العاريه عاريه والجسر ليس بالجسر (رد على موضوع عاريه على الجسر )

[Gladiator]

اول ماشفت صور البنت الي بتعشق جسر عبدون صابني الانطباع الاول الي صار عند كل واحد شاهد الصور
اول شي تدقيق في جسم البنت .. وبعدين بلكن من هون ولا هون طلعت النا جائزة بعدين بتتقلص الطموحات بعد خيبة رجا انه ماشاف شي ..بتنزل الطموحات على انه يتعرف على البنت ويحاول يعرفها ( ما احنا شعب شغل فضايح ما بنصدق وحدا ينزل تحت ايدنا ونشل بخته ) بعد المحاوله الفاشله
في 3 اصناف من الشباب
شب برجع على صورة البنت وبقتنع في الموجود وبصير يتفحص كل منطقه واكيد رايحه تتطور معه الامور ويشطح وينطح ويتخيل حاله هو الي كان يصور ورايح يخلف من الجنبية مخدتين ومسند
وشب ممكن من عنوان الصورة يصير عنده حالة من الاستياء وبصير يطخ يمين وشمال على البنت وعلى الشب واهم شي بصير يطخ على المجتمع
هون مربط الفرس الطخ على المجتمع وبصير يشتم يمين وشمال ويحسب حسبي الله ونعم الوكيل على الشعب الي برضى في هيك
وممكن تتحول معه الامور على شرف الدوله كلها
هسه بنرجع للصنف الثالث الي هو برجع للصورة وبنسى البنت وبصير يتفحص في ما حول البنت ويتأكد من الموضوع هل هو مجرد خبطه صحفيه واشاعات تريد تشويه سمعة هذا البلد او حتى مش اشاعات ممكن حدا واضع الصورة من دون وعي
لانه وجود فتاة بها الصراحه هاي والتشليف هذا
يدل على غياب الشعب عن الموقع وغياب الشعب يعني غياب الامن وغياب الامن يعني غياب الدولة باسرها
لانه هذا الجسر هو صرح في عمان وفريد من نوعه وشيء مهم جدا بالنسبة للواجهة الحضاريه والسياحيه في الاردن
فغياب الشرطه عن مثل هذا الموقع والصرح الاردني يعني اشيااااء كثيرة

الى من استاء من الامر وشعر بالاحباط واي انحطاط وصلنا له
اقول له
انا اعترف ان هناك امورا تحدث اكبر بكثثير من هذه الصور ولكن الحبكة في الموضوع اخذ الحريه الكامله بالتشليف والانحطاط على مثل هذا الصرح الاردني
يعني بالعربي
لو كانت هاي الصور ماخوذه على الاتوستراد مثلا او على اي مكان غير هذا الصرح لكنت صدقت على طول لانه جائز
فعل مثل هذه الاعمال والتصوير المريح على مثل هذا الجسر الذي يعني الكثيير هو دلاله على غياب الدولة والامن
يعني اذا على مثل هيك جسر صار هيك معناتو شو راح نتوقع رايح يصير في مناطق ثانيه

اخواني واخواتي
كاتب هذا الموضوع , من رد على هذا الموضوع , ومن أثبت هذا الموضوع بالصور ..
والى كل من شاهد الصور ووقف عند البنت فقط ولم يتعب نظره بالابتعاد قليلا عن الفتاة ..قليلا فقط.. بل اقل من القليل الى المواسير على الاقل فقد كانت تركبهن كما يركب الفارس الخيل ..اذا لا بد اننا شاهدنا هذه المواسير

اقول لكم
بان هذه الصور ليست على جسر عبدون وليست في الاردن اصلا
لانه لا يوجد لدينا الا جسر معلق واحد هو جسر عبدون

ارجوكم ارجعوا الى الصور ودققوا ( مش على البنت ) دققوا حول البنت وقارنوه في جسر عبدون سوف تجدون بانه ليس جسر عبدون ابداااااااااا

