المساعد الشخصي الرقمي

مشاهدة النسخة كاملة : ماهو احساسك اذا لم يرد احد على موضوعك000؟

ابو سلطان
30-05-2009, 01:51
بسم الله الرحمن الرحيم

بماذا تشعر عندما لا يرد احد على موضوعك؟؟؟
ماهواحساسك إذا لم يتم الرد على موضوعك؟؟

لاشك أن أحدنا عندما يطرح موضوعاً ويجد مشاركة الأعضاء
وتجاوبهم معه بالرد عليه فإن ذلك يسعده ويدفعه إلى المزيد
ويجتهد حتى يضع مواضيع أجمل من السابق
وتجده كل يوم وهو موجود في المنتدى ويرد على مواضيع الغير وهو متأكد بأن
أخوانه وأخواته سوف يردون على مواضيعه
ولكن إذا لم يتم الرد على موضوعك وأنت بذلت جهد كي تضعه في المنتدى
فبماذا تشعر ؟ !!

:hhh2:
ريماس
30-05-2009, 02:10
الله يسعد مساك ابو سلطان

موضوعك والله حلو انا معك العضو بيتعب وهو بينزل بالموضوع و بيزعل يمكن ازا ما بيلاقي ردود على موضوعه

انا معك انه الاعضاءالمفروض يتابعو اي موضوع جديد لكن ما بتقدر تجزم انه الجميع شاهد الموضوع

بمعنى انه المواضيع الي بتنزل يوميا كتيرة ما شاء الله وممكن يضيع حق موضوع مميز في حال نزل موضوع بعده مباشرة

طيب شوف هلا انا شخصيا ردودي نادرة جدا بمنتدى همس القوافي

هل هذا بيعني انتقاص لا سمح الله بحق الكتاب في منتدى همس القوافي ؟؟؟؟

ابدا بالعكس في مواضيع كتير كتير بتعجبني لكن ما بعرف ارد عليها يعني ما بعرف اكتب اشعار او خواطر

ما بعرف انا هيك حللت الاسباب لموضوعك عزيزي
ابو سلطان
30-05-2009, 04:37
الله ينور عليكي انا مثلك واكثر من مره ارد
على مواضيع الشعر والخواطر
بأني ما بعرف شي
بس انا قصدت المواضيع بشكل عام
وخصوصا لما تلاقي المشاهدات
100 والردود 0
.
.
منوره ريماس
.
.
حرف
30-05-2009, 07:43
انا بحب التفاعل والردود كتير
وازا كان الموضوع بلا ردود بفقع
عشان هيك بضل ارفع المواضيع الي ما عليها ردود
خصوصا التي تستحق الرد
بعدين إذا الواحد قرأ موضوع لازم يعبر عن وجهة نظره ولو بشكل مختصر
خصوصاً بالمواضيع التي تحتاج لذلك
:66[1]:
هبة الرحمن
30-05-2009, 07:45
مو بس موضوعي مواضيع كتيره بتكون باي قسم من اقسام المنتدى كتير حلوه بس ما بيرد عليها حد
صدقني هل شي بيعمل احباط لا كاتب الموضوع وما بيتشجع ينزل موضوع تاني من كتابتو وبيضطر ينزل موضوع منقول بيسير يحكي هل شي بيعجب الاعضاء خليني على طريق المنقول افضل من انو اتعب واكتب ونزل الموضوع واخر شي حتى كلمة شكرا ما القاها

وبصراحه انا عانيت من هل شي خاصا بقسم القصص نزلت قصه من كتابتي ماشاء الله يلي شاهدو الموضوع كتار بس الردود كانت اقل مما توقعت بس
دانا
30-05-2009, 08:41
تسلم ايديك ابو سلطان انا معك بس بتعرف في مواضيع بقرأءها ما بجيني الرد بوقتها وبعدين بنسى بس فعلا هاد تقصير
يالله بس اخلص امتحانات
المشتاق
30-05-2009, 10:51
والله انا والعياذ بالله من كلمة انا
تقريبا برد على جميع المواضيع
حتى في الاكل و في الموضة والازياء
مع اني ما الي اهتمامات فيها
بس .. بعتقد ان كلمة شكر لصاحب الموضوع
بتكفي وبترفع من معنوياته وبتخليه دائما
يبحث عن ما هو جديد .
مشكور اخ ابو سلطان
براءة الحياة
30-05-2009, 11:04
والله موضوع مميز .....
فعلا مرات الواحد بتعب وهوي عم يجهز موضوع لكن ما بيلقى رد من حدا والشيء اكيد بسبب إحباط
لكن مجرد كلمة شكر بتكفي وبترفع من معنويات صاحب الموضوع ....
وبالنسبة الي وجود مشاهدات للموضوع بتكفي مرات وبترضي .......
اسرار
01-06-2009, 11:32
بصراحة ومن الاخر بفقع وبطق
شو انا منزلته لحالي ولا للناس
بحس حالي ما الي داعي وعم بكتب تفاهات
وبحس الناس اللي بالمنتدى بحلقوا الي ع الناشف :hh15:
ههههههههههههههههههههههه
مشكور ابو سلطان
دانا
01-06-2009, 11:43
بتدااااااااااااااااايق خيرات الله :000:
ابو سلطان
02-06-2009, 09:24
مشكورين الكل على الردود
والتعليقات الحلوه

