس الأمريكي الى الأن هي بمثابة أخذ (( ثأـر )) نعم يأخذ بثأره لليهود من ذلك الهتلر وقد تذكرت تلك المقولة لهتلر في كاتبه (( كفاحي )) انه أقسم ووعد بأن لا يقتل جميع اليهود ليكن الباقي منهم شاهدا على نسلهم لكي يقتلهم قهرا فهل حرب (( النازية )) ستعود يوما وتدمركم او سيكون مصيرك يا أمريكا مزبلة التاريخ وسيكون هناك حربا عالمية أخرى تنهي العالم منك الى الأبد !!! فمتى سنراك فعلا داخل كتب التاريخ تحت مسمى {{ الدولة العظمى أمريكا أصحبت في مزبلة للتاريخ الأوربي }} فمتى تتوقعون ستكون هذه الدولة سينتهي جبروتها وقوتها على العالم بأسره... اتمنى تعجبكم هذه المزبله .. |
| الساعة الآن 08:52. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
new notificatio by 9adq_ala7sas
Developed By Marco Mamdouh
جميع الحقوق محفوظة لشبكة و منتديات صدى الحجاج