مسابقة الالغاز ... 2

[المشتاق]

السلام عليكم ورحمة الله وبركاته

نرحب بكم في مسابقة الالغاز الثانية

رح يكون في فريقين
فريق : النجـوم
فريق : الكواكب

- ارجو من جميع الأعضاء كتابة اسم الفريق اللي حاب يكون فيه .
- بعد تحديد اسماء كل فريق .... ستبدأ المسابقة .
- المسابقة تتكون من 30 لغز .
- يمنح اعضاء الفريق الفائز ... 150 مشاركة .
- كتابة اية اقتراحات .. قبل البدء بالمسابقة


بسم الله وعلى بركة الله

[خالد النورس]

بالنسبة لي كأول المرشحين

انتسابي رح يكون في فريق النجوم

[المشتاق]

حياك الله اخ خالد
فريق النجوم : خالد النورس

:013ff::013ff::013ff::013ff:

[ريماس]

انا من فريق الكواكب لانها هي الاساس والنجوم حواليها ههههههههههههههههه

ممكن سؤال

هلا في المسابقه الاولى ليش ما عملت للفريق الفائز 150 مشاركه علشان تصدقني لما بحكي عنك غشاش

غشاااش غشاش غشاش وبالتلاته كمان هههههههههههههههههههههههههههه

[هبة الرحمن]

تيب انا مع مين بدي انظم

ريماس تغششيني بلامثال وانظم لفريقك:hhh13:

[ريماس]

بدي افكر هبه استني شوي :188[1]:

هههههههههههههه بعينك ما راح اغششك :hhh10:

[المشتاق]

150 مشاركة لحد الان كله كلام في كلام
كله هذا بعد موافقة الادارة الكريمة
واكيد ما رح تبخل .

:h20:

[ريماس]

ابو معمر حباب وامير وكريم بدو يبخل علينا بمشاركات ؟؟

لا ما اظن

[ريماس]

واحكيلك مني يا الله روح 200 مشاركه مو 150

[المشتاق]

والله انك اميره يا ريماس :097:

[حرف]

يلا بدي اشارك
وين الالغاز انا مستعجلة
انا بحط فوق المشاركات هدايا على حسابي
بس يلا بلشوا

[هبة الرحمن]

انا مع فريق ريماس

يلا نشوف مين كمان معنا انا وريماس

[المشتاق]

اختاري فريقك يا حرف

[اسرار]

خالد لحاله يا حرام
عيش انا معاك مع النجوم
هههههههههههههه
بس ما يسموني نجمة

ع شرط اي سؤال بينزل العضو الموجود في اي فريق يخبر الاعضاء الباقيين ؟؟؟؟؟؟؟؟

لنشوف اخرتها مع مشتاق وين بده يودينا :155[1]:

[المشتاق]

اهلا وسهلا

[هشام القواسمة]

وأنا مع النجوم:192[1]:

[اسرار]

:013ff::013ff::013ff::013ff:
ياييييييييييييييي
ابو ريان معانا

[المشتاق]

حياك الله أخ هشام
شرفتني والله

[حرف]

انا فريق النجوم
:013ff::013ff::013ff:

[خالد النورس]

يا 100 اهلا وسهلابكل اعضاء فريق النجوم الله يحييكم

[المشتاق]

فريق النجوم : خالد النورس ، اسرار ، هشام ، حرف
فريق الكواكب : ريماس ، هبه

خلينا ننتظر شوي .. ظل كثير اعضاء

[براءة الحياة]

فكرة حلوة مشتاق انامع فريق الكواكب........

[المشتاق]

اهلا وسهلا ... يا براءة

[دانا]

انا مع فريق النجوم

فكرة حلوة مشتاق الله يكون بالعون

[المشتاق]

رح يكون اغلبها رياضيات يا دانا
بعرف شاطره وذكيه
اهلا وسهلا

[ريماس]

ابو ريان انت معاهم لأ عملتها يا محسن خيااااااااااااااااااااااااااااااااانه

ان شاء الله ما تفوز يارب ههههههههههههههههههههههههههههه

[هشام القواسمة]

هههههههههههههه
لا ريماس .. الله يسامحك من متى أنا رح أكون معك
هههههههههههههههههههه

[اسرار]

مشتاق
شو رياضيات وما رياضيات
من اولها بلشنا
بجنا اياها منوعة ش بس رياضيات
راعي انه معالي عطوفة سيادتي ما بتحب الارقام

[المشتاق]

ولا يهمك يا اسرار
رح اغششك لا تخافي :h1:

[اسرار]

خلص
روح يا شيخ الله يوفقك ويخليك للامة العربية
ويديمك ويجوزك وينولك اللي في بالك



خلص بيكفيك نزل راسك شوي ...... كمان شوي خلص عشان ما يخبط

[المشتاق]

فريق النجوم : خالد النورس ، اسرار ، هشام ، حرف ، دانا
فريق الكواكب : ريماس ، هبه ، براءة الحياة

فريق الكواكب بقدر يضم اي عضوين لفريقه ... رح ابدأ المسابقه

[المشتاق]

اللغز الأول
رح يكون سهل ... كبداية

خذ الارقام التسعة التالية : 1 ، 2 ، 3 ، 4 ، 5 ، 6 ، 7 ، 8 ، 9
استخدم كل رقم مرة واحدة ، ومرة واحده فقط .
ركب عددين واجعل احد هذين العددين ضعف الآخر .

