على الرف

[Gladiator]

http://img224.imageshack.us/img224/5624/7148tr4.jpg

عندما تقدم معروفا لانسان الا تطالب بادنى حقوقك .. كلمة شكرا


تجد نفسك متعب مع هذا الانسان ... وتقترح عليه الحلول

ماهو شعورك عندما تنصح انسان عزيز عليك .. ثم تجده يخبر غيرك بنتائج هذه النصائح .. وانت اخر من يعلم

قد تضطر في بعض الاحيان عن غض البصر على تصرفات

وقد تتنازل عن مبادئك


وقد تتصرف بامور لم تتخيل نفسك ان تكون كذلك

كل هذا تعمله لاجل شخص ما .. وهو بالاحرى ان تعمل الشيء لوجه الله تعالى

ولكن هذا لا يضير ان يقول لك... شكرا لك ..

لماذا يستصعبها ذالك الانسان

انت لا تريد كلمة شكرا .. فلست بحاجه لها .. ولكن ما المانع ان يشعرك انك موجود

ايعقل انه لا يريد مشاركتك لان ما بينكم اعظم من الشكر

لكنك قد تراه يشكر غيرك على امر انت قمت به من اجله



http://www.g111g.com/9war/uploads/a15e233e0e.jpg
هنا الغريب في الامر

ان تجد نفسك مهمشا وغيرك ياخذ حقك

ان تعرف من وقفت بجانبه على اشخاص لكي تساعده .. وبعد فترة تجده انخرط مع هؤلاء الاشخاص ونسيك وكانه تعرف عليهم بطريقته .. او انهم هم من كانوا يبحثوا عنه ليساعدوه

وان يقدم الولاء والطاعة لهم ويضعك على الرف
http://www.alriyadh.com/2006/05/12/img/125035.jpg

قد تجد نفسه قد ورثت احزان انسان وحملتها عنه .. ولكن الغريب ان تنسلخ هذه الاحزان منه وتلبسك انت وحدك
وتراه قد نسيها تماما والاغرب انه نسي ايضا انك انت من حملتها عنه !!




اخواني واخواتي ...

هل جربت هذا الشعور ... هل قدمت خدمة لانسان وشكر غيرك

هل من جعلته في سلم اولوياتك جعلك ايضا في سلم اولوياته ولكن سلمه هذا تكتشف انه للتسليه فقط

( ليس بالضرورة ان يكون الامر بين حبيبين ..مع صديقك ,صديقتك .اخوك .. اختك .. ابوك ..امك .. ابنك ..بنتك .. اي شخص عادي )


انا بالنسبة لي
اذا حدث معي مثل هذا الامر اشعر شعور اشبهه بما يحصل مع اغلبنا
عندما يكون الواحد يكتب بموضوع او رد ولا يكون منتبها لما كتب .. وبعد تعبه يرفع راسه ليشاهد ما كتب يكتشف ان تعبه كان هباء فقد نسي ان يغير لغة الكتابه وكان يكتب بالانجليزي بدل العربي .. فيرجع ليحذف ما كتب ويكتب من جديد .. وقد يصاب بالاحباط ولا يكتب شيئا جديدا

دعوني ارى وجهة نظركم من هذا الموضوع ...

[نور]

موضوعك هايل يا احمد ومس مشاعرى بصدق خصوصآ انى الايام ديه ابتعد عن احدى صديقاتى كنت فكراها صحبه حقيقيه لكن للاسف
بس الحمد لله انا حياتى ممتلاءه بمن احبهم بصدق ويخلصون لى بصدق مشكور عزيزى احمد على طرحك الرائع دمت بود يا رائع
:hh13:

[Gladiator]

هلا نوور .. بس اذا كان هذا الشخص عزيز عليك مثلا او انتي متاكده انه كمان هو بعزك اكيد رايحه تختف الامور
رايح يصير عصف ذهني مش طبيعي في راس الانسان

انا ماتكلمت على انه تكتشفي هالانسان بستحق او لا .. هي المشكله انو يكون بستحق

كيف رايحة تتصرفي مع هالانسان ...

