عند عمك طحنا """

[ابو قنوة]

ملاحظة هامة جدا (( هذا الموضوع منقول من اساسه .. ولا ادعي شرف كتابته ))( حفظا للحق الفكري ؟؟؟؟
************************************************** *********************************
في سواليف بتغص البال وبتخليك تعيف اواعيك ...
مثلا ... بتروح على عزا او على جاهة علشان تطلب ايد العنز الى ................ التيس ...
بتقعد بأمان الله بعد المباوسة والمحاببة ...
يا ساتر تستر ...
الله يمسيك بالخير .... بتقولها للجميع ... وكل شوي واحد بطعج راسة وبقلك الله يمسيك بالخير ... طيب مساء النور ....
ها........... يا ابو فلان كيف الحال ان شاء الله تمام .... والله الحمد لله ... يا زلمة شو صار بقضية الولد الي قدم علشان يتوظف حارس بالفوسفات ... والله يا ابو فلان بعدها مكانك راوح .....
بتلف القهوة على كبير الجاهة .... وشو ... قال بحط الفنجان على الطربيزة ... الله يمسيكم بالخير ( رجعنا لنفس السولافة )) الله يمسيك بالنور ....
ترى احنا يا جماعة بعد الصلاة على النبي(( يردد الجميع اللهم صلي على النبي )) قاصدينكم نطلب ايد العنز بنتكم ... ( هو يا ابو فلان شو قلتلي اسم المزيونة ) اه .....جايين نطلب ايد العنز ... بنتكم للتيس ابنا .......... قصدي للحمار ابنا............. على سنة الله ورسولة ..... وترى اجوه ه .........الله عليكم ما ترودونا خايبين ... هو صحيح لحمار ابنا عطال بطال ولا شغلة ولا عملة ............. بس هو مقدم على وظيفة مستشار وممكن لو كان يقراةء ويكتب كان زبطت بس التساهيل من الله ...... والجواز سترة يا جماعة ونيال من وفق راسين غنم بالحلال .....
وبعدين ليش نكذب على بعض مهن النسوان الله لا يوفقهن مزبطات الموضوع من زمان ... يعني احنا جايين رفع عتب ....
...اشرب قهوتك يا زلمة ترى حياك الله بلي جيت بيه ... تراك وصلت ... صب قهوة يا ولد ..... ترى عنزنا اجتك هدية ما من وراها جزية ( شوف الخرط )
وهات شاي .... لف على عمامك وصب شاي ... قوم يا حمار سلم على نسايبك .. وعمامك .. لغمط وجوهم ببرابيرك وخنانك ......
ما قلتلي يا ابو فلان شو صار معاك بموضوع التقاعد ان شاء الله زبطت ... لا والله يا ابو علنتان ... قال المتقاعد لازم يكون عمرك 90 سنة وعلى حد علمك انا بعدي 42 سنة يعني بدي ادبر تقرير من عند التكتور بلكي مشت ..... لا بتمشي توكل على الله وما يهمك ... بكرة بشوفلك ابو عنود بنخليه يتكتكها ........
صحون لكنافة طاحت ... وقال شو اهل العنز معهمش خبر بالموضوع بس كانو جاهزين مجهزين ..... مش من سنة وهم يستنو على الشبابيك ......
والله يا اخوان شكلة مولعة بغزة .... اي مهو اشي بفلق ... طيب ليش المصاروة ما يفتحو لحدود .... واحد قاعد عند الباب يرد عليهم ... اي هو بكيف ابوك يفتحو لحدود ... خلي حماس تروق شوي احسن ما يكلو هوا .... والله شكلك شيوعي واحد قاعد على الطرف يرد عليه ...... لا شيوعي ولا بطيخ ... بس انتو فاهمين الموضوع غلط ... طيب ما قلتولنا امتي نيجي علشان نوخذ العنز ..... انا رايي لما تصير العنز بقرة ... واحد ازعر يهمس لنفسة ...... توخذ شو .... نوخذ العنز للتيس ...... اه خليها للايام علشان نجهز حالنا ...
هو قديش طن الذهب صار .... بقولو 20 ... شو عشرين ...عشرين للغرام ....
الله واكبر خابرو بسبع نيرات ..... هذا لما كنت عريس اليوم طارت الدنيا ...
طيب عيار شو ابو العشرين .... عيار شو ... بتتخوث عيار خمسة ... يعني بدك عيار 24 يا ابو الحبايب ....
روح عمي روح شوفلك جحشة اتسلى معاها ... حل عن سمانا ....
ول ول ول هذا الذهب اغلى من اللحمة صار ......
بالله صحيح لحمة شو الي بتسولف عنها ... اكيد لحم كلاب ...
...
طيب احنا اسمحولنا .. يكثر خيركو وما قصرتو ... بدري يا اخوان بعدنا ما شفناكم ... بدري من عمرك ... ابو التيس يعني ابو العريس .. يهمس بأذن ولد من ولادة ... يا ولد بس نصير عند باب البكم اسمطلك مشطين بالهوا ....
تخرج الجاهة وسط زغاريد العجايز الواتي يتحسرن على انفسهن لانه راحت عليهن وصفن بالسكراب .... وما اتجوزن بصالة البستان .... وتلعلع بالجو زخات الرصاص منيرة سماء المكان وتعلو الهتافات وتترتفع الدعوات عاليا باليمن والبركات ... ويسقط طفلا مضرجا بدمائة ... عظم الله اجركم ............