:hh3:

[ريماس]

السؤال مو مفهوم هو مين مع مين ازا هاد السهل عندك الله يستر

فسر السؤال شوي مشتاق

[المشتاق]

استخدمي الارقام من 1-9 وهات عددين الاول ضعف الثاني
من أولها ... :hh21:
يعني عددين تستخدمي فيها الارقام من 1-9 وبدون تكرار للرقم

[ريماس]

طيب انت بدك لما تتضاعف الاعداد تكون كل الارقام مستخدمه من 1_9

والا بس مثالين وخلص

حئطع دمك هههههههههههههههههههههههه

[دانا]

48و21 وازا بتحب العكس 84 و12

[ريماس]

27 و 54
18 و 36

صح هيك مشتاق

[هشام القواسمة]

وين مشتاق
يا عمي تعال شوف دانا شو عملت

رح نقطع نفسهم من أولها

[نرجس]

وقالَ لغزاً0000ومضى 0

[اسرار]

:hh2:

مشتاق ....بنتواجه هيك اتفقنا يا غبران من اولها رياضيات
الله يستر ابوريان انت كيف بالرياضيات.....

[المشتاق]

اسف .. يا جماعة على التأخير

غلط غلط غلط .....

عددين ضعف بعض ... تستخدموا كل الارقام من 1-9 بدون تكرار

[هشام القواسمة]

والله انا في الرياضيات شرحك
يعني ... من مرة ..
لكن دانا شاطرة
بس والله مو فاهم السؤوال لحتى أفكر فيه

[دانا]

طيب 1 مع 2
و3 مع 6
و4 مع 8
بعدين انت بدك عددين مركبين الاول ضعف التاني ركبتلك 2 مع 1 صاروا 21 او 12 انت حر
وكمان 4 مع 8 ركبناهم وصارو 48 او 84 كمان انت حر
وكمان 3 و6 ركبناهم بصيروا 36 او 63 خلص ما ضل ..........
تركيب وركبنالك اعداد ضعف بعض وحطينا شوضل بدك يا مشتاق يوه؟؟؟؟؟؟؟؟؟؟؟؟

[طفيلية وافتخر]

بدي انضم لفريق النجوم

[هبة الرحمن]

مشتاق اتوقع حل دانا صح مافي حل غير هل حل

والا شو رأيك انت ؟

[ريماس]

انا بازن الله راح اجيب الحل

[ريماس]

صلي على النبي مشتاق وشوف

26- 52
18 - 36
49 - 98
37- 74
5 - 10


يمكن هيك صح

[المشتاق]

يا بشر يا ناس يا عالم .... عددين بس ... عددين :hhh2:
ملحوظة : العدد الاول مكون من 5 ارقام والثاني من 4 ارقام
بحيث العدد الاول ضعف الثاني ... شرط في العددين يكونوا الارقام من 1-9 موجوده بدون تكرار

بتتخوثوا ... مش فاهمينوا .... احكوا صعب وخلص خليني احلوا :191[1]:

طفيلية وافتخر حياك الله ... بفريق النجوم :h16:

[ريماس]

ايوااااااااااااااااااااااااااااااااااااااا

[ريماس]

مشتاق من الاخر السؤال صعب جدا

حله انت هالمرة لاني زهقته الي ساعه بفكر وبلاخير طلع مو مفهوم

حله انت هالمرة

[المشتاق]

معكم اخر حل ... وبعدين رح انزّل لغز ثاني :077dd:

[ريماس]

ما في حل مشتاق نزل لغز جديد بلاش :155[1]:

[المشتاق]

إجابة اللغز الأول


خذ الارقام التسعة التالية : 1 ، 2 ، 3 ، 4 ، 5 ، 6 ، 7 ، 8 ، 9
استخدم كل رقم مرة واحدة ، ومرة واحده فقط .
ركب عددين واجعل احد هذين العددين ضعف الآخر .

الجواب : العدد الاول 13458 العدد الثاني : 6729
لاحظوا العدد الأول ضعف العدد الثاني ... وجميع الاعداد من 1-9 موجوده في العددين بدون تكرار

[ريماس]

:h15::h15:

الك جائزة السؤال مشتاق

[المشتاق]

اللغز الثاني

اذا كان لدينا مجموعة من الطيور والخراف ، وكان مجموع
الرؤوس 43 رأساً ، والاقدام 120 قدماً .

كم عدد الطيور وكم عدد الخراف التي في هذه المجموعة ؟

[ريماس]

17 خروف

26 طير

هههههههههههههههههههههههههههههههههههه

[ريماس]

17 خروف لها 4 ارجل = 68

26 طير لها 2 رجل = 52


:175[1]::175[1]::175[1]:

المجموع 43 راس و120 رجل

[المشتاق]

صح ... 100%

من زمان يا ريماس
رائعة والله ... بس كأنوا اللغز سهل

فريق النجوم : صفر
فريق الكواكب 10

[ريماس]

لا عمو مو سهل يعني علشان حليته بسرعه

انا احم احم ذكيه الحمد لله هههههههههههههههههههههه

انا احط ايدي على السؤال تلائيني فريرة


هات اللغز الي بعده مشتاق

[المشتاق]

في وقت لاحق انشاء الله يا ريماس
اليوم ... باذن الله

[دانا]

طيب وبعدين من الصبح وانا بستناك واجيت لما رحت يالله ما في نصيب

[المشتاق]

اللغز الثالث

الاخوة الثلاثة سعيد وسامر وعامر اشتركوا في شراء سيارة بمبلغ 5000 دينار.
يستطيع سعيد أن يشتري السيارة لوحده إذا استدان ثلث المبلغ الذي دفعه سامر ونصف المبلغ الذي دفعه عامر .
ويستطيع سامر أن يشتري السيارة لوحده اذا استدان نصف مبلغ سعيد وربع مبلغ عامر .
ويستطيع عامر أن يشتري السيارة لوحده إذا استدان ربع مبلغ سعيد وسدس مبلغ سامر .