بصراحه انا بروح على جسر عبدون كثيير اول ما شفت الصور قلت هو بس بعدين تذكرت انه جسر عبدون دايما مضاء باللون الابيض والصور كانت مضاءة باللون الاصفر
ما دققت انتقلت على الصورة الثانيه لما تركب الفارسه على الفرس والي هي لفتت انتباهي لون المواسير الكبيرة كان لونها لون عادي بدون دهان اي لونها الاصلي
نزلت لتحت شفت البراغي لقيت انهم مصدات يعني الهم زمان
قلت يمكن صدأ من المطر مع انه الجسر ما اله الا 3 سنوات
نزلت على الكندرين ( البلوكات على الرصيف ) منظرهن قدييم جدا
قلت بجوز صار حادث هناك عشان هيك شفت التاكل في البلوكات
رحت في نظري على جنب المواسير لقيت شبك
وجسر عبدون مافيه شبك
دققت في الشارع لقيت انه في الصور المواسير قريبات كثير من الشارع بس في جسر عبدون بكونوا بعيدات
نرجع للمواسير .( انا ما ذبحني الا المواسير هههه)لو تدقق راح تلاقي في الصور المواسير مغروسات في الارض مباشرة اما في جسر عبدون بكون الهم قاعدة اسمنتيه مغروسات فيهم
برضوا نرجع للمواسير لو تعد عدد المواسير وبكونوا واضحات في اغلب الصور بس في الصورة الثاله اوضح
راح تلاقي عددهن اكثر من عدد مواسير جسر عبدون
جسر عبدون في قطعات كثيره لكن الصور كانهم المواسير مسحوبين سحبه وحده
على جنب الرصيف ..جسر عبدون في اضواء بيض على الرصيف لكن الصور ما في هاي الاضواء

وحتى تتأكدوا راح اضع صورة لجسر عبدون
وكمان مقطع فيديو يظهر جسر عبدون من اوله من النفق الى اخر الجسر
واترك لكم الحكم والملاحظة
اتمنى ان تكون قد وصلت الفكرة ووضحت الامور
حتى نتأكد من المواضيع في المستقبل ولا تأخذنا الاندفاعيه

واشكركم على حسن الانصات

http://www.upislam.com/images/zknp5oi3jqmo4plh1k00.jpg

وهذه جوله على هذا الصرح الاردني
http://www.youtube.com/watch?v=1HBp1y0ah0U

[ريماس]

المبدع والمتألق دائما احمد كل الاحترام والتقدير والشكر

انا بشكرك اولا واخرا على حرصك على سمعه هذا البلد

انا رجعت للصور الي بموضوع عاريه على الجسر وقارنتها في الصور الي انت وضعتها فعلا الصور نهائيا مو متشابهه

وواضح جدا الاختلاف في الصور وانه الجسر فعلا قديم وعفا عليه الزمن

وبالنهايه والله اني بشكرك من صماصيم البي من الحته الي في الشمال دي لحرصك على بيان الحقيقه

وعدم الاستخفاف بسمعه بلدنا الطاهر

نحن ما بننفي انه مافي هيك شغلات لكن اعتقد لسه ما وصلت فينا الجراأة والوقاحه نعمل هيك اشياء في اماكن عامه

لذلك يرجى من الجميع دراسه اي موضوع دراسه عميقه وعدم السطحيه بالتفكير ونكون اوعى لانه والله موضوع زي هيك مو سهل ابدا

الناس بتدافع عن بلادها ونحنا بنجيب وبنرمي عليها بس سبحان الله وين الفضايح بنروح ركض عليها

دمت بخير عزيزي ودام قلمك الطاهر والمتجدد

[المشتاق]

اخ العزيز احمد
بغض النظر عن المكان سواء على جسر عبدون او على الاوتستراد
مش مشكله ... المشكلة يا احمد ان هذه الظاهرة موجودة
واعلامنا سلط الضوء عليها اكثر من مره .. وكان هناك مداهمات من قبل
رجل الامن والبحث الجنائي وتم القاء القبض على الكثير من الفتيات
في ساعات متأخرة من الليل في الشوارع ينتظرن اصحاب السيارات الفخمة
لعمل الرذيلة مقابل مبلغ من المال حيث تم التحقيق مع بعضهن
واعترفن بانتمائهن لشبكات دعارة .
لذلك تم وضع دوريات من الشرطة في بعض المناطق كعبدون والصويفية وجبل الحسين
والكثير من المناطق للقضاء على هذه الظاهرة المخزية .
جلست بالسعودية خمس سنوات وللأسف اني كنت بسمع عن هيك شغلات
من عائلات سعودية كنت قد نصحتهم بقضاء الاجازة بربوع بلدي العزيز
وحكولي بالحرف الواحد ان الاردن ما بنفع للعوائل ( يعني العائلات )
لزيارته . فلا بأس اخي احمد ان نطرح مثل هيك مواضيع
اما نسكت يا احمد وننتظر لما تصل الوساخه لعندنا .