(( منقول ) منقول .
المصدر :/ منتديات صدى الحجاج .. / منتدى فشغلك / حبطرش / الكاتب ابو قنوة ...
مافي حدا احسن من حدا .. مثل ما بتنقلو من منتديات الاغراب .. انا بنقل من صدى الحجاج وما بغلب حالي .. ومش هيك بس .. انا بنقل عن حالي مش عن حدا غريب .. يعني من دهنو قليللو ... .. والشاطر يفهم ... وعند عمك طحنا .....

[م.محمود الحجاج]

http://img39.imageshack.us/img39/1209/48962.jpg


http://sadaalhajjaj.com/vb/images/smilies/155%5B1%5D.gifhttp://sadaalhajjaj.com/vb/images/smilies/155%5B1%5D.gifhttp://sadaalhajjaj.com/vb/images/smilies/155%5B1%5D.gif

يعدّ الاستهتار وغياب الوعي وعدم احترام حقوق الآخرين ابرز مكونات الازمات الصيفية ذات الرؤوس المتعددة التي تنتشر في الشوارع والحواري والأحياء، وهي مكونات تنم عن شخصيات ونفسيات ترزح تحت وطأة الشعور بالنقص فتنفس عن مكنوناتها ودواخلها تحت ستار اقامة الاحتفالات، والتعبير عن الفرح عبر ممارسات شتى، ابرزها اطلاق العيارات النارية "وقذائف ومدافع" الالعاب النارية، ومواكب الاعراس والخريجين المعرقلة لحركة المرور، وسهراتهم التي تمتد حتى ساعة متأخرة من الليل·
هذه المظاهر اللاحضارية، والتي يغلب فيها حب الذات، وتتعملق فيها الأنا على حساب حقوق الآخرين وراحتهم، ثمة قوانين وضعها المشرع لتشكل ضوابط وادوات ردع لها، ولكنها بحاجة الى تفعيل يطال كل العابثين براحة الناس وخصوصياتهم·
ومن الواضح ان الجهات المعنية بتطبيق هذه القوانين وتفعيلها مازالت تغض البصر عن ذلك من باب التعاطف مع المحتفلين، ومن زاوية عدم الرغبة في "التنكيد" عليهم، مع أنهم حين اقترفوا عملية اكراه غيرهم على مشاركتهم احتفالياتهم وطقوسهم، لم يفكروا للحظة واحدة انهم يعتدون على غيرهم، ويقضّون مضاجعهم، ويجبرونهم على قبول ما يكرهون عنوة، ومن باب فرض الامر الواقع·
والسؤال هو لماذا تغض الجهات المعنية النظر عن تطبيق هذه القوانين ذات المساس المباشر بالناس، فيما تنشط بعض هذه الجهات في تطبيق الانظمة ذات الصفة التحصيلية والجبائية، وتروّج لها بدعوى الحفاظ على أرواح الناس وحيواتهم وامنهم، مع ان الرافدين يخرجان من منبع واحد ويصبان في مجرى واحد؟؟ أليست هذه قسمة ضيزى؟؟
