ريما الحندءة على كرسي الاعتراف

[م.محمود الحجاج]

http://www.resalahcenter.com/img/tell_afriend_btn.gif (http://www.resalahcenter.com/websites/tell)
الاخوه والاخوات الاعضاء
ارجو منكم ومن خلال هذا المنتدى توجيه الاسئله الموضوعيه
والهادفه الى
مديرة المنتديات
ريما الحندءة
وارجو منها ان تجيب على اسئلتكم بكل صراحه
متمنيا لكم التوفيق

[هبة الرحمن]

انا راح كون اول وحده بتسئلك يا ريما تحمليني وتحملي اسئلتي

من هيا ريما بأختصار؟؟
ما هوا الشيء الذي حلمتي بتحقيقه ولم يتحقق
من هوا العضو الذي تتمنى متقابلته على ارض الواقع
هل تستطيعين ان تعرفي الشخص من شكله ان كان مؤدب ,محترم ,ساذج,نصاب........؟؟؟
هل ندمتي في حياتك على شيء معين
ما اصعب موقف مر على ريما بحياتها وتتمنى ان لا يتكرر
الحياة ليست كلها مادية (فلوس) ما رأيكِ بهالكلام؟
خذلكِ احساسكِ ذات يوم؟
أنظرت يوماً لعائله وتمنيتِ أن تكوني أحد أفرادها؟
قلبكِ ما هو؟ حنون.قاسي.حزين.رحيم.ظالم؟

اتوقع هدول بيكفو اليوم لي عوده
أن شاء الله

[كامل السوالقة]

هلا وغلا فى الاخت ريما
بديه نريد بطقتك الشخصيه وبعدين نكمل
:hh13:

[ابو سلطان]

شو يا ريما ليه مو مجاوبه ولا سؤال
انتي لازم تكوني قدوه يا مديره
.
.
:hh13:

[ريما الحندءة]

بطاقتي الشخصية

الاسم : ريما محمد (ام نور حالياً وام محمد بعد شهرين)

مواليد برج الحوت (يعني روووووووووووعة على فكرة انا ونور نفس البرج ويمكن محمد كمان راح يكون بنفس البرج الله اعلم)

متزوجة وعندي بنتين نور الهدى وشهد (اسم الدلع لألها يارا) :girl02_2: وحامل بالولد ان شاء الله بعد شهرين بشرف

الوظيفة : سكرتيرة في كلية الهندسة / جامعة الطفيلة التقنية

الهوايات كتيرة ازا بدي اعدها ما راح نخلص

بحب الحياة والحياة بتحبني

طموحة وقنوعة

متفائلة دوماً والحمد لله

وانا جاهزة لأسئلتكم

[ريما الحندءة]

من هيا ريما بأختصار؟؟

انسانة مرحة ومتفائلة ومحبة للحياة والناس

ما هو الشيء الذي حلمتي بتحقيقه ولم يتحقق؟

كل احلامي تتحقق الحمد لله ،، طموحي قوي وإرادتي أقوى

من هوا العضو الذي تتمنى متقابلته على ارض الواقع؟

أبو قنوةةةةةةةةةةةةةةةةةةةةةةةة :164[1]:

هل تستطيعين ان تعرفي الشخص من شكله ان كان مؤدب ,محترم ,ساذج,نصاب........؟؟؟

نعم الحمد لله وهاي ميزة من ربنا

هل ندمتي في حياتك على شيء معين

الحمد لله لأ

ما اصعب موقف مر على ريما بحياتها وتتمنى ان لا يتكرر

الفرااااااااااااااااااااااق

الحياة ليست كلها مادية (فلوس) ما رأيكِ بهالكلام؟

نعم صحيح ليست كلها مادية فالمعنويات اكتر

قلبي كبيييييييييييييييييييييييييير وحنون والرحمة من الله ،،، عمره ما ظلم ولا قسي وبحزن كتير

[ابو قنوة]

مش رايح انكد عليكي...

