يسقط الحجاج ... [الأرشيف] - شبكة ومنتديات صدى الحجاج

ابو قنوة

11-06-2009, 13:04

ابو معمر ماخذها مقاولة ..
الله وكيل .. نايم ومتربع وبهبد نيرات .. من المنتدى واحنا بنحرث ...
الزلمة خلص ثبت حالو .. واخذها مراثة .. كابر عن كابر ...
يعني شاكوش طوبرجي ما شالو من مكانه ... زبط الامور وصار له اعوان ومستشارين .. وكمان بودي جارد .. وبالعربي ناوي يظل يحرث علينا كمان ميتين سنة ...لانا نايمين ومسطولين ...
.. لا ديمقراطية ولا انتخابات .. ومن يوم يومه ما عمل انتخابات ولا ما لا يحزنون .... شيخ مشايخ الوسط والشرق والغرب.... والطول والعرض ..... قاعد ومتربع .. ومش هامة لا معارضة ولا مباطحة .. بدهاش فن ...صار لازم نشيلو ... لازم نحلقلو على الناشف .. ونشطفة بمية الغسيل ..
وعلى سيرة الغسيل ..ممنوع تنشر غسيلك اذا ابو معمر ما وافق .. وممكن بدك حسن سلوك .. ولا حكم عليه اذا فتحت ثمك شوي ...وبدك موافقة الاوقاف بتعت ابو معمر .. اه صار عنده مديرية اوقاف ...
المطلوب انتخابات حرة نزيهة ديمقراطية شفافة .. يشارك بها الشيوخ والدقون .. والشيوعيون والبعثيون والموارنة .. والشركس والبهائيون .. والنسوان والحريم .والرقاصون والرقاصات والمثليون والنص كم وربع الشبس والبنطلونات الساحلة وجماعة العلكة والدي اف ....
وابو قنوة مترشح مترشح .. وعلي الطلاق من ذراعي لما اصير زعيم على كتافكم ... لاعمل استفتاء دستوري .. 100% وديمقراطي حر ونزيهه .....يمكني ان اكون زعيما على كتافكم الى الابد .. ومن اليوم وطالع ما النا حكي الا ((الا الابد يا ابو قنوة الى الابد)) ....على وزن الا الابد يا حــــ .... سد
السلام عليكم ...

النجمه المضيئه

11-06-2009, 13:08

حلوة ابو قنوة حبيتها هذا حقك وانت حر باالمطالبة فيه...........اما ابو معمر ف بيطلعلو لانو لولاهـــ انت مو قاعد بتفضفض وبفش خلقك(غلك) بهاالمنتدى ولا شو؟؟؟

حرف

11-06-2009, 13:15

بما انك فضفضت وماخذ راحتك ازا ابو معمر ديمقراطي
يلا ومن حقك ابو قنوة رشح حالك
راح تعمل حملة انتخابية ؟

ابو قنوة

11-06-2009, 13:19

يا عزيزتي هذا كله تمويه .. امام الراي العام وامام منظمات حقوق الانسان والرفق بالحيوان علشان يشحذ على ظهورنا .. الزلمة بلم الدولارات بالكريك والقفة .. يعني الطايح رايح ... بدهاش فن .. بدنا حصتنا .. يودينا شيكات .. بنغرش .. غير هيك .. بنفضحوا عل منابر الامم المتحدة والامم المتخلفة .. وصدقيني حكيت مع عمرو موسى .. والزلمة فتح ثمة واستغرب الاشاعات .. بس وعدنا خير .. لازم يصير بابو معمر مثل ما صار بصدام الله يرحمو .....اصلا هم قرايب من بعيد .. لانو صدام كان اسمة صدام حسين التكريتي الحجاج .. بس ابو معمر ما بحكي لانو خايف.يروح على غوانتانمو وما يروح على ابو غريب لانو بدو يصير بطل اذا راح على ابو غريب .. وبنبسط كثير هناك ...