كم قيمة المبلغ الذي كان مع كل أخ قبل شراء السيارة ؟ :005 v:

[دانا]

اصبر علي حليته

[المشتاق]

على اقل من مهلك

[دانا]

سعيد 3502.5
سامر 1500
عامر 1875

[المشتاق]

رح اراجع جوابك ... وارد

[المشتاق]

مبلغ سعيد 3502.5 + ثلث مبلغ سامر 500 + نصف مبلغ عامر 937.5 يساوي 4940 دينار
الجواب للأسف غلط

[ريماس]

سامر 3000

عامر 4000

سعيد 2000

[ريماس]

هههههههههههههههههههههههههههاي انا الصح طيروووووووووووووووووووو

:hhh10::hhh10::hhh10::hhh10::hhh10::hhh10::hhh10:

[المشتاق]

والله انك فلته يا ريماس
جوابك صحيح

سعيد : 2000 دينار
سامر 3000 دينار
عامر 4000 دينار



:036:

[براءة الحياة]

مشتاق بلاش :hh2:رياضيات يرضى عليك......

[المشتاق]

النتيجة

فريق النجوم : صفر
فريق الكواكب : 20

انتظروني غداً في اللغز الرابع :190[1]:

[براءة الحياة]

:hhh7: ريماس منيح منضمة لفريقك.....;)

[المشتاق]

حاضر يا براءة ... وبعدين فريقك متقدم

[ريماس]

هههههههههههههههههه خلي خالد وهشام ينبسطو هههههههههههههههههه

مشتاق لازم اكون موجوده بس تنزل اللغز الرابع جد بحكي والا بيصير ظلم

[دانا]

مبروك فريق الكواكب التقدم

وحابة احكيلك مشتاق انه شو رايك تحكي متلا بكرا رح احط لغز متلا الساعة 2 او 4 المسا مشان الكل يكون عنده فكرة متى بينزل اللغز طبعا حسب فضاوتك يا استاز

وبرجع بهني فريق الكواكب والى الامام احنا وانتو ان شالله

[المشتاق]

فكره حلوه يا دانا ...
اللغز الرابع ... غداً الساعة السادسة مساءاً

[ريماس]

ممتاز على الساعه 6 تمام مشتاق

الله يبارك في عمرك دانا لسه المسابقه باولها

[خالد النورس]

الاقتراح الي قدمته دانا هو الحل المناسب انا لحد هسه ما شفت ولا لغز كل الالغاز الي طرحت ما كنت موجود وهيك ما بكون لواحد عذر

[المشتاق]

اللغز الرابع

لدى خالد عدد من الاولاد . الولد الأول يكبر أخيه الثاني بأربع سنوات
والأخ الثاني أكبر من الثالث بأربع سنوات وهذا أكبر من أخيه الأخير بأربع سنوات
وعمر الاخ الأصغر يساوي نصف عمر الأخ الأكبر .

كم عمر كل ولد من أولاد خالد ؟

[هشام القواسمة]

بالفعل هذا صحيح
مو لما تكون ريماس لحالها هون
ههههههههههه

[المشتاق]

تكرم أخي هشام

[دانا]

الاكبر=24
التاني = 20
التالت =16
الاصغر = 12
وال 12 نص 24

[المشتاق]

يا عيني عليكي يا دانا
جوابك صحيح 100%:h7:

[المشتاق]

فريق الكواكب : 20
فريق النجوم : 10

انتظروني في اللغز الخامس

[دانا]

ههههههههههههه اي ساعة لو سمحت بتعرف مشغولين

[المشتاق]

اليوم الساعة العاشرة مساءاً :175:

[دانا]

هيك منيح وراي امتحانات بدي اركز مو كل نص ساعة اروح اشوف نزلت لغز ولا لا
العـــــــــــــــــــــــــــــــــــــــاشــــــ ـــــــــــــــــــــــــــــــــرة مســـــــــــــــــــــــــــــــــــــــــــــاء
عشان اللي مو شايف يشوف

[المشتاق]

اللغز الخامس


وجد شخص منتحر منذ ثلاثة أيام وكان المنتحر قد شنق نفسه بحبل مربوط
بسقف الغرفه وأغلق الشبابيك والأبواب من الداخل
وكان هناك مسافه حوالي متر بين قدميه والأرض ولم يكن بالغرفة
أية كرسي أو منضدة أو أي مكان مرتفع آخر يمكن الصعود عليه .فكيف حصل ذلك ؟؟؟؟

[دانا]

شفنها بكونان ع فكره ههههههههههههه

[دانا]

ما هو اما عبة الغرفة مي وطلع لفوق عن طريق القارب وهاد اكيد لا لانه انت قلت ما في حدا بالغرفة


طيب يمكن حط طوب من تلج وبعد 3 ايام بكون داب وهاد اللي شفته بكونان ههههههههههههه

[المشتاق]

بتحضري للمحقق كونان ... ما شاء الله
جوابك صحيح يا دانا :h15:

[دانا]

يااااااااااااااااااي تعادلنا الحمدلله الف مبروك النا

[المشتاق]

فريق النجوم : 20
فريق الكواكب : 20

انتظروني في اللغز السادس

[دانا]

يعني احكي انتظروني باللغز السادس الساعة ....................