نورت نووور

[دانا]

انا رايي وياريت اقدراعرف اوصللكم اياه

هاد اشي طبيعي بالحياة لما تلاقي شخص بتحبه بتعزه على القليله بتعرفه محتاج مساعدة نصيحه اي شي بتحرك فيك اشي لا ارادي من غير ما تفكر انك تساعده ... بتساعده بكل طاقتك بلا ما تفكر ... بعدين بتقعد تستنى ردة الفعل وبتكون طاقتك بعدها جواتك فلما تلاقي عدم مبالاة او المصيبة الاكبر متل ما قلت يا احمد انه يقدم شكره لحد تاني

بس المهم انك ما تندم على اللي عملته لحتى تكون بتستاهل فعلا الشكر اللي انت ما انشكرته وابدا ما تفكر ياريتني ما عملت هيك

بالعكس يمكن الشخص متل ما قلت انه بيستاهل بس اذا هالشخص مابيعرف يقدر الناس يللي خايفه ع مصلحته انا بسبحزن عليه وبدعيله الله يهديه للطريق اللي يعرف فيه مصلحته والناس اللي خايفه ع مصلحته بس ابدا ما بندم

[Gladiator]

انا رايي وياريت اقدراعرف اوصللكم اياه

هاد اشي طبيعي بالحياة لما تلاقي شخص بتحبه بتعزه على القليله بتعرفه محتاج مساعدة نصيحه اي شي بتحرك فيك اشي لا ارادي من غير ما تفكر انك تساعده ... بتساعده بكل طاقتك بلا ما تفكر ... بعدين بتقعد تستنى ردة الفعل وبتكون طاقتك بعدها جواتك فلما تلاقي عدم مبالاة او المصيبة الاكبر متل ما قلت يا احمد انه يقدم شكره لحد تاني

بس المهم انك ما تندم على اللي عملته لحتى تكون بتستاهل فعلا الشكر اللي انت ما انشكرته وابدا ما تفكر ياريتني ما عملت هيك

بالعكس يمكن الشخص متل ما قلت انه بيستاهل بس اذا هالشخص مابيعرف يقدر الناس يللي خايفه ع مصلحته انا بسبحزن عليه وبدعيله الله يهديه للطريق اللي يعرف فيه مصلحته والناس اللي خايفه ع مصلحته بس ابدا ما بندم



هو انتي بس وصلتي الفكرة وبس .... انتي شرحتي الموضوع وشخصتيه كمان وعالجتيه

اي انتي وصلتي للي انا ما قدرت اوصلو



ولا بزيد ولا بنقص على رايك .كلامك مية بالمية صح وابلغ من الموضوع

والله انك بتفهمي

[ريماس]

احمد هوووووووووووو هووووووووووووو

يا ما عملنا وكلمه شكرا ما سمعنا

بس بنحكي ما في بين الاصحاب شكر مع انك جد بتكون تتمنى تسمعها منه ويقدر خدمتك اله

لكن فكرك بنتعلم حد الله ما بنتعلم

بنرجع وبنوقف معه بمواقف كتيره بعدها

وردة فعلة بتكون مشابهه للمرة الاولى بس خلص بنتعود على اسلوبه

لانه سبحان الله طبيعه في الانسان الي عنده احساس لما يشوف صديقة بحتاج مساعدة ما بقصر

انداري يا احمد حط بالخرج

[اسرار]

عن جد ريماس ياما عملنا وكلمة شكرا ما سمعنا


بالنسبة الي الموضوع الحمد لله بيبين من اوله ازا الصديق وفي ولا لا
الدنيا محطات ..... الشاطر اللي بيعرف كيف يتجاوزها وياخد من كل واحدة شي مو بس يوقف عندها ويظل فيها
وعجبي على هيك دنيا

[Gladiator]

بالنسبة الي الموضوع الحمد لله بيبين من اوله ازا الصديق وفي ولا لا

طيب اذا كنتي متاكده انو وفي ؟؟ وانه منيح وانت بتعزيه كثيير وهو بعزك ؟؟؟

[اسرار]

راح احطه جوات قلبي واسكر عليه
واعطيه روحي:hh13:

[عهد]

