|
مميزات المواطن الاردني
راتبه الشهري 200 دينار وبصرف 500 كيف بعرفش متابع خطوط الموضه خط بخط واللوك الخارجي قبل كل اشي فطور يوم الجمعه فول حمص وفلافل والغدا يا مقلوبه يا منسف نص السيارات بالطريق بسوقها بنات اللي بربح جوائز البنك دايما واحد منتف منين عندو رصيد أبعرفش دايما فاضحين الفقراء المستورين على التلفزيون قال بدهم يمدوا يد المساعده كل أب عندو ثلاث في الجامعات واحد في ابعد جامعه حكوميه واتنين في خاصه فاتورة الكهرباء تلت ارباع قيمتها مالوش دخل في الكهربا تسعين يوم بالصيف بتقضيها في الاعراس والفاردات لازم تعمل رحلة لو مره بالسنه يا لوادي شعيب يا لدبين وباقي الرحل المحليه للحدائق كل عيله فيها واحد او اكتر مغترب يا في الخليج يا في امريكا ما في مدرسة بنات إلا حواليها ألف شب واحد سايق زعره اكزوزتها مخزوق وسيستم تبع صالة أفراح كل مواطن معو خطين موبايل فاست لينك أساسي والتاني لبعد الساعه 11 ولا واحد فيه رصيد لأنو الرصيد بينحكى فيه دفعه وحده مزيعين التلفزيون بتشوفهم من اول ما تنخلق لحد ما تموت إذا انسئلت عن اسم فنان أردني بتزكرش الا عمر العبدللات مشجعين القدم يا فيصلي يا وحدات التسوق الشهري لازم من المؤسسه المدنية او العسكريه سهرات الصيف كلها على البرنده اللي على الشارع كل الدنيا بتحسدنا على عدد عطلنا عشان هيك شطبوا نصها |
رد: مميزات المواطن الاردني
ههههههههههههههههههههه
بصراحة احداث متوالية انحكت بقلب كوميدي جميل الشي اللي عجبني بقى و ضحكني عن جد حكاية المذيعين و الفنانين تحية من القلب للقلب للغالية ميسم الجنوب الف شكر |
رد: مميزات المواطن الاردني
كل الدنيا بتحسدنا على عدد عطلنا عشان هيك شطبوا نصها
هههههههههههههه والله انه مميزين نحنا الحمد لله فش حدا بشبهنا لهيك مش راح نضيع بالزحمة تسلم اديكي ميسم على هالنهفات |
رد: مميزات المواطن الاردني
صدقت ميسم الجنوب صدقتي ...
يعني شعب بعطل 52 جمعة .. وخمسة وتسعين ذكرى وسبعة واربعون مسيرة واثنين وثمانين مظاهرة .. ومية وثمنطعشر عيد وطني وقومي وديني .. وشعب بنام نص عمرو وربع عمرو بحلق دقنه والربع الاخير مبحط على الفضائيات ... لو اني محل الحكومة بدفع عن الناس فواتير الكهربا والمي والتلفون وبصرف الهم مواد تموينية ... وبخليهم قاعدين ببيوتهم ..اريح بلا شغل بلا بطيخ ............................ |
رد: مميزات المواطن الاردني
مشكورة يا خت ميسم
:hh13: |
رد: مميزات المواطن الاردني
ههههههههههههههه حلوين
|
رد: مميزات المواطن الاردني
والكشرة وين الكشرة....حلوين
:hh13: |
رد: مميزات المواطن الاردني
اي كشرة يا نجمة مش هيك بتضحكي ههههههههههه
لازم تعمل رحلة لو مره بالسنه يا لوادي شعيب يا لدبين وباقي الرحل المحليه للحدائق هاي ما معك فيها حق لانه وفي السنة بطلع رحلة ,, قصدك في العمر ممكن والله اننا بنخزييييييييييييييييييييييييييييي ,, بس ما احلانا والله بنجنن يأبر ألبي الاردني ما احلاه |
رد: مميزات المواطن الاردني
جلد الذات مش منيح الكم ايها الشعب الكريم
انا معى سياره زعره وسياره الها ذنب وبروح كل سنه شطحه برى البلد اما البلد عارفها فى الشبر دمتى ميسم الجنوب على الحكى الجميل |
رد: مميزات المواطن الاردني
nice from you maisoum
|
| الساعة الآن 21:36. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
new notificatio by 9adq_ala7sas
Developed By Marco Mamdouh
جميع الحقوق محفوظة لشبكة و منتديات صدى الحجاج