حمى الله الاردن من كل مكروه ... واشكرك على حسك الوطني
وانتمائك الحقيقي .

[نور]

ربنآ يحفظك احمد ويبارك فيك اخى ويحفظ الاردن الغاليه
وعندك حق لأبد الواحد يتمعن قبل ما يندفع بعواطفه فيمآ يعرض عليه
ومثل ما قالت ريماس ما بدرى ليش الناس بتركض ركض خلف الفضايح
الله يسترنآ دنيآ وأخرى سلمت يمينك احمد

[ريما الحندءة]

الله يحميك لشبابك يا صهري العزيز

وتسلم على هذا المخ الكبير والمتفتح

وتسلم لحرصك على سمعة الوطن الغالي

وتسلم لكل هالتوضيحات

وبغض النظر على رأي الميع عن مكان الصورة السوء موجود فعلاً لكن نحن له بالمرصاد وسيبقى الأردن نظيفاً رغم المحاولات الفاسدة لبعض الفاسدين لتشويه سمعته النقية

((((خارج النص :::: مزوق ابو حميد الغنية حلوة والفيديو بجنن :131[1]:هههههههههههههههههههههههه تسلم اناملك ))))

[ابو قنوة]

كلام جميل ورد اجمل ..لكن كما اقتنعت انا بان الجسر هو جسر عبدون اقتنع الغير .. ربما للتشابه الكبير بين الجسرين ...
ان كنت قد اخطئات فحق علي ان اعتذر .... وانا هنا اعتذر .. لان الصور وصلتني اساسا على انها لجسر عبدون .. الذي هو لا مفخرة وطنية ولا غير ذلك ... مجرد جسر تم بناء جسور اعظم منه في عشرات الدول ومنذ عشرات السنين .... حتى ان جسر صويلح القديم اكثر منه فنا واعظم تاريخا ...
واشكر احمد على موضوعة الرائع والذي اقر فيه بصراحة اناه اعتقد فعلا انه جسر عبدون كما حدث لي وللغير ..
ولكن ان نشطح في الموضوع ويتم توجيه الاتهام بالسطحية وعدم التفكير .... والمزاودة على الوطن .. وكيل التهم جزافا كما فعلت للاسف ريماس .. فهذا ما للا يصح ولا يجب ....انتهى الموضوع الذي كان مجرد موضوع نقاش .. وكما قال احد الردود هنا ان المخفي اعظم ... انتهى.

[اسرار]

شكرا على التوضيح ابو حميد لانه الصورة اصلا ما كانت باينة عندي بس هيك شرحتها بالتفصيل
بس برضه حكي المشاتاق في منه ....... يعني مش نترك الموضوع الاصلي ونبلش في التفاصيل
يعني ما بحكي انه موضوعك مو صح..... بشكر الك غيرتك ع البلد وعلى سمعة الوطن الغالي
وبشكر الك حرصك الشديد على احاطتنا بكل التفاصيل للموضوع

[ريما الحندءة]

اختلاف الرأي لا يفسد للود قضية

وان كنا نخطا في تقدير اسلوب الآخرين في الطرح فهذا لأن البعض لا ينظر ابعد من أنفه

سعة الصدر في تقبل وجهات النظر المختلفة ميزة فريدة

وليس هناك صدرا اوسع من صدر الأردن الغالي

ومهما حاول غير الشرفاء ان يغيروا صورته فهناك من يقف لهم بالمرصاد

انا وجدت ان موضوع جسر عبدون الرئيسي هو (ضربة كف ) على وجوهنا لنستيقض وندافع ونمنع ان يحدث في وطننا الحبيب شيئا مماثلا

ابو قنوة لم يخطئ واحمد لم يخطئ فلكل منهما وجهة نظر سليمة كما ارى (مع قصر نظري)

ان كان هذا الأمر وجد فعلا او لم يوجد ليس هذا هو بيت القصيد انما صحوة الضمير فينا هي المقصودة

(شو عم اكتب انا منكم لله)

المهم استمروا في ايقاظ النائمين لا تتوقفوا عند كلمة او حرف

انا معكم يا اشرف الشرفاء

[ابو قنوة]

كلامك درر..