[ريما الحندءة]

له ،،، اصلا ازا ما بتنكد علي نهاري بخرب

[كامل السوالقة]

اصيله يا غاليه

[اسرار]

مراحب ام النور
اول شي مبارك اللون الاحمر لابق الك كثير ونور الهدي منورة والله

بصراحة مو عارفة شو اسالك والمعلومات اللي اعطيتينا اياها منيحة وانا بعرفك كثير وما بتخيل انه في اسئلة ممكن تخطر ببالي بس ......
احكي باختصار بما لا يزيد عن 3 كلمات عن الاعضاء التالية اسماؤهم في المنتدى:
1. ابو معمر
2. كامل السوالقة
3. فلة
4. ميسم الجنوب
5. جلاد
6. ابو قنوة مافي داعي تحكي عنه نهائي ....وصلت كل المعلومات عنه
7. اسرار

واذا اتذكرت شي راح ادخل مرة تانية

موفقة

[ريما الحندءة]

شكراً اسرار كلك زوق

1. ابو معمر/// سيد المنتدى وتاج راسي

2. كامل السوالقة/// عقالي

3. فلة/// قمة الهدوء

4. ميسم الجنوب/// دلع عيني دلع

5. جلاد/// اسم على مسمى

6. ابو قنوة مافي داعي تحكي عنه نهائي ....وصلت كل المعلومات عنه /// الله يستر عليه

7. اسرار/// اللزة والأناقة

[ابو سلطان]

موفقه يا ام نور بالقياده

[اسرار]

يسلمو ياروح قلبي والله انتي كل اللزة والاناقة ------------ احرجتيني

سؤال......؟؟؟؟؟؟؟؟؟؟؟؟؟؟؟ الغيرة في حياة ريما شو اعرابها؟؟؟؟؟

[اسرار]

يسلمو ريما ............. اللزة انت وبس والله احرجتيني كثير:hhh15:

سؤال؟؟؟؟؟ شو اعراب الغيرة لديك؟؟؟؟؟

ع فكرة اسئلتي راح تيجي بالقطارة :girl02_2:

[ريما الحندءة]

الغيرة؟؟!! موجودة بقلب كل انسان خصوصي الستات

ما الهاش اعراب ،، انما بقدر احكي انه لكل شي حدود وخطوط حمرا اذا تم تجاوزها تنقلب الدنيا والغيرة هيك

[ريما الحندءة]

تسلم ابو سلطان

[م.محمود الحجاج]

مولاتي المديره .. مبروووك كل شيء
ارجو منك ان تتقبلي مروري في متصفحك الرائع
الذي اخذ روعتة من ياسمين قلبك الابيض ...
1- ما هو رايك بالمرأه بالطفيله ؟؟ والاردن ؟؟
2- ما هي جامعة الطفيله التقنيه بالنسبه لريما
3- من هو ابو عرابي ؟؟؟؟
4- من هو نائب الطفيله ؟؟
5- من هو خالد الحنيفات ؟؟
6- من هو رجل الطفيله بلا منازع ؟؟؟
7- ما رأيك بالشباب والشابات بالطفيله / الاردن ؟؟
8-* هموم واشجان الطفيله و ريما ؟؟؟
9- كلمة موجهه لصاحب القرار في الطفيله ؟؟
10- كلمه موجهه لرئيس الوزراء الي لا هو نادر ولا هو ذهبي ؟؟
كلمة للوطن .. كلمه للقائد .. ملك القلوب .. ملك الشباب .. بمناسبة النسه 10 لتسلمه السلطات الدستوريه

[ريما الحندءة]

1- ما هو رايك بالمرأه بالطفيله ؟؟ والاردن ؟؟

قديماً ،،، هي أساس المجتمع الطفيلي وعمود البيت وأساسه
في الأردن ،،، تكاد تخسر مكانتها


2- ما هي جامعة الطفيله التقنيه بالنسبه لريما

هي حلم طمحنا لتحقيقه ولكنه ما زال صعب التحقيق والسبب تعرفونه اكيد

3- من هو ابو عرابي ؟؟؟؟

انسان نتأمل منه ان ينهض بالجامعة نحو الأعلى وأن يسعى لاصدار قانون جامعة الطفيلة الذي ما زلنا نحلم به
بنينا عليه الآمال ونتأمل الا تتهدم