[المشتاق]

عندي شغل بكره ... مش عارف اي ساعة رح افضى
بس رح اكتب الساعة قبل ما انزل اللغز .
شكراً على اهتمامك ... اخت دانا

[ريماس]

لالالالالالالالالالالا مشتاق ما اتفقنا هيك لغزين وانا مو هون انا ما بدي راح انسحب

[هشام القواسمة]

الله يسترك دانا زي ما سترتينا

[دانا]

ريماس خلي روحك رياضية
ما هو اللغز الاول انت عارفة متى حطة مشتاق الساعة 6 وانت ما جيتي مع انك قلتي انه الساعة 6 تمام وانا بصراحة اجيت الساعة 6 ونص وانا فاقدة الامل وقلت اكيد ريماس حلته

والتاني كمان حطينا الموعد بس انت ما دخلتي والموعد كان بعد 4 ساعات مو قلال يعني على 10 ... وبعدين لو انت حطيتي عذر او طلبتي نأجلك اللغز اكيد كنا رح انأجلهم بعدين كتير ناس ما كانو موجودين والالغاز موجودة وما حدا انسحب وانا اولهم ريماااااااااااااااااس ... اعقلي يا بنت ع رأي احمد الزغايبة

[دانا]

تسلم يا هشام آآآآآآآآآمين يارب يسترنا فوق الارض وتحت الارض ويوم العرض عليه يارب

[المشتاق]

الساعة الرابعة .. انشاء الله

[هشام القواسمة]

دانا ديري بالك تنامي

[دانا]

وراي سفر والله ع الخمسة الله ستر هههههههههههههه

[المشتاق]

خالد واحمد راحوا يشتروا مسجل سعره 30 دينار

http://www.4photos.net/photo/100small_1205339046.jpg

يعني كل واحد دفع 15 دينار ..
قال صاحب المحل للصبي اللي بيشتغل عنده هذا المسجل ثمنه 25 دينار
خذ 5 دنانير ورجعهم لاحمد وخالد . ....
سرق الصبي 3 دنانير :006v: ورجّع لاحمد دينار ولخالد دينار .....
بصير كل واحد دافع 14 دينار
احمد 14 + خالد 14 = 28 دينار
اضافة الى 3 دنانير اللي سرقهم الصبي 28+3 = 31

الدينار الزيادة ... من وين اجى ؟ :hh22:

[دانا]

هلأ هم دفعو 30 دينار يعني كل واحد 15
لما طلع حق المسجل 25 يعني كل واحد دفع 12.5
يعني 12.5+12.5=25+2دينار اللي اعطاهم اياهم الولد = 27
27 +3 اللي سرقهم الولد =30 دينار :013ff:

[المشتاق]

ما شاء الله تبارك الله .. عين الله تحفظك
جوابك صحيح ... وكمان منطقي :hh3:

[المشتاق]

طريق السلامه ... يا دانا

فريق الكواكب : 20
فريق النجـوم : 30

انتظروني باللغز السادس ... الساعة العاشرة والنصف مساءاً

[دانا]

مشتاق ياريت االغز التاني بعد الساعة 10 لانه عندي سفر ازا مش ممكن مو مشكلة :036:

[هشام القواسمة]

الله ينصرنا على الاعداء
والله دانا انت شطورة

[ريماس]

اوك كنا معزومين وانا نسيت العزومه وحكيت راح علي اللغز الاول بس مشتاق عارف انه انا

الوحيده الي في فريقي الي بجاوب يعني انا لازم اكون موجوده

بس مو مشكله دانا راح ارجع بس مشتاق لاتغاوز ماشي

اللغز الاخير دانا ما جاوبت من وين اجا الدينار الزياده انا ما فهمت يعني على جواب دانا المجموع 30 كيف صارو 31

[ريماس]

مشتاق جواب دانا خطأ والله من وين اجا الدينار ؟؟؟؟؟؟؟

[ريماس]

هلا لو عكسنا الشغله وعملناها طرح

المجموع طلع 31صح؟؟؟؟؟؟

طيب 31 -2(الي رجعو للشابين ) = 29
29 - 3 الي سرقهم الصبي =26
هلا هو اصلا ثمن المسجل 25 كيف طلع بالجواب سعر المسجل 26

والدينار الزياده اجا من المعادله السابقه لانهم فعليا دفعو 25 لكن الجواب طلع 26
26-25=1
ومن هون اجا الدينار الزياده

[المشتاق]

اصلاً يا ريماس ما في دينار زياده
هي فقط طريقة حسابات
واللغز ممكن يكتب بعدة طرق
مثلاً .. ثلاثة راحوا يشتروا مسجل ثمنه 30 دينار
كل واحد دفع 10 دنانير .
رجع صاحب المحل خمسة دنانير ... الصبي سرق دينارين
ورجع لكل واحد دينار .
يعني بصيروا دافعين 27 ..... الاول 9 + الثاني 9 + الثالث 9 = 27
27 بالاضافة الى الدينارين اللي سرقهم الصبي = 29
وين راح الدينار ...
اللي بدي احكيه .. عباره عن لعبه بالجمع والطرح .... يعني جواب منطقي مش أكثر

على كل حال يا ريماس انتظريني الساعة العاشرة والنصف ... في اللغز السادس

[المشتاق]

لما يكون احد الفريقين مش موجود بتحكوا بغاوز ... على كل حال الله يسامحكم
وبعدين صرت احدد وقت طرح اللغز ...