[ريما الحندءة]

هاد امر مفروع منه

[ابو قنوة]

لكن المشكلة .. درر صينية يعني مرات ومرات

[ريما الحندءة]

اردني اصلي الله وكيلك ،، وطفيلية كح رغماً عن كل الشوارب

[ابو قنوة]

يا ساتر تستر .... شوي شوي .. بلاش تفقعي ..

[ريماس]

انا ما قصدت شخص بذاته انا كنت احكي بشكل عام وانا اولكم فكرت انه هاد جسر عبدون

لكن سبحان الله سوء النيه دايما موجود فينا

على كل انا غلطانه ما كان لازم اعمم كان لازم حكيت انت يا ............ تفكيرك سطحي

[ابو المعتز]

اولا واخرا ليس من السهل علينا ان نؤمن او نصدق مثل هذه التفاهات
والسبب بسيط جدا هل من المعقول مثل هذه الصور وخاصه الباس الخاص
بالبحر ان يكون على جسر عبدون ولا البحر انتقل لعمان وسلامة فهم
اعضاء المنتدى......................!
وبعدين انا مش عارف ليش مثل هيك مواضيع من الاصل يتم وضعها بالمنتدى
هل وصل الاستخفاف بنا لهذالحد...............
عزيزي احمد مش قادر اكمل اكثر من هيك لانه فعلا شيء مخزي جدا ؟؟؟؟

[ابو سلطان]

نفسي اشوف الصور الي خوثتونا فيها
.
واحد يبعثلي اياها وانا بقلكم بأنيه زقه بالزبط
.
.
:000:

[ريماس]

والله يا ابو سلطان قلبت الجوجل اني الاقي وين هالجسر باي مكان ما عرفت وين بجوز انسخط

[Gladiator]

المبدع والمتألق دائما احمد كل الاحترام والتقدير والشكر

انا بشكرك اولا واخرا على حرصك على سمعه هذا البلد

انا رجعت للصور الي بموضوع عاريه على الجسر وقارنتها في الصور الي انت وضعتها فعلا الصور نهائيا مو متشابهه

وواضح جدا الاختلاف في الصور وانه الجسر فعلا قديم وعفا عليه الزمن

وبالنهايه والله اني بشكرك من صماصيم البي من الحته الي في الشمال دي لحرصك على بيان الحقيقه

وعدم الاستخفاف بسمعه بلدنا الطاهر

نحن ما بننفي انه مافي هيك شغلات لكن اعتقد لسه ما وصلت فينا الجراأة والوقاحه نعمل هيك اشياء في اماكن عامه

لذلك يرجى من الجميع دراسه اي موضوع دراسه عميقه وعدم السطحيه بالتفكير ونكون اوعى لانه والله موضوع زي هيك مو سهل ابدا

الناس بتدافع عن بلادها ونحنا بنجيب وبنرمي عليها بس سبحان الله وين الفضايح بنروح ركض عليها

دمت بخير عزيزي ودام قلمك الطاهر والمتجدد

ريماس الرائعة اشكرك على تفهمك للموضوع ومثل ما حكيتي انت مابننفي انه مافي مثل هيك شغلاات وكثيير
يعطيك الف عافيه على ردك الروعه

[Gladiator]

اخ العزيز احمد
بغض النظر عن المكان سواء على جسر عبدون او على الاوتستراد
مش مشكله ... المشكلة يا احمد ان هذه الظاهرة موجودة
واعلامنا سلط الضوء عليها اكثر من مره .. وكان هناك مداهمات من قبل
رجل الامن والبحث الجنائي وتم القاء القبض على الكثير من الفتيات
في ساعات متأخرة من الليل في الشوارع ينتظرن اصحاب السيارات الفخمة
لعمل الرذيلة مقابل مبلغ من المال حيث تم التحقيق مع بعضهن
واعترفن بانتمائهن لشبكات دعارة .
لذلك تم وضع دوريات من الشرطة في بعض المناطق كعبدون والصويفية وجبل الحسين
والكثير من المناطق للقضاء على هذه الظاهرة المخزية .
جلست بالسعودية خمس سنوات وللأسف اني كنت بسمع عن هيك شغلات
من عائلات سعودية كنت قد نصحتهم بقضاء الاجازة بربوع بلدي العزيز
وحكولي بالحرف الواحد ان الاردن ما بنفع للعوائل ( يعني العائلات )
لزيارته . فلا بأس اخي احمد ان نطرح مثل هيك مواضيع
اما نسكت يا احمد وننتظر لما تصل الوساخه لعندنا .