هيك انا مكيف علشان رديتو على موضوعي
وما حلقتولي على الناشف
..
.
.
.
:177[1]:
نور
04-06-2009, 17:09
تسلم ابو سلطان موضوع غايه فى الاهميه
اى والله عندك حق جد هذا الشئ بيضايقنى كتير
جد مو بعرف ليه كده يعنى كلمه مشكور بتكفى
خصوصآ انك مريت بالموضوع وقرائته ليش ما بترد ولو بشكرآ
يعنى بتقصر معك جد الرد على الموضوع شئ موهم جدآ لئنو بيعطى لكاتبه الثقه
الله لا يحرمنا منك الغالى ابو سلطان موضوع كتير مهم
ابو سلطان
08-06-2009, 22:57
ولا يحرمنا من ردودك يا نور
دايما رافعه معنوياتي
.
.
.
:h5:
فوضى مشاعر
08-06-2009, 23:28
والله بفقع بتقبع معي شو انا ليش منزلته ازا ما حدى بدو يرد
موضوعك رائع عمو وكمان بخلي الواحد يفش خلقه
فوضى مشاعر
08-06-2009, 23:41
بفقع بتقبع معي ليش انا لمين منزله الموضوع بله
يسلمو عمو على الموضوع الرائع والله بفش الخلق
سفير الغرام
09-06-2009, 14:41
والله موضوع مهم
انا شخصيا اذا حدا مارد على موضوعي
ببطل انزل مواضيع وهمتي بالمنتدى بتقل
شكرا ابوسلطان على الموضوع
:hh26:
شيماء الشام
13-06-2009, 15:50
مشكور أخي أبو سلطان موضوع جميل وهدفه جداً نبيل ..فنحن نعاني من هذا الشيئ كثيراً ..

أنا من جهتي اميز بين الردود على مواضيع النقاش والمواضيع العامة

بالنسبة للمواضيع العامة سواء خبر أو معلومة أو ما أنثره في همس القوافي لا أنكر أني بنبسط كثير لما بشوف الردود الجميلة من الاخوة والاخوات..

بس يلي بيخليني انزعج كثير كثير هو الموضوع الذي يكون بحاجة الى نقاش ولا يتم الرد أو الحوار فيه ..ولو كان هناك اختلاف بوجهات النظر لكن الحوار شيئ جميل نصل به الى أفكار و أراء جديدة ..وحتى بامكاننا من خلال الحوار أن نتعرف على بعضنا أكثر ..

شكرا لك أبو سلطان ..وعذرا منك ان أطلت عليك
ابو سلطان
14-06-2009, 00:54
سلامتك من الفقع والتقبيع شيراز خلص انا برد على كل مواضيعك.
ابو سلطان
14-06-2009, 01:04
اهلا اخت شيماء
كلام صحيح فبعض المواضيع ان لم تجد تعليق عليها ربما من الطبيعي جدا
ولكن المؤثر هي مواضيع النقاش الجديه التى توضع بالمنتدى من اجل اخذ الاراء عنها

شكرا للرد ومنوره
:h13:
ابو سلطان
14-06-2009, 01:06
سفير الغرام
رأيك جميل ولكن نرجو ان مثل هذه الامور ما تضعف همتنا او تقلل من نشاطنا
.
.
مشكووووووووور:h13:
ابو سلطان
19-06-2009, 17:30
كلام صحيح وجميل ياسر
فمن المواضيع ما هو بحاجه لمناقشه من خلال الردود
ومنها للدعم والتعبير عن الشكر
كل امتناني وشكري لردك
.
.
:189[1]:
خالد النورس
19-06-2009, 18:48
شكرا لك اخي ابو سلطان

هذا يتوقف على الموضوع المكتوب

فاذا كان الموضوع قوي وجيد وماحد رد عليه هذا معناه ان المتابعين غير واعين لما هو مكتوب

اما اذا كان الموضوع ضعيف والاسلوب تعبان فانت راح تعرف وتغير اسلوبك في الكتابة وتغير نوع المواضيع اللي تكتبها
ابو سلطان
25-06-2009, 23:25
والله يا خالد احيانا بنشوف مواضع نااااار وبدون ردود
ليه ما بعرف
بس عالعموم نورتني
.
.
:096: