بدي رأيكم بالامتيازات التي تقدم للنواب

[المشتاق]

شو رأيكم بالمنح والامتيازات التي تقدم للنواب ... بستاهلوها

1- اعفاء سيارات النواب من الرسوم الجمركية
2- تأمين عدد من تأشيرات الحج لك نائب لتوزيعها
3- تخصيص مقاعد جامعية للنواب
4- السماح للنواب ببيع الاعفاء الجمركي لسياراتهم
5- تأمين منح مالية للنواب لتوزيعها على الطلبة المحتاجين
6- منح جامعية للنواب ( اختيار عشرة طلاب جامعيين يصرف لكل واحد منهم 360 دينار ) . هذه اليوم سمعت فيها
7- لكل نائب الحق في تجنيد اثنين في الدفاع المدني .
هذا اللي انا بعرفوا ...

طبعاً غير الرواتب والسفرات والمياومات

[ريماس]

نسيو يوزعولهم فيزا كارد لدخول الجنه بدون حساب اي يروحو يطيرو

والله ماحد ماكلنا الا هم

[احمد الحراسيس]

لا تنسى انه النواب من افراز الشعب.... و اذا أغلبية شعبك راضيين فشو بفيد كلام اللي مش راضي!

يا سيدي شعبنا أغلبيته سلبي... ساكت... مش واعي للموضوع و حتى مش راضي يسمع فيه عشان يوعاله......


كلهن سنتين و بعدّن... و الدور و الباقي علي و عليك.....

[حرف]

كيف هيك طيب

والله الي بصير نائب يعني امه راضية عنه
على راسهم ريشة يعني
من غير شي فيتامين و شغال
كيف مع كل هاي الاشياء

[دانا]

نيالهم يا عم مو هم السلطة التشريعية بالبلد بطلعلهم عادي ... بعدين مش احنا اخترناهم ... وكمان حرام اي الواحد فيهم عشان يصير نائب بفت لما يموت ... حرام لازم يطلعلهم تعويض

[المشتاق]

كل واحد الو وجهة نظر .. احترمها
مشكورين على المرور

[ابو قنوة]

انا ادعوا الى الغاء مجلس النواب .. وفصل اعضائة .. وارسالهم خدمة علم بالجيش ....كمن سنة ..
يعني نواب ثلاث ارباعهم نجحوا بالتزوير .. وربعهم فازوا بقروشهم ورشاويهم .. والباصات رايحة جاية والبطاقات على عينك يا تاجر ...... ونصهم اصحاب شركات .. والنص الثاني مقاولين .. والنص الثالث كوتا بعرفش لشو .. والنص المليون ملوش لزوم .. بمصو دم الناس وبخرطو عليهم عالفاضي ..شو بدنا بالنواب والنيابة .. انا اؤيد الاحكام العرفية .. اشرف .. واثني على من قال ان الشعب سلبي .. يعني خالص شحنو .. سلامتكوا .. الف سلامة عليكم ..

[المشتاق]

اكيد باستثناء نواب الطفيلة يا ابو قنوة ... ماشاء الله تبارك الله

[اسرار]

1- اعفاء سيارات النواب من الرسوم الجمركية
الله يعينهم..... حقهم من كثر ما بيركضوا وراء مطالب الناس مش ملحقين بدهم اكثر من سيارة ولازم يعفوهم
2- تأمين عدد من تأشيرات الحج لك نائب لتوزيعها
عشان يلحقه اجر عند باب الله اذا كان من الذين يعرفون الله وتصح اله دعوة طايرة من هون ولا هون
3- تخصيص مقاعد جامعية للنواب
لنفس السبب المذكور اعلاه حراااااااام لكسب الاجر في طلاب العلم
4- السماح للنواب ببيع الاعفاء الجمركي لسياراتهم
يعني اللي صاح اله شغلة ومش مستفيد منها يخليها تروح عليه فشرررررررر بيبيعها احسن
5- تأمين منح مالية للنواب لتوزيعها على الطلبة المحتاجين
برضه لكسب الاجر كله مشان يمحو الذنوب اللي الهم

6- منح جامعية للنواب ( اختيار عشرة طلاب جامعيين يصرف لكل واحد منهم 360 دينار ) . هذه اليوم سمعت فيها

وين كانت عن دورنا ما عمري اسمعت فيها....صدق هاي لجيبته او ابنه..... ابو الميش اولاده الهم امتيازات شي غير عنه دور يا غبران هون ولا هون حرام تظلم العيال
7- لكل نائب الحق في تجنيد اثنين في الدفاع المدني .
لحماية الوطن كله اولا واخيرا لخدمة البلد
هذا اللي انا بعرفوا ...
دوررررررررررررررر واكيد راح تلاقي غير ولا لشو بيقطعوا حالهم وبيحطوا اللي فوقهم واللي تحتهم مشان هالكرسي مهو من اللي بيجي من وراء عن جد الشعب غبي ...... وانتو اكبر قدر
طبعاً غير الرواتب والسفرات والمياومات

هوووووووووووووو لا تعد هاي مفروغ منها لكل اصحاب الكراسي

[المشتاق]

والله يا اسرار .... ردك من الآخر
بنت بلد عن حق

[ابو قنوة]

نواب الطفيلة خص نص .. ما حدا نجح بذراعو ... عل الحلال عن جد ... نائب الطفيلة الوحيد .. اسد الطفيلة الذي ينجح لو نزل في هونولولو .. هو ابو فرحان ..

[المشتاق]

وينو ابو فرحان ... يا ابو قنوه
والله اشتقنالوا

[ابو قنوة]

بهندز بالمهندزين ... واعتزل باقي الشغلات .. اريح .