4- من هو نائب الطفيله ؟؟

الطفيلة للأسف بلا نائب

5- من هو خالد الحنيفات ؟؟

شخص يعجبني نشاطه لكنه بحاجة للدعم من المسؤولين في السلطات الأعلى منه

6- من هو رجل الطفيله بلا منازع ؟؟؟

رحمه الله

7- ما رأيك بالشباب والشابات بالطفيله / الاردن ؟؟

شعلة امل لم تتقد بعد ،،، وكلما حاولت ان تتقد يطفأها الـ ......

8-* هموم واشجان الطفيله و ريما ؟؟؟

آآآآآآآآآآآآآآآه هاد السؤال يثير الشجون فللطفيلة هموم لا تنتهي واشجان لا تنضب

9- كلمة موجهه لصاحب القرار في الطفيله ؟؟

حسووووووووووووووووووووووووا في الطفيلة شوي حرام عليكم

10- كلمه موجهه لرئيس الوزراء الي لا هو نادر ولا هو ذهبي ؟؟

ما انت قلتها لا هو نادر ولا هو ذهبي فشو راح تفيد الكلمة ؟؟؟

كلمة للوطن .. كلمه للقائد .. ملك القلوب .. ملك الشباب .. بمناسبة النسه 10 لتسلمه السلطات الدستوريه

ملكنا الشاب .. عبد الله يا عقيد القوم راعي الهدلة الهاشمية

سر وعين الله ترعاك وشعبك دوووووووووووووووم معاك

[اسرار]

اسمح لي اني اغش منك ابو معمر ؟؟؟؟
ريما شو رايك بجامعة الطفيلة التقنية؟؟؟؟

[ابو المعتصم]

ماذا تمثل لك هذه العبارات؟؟؟
مشاكسة
لطيفة
استفزازية
رقيقة
فوضوية
حساسة
أنانية
متعاونة
ناقصة عقل ودين
مثقفة
ماذ تمثل لك هذه الصورة؟
http://img167.imageshack.us/img167/427/1127879365rn1.jpg

[الغطاس]

صباح الخير ريما
الف مبروك المنصب الجديد
انا مش كثير صحبه انا و الاسئله بس عندي كم سؤال و اتمنى انك تجاوبيني بصراحه!
1. شو كان طموح ريما ؟
2. من شو بتخافي؟
3.شو رايك جامعه الطفيله؟
4.شو رايك في نوعية الطلبه؟
5.موقف بعده كرهتي نفسك فيه وتمنيتي ما يتكرر؟
6.شو في شغله ممكن تطور المنتدى ؟
7. عمرك تعرضتي للخيانة (زي ما بتعرفي الخيانة انواع مش نوع واحد) شو كان شعورك ؟
بعرف اني كتير سالت
الله يوفقك وتولدي بالسلامه وانشالله يكون من ابناء السلامه ويتربى بعز ابوة وعزك

[ريماس]

يسعد مساكي ريما

انا عندي سؤال واحد بس

شو سبب اختيارك لاسم ريما الحندءة هل لانة شعرك اشئر ومنئا؟؟؟؟؟؟؟؟؟؟؟

شو شعورك لما صرتي مديرة للمنتديات ؟؟؟؟؟؟؟؟؟؟؟؟؟؟

شو رأيك بمنتدى صدى الحجاج؟؟؟؟؟؟؟؟؟؟؟؟؟؟

لو بأمكانك تغيري اسم المنتدى شو بتختاريلة اسم؟؟؟؟؟؟؟؟؟؟؟؟؟؟

شفتي حبيبتي سؤال واحد وسهل

يا الله عينك بورقتك وجاوبي على الامتحان وان شاء الله بتغشي

:hh13::hh13::hh13::hh13::hh13:

[هبة الرحمن]

خذلكِ احساسكِ ذات يوم؟
أنظرت يوماً لعائله وتمنيتِ أن تكوني أحد أفرادها؟
قلبكِ ما هو؟ حنون.قاسي.حزين.رحيم.ظالم؟