موضوع حساس كثير ............. بس ما بدنا نفضفض خلص بدنا نضل رايقين أحسن من النكد:girl02_2:

[rami]

ممكن اشعبر عن مشاعري:
هلا يا بو حميد كل واحد في هالدنيا اله وظيفة واحنا وظيفتنا هي" اسعاد الاخرين" بنشاركهم همومهم ومشاكلهم وبنحاول انساعدهم انهم يلاق الحل المناسب لمشاكلهم مش لانه احنا بنفهم بكل شي وانه احنا بنقدر نلاقي حلول
لكل شي بس مجرد الاستماع لهمومهم ومحاولة وضع النقط ع الحروف بساعدهم كتيير.
والله ما في اجمل من انك تساعد الناس ف كيف لما يكون عزيز عليك وتكون النتائج الافضل اله هو مش الي انا لانه هو المعني بالموضوع واكيد انا ما بكون بساعده عشان تكون زي ما بحكو "واحد:صفر" لانه ما رح افكر بيوم اني اطلب منه المساعده لانه انت عارف انه مشاكلي متعود احلها لحالي رح تحكيلي الا ما تحتاج كلامك مزبوط بس بحاول اتجنب هاد الشي لانه ما رح يقدر يساعدني لانه مشاكلي ما الها حل او حلها بكون اصعب من انه
يطرح كبديل.
اما مسألة الشكر ف مستحيل انه انا استنى هاد الشي من اللي بساعده لانه بحس انه بفسد تلذذي بمساعدته لانه انا ما بساعده عشان يحكيلي شكرا. بساعده عشان يكون هو مبسوط ويحل مشاكله ف هاد احلى اشي بالحياة لانه انا مريت بوقت ما لقيت ناس يساعدني ويفهم مشاكلي لدرجة اني نسيت المشكلة وقعدت ادور مين يساعدني وهاد مؤلم جدا لانك ما تتألم من مشاكلك بتتألم انك مش ملاقي مين يفهمك ويساعدك بحل مشاكلك.
وبرأيي انا ما بحب ناس يشكرني لا قريب ولا بعيد وخوصا قريب لانه بعرف انا ما عملت هيك عشان يحكياي شكرا يكفي انه اختارني انا عشان اساعده وهاد بكون شرف كبير من صديقك اختارك من بين الكل وانه حملك جزء من اوزاره عشان تساعده بحلها.
اما الناس اللي بعاد خلينا نحكي او ما بهمنا امرهم ولما يطلبو مساعتدنا بكونو ما عندهم الثقة فينا اصلا وبكون زي اللي بعملو احصائيات عن موضوع معيين ولما يألك انا عندي مشكله وبدي تساعدني بحلها بكون حاط بباله انه بس بدو يشوف وجهة نظرك فيها ف على الاغلب انت ما رح تبادله الا زي ما هو بدو وجهة نظرك وزا شكرك او ما شكرك ف انت فعليا ما بتكون ساعدته لانك رح تعطي وجهة نظر غريبه رح تزيد معاناته وتفكيره ف من اغريب انه يشكرك ع هيك هههههههههه رح تكون ردت فعله" اههههههههههههه والله كلامك صح" ما بخطر ع باله الشكر بكون معجوق.
وهدا رأيي.
مشكور ابو حميد ع الموضوع الحلو

[ابو قنوة]

ما بحب كلمة حط بالخرج ...
ما تحط بالخرج ..
شوف احلقلو .. اشطفلو ..العن صباح ابو.. بس ما تحط بالخرج ..
منى وعلي انا اذا صار ما صار ... بشطب المذكور اعلاه .. صاحب الخيانه ...
او ما تسميها غدرا بشطبو من الذاكرة .. وبقطع الاتصالات ...هيك بصير مش فاهم راسو من رجليه ..يعني دمار ...

[اسرار]

نكايا فيك
حط بالخرج ابو قنوة مو على الرف:052:

[ابو قنوة]

الخرج هبيان .. وصار شرايط ... نبلعها احسن من الخرج ... ليش .. الخرج.. اصلا الحمير ما عادت تتقبل حمل الخرج ...
صارو الناس يحملوها ...