بشرى سارة ابليس يغادر الأردن

[م.محمود]

كان في ‏غرفته, يلملم ملابسه في
حقيبة إلى جانب باقي متعلّقاته على المنضدة القريبة
كانت ‏استقالته موقّعة
مختومة حسب الأصول, وبجوارها تقبع ون - وي تيكت
إلىجزر‏القمر.
‏كانت ملامح وجهه في تلك اللحظات تنطق
بالحزن, ‏الكآبة, الإحباط, اليأس, وقلّة الحيلة..... مع دهشة
مزمنة ارتسمت عليه منذ فترة
ليست ‏بالقريبة, واعترافٍ
بالعجز والفشل.....
‏إبليس
راحلٌ عن بلادنا إلى
غير ‏رجعة... فليفرح
المؤمنون...

-
‏وين يامسهّل؟ ليش عم بتضبّ ‏اغراضك؟

-


‏يازلمة ماظلّلي قعدةعندكو

إلي سنين عاطل عن العمل
وقرّبت أموت من ‏الجوع.. بلاقيش معك سيجارة ياخوك؟
مش قاطع فيكو لا وسواس ولا خنّاس!
كنت ‏زمان بوسوس للوحدة
تسيب ابنها يعيّط وهي بتحكي مع
جاراتها, هسّة صاروا لحالهم
يرموا ‏اولادهم في الحاوية
أوّل مايجوا!
‏كنت أوسوس للواحد ينسى
يسمّي الله قبل ‏مايوكل, هسّة بطّل حدا
لاقي إشي يوكله! يازلمة إذا أنا
إبليس تسمّمت ‏بالشاورما!
‏كنت برضو بوسوس للشب يرميله كلمة ع
البنت وهي ماشية ‏بالشارع صاروا البنات
يطقّسوا ع الشباب بكلام أنا نفسي
بستحي ‏أحكيه!‏
إنتو بدّكوإبليس ‏إنتو؟!
‏صارعندكم فائض في الفساد بكفّي 30 سنة
لقدّام, صرت أخاف على حالي ‏منكم!
‏يازلمة
مرّات بضطرّ أوسوس بالشقلوب وأقول
للمسؤول إرحم
وللحرامي ‏بكفّي خلّي شويّ
للحراميّة اللي رح
ييجوا ‏بعدك!
‏يعني
إذا إنتو لحالكو بتعملوا
كل هالبلاوي, أنا إبليس
شو ‏أعمل؟ أشتغل شوفير
تكسي يعني ولاّ أفتح صالون حلاقة؟
ماظلّ غير أقدّم
للأوقاف ‏يعيّنوني واعظ أو إمام جامع!




‏ثمّ
فتح الباب وانطلق
خارجاً إلى غير ‏رجعة










http://birooo2007.jeeran.com/i/ii/5b423.gif

[اسرار]

المهندس محمود
رائع جدا وبصراحة وضع جدا مخزي الذي نعيش في براثنه
ولكنك تناولته باسلوب اكثر من رائع وثري جدا
مشكور كل الشكر واتمنى ان تستمتع معنا بالمنتدى وتزداد نشاطا اخي العزيز

[وفاء الاردنيه]

المهندس محمود

كلمات تدمي القلب حزنا لما هوه حال الناس في هذه الوقت

كتبت وعبرت عما يجول في داخل بطريقه رائعه جدا
الله يهدي ابناء المسلمين ويرجعهم لدينهم

تقبل مروري

اختك وفاء

[هبة الرحمن]

ربي يهدي شباب المسلمين الى طريق الهداية والصواب
يعطيك الف عافيا يارب

[دانا]

الله يهدينا ... بس مين بطقس على مين هاي ما عجبتني يا مهندس محمود هههههههه

[المشتاق]

كلام جميل م. محمود
الله يوفقك يا رب
تقبل مروري واحترامي

[ابو قنوة]

بالله عليك ليش على جزر القمر ..
طيب الجماعة مؤمنين اكثر منا وغلابا ..
وما حدا بفتكرهم ابد..
هات عنوان ابليس .. لازم نرجعوا .. بلزم يا اخي ...ليش الكذب بلزمنا ...

[أستاذ الغرام]

الله يهدي الجميع

مشكور على الموضوع

ننتضر جديدك

تقبل مروري

[ميس]

تسلم ايدك خيو محمود بجد مشاركه رااائعه منك
اكل هوا ابليس المصيبه انه مارح يلاقي مكان اله بالكره الارضيه كلها
لانه الفساد صار بكل مكان ....!
ابو قنوه اكسر جرّه ورا ابليس وروحه بدون رجعه