[ريما الحندءة]

اسمح لي اني اغش منك ابو معمر ؟؟؟؟
ريما شو رايك بجامعة الطفيلة التقنية؟؟؟؟

حلم ،،، يا رب يتحقق

[هشام القواسمة]

ريما
أو جمعنا برج الحوت فيبدو أن هناك مشتركات
لكن أنا عصبي ومزاجي .. وأتمنى أن أتخلص من ذلك
ثم أتمنى أن نبارك لك في محمد قريبا
رغم أن تربية الأولاد مهلكة مش زي البنات
سؤالي ريما
كيف تبدأ ريما نهارها وكيف تنهيه؟

[ريما الحندءة]

ماذا تمثل لك هذه العبارات؟؟؟
هاي كلمات مو عبارات

مشاكسة // قطة صغنونة تلعب بطابة صوف

لطيفة // وجه مبتسم يوحي بالحياة

استفزازية // الحندءة

رقيقة // جدول ماء عذب صافي

فوضوية // ما الها مكان عندي

حساسة // زجاجة عطر انثوي

أنانية // بدون قلب

متعاونة // محبوبة ومرغوبة

ناقصة عقل ودين // حرام الحياة فيها

مثقفة // عدوة الرجل

ماذ تمثل لك هذه الصورة؟

http://sadaalhajjaj.com/vb/images/statusicon/wol_error.gifنقره على هذا الشريط لعرض الصورة بالمقاس الحقيقي
http://img167.imageshack.us/img167/427/1127879365rn1.jpg


انعدام الإنسانية

[ميسم الجنوب]

:h19:كيفك ريما أبارك لك موقعك الجديد سؤالي الأول من هو اكثر الناس تأثيرا عليك ومن اقرب الناس اليك فعلا
ثانيا لو عاد بك الزمن الى قبل سبع سنوات هل تختاري حياتك بنفس التفكير وتختاري ما اخترتيه اذا نعم ماذا تختاري لحياتك وماذا ستجددي

[ريما الحندءة]

صباح الخير ريما

/// صباح الورد

الف مبروك المنصب الجديد

// الله يبارك بعمرك

انا مش كثير صحبه انا و الاسئله بس عندي كم سؤال و اتمنى انك تجاوبيني بصراحه!

// الله يقدرني

شو كان طموح ريما ؟

// اثبات ذاتي بكل شيء

2. من شو بتخافي؟

الموت

3.شو رايك جامعه الطفيله؟

حلم لساته ما تحقق

4.شو رايك في نوعية الطلبه؟

تعباااااااانين الله يعينهم ويعينا

5.موقف بعده كرهتي نفسك فيه وتمنيتي ما يتكرر؟

ما مريت فيه الحمد لله وان شاء الله ما بمر فيه مرة ابداً

6.شو في شغله ممكن تطور المنتدى ؟

جهودكم وابداعاتكم ودعمكم

7. عمرك تعرضتي للخيانة (زي ما بتعرفي الخيانة انواع مش نوع واحد) شو كان شعورك ؟

تعرضت لكتير خيانات ،،، بس لما فكرت فيها لقيت انه الحمد لله انه ظهرت الناس قدامي على حقيقتها بكير

بعرف اني كتير سالت

ولا يهمك اسأل شو ما بدك

الله يوفقك وتولدي بالسلامه وانشالله يكون من ابناء السلامه ويتربى بعز ابوة وعزك

// الله يسلمك يا رب ويوفقك

[ريما الحندءة]

يسعد مساكي ريما
ومساكي يا رب

انا عندي سؤال واحد بس
بس بلاش

شو سبب اختيارك لاسم ريما الحندءة هل لانة شعرك اشئر ومنئا؟؟؟؟؟؟؟؟؟؟؟

لأ مو لأنه شعري اشقر لأنه اصلا مو اشقر وبحب هالاسم لأنه لازمني من وقت اللي خلقت كل الناس كانت تناديني الحندءة عشان اغنية فيروز يعني