م.محمود الحجاج

11-06-2009, 14:35

في ايام الانظمة الدكتاتوريه كان القطن هو دلالة على تكميم الافواه التي رفضت الظلم والجور , وحتى اصبحت مصر عاجزة عن تلبية طلبات الانظمه العربيه من القطن لان الدول العربيه اكبر مستورد ومستهلك للقطن وانت تعرف اين توضع القطنه ....
وبعد التغيير الذي حصل في اسقاط اعتى الدكتاتوريات التي شهدها العالم للأسف أيضا بقى القطن حاضرا ولكن هذه المرة ليس في فم المواطن الذي استطاع بفضل رياح التغيير العاصفة ان تجعله يصرخ باعلى صوته ويقول ما يشتهي قوله بظل الديمقراطية ( بغض النظر ان كانت هي تستحق ان توصف بهذا الوصف أو ربما هي مجرد انفلات فوضوي ان صح لي التعبير ) ، فالقطن هذه المرة انتقل من الأفواه الى اذان المسؤولين الجدد في الدول العربيه .
نعم انتقل هذا القطن من فم المواطن العربي الى اذن المسؤول الذي لا يحب ان يسمع اصوات مواطنيه البائسين وفي كل الأوقات والمواضع وكانهم يطالبون بامور كمالية وليست اساسية يحتاجها ربما حتى ممن هو لايحسب على الجنس البشري !!! . للاسف اصبح صوت العرب صوتا مهدورا .... صوتا ضائعا بين التكميم وبين عدم سماعه .. فكلما ازدادت مطالبة الشعوب لحقوقهم ازداد استيراد المزيد من القطن . اما عندنا في منتدياتنا لا اثر للقطن ابدا .. على عند الاعضاء ولا عند الاداره .. ما بعرف عند كبار الشخصيات اذا كان له اثر ام لا ...
شو رايك با ابو قنوه ؟؟!!
على الاقل انا بسمع منك وما بحطلك قطنه هههههههههه ؟؟؟؟؟

ميس

11-06-2009, 15:39

هههههههه حلوه منك ابو معمر
بس ما قلتلنا ايمتى رح توصل طلبية القطن يلي انتا موصي عليها
لانه اكييد انتا ما حكيت بهالموضوع إلا لحتى توضّح النا طريقة استعماله

يلا انا معاك ابو قنوه رشح حالك وما عليك ( يا نعيش عيشه فل يا نموت احنا الكل)
بس دخيلك ياابو قنوه اذا شميت ريحة حبس وتحقيق وسين وجيم خبرني لحتى انفد بريشي
لانه عضمي طري وما بيحمل نكشه .

هبة الرحمن

11-06-2009, 16:04

شو ابو قنوه خلصت من الاعضاء وبلشت بالاداره
ما بشوفلك موضوع وبقرئو غير بلاقي فيو معارضه على شو ولا شو حتى انت ما بتعرف المهم انك تعارض
بدي انصحك نصيحه ريح راسك وغير اسمك لا المعارض دائما او اعترض ههههههههههههههه

ومنشوف بالانتخابات مين بدو يصوتلك حاسه محد راح يوقف معك غير يلي بيخافو من قنوتك وهدول الجبناء بس وما بتوقع بقئ في جبناء نحن في زمن الديمقراطيه
:000: متخيلتك هي انت ابو قنوه كل ما تدخل المنتدى بتكون هههههههههههههه

دانا

11-06-2009, 19:18

هبوش احقظي لطشك بعيد عن هون
انا بصوتله لابو قنوة ومو خايفة من قنوتوا بس عنده منطق ... بس مو قدام ابو معمر يعني اله ولابو معمر لانه ابو معمر بالنسبه الي خط احمر

بس ابو قنوة بصراحة اعمل يللي بدك اياه طالما ما بيتعدى على حدا ... لانك حرررررررررررررررر