حمى الله الاردن من كل مكروه ... واشكرك على حسك الوطني
وانتمائك الحقيقي .


يا مشتاق افهمني انت والموجودين انا بحكي وين وانت وين بتحكي
مين نفى انه مافي مثل هيك شغلات في وفي كثيير بس ياعمي الخبر مش صح نروح نلصق الشغله خاوة لجسر عبدون
واذا على هيك من بكرة بجيبلك الف مقطع وصور وانت اعطيني اسماء مناطق في الاردن وبنكتب عنها
مش هيك بنحل المشكله
يا اخوان الشغله مش في الاردن انا بحكي عن الشغله هاي اذا بدك تناقش موضوع شبكات الدعارة في الاردن روح ناقش بس في موضوع ثاني ومش اي صورة في اي بلد ثاني نصير نلصقها على الاردن الي فينا مكفينا بدل ما نبعد الشغله عنا نصير نلصقها

ويا مشتاق بتفرق بين مكان ومكان يعني هسه التشليف في الغابات بدون ماحدا يشوف مثل لما يكون في الشارع العام
اذا وصلت الامور للشارع العام معناته وصلنا لمرحلة الانحطاط واول ناس بننسأل عنها انا وانت وكل المجتمع
المجاهرة في المعصيه غير عن كتمانها وهذا حكي ربنا وحكي الدين مش حكي انا

وبالنسبه لشبكات الدعارة يا مشتاق بجوز انت سمعت في البواغي الباغيات الي كانوا زمان يعني شغله وين ما تروح بتلاقيها مش بس عنا من اول من انخلقت الدنيا

وكمان حراااام عليك يا مشتاق هسه الاردن ما بنفع للعوائل
مشتاق احنا هسه في فصل الصيف بدي اعزمك على عمان ونروح على المولات وعلى الحدائق والفنادق والشقق الفندقيه مابدي تعد عدد الخليجين كلهم بس عد سعوديين لانهم همي الي حكولك هالحكي صح وشوف قديش في عوائل
ومش ندرة او عدد قليل ..يا رجل عمان في الصيف ازمة الشوارع مش طبيعيه ونمر السيارات كلها من الخارج لدرجة انك ممكن تنسى انك اردني بصير نفسك تقرأ رقم سيارة اردني . حراااام عليك

واتحدا الوطن العربي كله والعالم كماان اذا في اماااااان مثل الامان الي في الاردن

مشتاق كلامك سليم لازم نطرح مثل هيك مواضيع وما نستنى توصل الواساخه لعنا .. اذا الوساخه لسه ماوصلت ليش نوصلها احنا خاوة ونقنع انفسنا انه احنا عايشين فيها
نطرح مواضيع توعويه تحذير كمان نطرح قصص صارت بس صارت حقيقه مش نلفقها على اي شارع او اي جسر ونحكي بدنا نحل مشكله

يعطيك الف عافيه مشتاق وانا والله انبسطت من نقاشك لانه هدفي وهدفك واحد والعفو منك اذا انا ماقدرت اعبر عن شي
تقبل مروري انا على ردك الرائع

[Gladiator]

ربنآ يحفظك احمد ويبارك فيك اخى ويحفظ الاردن الغاليه
وعندك حق لأبد الواحد يتمعن قبل ما يندفع بعواطفه فيمآ يعرض عليه
ومثل ما قالت ريماس ما بدرى ليش الناس بتركض ركض خلف الفضايح
الله يسترنآ دنيآ وأخرى سلمت يمينك احمد

ويحفظك يارب يا نور ويحفظ مصر ام الدنيا واي مشكله مثل هيك في اي بلد عربي لا تعني انه المتضرر منها فقط هذا البلد بس بل كل الوطن العربي
ومثل ما حكيتي ربنا يسترنا دنيا واخرة
اشكر مرورك الروعه

[Gladiator]

الله يحميك لشبابك يا صهري العزيز

وتسلم على هذا المخ الكبير والمتفتح

وتسلم لحرصك على سمعة الوطن الغالي

وتسلم لكل هالتوضيحات

وبغض النظر على رأي الميع عن مكان الصورة السوء موجود فعلاً لكن نحن له بالمرصاد وسيبقى الأردن نظيفاً رغم المحاولات الفاسدة لبعض الفاسدين لتشويه سمعته النقية

