موضوع من زمان لازم ينزل

[دانا]

مرحبا ... مساء الخير... صباح الخير ... ما بعرف متى رح تقرؤوا الموضوع بالمسا ولا الصبح اجيبها من آخرها
السلام عليكم ورحمة الله وبركاته



كيفكم ان شالله تمام ؟؟؟ ...
انا طول ما انا بهاد المنتدى بمشي بجنب الحيط وما بتدخل بحدا ... بس الصراحة صار في شوية اشياء بدها فشت غل ونفس طويل كمان...




انا لما طلبت من ابو معمر يعمل هالمنتدى طلبته مشان نفش غلنا احنا ... مو نفش غلنا ببعضنا واللي لاحظته انها صارت مبارزه للي بيعرف ينتقد اكتر وطبعا انا مو ضد الانتقاد بس مو المسخرة والتقليل من قيمة الاشخاص اللي قدامك ولو على سبيل الدعابة لانه مو كل شخص بفوت الموضوع وخصوصا الزوار والاعضاء الجدد بقدر يميز انه هالشخصين قراب من بعض وبينهم حس دعابة مشان هيك عادي نمزح ونضحك ونعلق ولكن بحدووووووووود أرجوكم المسخرة من الاشخاص و تصغير مواضيعهم ما رح ترفع المنتدى بالعكس تماما رح تقلل من مستواه وتنفر الناس منه وتبعدهم ...





ولكل شخص اسلوبه بالكتابه وانا لاحظت انه في هجوم كبير من عدة اشخاص ع اسلوب
ابو قنوة ولكن لكل شخص اسلوبه للتعبير عن رأيه واحنا لازم نحترم العالم واسلوبها وطبعا لو تشابهت الاذواق لكسدت الاسواق
فاكيد في ناس رح يعجبها اسلوب ابو قنوة وتبقى تقرأله مواضيعه وتحبها وتنتظرها


وفي اللي ما رح يعجبهم هاد الاسلوب وهاد شي طبيعي ... بس انه الانتقاد يكون بحدود من دون تصغير مستوى المواضيع لانه بهاي الطريقة بتكونو بتصغروا الموضوع وصاحب الموضوع واللي بيقرؤوا الموضوع وهاد بنظري انه شيء غلط ...




وارجوا للي ما بشوف الموضوع مناسب او ما بيعجبه انه ما يرد او على الاقل يرد برد يكون مقبول وما يجرح لا الكاتب ولا القارئ ويكون الانتقاد لجوهر الموضوع مو للاسلوب لانه متل ما حكيت قبل لكل شخص اسلوبه ...




ومن هاد الموضوع بحب احكي انه أي مشاركة بتجرح او بتسبب احراج لأي عضو رح يتم حذفها تماما من الموضوع وان شالله ما بنحتاج ...




شكرا الكم ارجو من الجميع يقرأ الموضوع ع اساس مصلحة المنتدى مو ع اساس شخصي ابدا لانه انا بحياتي ما كان هدفي ادايق حدا او حدا يدايقني


دمتو بحب وخير يارب ويا ريت تسامحوني بس كان لازم احكي ...

[ريما الحندءة]

كلامك بمحله عزيزتي دانا

ولكن بعض المناوشات ما بيننا هنا تشعل الروح وتوقد القلب من بعد السبات فلا ضي منها كما ارى

صحيح يمكن الأعضاء الجدد ما بيعرفوا الصلة الوثيقة ما بين الأعضاء القادمى والمخضرمين لكن من وجهة نظري بعض الناس تجذبهم متل هاي المناورات والمبارزات من حين لحين

نوع من قتل الجمود

لكن الاحترام المتبادل واضح وما زال قائم بين الجميع والا ما استمرينا للآن عزيزتي (ولكل منا وجهةنظر قد تتطابق وقد تختلف تماما)

يعجبني فيك نخوتك للمنتدى وحميتك اله استمري دندونتي ربي يحميك ويوفقك يا قلبي

[تونس الخضراء]

:066:مشكورة Dana كلامك عين العقل و في نصابه و ربي يهدي الجميع يا رب:hhh7::hhh7::hhh7:

[دانا]

حبيبتي لم اقصدك
ولكن في بعض الكلمات متل موضوع تافه او موضوع ما بنستفيد منه يعني معاحترامي للي حكى ازا هو ما استفاد في غيروا بيستفيد
واكيد ما كنت اقصدك ياريما بس في اشخاص معينين وانا عادي بحكي بس مو انا اللي بحرج ناس باسماءها

[دانا]

تسلميلي تونس منورة حبيبتي

[ميسم الجنوب]

صحيح دانا كلامك بس لا تنسي ان هاي الفترة في كتير جمود بالمنتدى لدرجة الملل لحتى ان اغلب المشاركات هي ردود بكلمة او كلمتين مش اكتر ولامواضيع كثير منها ليس في المستوى المطلوب وربما بعض هذه الحركات التي تكون من باب الصداقة والاحترام لا من باب الاستهزاء بالاخرين تحرك الاجواء بخفة دم ممتعة وزي ما بتعرفي اغلب الاعضاء تربطهم علاقات حميمة جدا (اخدين على جو بعض) بس بعيد عن المسخرة ونتمنى ان لا تصل الامور الى هذا الحد فسمعة المنتدى حد لا يمكن تجاوزه او حتى التفكير بالاساءة اليه لا سمح الله وجميعنا اخوة واحبة ان شاء الله أما بالنسبة للأسلوب فكل شخص اله اسلوبه يختلف عن الاخرين ولا يحق لنا انتقاد اسلوب الاخرين الا بأدب واحترام وانتقاد غير مؤذي للشخص واتمنى للجميع التألق في هذا المنتدى الرائع والارتقاء به ودمتم.