علاوة على ذلك لابد من وقف مظاهر المحاباة والمحسوبية عند معالجة المخالفات والاختلالات التي تلحق الاذى بالمجتمع من خلال تطبيق نصوص ومواد القانون على مرتكبيها سواء من جهة تغريمهم او احالتهم الى القضاء·· ذلك ان امن المجتمع لا يتحقق إلا إذا توفرت العدالة والمساواة في التعامل·
ويعدّ اطلاق العيارات النارية في الهواء خلال الاحتفالات من ابرز مظاهر الازمات الصيفية السلبية، وهو مظهر غير محمود نظراً لانعكاساته الخطيرة على ارواح الناس غرباء كانوا عن مطلق النار أم اقرباء، وهو ما حدث الاسبوع الماضي في احدى المحافظات، حيث اراد احد الرجال المنوط بهم حفظ الامن والنظام التعبير عن فرحه بأحد الاعراس فاطلق النار من سلاحه الرسمي واصاب شقيقه برصاصات اخترقت جدار البطن وفتّتت الطحال!!
هذه العادة البدائية عالجتها الفقرة "ج" من المادة 11 من قانون الاسلحة والذخائر وتعديلاته، حيث تنص على انه "على الرغم مما ورد في أي تشريع آخر، يعاقب بالحبس مدة ثلاثة أشهر، او بغرامة قدرها ألف دينار او بكلتا هاتين العقوبتين، كل من اطلق عياراً نارياً دون داع، او استعمل مادة مفرقعة دون موافقة مسبقة، ويصادر السلاح المستخدم سواء كان مرخصاً او غير مرخص"·
وقبل هذه المادة وضع المشرع مادة حملت الرقم 4 نصّت الفقرة "ب" منها على أنه "يحظر حمل الاسلحة النارية المرخصة للاشخاص المنصوص عليهم في البند/ 6، الفقرة "أ" اثناء الاحتفالات الرسمية والحفلات العامة والمؤتمرات والاجتماعات ومواكب الاعراس والجنازات، أو أي اجتماع آخر يزيد عدد المجتمعين فيه على عشرة أشخاص"·
علاوة على ما سبق فإن القانون يمنع اطلاق النار من الاسلحة "المرخصة" الا لغايات الدفاع عن النفس والاملاك، وبالتالي فإن اطلاق الرصاص في المناسبات مخالف للقانون ويوجب المسؤولية، وهذا يعني انه بات من الضروري تفعيل مواد القانون وتطبيقه على مرتكبي هذه المخالفات تطبيقاً دقيقاً وصارماً، للتخلص من هذه العادة البدائية، والسؤال الذي يفرض هو: ما الذي يدفع احد المحتفلين بالفرح او المناسبة الى اطلاق العيارات النارية في الهواء، مع انها باهظة الكلفة والنتائج والخسائر؟؟
ومن خلالكم ومن خلال هذا المنبر اطلقها صرخة في ضمير هذا المجتمع ان يصحوا من عاداته السيئة وان يكف عن ممارسة فرحه بطريقة مميتة، ولنتخلص من المظاهر المسلحة في اعراسنا ولتتقي الله كل يد مجرمة تهدي الموت في حياة غيرها، والخالق سبحانه يحذرنا من ذلك بقوله "من قتل نفساً بغير نفس فكأنما قتل الناس جميعاً".