شو شعورك لما صرتي مديرة للمنتديات ؟؟؟؟؟؟؟؟؟؟؟؟؟؟

مسؤولية والله يا رب اكون قدها ،، فرحت فيها وبنفس الوقت خايفة منها

شو رأيك بمنتدى صدى الحجاج؟؟؟؟؟؟؟؟؟؟؟؟؟؟

رووووووووووعة ادمنت عليه


لو بأمكانك تغيري اسم المنتدى شو بتختاريلة اسم؟؟؟؟؟؟؟؟؟؟؟؟؟؟

ما راح غيره لأنه مناسب اله تماماً ،،،

شفتي حبيبتي سؤال واحد وسهل

اي والله ما تعبتيني ابداً

يا الله عينك بورقتك وجاوبي على الامتحان وان شاء الله بتغشيمو من طبعي الغش الحمد لله

[ريما الحندءة]

ريما
أو جمعنا برج الحوت فيبدو أن هناك مشتركات
لكن أنا عصبي ومزاجي .. وأتمنى أن أتخلص من ذلك
ثم أتمنى أن نبارك لك في محمد قريبا
رغم أن تربية الأولاد مهلكة مش زي البنات
سؤالي ريما
كيف تبدأ ريما نهارها وكيف تنهيه؟



من اروع الصفات تلك التي وجدت في برج الحوت (مغرورة ههههههههه)

شكراً لك ابو ريان على لطفك وذوقك الرفيع

اما كيف ابدأ نهاري فبسم الله وصلاة الفجر ثم فنجان الحليب

وانهيه بجزء من القرآن وتصبحون على خير

[ريما الحندءة]

كيفك ريما أبارك لك موقعك الجديد سؤالي الأول من هو اكثر الناس تأثيرا عليك ومن اقرب الناس اليك فعلا
ثانيا لو عاد بك الزمن الى قبل سبع سنوات هل تختاري حياتك بنفس التفكير وتختاري ما اخترتيه اذا نعم ماذا تختاري لحياتك وماذا ستجددي


الله يبارك فيكي ميسومتي

اكثر الناس تأثيراً علي ... والدي الغالي

أقرب الناس إلي .... نور الهدى ويارا

لو ،،، هاد لو ،، واللو من عمل الشيطان والزمن ما برجع لورا ولو كان برجع كان ما قدرنا نعيش

[صوت الكرك]

انا جدا معجب بشخصيتك رغم عدم معرفتي لك ........
لكن من خلال متابعتي كتابتك او ردودك اجدني امام
شخصية جذابه .. مثقفة .. حنونة على ما اعتقد ...

سؤالي :-
يوم في حياتك لا يمكن ان تنسيه ولماذا ؟
يوم من حياتك تودين ان تمحيه ولماذا ؟
حدثينا عن.. ماذا تعملين في اليوم من ساعة الصحيان وحتى ساعة النوم
بمعنى كيف تقسمين وقتك ما بين الدوام ، البيت ، الاولاد ، النت ،
مع تمنياتي لك بالتوفيق
:064:

[ريما الحندءة]

انا جدا معجب بشخصيتك رغم عدم معرفتي لك ........

هاد شي بشرفني شكراً الك

لكن من خلال متابعتي كتابتك او ردودك اجدني امام

شخصية جذابه .. مثقفة .. حنونة على ما اعتقد ...

هاد من زوقك ولطفك


سؤالي :-
يوم في حياتك لا يمكن ان تنسيه ولماذا ؟

في اكتر من يوم بحياتي نسيانهم مستحيل ،،، بس اشرفهم يوم ما شافت عيوني الكعبة ،،، ليش ما بنساه لأنه رهيب ومهيب وقريب لله

يوم من حياتك تودين ان تمحيه ولماذا ؟

اليوم اللي بزعل في مني اي حدا بتمنى ينمحى من حياتي (يا رب ما حدا يزعل مني)

