rami
29-04-2009, 23:14
مسا الخير للجميع
في موضوع كثير محيرني وياما فكرت فيه وطلع معي شغلات كثيرة وحبيت اشارككم هاي الافكار المخربطة بس انشالله اني اقدر اوصل الفكرة بشكل واضح ومفهوم.
في ثلاث احرف لما انجمهم على بعض بتصير عنا موضوع خطير وهو اصلا اللي خرب بيتنا من زمان يا انه احنا بنستخدمه وما في واحد بقدر يقول غير هيك او انه اللي حولينا بستخدموه معنا؟
ك ذ ب كانها بتصير كذب
اسبابه وانواعه: لو حكينا انه من اسباب الكذب انه في ناس بتكذب خوف من العقاب يعني لما يكذب الولد على اهله في المدرسه خوف من عقابهم وهون ببرر لحاله الكذبه انو لو حكى بوكل قتله, الكذب عشان الحصول على الاهداف المرجوة سواء كانت صغيرة او كبيرة يعني بنكذب عشان نوخذ فلوس من اهلنا, الكذب خوفا على مشاعر الاخرين يعني لما الواحد بيكذب على صاحبه وبحكيله وانا كمان مشتاقلك لما يحكيله مشتاقلك وهو ما بكون طايقه اصلا, الكذب الهوايه في ناس عندها الكذب هواية بتحب تكذب على الناس اللي حواليها يمكن لجلب الانظار او اخذ المايك والسيطرة على الحوار ومنهم نوعين منهم اللي بعيش الاجواء لدرجة الاندماج بالكذبة لدرجة انه ممكن يقعد يشبر ويقوم ويعللي صوته حسب الموقف والنوع التاني اللي ما عنده هاي المهارة وبتلاقي بنص الكذبة بنسى اولها وبيقعد يخربط ووجه بحمر وبشعر انه انت عرفت انه قاعد بكذب,الكذب النفاق وهاد اكثر الانواع انتشار في مجتمعنا وبكون انه الواحد بحكي غير اللي جواته, الكذب الجميل انه الواحد ببني لحاله مدينه وردية او مدينه من الاحزان حسب ما هو بحب وبكون هاد النوع هروب من الواقع اللي بعيشه او نوع من ملئ الفراغ اللي بعيشه او محاولة الشعور بأحاسيس مفتقد الها وعند خوف من المحاوله بالحصول عليها,واخر اشي الكذبه البيضة كمان هاي بنستخدمها كثير عشان تمشي الامور واتعدي. هاي تقريبا اكثر انواع واسبابه المستخدمه بحياتنا وفي غيرها كثير بس هاد اللي بنتعرضله دايما.
هسه نيجي لنفسية الانسان اللي بيكذب طبيعة الانسان اللي بيكذب لاول مرة بيكون شعوره على الغلب شعور الندم خوف انه الاخر يكتشف كذبه وعلى الاغلب بيعتر بكذبه مباشرة يعني بس اضغط عليه شوي,النوع الثاني شعور النشوة وبيغلب على الانسان المتمرس بالكذب لانه بنبسط لما تمشي كذبته على الاخر.
كيف نكشف الانسان الكذاب؟
هسه الانسان الكذاب ضعيف الخبرة ما بيقدر يخفي كذبه علينا لانه كذبته اللي بيحكيها بتكون عكس المشاعر الداخلية اله يعني من داخله بحكي انا قاعد بكذب ف بنلاقي في تضاد بين اللي بيحكي وبين المشاعر الداخليه اله وما بقصد هون لغة الجسد بقصد مشاعره من الداخل وبدنا نزيد تركيزنا شوي عشان نشعر بهاد الاشي, والانسان اللي بكون متمرس بالكذب او خلينا نحكي بستخدم ذكائه بالكذب بحاول يخفي هاي النقطة بحيث انه اللي قباله ما يشعر باشي وهاد الاسلوب بستخدمه الانسان الصادق اللي بيضطر مرات انه يكذب ف بحاول انه يخفي كذبته بطريقه رهيبه يعني جريمه كامله.
طيب كيف نكشفه؟؟هسه حسب دراسات علم النفس وهاي ضمن دورة اخذتها بحكيلكو انه الانسان لما يكذب مباشرة نظره بينجه نحو الارض او للاسفل لا اراديا طبعا ليش ما بعرف يمكن شعور الخزي او الخوف بس شو ما حاول لازم يطلع للاسفل.
واخر اشي حاب احكيه انه : " انه الكذب فن لا يتقنه الا الانسان الصادق"
والله يبعدنا عن الناس الكذابين وما نضطر نكذب كمان كمان بحايتنا لانه حياتنا كلها صارت كذب بكذب
وسلامتكم...