((((خارج النص :::: مزوق ابو حميد الغنية حلوة والفيديو بجنن :131[1]:هههههههههههههههههههههههه تسلم اناملك ))))

حماتي الله يسعدك ويخليك وهذا المخ ترباية ايديك ما عليك زوود
وايا ام معتز رايح يصير وبصير هيك شغلات بس والله مثل ما حكيت لمشتاق والله بتفرق من مكان لمكان
يعني الظاهرة بحد ذاتها مشينه ومخزية وين ماكان المكان وبتكون اكبر بكثير اذا كانت في مكان عام او معروف او علم بكون الها دلالات اخرى

وبالنسبه للاغنية والله هي هيك اجت انا اخذت المقطع من اليوتيوب يعني طبتك طبتها العافيه محسوبك ههههههه
يعطيك الف عافيه

[Gladiator]

كلام جميل ورد اجمل ..لكن كما اقتنعت انا بان الجسر هو جسر عبدون اقتنع الغير .. ربما للتشابه الكبير بين الجسرين ...
ان كنت قد اخطئات فحق علي ان اعتذر .... وانا هنا اعتذر .. لان الصور وصلتني اساسا على انها لجسر عبدون .. الذي هو لا مفخرة وطنية ولا غير ذلك ... مجرد جسر تم بناء جسور اعظم منه في عشرات الدول ومنذ عشرات السنين .... حتى ان جسر صويلح القديم اكثر منه فنا واعظم تاريخا ...
واشكر احمد على موضوعة الرائع والذي اقر فيه بصراحة اناه اعتقد فعلا انه جسر عبدون كما حدث لي وللغير ..
ولكن ان نشطح في الموضوع ويتم توجيه الاتهام بالسطحية وعدم التفكير .... والمزاودة على الوطن .. وكيل التهم جزافا كما فعلت للاسف ريماس .. فهذا ما للا يصح ولا يجب ....انتهى الموضوع الذي كان مجرد موضوع نقاش .. وكما قال احد الردود هنا ان المخفي اعظم ... انتهى.

ابو قنوة
ليش انت دايما بتحط نفسك في خانة الاتهام .. انت حكيت انه وصلك ايميل يعني مش انت الي كتبت عليه جسر عبدون
يعني الخطأ من قبلك ومن الي بعثلك اياه ومن الي بعثه اله وجرررررر .. بس كان عتب عليك بسيط فقط لا اكثر ولا اقل لانك بتدقق كثيير كيف غابت عنك هالشغله بعرفك بتدقق على كل الناس ونازل فيهم طس ...
لا داعي للاعتذار ابو قنوة فالذنب ليس ذنبك ولم يتهمك احد وريماس لم توجه اصبعها لك ولكن لا اعرف انت لماذا اتهمتها هذا الاتهام فكلامها كان واضح انه بشكل عام ليس لك فانت مثلما قلت اتاك ايميل
وبالنسبه للجسر لا والله ما معك حق هو مفخرة وطنيه من هون للصبح
بجوز الملفت للانتباه على ما اعتقد والي دفعك ياابو قنوة تكتب هيك موضوع انه الامر على جسر علم في عمان ولا ليش ما كتبت عن فضايح ثانيه ليش لانهم مش في منطقه عامه ومعروفه مثل هيك
وهذا الشي الي بناقض كلامك لما حكيت انه هذا الجسر مش مفخرة لانه لو هو مش مفخرة ما كان كتبت عنه لانه في الف الف فضيحه بس في غير هيك موقع
ليش احنا دايما بنسلخ انفسنا عن هذه المناطق الغربيه في عمان
هذه جزء من وطننا والنا مش لاي حدا ثاني دايما بننظر الها بنظرة اما الحسد او الحقد وكونه الجسر الوحيد في الاردن وانا بعترفلك انه في جسووور كثير افضل منه فهو ليس مثل جسر المعلق في بغداد ولا مثل جسور القسنطينه في الجزائر ولا جسر فرانسيسكو

ولكن نستطيع ان نقول انه بداية مبشرة في الخير ومش انا او انت الي بنحدد اذا كان هذا معلم ولا لأ الضيوف والسياح والزوار همي الي بحددوا اذا كان هذا واجهة حضاريه ولا لأ ودايما بنشوفهم هناك