[ريماس]

الله يسامحنا يامؤمن

اريحك مشتاق مو انت بتنزل كل يوم لغزين

من هلا حدد وقت اللغزين باي ساعه وبعدها ما في لحدا حجه


وحتى لو اجا وقت اللغز وانت مشغول مثلا

فاليوم الي بعده بنفس الوقت نزل لغزين وهيك بنخلص شو رايك

[المشتاق]

اللغز السادس

هؤلاء وأولئك ونصف هؤلاء وأولئك سبع أشخاص .
كم عدد هؤلاء وكم عدد أولئك ؟

[ريماس]

هؤلاء 2
واولئك 2

2+2+1+2=7

[ريماس]

يعني هؤلاء 2+اولئك 2+1 الي هي نصف هؤلاء+ 2 اولئك=7

[المشتاق]

خطأ الجواب يا ريماس
حاولي مرة ثانية ... متأكد رح تحليه
هؤلاء 2 + أولئك 2 + نصف هؤلاء وأولئل 2 = 6 هذا حلك ... طبعاً خطأ

[ريماس]

مشتاق انت بدك نصف اولئك ونصف هؤلاء والا قصدك نصف اولئك وهؤلاء كلهم

[المشتاق]

نصف هؤلاء وأولئك كلهم

[ريماس]

طيب جوابي الي جاوبته انا قبل هيك صح يا مشتاق

2 )هؤلاء +(2) اولئك + 1 ( الي هي نص هؤلاء) + 2 اولئك = 7

يعني هؤلاء 2

اولئك 2

[المشتاق]

1 ( الي هي نص هؤلاء).... هذا اللي كتبتيه .
نص هؤلاء وأولئك ... يا ريماس
مش نص هولاء + أولئك

[ريماس]

يقطع شرك موتت ضحك قسما بالله

بيطلع كسور

[المشتاق]

صح بيطلع كسور يا ريماس .... هؤلاء ( كسر )

[دانا]

هؤلاء =4
وأولئك =5
نص هؤلاءك = اولاءك =7
نص هؤلاءك( 4) =2+اولاءك (5)=7
طبعا اكميد غلط بس لازم احاول

[ريماس]

هؤلاء تقريبا 2.679
اولئك 2

[دانا]

طيب ماشي
هؤلاء 2/3
اولاءك =4

[دانا]

مش المعادلة هؤلاءك+اولاءك +1/2 هؤلاءك + 1/2 اولاءك

2/3 + 4 + 1/2 * 2/3 + 1/2*4 =7
وهيك بيطلع الناتج 21/3 = 7

ما دخلنيييييييي

[دانا]

آسف كان غلط وعدلته اولاءك=4
هؤلاء =2/3 (2 على 3 )

هؤلاء + اولاءك + 1/2 هؤلاء + 1/2 اولاءك = 7


2 ...............1 .....2...... 1................................................. ............................ 21
ـــــــ +4 + ـــــــ * ـــــــــ + ـــــ * 4 = 7 لا تنسو توحيد المقامات والاختصارات بيطلع الناتج ـــــــــ = 7
3............... 2.... 3 ......2 .................................................. ..............................3

[المشتاق]

أسف على التأخير
جوابك صحيح يا دانا ... رائعه
هؤلاء 2/3 وأولئك 4 ....

[المشتاق]

آسف يا ريماس ..

[المشتاق]

فريق النجوم : 40
فريق الكواكب : 20

انتظروني باللغز السابع غداً الساعة السادسة مساءاً

[هشام القواسمة]

طبعا انا عرس عند جيرانا
انا ادبي
يعني في الرياضيات ولا رنديلة

[دانا]

قصدك العكس النجوم 40 يا بطل

وهيك منيح عشان دوام الجامعة

[هشام القواسمة]

والله يا دانا خجلتينا
يعني وراء كل فريق عظيم دانا

[دانا]

انت اللي بتخجلني ابو ريان

[هشام القواسمة]

تسلمي يا رب دانا

والله نفسي شوف ريماس شو صار فيها

[ريماس]

ابو ريان اي ساعه الفارده ههههههههههههههههههههههههههههههه

يعني هو انا العلمي ما انا ادبي كمان

اوك بازن الله مشتاق بس زهقنا رياضيات نغير شوي

[ريماس]

انا بزقف مع الفارده ههههههههههههههههههههههههههههههههه

[هشام القواسمة]

ههههههههههههههههههه
ونا بزغرد لدانا

[دانا]

شو مشتاق خلصنا وحط للنجوم 40

[المشتاق]

تكرمي يا دانا .. مع اني عدلت النتيجة

النجوم : 40
الكواكب : 20

[هشام القواسمة]

اها الان
الصح صح

[اسرار]

هههههههههههه
اه عرس عند جيرانا
سلمو علي هشام وريماس ما انا اللي ادبي
الله يخلي د\انا للفريق

[خالد النورس]

والله انا نفسي القى سؤال كل ما ادخل بلاقي دانا حاليته بارك الله في فريق النجوم

عليهم عليهم يا دانا ههههههههههههههه

[حرف]

انا دايما بلاقيه محلول
بس الحمدلله اني مع فريق النجوم

[خالد النورس]

وانا كمان الحمدلله اني م فريق النجوم

[سفير الغرام]

والله مسابقه من الاخر
بدي انظم لفريق الكواكب يعني لفريق ريماس

[هشام القواسمة]

وين الاسئلة؟

[سفير الغرام]

كلامك صحيح من الصبح واحنا بنستنى بالمشتاق ينزل لغز

[المشتاق]

يا جماعة ... كتبنا الساعة السادسة اللغز
مشكورين على الاهتمام

[ريماس]

هلا بالسفير ايوا تعال ساعدني

خالد وهشام بتسمعو بالمثل زي الي بتتحالى بشعر بنت خالتها ههههههههههههههههه يقطع شركم

افقسو عيني وجاوبو مرة وحده بس ههههههههههههههههههههههههههههه :hhh18:

مشتاق يرضى عليك ما بدي رياضيات مخي سكر من امبارح غير شوي

[المشتاق]

- حياك الله أخي سفير الغرام
مشكور انضمامك لفريق الكواكب

- حاضر يا ريماس

[دانا]