م.محمود الحجاج

11-06-2009, 19:58

الاخوة والاخوات الاعضاء
رضوخا لرغبتكم ورغبة جماهيرنا الابيه
واستنادا للاصلاحيات الممنوحة لي اعلن فتح باب الترشيح للجميع اعضاء صدانا الغالي
وذلك من اجل الترشح لمنصب مدير عام الموقع وذلك حسب الشوط التاليه : -
1- ان لا يزيد رقم العضويه عن 5
2- ان لا تقل مشاركات العضو 5000 مشاركه
3- ان يكون مضى على عضويته اكثر من سنتين
4- ان يكون قد شغل منصب مدير عام شبكة ومنتديات صدى الحجاج مدة سنتين على الاقل
5-ان يكون حسن السيره والسلوك وخاصة في كتابة الخواطر والردود على همس القوافي
على كل من يجد في نفسه الكفائه الاسراع بتقديم الطلب لاحد المراقبين والمتواجدين على مدار الساعه
نعاهدكم على ان نتعامل مع جميع الطلبات بكل شفافيه .. وان نمنح الفرصه لجميع المرشحين لطرح برامجهم الانتخابيه
بنفس الحجم والوقت وعلى جميع صفحات المنتديات .
اننا نطلب الاخ ابو قنوه الرجوع الى ارض الوطن وممارسة حقه الدستوري في الترشح والانتخاب وعفى الله عما مضى .
والله ولي التوفيق ...
اللجنه الوطنيه للاشراف على الانتخابات الديمقراطيه

ميس

11-06-2009, 20:11

ابو قنوه تع ع جنب شوي بكلمه سر ما بدنا نشمت حدا فينا
( هدول الشروط موجوده فيك ولا تنسحب من تم ساكت ؟ )

اذا فيها شي بيمنع مشاركتك بالحمله الانتخابيه قول لحتى نعمل اعتصام قدام باب المنتدى
ونقول انه حط شروط تعجيزيه لحتى يمنعك من ترشيح نفسك .

ابو قنوة

11-06-2009, 21:21

هاي الشاطر في ابو معمر بحط شروط على كيفو ..
يا راجل ريحنا وقول الشرط الوحيد المطلوب ..
وهو من يترشح يجب ان يكون محمود الحجاج وحدة لا شريك له ..
ريحنا وريح حالك ..
بس عل الطلاق من حفايتي ... ما انا ساكت .. ولغير تشوف بكرة بلندن شو رايح يصير ..
وبعدين ما تنسى انا معي حمد .. انت مين وراك ...
امبريالي عميل انبطاحي زيبقي...ارتوازي انتهازي ... متمدد متقلص .. متحجج .. معتمر ..
حبيب نسوان ....

ميس

11-06-2009, 21:41

ههههههههه مافي ولا فيوز شغال عندك الحمد لله
خلص ابو معمر نعتبر ابو قنوه مرشح ولا مافي امل
حاكم هاد فضيحه ماعنده يما ارحميني بكرا بفضحك بالمنتديات
وبلم علينا أمة لا اله الا الله .
وبجيب كبارية المنتديات لينصفوه..!

بس والله محتارره ياابو قنوه لو فعلا انتا يلي فزت شو رح يصير بالمنتدى ؟ اكييد لرجال فقط

ابو قنوة

11-06-2009, 21:44

لا وحياتك ...
زعيم الى الابد ... يعني لحتى اكت ..........ويهترو عظامي .. وفي القبر .. كل الاعضاء لازم يكون معي ... يعني انا المنتدى والمنتدى انا .. هاي الديمقراطية والا بلاش ....

هبة الرحمن

12-06-2009, 13:24

ههههههههههههههه بس ابو قنوه هي مش ديمقراطيه
بكلامك هادا اتوقع انها بالقنوه
ابو معمر فتح باب الترشيح وحط شروط للترشيح اذا عندك هل شروط انا اول وحده بتوقف معك شو رأيك