[المشتاق]

سلمت وسلم قلمك الناقد بجرأة
في زمن كثرت فيه الغوغائية
المشكله يا ابو قنوه اني ما بعرف اعبر
والله مقالتك في الصميم

[ميس]

لك شوهاد ياابو قنوه ...!!!
والله من اول ما بلشت اقرأ قلت مستحيل يكون حدا كاتب هالموضوع غير ابو قنوه
لانه متل اسلوبك الدّج
ان شاء الله الف مبروك لأبو التيس وابو العنزه ( وعقبال عندك ابو قنوه)
تلاقي وحده متطابقه مع فيوزاتك الضاربه
والك مني مااضرب ولا رصاصه بس مشان ما يمرق عرسك عالهسي رح ارمي قنبله
لأنك غااااااااالي عليناااا ولوووو

[ابو سلطان]

والله يا ابو قتوه مع احترامي الكبير لشخصك انه هذا تخبيص بتخبيص
واشك انك كنت في وعيك او ماسك نفس القلم الي بتكتب فيه لانو مو كلشي بنسخر فيه
هاي عادات احنا تربينا عليها
وانا مو شايف فيها التافه الي انت شايفها
بالعكس انا شايف فيها شغلات كبيره وعريقه توصل اي امر الى اتجاه النجاه
ولكن يبدو انك من ابناء المدن حيث ترى هذه الطريقه للزاج تافه ولكن
ادعو لك ان تكون من احدى العشائر الاردنيه العريقه التي تعرف معنا مشوار مثل هذا
.
.
مع احترامي لك ولكتابتك
موضوع اطلاق العيارات الناريه مرفوض بأي شكل من اشكاله وليس للقانون فقط بل هي استهتار بأرواح الناس كافه
.
.
.
:175:

[ابو قنوة]

يا عزيزي ابو سلطان ..
انا حكيت الي على الواقع ...
شو دخلني اذا الواقع هيك ..
ثانيا مين حكى انه كل العادات .. صحيحية ..
طيب كنا نعبد اصنام وحجار ... لانو جدودنا كانوا متخلفين ..
لازم نكون مثلهم ...
وبعدين ..
الي ما حدا جاب سيرتو الموضوع اساسا كان نازل في حبطرش ..
انا نقلته حرفيا ..
الموضوع من اساسه نقد لعملية نقل المواضيع من اماكن اخرى ... هاي هيه ...
شكرا لك ..
وشكرا لك من طرق الباب ...

[ابو سلطان]

ابو قنوه العزيز
.
انا معك قلبا وقالب بأعتراضك على نقل المواضيع وتفاهتا
واحد الداعمين لك ولقلمك ولاسلوبك
وانت متأكد من ذالك
ولكن انت تعرف ان موضوع النقل واللصق وطرح المواضيع التافه
ادنى بكثير من ان نشبه بعاده مثل هذه
ابو قنوه..
يا عزيزي في زمن هثل هذا قد وصفته انت بما يستحق ان يوصف في مواضيعك الاخرى
لم يبقى لنا الا ذكريات نعتقد انها جميله نتشبث بها لانا لا نستطيع اصدار الافضل
حتى عندما نريد ان نبدع نقص ونلصق او ندخل في عالم الطبخ والنفخ والمناكير والبوديكير
على رايك طعه وقايمه
كمان يا ابو قنوه انت تعرف من اين تورد الابل ولكن هناك من لايعرف وقد يتحدث بالموضوع بطريقته
.
ارجو ان تكون وصلت فكرتي
.
.
:095:

[اسرار]

احيك ابوقنوة على الصمود
وعلى المبادئ اللي متمسك فيها
واهمها ........ معارضتك لنقل المواضيع

[ابو قنوة]

شكرا وصلت الفكرة ابو سلطان ..
شكر ميس .. واسرار .. والكبير بقلمة المشتاق ..
يا ربي مين كمان مين كما اه .. نسيت .. رئيس اركان المنتدى .. الرفيق اركان حرب القهوة ومنتدى الشفايف وعلى مقربة من منديلك .. وعلى قد ايدك .. المهيب الركن ابو معمر بن الحجاج رضى الله عنه ...