طيب انا شو اعمل بحالي ازا ما كان رياضيات هداك اللغز كونان انقذني وهاد شو اعمل
يالله الله بينقذني اكبر من الكل لانه
عليهم يالله ابو الشوق بنتقابل بعد 10 دقايق ههههههههههههه

[ريماس]

يحضرلك الخير مشتاق

[ريماس]

:006::006::006::006::006:


الي نص ساعه بستنى اين انت يا مشتاق

[دانا]

والله وانا انفرت معدتي وخفت اكتب ليفروا سؤال لغز جديد وييجو ملهوفين ع الفاضي

مواعيدك روعة ههههههههههههه ... بس برضو الله اعلم شو صار معك بس اختصر واقسم على 100

[دانا]

بدي اروووووووووووووووووح ادرررررررررررررررررررررس عندي امتحاناااااااااااااااااااااات يا مشتاق رح اموتك بس توصل :hh21::hh21:

[ريماس]

http://www.ahlanas.com/vb/images/smilies/SWWA7.COM163.gif
http://www.ahlanas.com/vb/images/smilies/SWWA7.COM163.gif
http://www.ahlanas.com/vb/images/smilies/SWWA7.COM163.gif

[ريماس]

موعدنا على العشرة باذن الله مشتاق ازا ممكن

عندي مشوار ضروري هلا

[المشتاق]

أنا آسف والله العظيم انقطعت الكهرباء عن حي الجامعة
الساعة 5.59 دقيقة .. وكنت كاتب اللغز بنتظر تصير الساعة 6
ورجعت الكهرباء الساعة 9.10 ....
شو أعمل والله انا زعلان أكثر منكم ... آسف مره ثانية

:h10::h10::h10::h10::h10:
موعدنا الساعة العاشرة ... بإذن الله

[دانا]

هيك ممتاز مشكووووووووور مشتاق
والله توقعت انه صار معك شي والحمدلله ازا كانت ع قطعة الكهربا الف خير ان شالله وع العشرة ممتاز

[المشتاق]

اللغز السابع

وقت الجريمة 2003/3/2
المتهمون : ايهاب ، يوسف ، سليمان

يدخل المتهم ايهاب الى غرفة المحقق
المحقق : اسمك .. وين كنت يوم 3/2 الساعة الثامنة مساءاً
اسمي ايهاب وكنت مع زوجتي في السينما حيث خرجنا بعد انتهاء الفلم وكنا في السينما من الساعة 7 ولغاية الساعة 11 مساءاً.

يدخل المتهم يوسف الى غرفة المحقق
المحقق : اسمك ... وين كنت يوم 3/2 الساعة الثامنة مساءاً
اسمي يوسف وكنت في رحلة مع زوجتي الى حلب وهذه تذكرة سفر ذهاب 2/29 وعودة 3/3

يدخل المتهم سليمان الى غرفة المحقق
المحقق : اسمك ... وين كنت 3/2 الساعة الثامنة مساءاً
اسمي سليمان وكنت في المستشفى حيث أجري لي عملية الزائدة الدودية .

بعد التحقيق عرف المحقق الآتي :
1- طلق ايهاب زوجته يوم 3/3 .
2- يوسف يعمل في محطة القطار .
3- سليمان خرج من المستشفى الساعة 7.33 مساءاً

وبعد تفكير عميق ... اكتشف المحقق من الفاعل

برأيكم من يكون ... الفاعل مع ذكر السبب ؟

[دانا]

يوسف لانه قطع تذكرة ذهاب ل 2 وعودة لواحد

[المشتاق]

مش مكتوب باللغز ... تذكرة عودة لواحد
اللغز سهل .... فكري بس شوي
مشكوره

[دانا]

طيب سليمان لانه طلع قبل الساعة 8

[ريماس]

القاتل هو يوسف

ثواني وبحكيلك ليش

[ريماس]

والله اني كتبت الجواب وينه

[المشتاق]

آسف يا دانا ... حاولي مرة ثانية

[ريماس]

القاتل هو ايهاب

[المشتاق]

شويتين يا ريماس

[دانا]

يعني جوابي غلط مو سليمان

[ريماس]

القاتل ايهاب لانه حضر الفيلم ومدته 4 ساعات خلص الفيلم على 11 ووصل البيت نحكي بعد ساعه

متى لحق يروح ويطلق مرته معناتها ما كان بالسينما اصلا

او هو طلع بعد انتهاء الفيلم يمكن الفيلم انتهى على 7 لانه ما حدد موعد الفيلم كان اي ساعه

[المشتاق]

خطأ ... خطأ ... خطأ
اسم القاتل مع ذكر السبب ...مع تحياتي

[دانا]

اظن جواب ريماس غلط لانه معاه نها يوم 3/3 كامل لحتى يتخانق مع مرته ويطلقها

[ريماس]

مشتاق يعني القاتل مو ايهاب ؟؟؟؟؟؟؟؟

[المشتاق]

جوابك خطأ يا ريماس
والسبب غير مقنع
في سبب قوي واضح .. جعل المحقق يعرف من القاتل

[المشتاق]

لا مش ايهاب

[ريماس]

خاف الله ما في قاتل والميت مات جلطه هههههههههههههههههههههه

[دانا]

ولا سليمان طيب يعني ما هو كذب وحكى انه الساعة 8 كان بيعمل عملية وهو طالع الاسع 7:33 مين غير

[ريماس]

القاتل هو يوسف لانه شهر 2 28


يوم ههههههههههههههههههههههههههه

[دانا]

طيب يوسف لانه بيعمل بالمحطة يمكن زور التذكرة

[المشتاق]

ههههههههههههههههههههههه
يقطع شرك يا ريماس ... في جريمة قتل

[ريماس]

ههههههههههههههههههههههههههههههههههه انا الصح والله

[دانا]

بالله شو مو شرط بييجي 29 عادي

[ريماس]

مشتاق شفت جوابي

شهر 2 28 يوم مو 29 هاد دليل انه كزاب

القاتل يوسف

[المشتاق]

في 2/29 يا ريماس
قربتي للجواب كثير كثير كثير ...