[دانا]

الله عليكي يا ميسم هاد اللي بحكيه

يعني المزح كلنا بنمزح وانا دايما بمزح مع مشتاق وابوقنوة وابوزغيب بس ما نتعدى الاحترام

مشكورة ميسم على مرورك

[دانا]

:hh1::hh1::hh1:

[ريما الحندءة]

لا ابدا مو قصدي انك قصديتني بس انا وضعت نفسي كمثال لحتى ما احرج غيري بإني احطه مثال

انا معك بكلامك دانا والي تحفظاتي الخاصة ووجهة نظري في الموضوع يا قلبي لا تنسي اني عملت بالمنتدى بعدة مسميات واخرها كنت مديرة وكتير كنت اضظر عدل ورى بعض الزملاء شغلات بتسبب الاحراجات الهم والنا وللكل

مو غلط ابدا انه نعدل ازا لقينا انه في ضرورة للتعديل وانا معك انه لازم نلغي الألفاظ اللي بتسبب الزعل والاحراج :hhh7:

[سهر]

مشكورة دانا على الطرح المميز وفعلا لازم يكون الاحترام اساس لكل شي مشكورة طرح موفق

[دانا]

تسلميلي ريما شو انك فهمانة :191[1]:

سهر مرورك حلو وكلامك مزبزط

[ابو قنوة]

والله انت عسل يا دانا .. كلامك فل .. بس رجاء حار ..
خليني افش غلي ببعض الناس .. بالمنتدى ...
مش رايح احكي اساميهم هم فاهمين قصدي .. اول حرف من اساميهم .. ريما واسرار .. ما تجيبي سيرة ...

[دانا]

هههههههههههههههههه ماشي بس ازا بتزودها ... بالقنوة

[ابو سلطان]

يا دانا اذا القاضي راضي انتي شو مغلبك

[دانا]

هيك قولك ... مش ع كيف القاضي وحياتك ... ع كيفي انا :hhh13:
او على الاقل مو بمنتداي يروحو يلعبو بعيد

[ابو المعتز]

اولا دانا االمنتدى ليس لكي
وثانيا لا تنادي بالعنصريه التي لاتسمن ولا تغني عن جوع
ثالثا خليكي بجنب الحيط احسلك
رابعا جميع الاعضاء دون استثناء بتعاملو بكل روح رياضيه
......................

[ابو سلطان]

صح
:hhh3:

[ريما الحندءة]

اعزائي

عندما أنشيء المنتدى كان هدفه ايصال صوت الطفيلة والأردن للعالم ولم ينشأ لضخص دون غيره

المنتدى للجميع وليس لفرد

كلنا هنا اهل ولسنا في حرب

خلينا نتناقش بفاعلية مش بمزاجية

عزيزتي دانا ،، المنتدى لنا جميعاً وليس لواحد فقط وإن كان لواحد فلماذا نتعب انفسنا بترقيته وتطويره وتحسين صورته دوماً ؟؟؟؟؟

[دانا]

انا بعتزر عن كلمة منتداي طيب المنتدى اللي انا مشرفة عليه

لانه بجد لما حد يحكي لحد موضوعك تافه يعني انا ما برضاها واكيد رح احذفله مشاركته وبرجع بعتزر عن كلمة منتداي وبحكي المنتدى اللي انا مشرفه عليه لاني مسؤوله عن كل حرف فيه ولا شو ؟؟؟؟

[ريما الحندءة]

اعتذارك مقبول

ولكن دانة لا يجوز حذف المشاكرة كاملة انما حذف او تعديل الشيء الخطأ فيها هيك الصح عزيزتي

كتير مرق علي ردود ومشاركات اخطاءها لا تحصةى بدخل وبعدل براحتي بس ما بحذف الرد او المشاركة الا اذا كانت سيئة بالكامل

فهمتيني مو؟؟!!

[دانا]

اكييييييييييييييييييييد فهمتك من عيوني ريما

[مهندسس]

مشكوووووووووووووووووووووووووووووووور

[حموووده]

كلامك صحيح دانا وفي محله واللي مو عاجبو :hh25::hh25::hh25:

[زهرة السوسن]

مشكورة على الموضوع الرائع الذي قمت بطرحة
ولا نتمنى الا التقدم و التألق لهذا المنتدى الررراااائع
بمديرة و أعضائة ................ ودمتم