اشكرك ابو قنوة وعلى العكس موضوعك اعجبني مش للصور ولا لأي شي بس عشان مطلع اغنية ناظم على جسر المسيب سيبوني لاني بحب هاي الاغنية
ولولا انك ما كتبت ما كان وضحت الامور وضلت على ماهي ... رب ضرة نافعه

[Gladiator]

شكرا على التوضيح ابو حميد لانه الصورة اصلا ما كانت باينة عندي بس هيك شرحتها بالتفصيل
بس برضه حكي المشاتاق في منه ....... يعني مش نترك الموضوع الاصلي ونبلش في التفاصيل
يعني ما بحكي انه موضوعك مو صح..... بشكر الك غيرتك ع البلد وعلى سمعة الوطن الغالي
وبشكر الك حرصك الشديد على احاطتنا بكل التفاصيل للموضوع



لا شكر على واجب اسرار ويعطيك الف عافيه
وشو يا اسرار بعرفك ما شاء الله عليك صحيح انك مهسهسه بعض مرات بس بتطلعي في طلعات حلوة دايما

اي موضوع الي تركناه وصرنا في نتناقش في التفاصيل
اذا الموضوع اصلا غلط ولا بخص الاردن من قريب ولا من بعيد ومش بعيد تكون الصور في بلد اجنبي .. خاوه نصير نناقش ونحكي انه البلد وصلت لمرحلة الانحطاط والدليل على ذلك الصور الي همي مش لهذه البلد

اذا بدك نحكي عن الموضوع عن البنت نفسها وكيف سمحت لنفسها يلا خلينا نروح على المنتدى الاسلامي وهناك بنتناقش
وبنصير نحكي عن الموضوع كظاهرة وقلة الدين عند البنت هذا اذا كان في دين هو الي دفعها تعمل هيك عمايل

اسرار تعبت وانا بحكي من اول الموضوع انه في مثل هيك والمخفي اعظم واكثر من هييك بس يا اخوان الشغله ماصارت هناك واذا بدها تصير هناك انا اول واحد رايح يحكي انه الامن والشعب وصلوا لادنى درجات الانحطاط والتسييب .. بس لسه الدنيا بخيير
والله لا يجيب هذيك الايام

(اسرار بيني وبينك هالحكي بس لا تحكي لحدا والله لا شغلة غيرة على البلد ولا سمعة بس بتعرفيني كونان بحب ادقق على كل شي ههههههههههه , عارف شو بدك تحكي بدك تحكي لو الشغله فيها دراسه وجامعه ما كان انتبهت واتشاطرت ههههه )
يعطيك العافيه اسرار على ردك الجميل

[Gladiator]

اولا واخرا ليس من السهل علينا ان نؤمن او نصدق مثل هذه التفاهات
والسبب بسيط جدا هل من المعقول مثل هذه الصور وخاصه الباس الخاص
بالبحر ان يكون على جسر عبدون ولا البحر انتقل لعمان وسلامة فهم
اعضاء المنتدى......................!
وبعدين انا مش عارف ليش مثل هيك مواضيع من الاصل يتم وضعها بالمنتدى
هل وصل الاستخفاف بنا لهذالحد...............
عزيزي احمد مش قادر اكمل اكثر من هيك لانه فعلا شيء مخزي جدا ؟؟؟؟


ابو المعتز ما بزيد على كلامك .. يعني كلامك مية بالمية صح واذا بدنا نلاحق هالشغلات بدل ما نستر عليها نصير نفضحها ما بتخلص
ممرضة في مستشفى وطلاب الجامعه وفتاة في منتزه ومش عارف شو من هالفضايح والله مش راح تخلص

ويا ابو المعتز هدي شوي مش هيك القصد لا الاستخفاف ولا شي كلمة حق احكيها
قضيه للمناقشه فقط وكله نقاش في نقاش حتى نخرج في نتيجه
وعلى العكس لو ما كتب ابو قنوة الموضوع كان ما عرفنا انه هذا مش جسر عبدون رب ضرة نافعه
نوررررررررررت ابو المعتز
وياريت عنا في عماان بحر ههههههههه

[Gladiator]

نفسي اشوف الصور الي خوثتونا فيها
.
واحد يبعثلي اياها وانا بقلكم بأنيه زقه بالزبط
.
.
:000:

:hh30:
ابو سلطان ما بدك هالشوفه بعدين بجوز تغيب ولا ترمي حالك من على الجسر

[Gladiator]