[ريماس]

ليش هو محتفظ بالتذكرة

مهم اصلا بياخدوها منه كيف ضلت معه حاسب حساب انه راح تنطلب منه لانه هو القاتل

[دانا]

طيب مشهو بسأل عن 3/2
شو جاب 29/2 لهاد الوقت اذا جوابه ليوسف ما دخله بالسؤال

[دانا]

اها 2/3 هلأ انتبهت

[المشتاق]

خليكي في التاريخ يا ريماس سيبك من التذكرة
دانا ... 2/29 لغاية 3/3 .... وقت الجريمة 3/2 بدو يثبت انه قبل هذا التاريخ وبعده كان مسافر

[دانا]

طيب عادي يمكن صدفة

[ريماس]

لو كان مسافر التذكرة ما كانت معه معناتها هو ما سافر

مرته سافرت لكن هو لا

[المشتاق]

:hh21::hh21::hh21::hh21:
التاريخ ... التاريخ
جواب ريماس 50% صح ... بدها شوي فكروا في يوم 28 ويوم 29

[دانا]

طيب يعني السنة ما كانت كبيسة واكتشف انه الشهر 28 يووووووووم بس

[دانا]

طيب ما كان ماخد اجازة بتاريخ 29 ههههههههههههههه
والله رح اموت

[ريماس]

ايوااااااااااا هم بحققو في الجريمه ب 2/ 3

هو بيحكي عن بكرة ب 3/ 3

كيف بتحكي انك كنت هناك ب 3/3 احنا هلا ب 2/3

[المشتاق]

صح يا دانا .... برافوااا .. برافوااا
يوم 29 يأتي في 2004 م ... يعني كل اربع سنوات
وسنة الجريمة في 2003 يعني شهر 2 فقط 28

[دانا]

لالالا ياريماس هو بيسألو وين كاااااااااااااااان بهداك التاريخ يمكن اكتشو الجريمة بعد باسبوع ما دخل

[المشتاق]

صح يا دانا .... برافوااا .. برافوااا
يوم 29 يأتي في 2004 م ... يعني كل اربع سنوات
وسنة الجريفة في 2003 يعني شهر 2 فقط 28

[ريماس]

بالله مشتاق والجائزة لمين اشوف

الله يطعمك وتحكي الهم

[المشتاق]

ما بتعطوني وقت لحتى ارد ....
هذا جواب دانا /
طيب يعني السنة ما كانت كبيسة واكتشف انه الشهر 28 يووووووووم بس

وهذا الجواب الصحيح ... رائعه يا دانا

[ريماس]

يا سلالالالالالالالالالالالالام ما انا الي ساعه بحكي شهر 2

28 يوم

ابو معمر تعال شوف هالزلمه ماله :161[1]::161[1]::161[1]:

[المشتاق]

فريق النجوم : 50
فريق الكواكب : 20

انتظروني في اللغز الثامن ... الساعة السادسة مساءاً

[دانا]

هيك منيح لاني رايحة ادرس

[دانا]

بس ما حكيتي ريماس انه كل اربع سنين مرة على كل حال الله يبارك فيكي وعقبالكم يارب

[ريماس]

انت بتغاوز مشتاق

:hh21::hh21::hh21:

[المشتاق]

ريماس .. كيف حالك
انتي حكيتي شهر 2 فيه 28 يوم بس
والحقيقة ممكن يكون 29 يوم لما تكون السنه كبيسه

ونظراً لتفكيرك الرائع ومخك النظيف ... رح اعطيكي 5 علامات زيادة

[المشتاق]

فريق النجوم : 50
فريق الكواكب : 25

يا رب استرنا دنيا وآخره :hhh9:

[ريماس]

الف مبروك دانا بس مشتاق قهرني

يارب تقطع عندك الكهربا كمان مرة هههههههههههههههههههههههههه

[المشتاق]

هههههههههههههههههههههههههههههههه
:hhh18::hhh18::hhh18::hhh18::hhh18::hhh18:
الله يسامحك يا ريماس .. ما عاش مين بدو يقهرك

[دانا]

مبروكين ريماس والله يباركلك فيهم وفي مخاتك والدنيا نصيب بس ما حبيتها بتغاوز ع كل حال كلها لعبة مع اني مهتمة فيها متل دراستي مو مشاني بس مشان ابوريان ومشتاق هاي للامانة
وانا ما بحب اخلي شي بقلبي مشان هيك حكيت هالكلمتين لانه ممكن كانو يضلو بقلبي بس انا بحبك وربي يشهد

باي رايحة ادرس :66[1]:

[ريماس]

الحمد لله مشتاق انت كيفك وين يا زلمه ما بتبين ههههههههههههههه
والله الك وحشه

اسمع خد الـ 5 علامات وطير من هون غبرى ههههههههههههههههههههههه

لا ما بدي اياهم خدهم خليني على 20 احلى الـ 20

[المشتاق]

اللغز الثامن

يستطيع عمر أن ينجز العمل خلال دقيقة واحدة .
ويستطيع ابراهيم أن ينجز نفس العمل خلال دقيقتين .
ويستطيع عماد أن ينجز نفس العمل خلال ثلاث دقائق .
ويستطيع عادل أن ينجز نفس العمل خلال أربع دقائق .
ويستغرق اياد خمس دقائق لإنجاز نفس العمل .