كامل السوالقة

12-06-2009, 13:45

اللهم ابعد القنوه عن ايد اخى ابو قنوه

هشام القواسمة

12-06-2009, 13:56

بتعرف ابو قنوة ابو معمر بيلعبها صح بس مش عارف هو من يرسم ام ان امريكيا ما زالت تتربع على كل شيء
المهم ابو معمر محسن خطه مع الكل ... ضحكة .. كلمة حلوة ... قرار سريع بلا نقاش... انا مرات كثيرة بدي اعلن الاضراب
بس بقول يا ولد اصبر شوي .. بكره بتحلو ..لحتى ذوبت غضبي وبطلت تفرق معي ... وفي النهاية بطيخ ..... المهم رضخ ابو معمر واعلن
باب الترشيح وضمن شروط من السهولة لأي عضو ان يصبح مدير المنتدى
ابو قنوة هاي ديمقراطية الوطن الممتد من البحر الى البحر ... لكن خلينا نرجع ونقول ابو معمر زين او ماشي حالو .. وخليك على مقرودك ليجيك الاقرد منه
هههههههههههههههههه
بس بتعرف ابو قنوة ومن منطلق ديمقراطي .. لست انت البديل عن ابو معمر ... ولست انا كذلك
رح نخربها ونقعد على تلها

لكن خلينا يساريين ونطلق عليهم الرصاص
ولنعلن الثورة

ابو قنوة

13-06-2009, 10:56

هذه الديمقراطية الحقيقية يا هبة الرحمن ..
الديمقراطية العربية على اصولها ...ممنوع التنفس ...

ابو قنوة

13-06-2009, 10:56

بعبطها عبط يا كامل ... يعني للضرورات ...

ابو قنوة

13-06-2009, 10:59

هون الصح يا استاذ هشام ...
بنعلنها ثورة بس على شرط ...
انا رئيس اللجنة التنفيذية ..
وانا القايد العام ..
وانا حامل دفتر الشيكات .0.
وانا الكل بالكل ..
وانت يا عزيزي هشام بكفيك ان تكون ...
شهيدا ...شهيدا . شهيدا ...

هبة الرحمن

13-06-2009, 16:55

الديمقراطيه هي يا ابو قنوه شافتلك ياها راح تجيب اخرتنا

انت مو مستلمها هي لو تستلمها انت شو راح يصير فينا
اتوقع انو الجلا والواكس بالمنتدى راح يصير للركب هيك انا شايفه الديمقراطيه والحكم الدكداتوري معك
والله انا من رأيي خلينا تحت حكم ابو معمر ارحم من حكمك بيكفي حكم ابو معمر ما فيو جل وواكس وطنطات

هشام القواسمة

13-06-2009, 16:56

انا مستعد
دائما الثورة تأكل اباءها

هبة الرحمن

13-06-2009, 18:30

على شو مستعد هشام

على الانقلاب ؟؟
شو شايف الشبكه العنكبوتيه ناقصها طنطات ؟؟
حرام عليك بتمنى ترجع عن قرارك هشام

ابو سلطان

14-06-2009, 00:51

يا رجل فتيت مرارتي
وبطيت كبدي
خذلك شويه قطن وخليك ساكت
سيبك من الخطوط الحمرا
خليك بالزرقا احسنلك
بتقدر تعتبرها ملطشه
.
.
.
:hhh13:

ريماس

14-06-2009, 01:35

لا على سلامتك ابو سلطان ليش الزرقا ملطشه ؟؟؟؟؟؟

لا يكون قصدك الزرقا محافظه الزرقا ايواا طلع مواهبك ابو سلطان ههههههههههههههه

المشتاق

14-06-2009, 01:44

والله اشي بثلج الصدر

احمد الحراسيس

14-06-2009, 04:51

ما شاء الله عليك أبو قنوة... اشي بفش الغل و بيفتح النفس على انه في ناس بتحكي....

صوت الكرك

14-06-2009, 08:32

بسم الله الرحمن الرحيم
سلام أبو معمر
سلام أبو قنوه
سلام أعضاء مشرفين مراقبين
أنا شايف في الموضوع ما يشبه ( ألحكي إلك واسمعي يا جارة )
أنا مرشح حالي مش ضد أبو معمر ولا ضد أبو قنوة بس نازل تخريب
برنامجي الانتخابي
لا للهمز واللمز
لا للديمقراطية (الممزوجة بال؟؟؟ ) ولا للانتهازية ولا للطخ بدون أعيار
نعم لبلدي؟؟ نعم للأمن و للامان فيه؟؟ نعم للحرية التي جعلتنا نتحدث هنا وهناك ؟؟

المقر الانتخابي

الاردن

الى الاخوة الناخبين

زورونا وصوتوا معنا تجدوا ما يسركم (( وللقطن مواقع اخرى ))
ممكن تقاقوا عنا وتبيضوا عند غيرنا