ريماس
انت ما اتهمت حدا ولا حدا اتهم حدا ولا حدا زاود على وطنية حدا .. ولا تكبرولنا الموضوع
انتي ردك كان واضح بس بجوز ابو قنوة فهم الموضوع غلط وانه هو المقصود

[المشتاق]

اخي العزيز احمد ..
تحية تقدير واحترام
واشكرك على الرد الرائع واللبق وان دل على شيء
انا يدل على انك انسان محترم تعي مفهوم النقاش والحوار
و شخص مسؤول . وتحترم الرأي والرأي الآخر .
اعتقد انني فهمت ما تعنيه ... كثّر الله من امثالك
وجعلك الله سندا وذحراً للوطن .

[دانا]

والله يا احمد انك بردتلي ناري بكلامك مشكور ابو حميد ... متعودين عليك دايما جيب الخير وجاي...
وبصراحة انا ما شفتهم الصور ... على السمع انقهرت وعلى السمع انبسطت
شكرا الك ابوحميد

[ابو قنوة]

فهمنا انه جسر عبدون ...........جسر .. لا مثيل له .. مع ان جسر السبع بنات عند مدخل جبل المنارة اجمل منه مئات المرات ومع ان هذا الجسر عثماني قديم الا انه تحفة معمارية لا ند لها ..
كل ما في الامر انه حتى لو كان الجسر المقصود هو جسر عبدون .. وان العارية هانم هي من تكون ... فهل هذا مقياس للوطنية .. اذا ربطنا الوطنية باي ساقط او ساقطة .. اي كانوا فهذا امر كبير .. ان نكتب عن سقوط او عن خربان بيت او عن انعدام اخلاق .. فهذا لا يمس الموطنية بل ينميها ..
وهذا لا يكون جلد ذات او جلد اوطان بل هو محاولة فقيرة للكنس .. وتنظيف القيم التي نعتز بها لا اكثر ولا اقل ...

[Gladiator]

مشتاق .. انت الاصل وكلامك اثلج صدري ومنكم نستفيد وانا ولا شي في بحرك
والله انك على راسي
كل الشكر لك لتفهمك كلامي واخجل منك اذا خرجت مني كلمه هيك ولا هيك الخطأ مردود

[Gladiator]

دانا
والله زمان عنك يا بنت منيح والي رديتي على موضوعي
وهذا كله بعض مما لديكم ..
نورتي والله يا دانا

[Gladiator]

ابو قنوة وبعديين يا زلمه هي الشغله بس للمجاكرة ولا شو
اقولك يا زلمه
يلعن ابو عبدون على الرابيه على ام اذينه كلها
والله قعده تحت زيتونه في الطفيله مع ابريق شاي لونه اسود بتسوى عندي الدنيا كلها
وانا من الاول بحكيلك انه مش هذاك الجسر ومش مثل الجسور الجزائر ولا فرانسيسكو ولا اليابان
وهو ما اله اي تراث هذا الجسر والله عارف والله العظيييييييم عااااااااااااااااااااارف انه جسر صويلح احسن منه وكل يوم بشرب قهوة تحت جسر صويلح من الكشك الي هناك اكيد بتعرفه
بس بالعربي وبالمشرمح صور مثل هيك في مكان كله سفارات ودوائر حكوميه يعني غياب الشرطه والشعب وانهم قاعدين بلعبوا شده ومعطينها طناااش
ولما يصير هالوضع انا اول واحد رايح يطخ عليهم ولا يهمك والله لا شك شك شك شك شك شك سلسفيل اهلهم
بس خلونا عايشين الوضع الحالي ومبسوطين خلونا نتمتع في الامن الي عنا قبل ما توقع الفاس في الراس وما نستبق الاحداث
واذا بدنا نحصن انفسنا من انه ماتوقع الفاس في الراس ونقي انفسنا لازم نناقش الموضوع بس في مكان اخر وبالعموم وكظاهرة بتحصل في كل الدول
هلا عمي نورت

[Gladiator]

ان نكتب عن سقوط او عن خربان بيت او عن انعدام اخلاق .. فهذا لا يمس الموطنية بل ينميها ..
وهذا لا يكون جلد ذات او جلد اوطان بل هو محاولة فقيرة للكنس .. وتنظيف القيم التي نعتز بها لا اكثر ولا اقل ...

اشهد بالله كلامك صح ...