كم دقيقة من الزمن يستغرق انجاز العمل فيما إذا بدأ الأشخاص الخمسة العمل نفسه معاً ؟

[دانا]

5 دقائق

[المشتاق]

مشكورة دانا على اهتمامك ... حاولي مره ثانية

[دانا]

طيب ممكن 2.15 دقيقة

[المشتاق]

لا تستعجلي يا دانا ... جوابك للأسف خطأ

[دانا]

ما ضل عمليه حسابية غير عملتها من الابسط الى الاعقد

طيب شو رأيك بهالرقم 0.20736
بعرف غلط بس رح احط كل تجربه بعملها

[دانا]

لالالا في خربطة اففففففففففف

[المشتاق]

زيادة شوي ... بدأتي تفكري صح

[دانا]

طيب صح هيك
1/5 = دقائق الاول = 0.2
دقائق الثاني = 1/2 دقائق الاول
= 1/2 * 0.2 = 0.1
دقائق الثالث = 2/3 دقائق الثاني
= 2/3 *0.1 = 0.0666666
دقائق الرابع = 3/4 دقائق الثالث
3/4* 0.066666 = 0.0499999


دقائق الخامس = 4/5 دقائق الرابع
4/5* 0.0499999= 0.0399999

[دانا]

مشتاق ضل اجمعهم

[دانا]

طيب طلعو 0.4566664

[المشتاق]

والله انك رهيبة يا دانا
ماشاء الله تبارك الله
جوابك صحيح بتميز .... :hh13:

[المشتاق]

فريق النجوم : 60
فريق الكواكب : 25

انتظروني باللغز التاسع ..... الساعة العاشرة مساءاً

[المشتاق]

اللغز التاسع

إذا كان ربع العشرين ليس 5 إنما 4 . فما هو ثلث العشرة ؟

[دانا]

1.3333333333333

[المشتاق]

خطأ .... ارجو المحاولة مره ثانية

[دانا]

طيب 2.66666666666

[المشتاق]

ابدعتي يا دانا ...
جوابك صحيح ....

بارك الله فيك ... :110:

[المشتاق]

فريق النجوم : 70
فريق الكواكب : 25

انتظروني باللغز العاشر ..... الساعة العاشرة مساءاً



ما بعرف ليش المشاركة ضعيفة من قبل الأعضاء ... كلمة بس:hhh9:

[دانا]

طيب رح احط طريقة الاجابة عشان يكون كل شي واضح

1/4 *20 ....................4
1/3*10.....................س
( بالنسبة والتناسب ) بنضرب ضرب تبادلي
40/4*س = 1/3*4
س= 2.66666666666

[المشتاق]

مشكورة على التوضيح أخت دانا
:h7:

[هبة الرحمن]

رجعتلكم ورجعت لا اسئلتك مشتاق

:hh17:

[خالد النورس]

والله احنا بالاسم مشاركين مع فريق النجوم ههههههههههههههههه

كل الشكر لكِ دانا على جهودكِ الرائعة والمميزة

[هبة الرحمن]

ههههههههههههههه
ماشاء الله عليها دانا

خلينا نتفرج نحنا بس خالد:h9:

[اسرار]

؟؟؟؟؟؟؟؟؟؟؟؟؟؟؟؟؟؟؟؟؟؟
مصمم على الارقام :hh29:

[دانا]

مو مشكلة يا جماعة الفرد من اجل الجميع والجميع من الجل الفرد :050xxx:

[خالد النورس]

شكرا لكِ دانا على هالروح الرياضية

[المشتاق]

اللغز العاشر

رجل لديه ثلاثة أولاد
أراد منهم أن يذهبوا معه للمحكمة ليشهدوا بعدة أمور :
وكانت إجابة الأولاد كالتالي :
الأول : لن أذهب
الثاني : أذهب معك إلى مدخل المحكمة وأرجع .
الثالث : سوف اذهب معك وأدخل وأشهد

السؤال / من هم الأولاد الثلاثة ؟ مع التفسير إن أمكن .

[دانا]

صعب يعني مو رياضيات وبعيد عنك انا حمارة فلسفة بس اكيد رح احاول :hh21:

الاول : الخوف
التاني : المواساة او الطمأنينه او ممكن الشجاعة
التالت : الضمير

[المشتاق]

ما شاء الله عليك دانا
ما بصعب عليك اشي ...
اجابتك للاسف خطأ ....
ههههههههههههههه

[دانا]

ههههههههههه بعرف وينك يا خالد

[دانا]

طيب رح ازهقك وراي اشي انا فاضية :188[1]:
الاول : الصدق
التاني الخوف
التالت : الشجاعة

[المشتاق]

:hhh9:
دانا
اجابتك
.
-
--

-
-

-
-
-
-
-
-
-
-
-
-
-
-
-
-


--

--

-
-
-
-
-
-
-
-
-
-
-

--
-
-

-
-

-
--

-

-
-

-
-
-

-


-



-

-
--
-
-
-

-
-
-
-
-
-
-
-
-
-
-
-
--
-


خطأ ...

[دانا]

طيب الاول : الصراحة
التاني : التردد
التالت : الولاء الانتماء

وازا غلط خد عندك
الاول محمد
والتاني احمد
والتالت محمود :161[1]:

[دانا]

ما في احلى من رياضيا 1+1=2
اففففففففففففففففففففففففففففففففففففففففففففففففف فففففففف

[المشتاق]

:hh21:
خطأ ... خطأ .... خطأ