الناخب المحترم
عارضونا واكلونا وسبوا علينا
حقها هالبلد
انتهى البرنامج صوتوا ....................................للبلد

اسرار

14-06-2009, 09:11

فش غلك ابو قنوة ويجعل لا حدا حوش
بعد الشروط العجبانة اللي حطها ابو معمر
اكييييييد راح يكون في انتخابات حرة ومصيفة هههههههههه

حرف

14-06-2009, 09:20

:175[1]::175[1]::175[1]:
والله انا بس امبارح ما دخلت على الموضوع
عاملين جو من وراي
حاسة انه في انقلاب عسكري على ابو معمر
بس شو شروط الترشيح
اكيد اكيد راح يكون في عدد كبــــــير من المرشحين
انا بتبرع اعمل حملة انتخابية لاي مرشح :009dd:

ريما الحندءة

14-06-2009, 09:31

ابو قنوةةةةةةةةةةةةةةةةةةةةةةةةةةة
ياااااااااااااااااا ابو قنوةةةةةةةةةةةةةةةةةةةةةةةةةة

هالمرة حاملها بالعرض

والله والك وحشة يا منظوم

شو مستغل فرصة غيابي لحتى تحتل المنتدى

جيتك جيتك دير بالك مني تراني جيتك

الأخوة الأعضاء والمشرفين والمراقبين والسادة كبار الشخصيات (ما عدا ابو قنوة)

السيد المدير العام

ها قد عدت لكم لأحميكم من نزوات هذا القنوجي

انا لك بالمرصاد ما راح تقدر تفتن الشعب يا عزيزي ولا راح تقدر تعمل انقلاب

حكومتنا الرشيدة قواعدها متينة

ومجلس الشعب منتخب بكل حرية ومعين على الديموقراطية

والحمد لله الشعب راضي والحكومة راضية ومتفقين سوا

لا تحاول تلعب مع الدولة يا ابو قنوة ازا انت وراك حمد ابو معمر وراه الحندءة بمية حمد

راجعلتلك يا ابو قنوة ،،،، حضر سلاحك الحرب قد أعلنت

عليييييييييييييهمممممممممممممممم

ابو قنوة

16-06-2009, 13:07

الديمقراطية يا هبة الرحمن .. لا تصلح لنا ابدا..
لاننا ما شاء الله شعب كلنا زعماء .. من وين نجيب شعب ...

ابو قنوة

16-06-2009, 13:12

شكلو ابو معمر له طابور خامس هون ..
يعني بنخلص من واحد بطلعنا عشرة ..
واخرتها طاحت فينا اختنا ريما .. معلش الله يسامحكم ...
اذا مافي ديمقراطية .. وحرية الترشح والانتخاب .. شو نعمل ..
طيب
حتى نتريح بديش انتخابات ... اعتبروني مختار .. او شيخ عرب ... اقل ما فيها ..لقب صغير ..
سعادتو .. جنابو .. عطوفتو .. لو حتى سماحتو مش مشكلة .. حبة حبة

ريما الحندءة

16-06-2009, 13:24

بكفيك تكون كبير من كبار الشخصيات يا كبــــــــــــــــــــــــــــــــير

ابو قنوة

16-06-2009, 13:30

لا غلط ... اخر حرف كان .. كاف ...
انا مصمم على ذلك .... بكرهك ..

الرحال

16-06-2009, 13:34

بسرعة يا ابو قنوة نهزمت مشان لقب حميها وجلاب القناوي وراك:157:

ابو قنوة

16-06-2009, 13:38

وش نسوي يا رحال ....
صار بدها دهاء سياسي ..بس لحد ما يقولو .. اه ..وبعدين .. طاب الموت.

الرحال

16-06-2009, 13:45

عراسي ابو قنوة انت ودهاءك بس بعد قنوتك عني :hhh5:

ابو قنوة

16-06-2009, 13:47

تكرم عينك ...