في موضوع كثير محيرني وياما فكرت فيه وطلع معي شغلات كثيرة وحبيت اشارككم هاي الافكار المخربطة بس انشالله اني اقدر اوصل الفكرة بشكل واضح ومفهوم.
في ثلاث احرف لما انجمهم على بعض بتصير عنا موضوع خطير وهو اصلا اللي خرب بيتنا من زمان يا انه احنا بنستخدمه وما في واحد بقدر يقول غير هيك او انه اللي حولينا بستخدموه معنا؟
ك ذ ب كانها بتصير كذب
اسبابه وانواعه: لو حكينا انه من اسباب الكذب انه في ناس بتكذب خوف من العقاب يعني لما يكذب الولد على اهله في المدرسه خوف من عقابهم وهون ببرر لحاله الكذبه انو لو حكى بوكل قتله, الكذب عشان الحصول على الاهداف المرجوة سواء كانت صغيرة او كبيرة يعني بنكذب عشان نوخذ فلوس من اهلنا, الكذب خوفا على مشاعر الاخرين يعني لما الواحد بيكذب على صاحبه وبحكيله وانا كمان مشتاقلك لما يحكيله مشتاقلك وهو ما بكون طايقه اصلا, الكذب الهوايه في ناس عندها الكذب هواية بتحب تكذب على الناس اللي حواليها يمكن لجلب الانظار او اخذ المايك والسيطرة على الحوار ومنهم نوعين منهم اللي بعيش الاجواء لدرجة الاندماج بالكذبة لدرجة انه ممكن يقعد يشبر ويقوم ويعللي صوته حسب الموقف والنوع التاني اللي ما عنده هاي المهارة وبتلاقي بنص الكذبة بنسى اولها وبيقعد يخربط ووجه بحمر وبشعر انه انت عرفت انه قاعد بكذب,الكذب النفاق وهاد اكثر الانواع انتشار في مجتمعنا وبكون انه الواحد بحكي غير اللي جواته, الكذب الجميل انه الواحد ببني لحاله مدينه وردية او مدينه من الاحزان حسب ما هو بحب وبكون هاد النوع هروب من الواقع اللي بعيشه او نوع من ملئ الفراغ اللي بعيشه او محاولة الشعور بأحاسيس مفتقد الها وعند خوف من المحاوله بالحصول عليها,واخر اشي الكذبه البيضة كمان هاي بنستخدمها كثير عشان تمشي الامور واتعدي. هاي تقريبا اكثر انواع واسبابه المستخدمه بحياتنا وفي غيرها كثير بس هاد اللي بنتعرضله دايما.
هسه نيجي لنفسية الانسان اللي بيكذب طبيعة الانسان اللي بيكذب لاول مرة بيكون شعوره على الغلب شعور الندم خوف انه الاخر يكتشف كذبه وعلى الاغلب بيعتر بكذبه مباشرة يعني بس اضغط عليه شوي,النوع الثاني شعور النشوة وبيغلب على الانسان المتمرس بالكذب لانه بنبسط لما تمشي كذبته على الاخر.
كيف نكشف الانسان الكذاب؟
هسه الانسان الكذاب ضعيف الخبرة ما بيقدر يخفي كذبه علينا لانه كذبته اللي بيحكيها بتكون عكس المشاعر الداخلية اله يعني من داخله بحكي انا قاعد بكذب ف بنلاقي في تضاد بين اللي بيحكي وبين المشاعر الداخليه اله وما بقصد هون لغة الجسد بقصد مشاعره من الداخل وبدنا نزيد تركيزنا شوي عشان نشعر بهاد الاشي, والانسان اللي بكون متمرس بالكذب او خلينا نحكي بستخدم ذكائه بالكذب بحاول يخفي هاي النقطة بحيث انه اللي قباله ما يشعر باشي وهاد الاسلوب بستخدمه الانسان الصادق اللي بيضطر مرات انه يكذب ف بحاول انه يخفي كذبته بطريقه رهيبه يعني جريمه كامله.
طيب كيف نكشفه؟؟هسه حسب دراسات علم النفس وهاي ضمن دورة اخذتها بحكيلكو انه الانسان لما يكذب مباشرة نظره بينجه نحو الارض او للاسفل لا اراديا طبعا ليش ما بعرف يمكن شعور الخزي او الخوف بس شو ما حاول لازم يطلع للاسفل.
واخر اشي حاب احكيه انه : " انه الكذب فن لا يتقنه الا الانسان الصادق"
والله يبعدنا عن الناس الكذابين وما نضطر نكذب كمان كمان بحايتنا لانه حياتنا كلها صارت كذب بكذب
وسلامتكم...