هشام القواسمة

16-06-2009, 14:06

حبيبي ابو قنوة رغم ما سنعانيه على ايدي الشعب الغلبان
اعلن تأييدي لحضرتك
ورح احمل معك السلم بالعرض
وبدون ما أشكل وزارة
انا معك من وراء الكواليس

ابو قنوة

17-06-2009, 12:35

لا تهتم يا استاذ هشام ..
البوسترات صارت جاهزة يومين ثلاث .. وبتكون صورتك على الحيطان ...
مثل ما حكيت الك ..
شهيدا ........شهيدا ............شهيدا ....

ريما الحندءة

17-06-2009, 12:40

تسقط قنوة ابو قنوة واعيش انا

:h15::h15::h15:

ابو قنوة

17-06-2009, 13:29

لا حول ولا قوة الا بالله .. بلشنا رجد دموس ...

هبة الرحمن

17-06-2009, 22:31

ابو قنوه ماشي نزل بوسترات بس من غير شهداء يرضى عليك ربي

ريما الحندءة

18-06-2009, 09:02

http://up.do7a.com/get-9-2008-do7a_com_kv4vxlix.gif

:hhh13:
:hhh13:
:hhh13:

ميس

18-06-2009, 11:49

لك شوهاد ياابو قنوه ...قومت كل اعضاء المنتدى ع ابو معمر
لك حتى هشام القواسمه ( دراع ابو معمر اليمين ) انقلب ضده واعطاك صوته

بعدين وين الوعود الكاذبه يلي المفروض يحكيها كل واحد مرشح حاله
للإنتخابات ....بدي وبدي ...وبدي ... والمعامله الكويسه للإعضاء ؟
(أحسن الى الناس تستعبد قلوبهم )

انا مارح اقدر اعطي صوتي لحدا بهالكم يوم لانه تعبان ومبحوح
موفقين يارب .......موفق( شهم ) :hhh7:

ابو قنوة

18-06-2009, 12:20

سلامتك يا ميس الف لا باس عليكي ...
ويا هبة ..بدون شهداء كيف بدي صير بطل ..علشان التجارة بدمهم وعلشان القبض والصرف والذي منه ...
وما زالت الحناجر تهتف :
يسقط الحجاج الف مرة

م.محمود الحجاج

18-06-2009, 12:32

الاخوة والاخوات اسرة الصدى الغالي
يا اعضاء شبكتنا ومنتدياتنا المجيده ...
نظرا لعزوف الخونه والعملاء اعداء الديمقراطيه والشفافيه والحريه من الترشح لهذه الانتخابات
الحره والنزيهه والشفافه ...
وان ما تسمى بالمعارضه الوطنيه انما هي زمرة قليله تتلقى تعليماتها من الخارج البغيض
والتي لا تريد خيرا لهذا الصرح بالنمو والازدهار
لذا اعلن فوزي الساحق في هذه الانتخابات التاريخيه والمصيريه
التي شهد لها العدو قبل الصديق بانها كانت انتخابات حره وذات شفافيه عاليه ...
انني اذا اعلن فوزي الاسطوري و الساحق والمطلق لابارك لكم هذا الاستحقاق التاريخي .. الذي سجل لكم
ولمنتدانا باحرف من ذهب في سجل الحرية والديمقراطيه والحياة الافضل ... ومن خلالكم ايها الشرفاء
اقول لهم لا ولن تنالوا من الديمقراطيه ... لن تنالوا من الشفافيه .. لا لن تنالو من منصب المدير العام ابدا ابدا
ملاحظة ... جميع التهاني والتبريكات يرصد ريعها للحفاظ على ديمومة كبار الشخصيات !!
عاش المدير العام
عاش ابو معمر الحجاج
وكل انتخابات والمدير العام بالف الف خير

ابو قنوة

18-06-2009, 12:40

اي عل الحرام زين العابدين ما سواها .. ولا ابو ابو سليمان .. حافظ عملها .. ولا حتى علي عبدالله فكر فيها ..
ول شو عملت ..
طيب ذر الزفت بالعيون .. واعمل استفتاء .. بلاش انتخابات ..
ناقص تقول نزولا عند رغبة الجماهير ..موافق اصير قايد المنتدى ... وتقول انه انت مش فاضي بس منشان الجماهير الهادرة ..
وناقص تقول خرجت مسيرة غاضبة ومظاهرة عرمرمية تطالب برأس ابو قنوة ..
هاي مش افكارك حبيبي .. هاي مؤامرات ريما .. ومكائد كناينها .. بس وينك علي وما علي .. ما رايحة تعدي على خير .. وابشر .. ابشر الكاونتر من وراك والميكرفون على جنبك .. وانا باكد الي قلته سابقا وبعيد وبكرر بس علشان الصلحة .. وعشان عيونك .. مش رايح اتنازل ابدا ....

ابو سلطان

19-06-2009, 18:02

له له يا ريماس الزرقا واهلها على راسي
انا قصدي الخطوط الزرقاء
.
.

ابو المعتز

20-06-2009, 09:46

ابو معمر بدي اعرف شغله نوع القطن طويل التيله ولا قصير التيله
لانو خايف اذا كان من النوع الاول يدخل ومايطلع ويعمل تعفن خاصه
للي عقولهم على قدهم واذا كان النوع الثاني يمكن انلحقو ونعالجو
وبعدين ابو قنوه احكي بصراحه مين الي مذايقك من .................
ومخليك تخلي ابو معمر ستار لموضوعك ولا انا غلطان؟
:025::154[1]::025::154[1]:

ميس

20-06-2009, 17:24

هههههههههه ابو قنوه نبارك ونهني لأبو معمر بفوزه بالانتخابات ولا لسه ؟

يعني ابو معمر مغلب حاله ودافع الشئ الفلاني بهالمنتدى ومركب اضاءه ودرج متحرك
وديكور محصلش..وصافف ليموزين قدام المنتدى بس لأعضاء المنتدى ومشاويرهم الخاصه
بتجي انتا بالاخير بدك تاخد البيضه والتقشيره...!

بعرف اني شجعتك بالاول بس هلأ مضطره غير اقوالي لأنه ابو معمر قلي اذا مااسكتت وعقلتك
رح يبعتني عند الي مابينذكر اسمهم

هشام القواسمة

20-06-2009, 17:29

هاي الديمقراطية الساخنة
يلي بطعميكوا ياها ابو معمر

ميس

20-06-2009, 18:24

منتا اكلت منها لطلعت من عنيك هههه

عهد

21-06-2009, 11:41

:hh26: أبو قنوة ................ بلاش تخبص الناس ببعظها وخليك مره متسامح وحنون ....... مع هالناس دايماً خباص بهالناس

عهد

21-06-2009, 11:42

:160[1]:إذا ما بطلت هالحركات يا أبو قنوة ................. بتشوف شو رح يصير بحالك :hh2:

ريما الحندءة

21-06-2009, 11:48

قلنالك وحذرناك انت مو قد هالشغلة ما رديت هيك طلعت من المولد بلا حمص

وتخلى عنك الكل

وابو معمر سحقك بفوزه العظيم

وانا بسانده للرمق الأخير وكنايني معي

ها ولا يا عمي عم اسند حالي منيح لحتى ضلني الحندءة

وانت الله يعينك علي بده يجيك مني

مبروك ابو معمر اصلا من اولها قضيته فاشلة بس هو بحب يناطح الحيطان القوية بحب وجعة الراس شو نعمله يعني

خرجه

هشام القواسمة

21-06-2009, 13:47

شكرا لك ميس

ابو قنوة

24-06-2009, 11:54

تكرمي يا عهد .. علشان عيونك تكرم مرج عيون بحالها ..
.ومش شكرا يا ريما .. ومش يعطيكي العافية .. ومش مستريح من حكيك الي بسم البدن ..
ومرسي .. مرسي .. وتودارافا استاذ هشام .. على الصمود والتصدي وردع المستهترين .. والبرجوازيين المنبطحين وراء غايات استعمارية وامبريالية .. والمتسلقين ابراج الاستهتار بقيم الامة .. الخونة والعملاء الذين يمثلهم دكتاتور الموقع .. وجلاد الجماهير .. وسلاخ الجديان ابو معمر بن الحجاج بن يوسف الثقفي .. وربعة .