حدثينا عن.. ماذا تعملين في اليوم من ساعة الصحيان وحتى ساعة النوم

بمعنى كيف تقسمين وقتك ما بين الدوام ، البيت ، الاولاد ، النت ،

بصحى مع اقامة الصلاة بصلي الفجر وبشرب كاسة حليب بصحي بناتي بلبسهم وبلبس وبنطلع للدوام بوصل نور الهدى على الروضة ويارا لعند امي وبطلع لدوامي

دوامي من 8-4 بالشتا ومن 8-5 بالصيف عودت نفسي عليه وتأقلمت معه
الحمد لله اموري منسقة ماشية تمام النت بدخله بس من الدوام لا تسألوني كيف بس التنسيق طالع معي رباني

الحمد لله دوامي مو مأثر سلباً على بيتي وبناتي وهيني حامل بالتالت والحمد لله مرتاحة بحياتي

مع تمنياتي لك بالتوفيق

ولك ايضاً

[اسرار]

ريما ياريما
حاسستك مو ملحقة ع الاسئلة الله يكون بعونك انا عندي اقتراحات الك مو اسئلة وبدي رايك فيها في المنتدى
* بدي تغيروا الي لوني؟؟؟؟:h19: بالله عليكم يا خليكم ههههههه
* بدنا منتدى خاص بالرجل ضروري جداً؟؟؟؟
*******************************************
بس خلاص وهييييييييييييييييييييييييييييييييييييييييييييييي: 191[1]:

[ريما الحندءة]

نغيرلك لون ؟؟؟ شو اللون اللي بدك ياه؟؟؟ بعدين انتي مشرفة والأخضر لون المشرفين يعني ثابت الله يعينك تحمليه

شو صايرة نصيرة للرجال؟؟ بدك منتدى خاص فيهم؟؟ راح فكر بالموضوع مع ابو معمر ونشوف ... لازمهم الرجال منتدى خاص فيهم يلعبوا فيه شدة ويشربوا ارجيلة

[اسرار]

ريما سؤال ع الماشي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بتزكري شو اول موضوع كتبتي في المنتدى واول موضوع رديتي عليه؟؟؟؟:158:

[ابو المعتصم]

هاتفك شخص تعرفين أنه ثقيل الظل و"بارد وجه" .... هل تردين أم تقفلين الهاتف؟؟؟؟
السلام عليكم .....عبارة تظهر لك على المسنجر من شخص مجهول ...ماذا تفعلين؟؟؟؟؟
عدد أصدقائك على المسنجر؟؟؟؟؟

[Gladiator]

لماذا ؟؟؟؟؟؟؟؟؟؟؟؟؟؟

[ريما الحندءة]

والله يا أسرار ما بذكر بالزبط مر وقت طووووووووووووووويل

[ريما الحندءة]

هاتفك شخص تعرفين أنه ثقيل الظل و"بارد وجه" .... هل تردين أم تقفلين الهاتف؟؟؟؟


بكل بساطة بحط التلفون صامت وما برد

السلام عليكم .....عبارة تظهر لك على المسنجر من شخص مجهول ...ماذا تفعلين؟؟؟؟؟

وإذا حييتم فردوا التحية بأحسن منها

عدد أصدقائك على المسنجر؟؟؟؟؟

6 اصدقاء مقربين

[ريما الحندءة]

لماذا ؟؟؟؟؟؟؟؟؟؟؟؟؟؟

لأن ............!!!!!!!!!!!!!!!!

[Gladiator]

اقسم بالله انك ذكية ..

[ريما الحندءة]

نبيه يا احمد ما شاء الله عليك ...

[Gladiator]

لا عنجد من النوادر من يجاوبني هذا الجواب الصحيح
المهم نرجع
ريما سؤالي الي دايما بساله حياتك في موضوع شو عنوان الموضوع ؟؟
لو خيروك تنتقلي على عمان انتي وعائلتك بتنتقلي ؟؟
متى كذبتي على نفسك ؟؟
الي كانوا قاعدين قبلك عالكرسي وبصراحة هل كان عندك سؤال لاحدهم وكان نفسك تسأليه بس ماسألتيه وشو الاسباب التي منعتك من سؤاله ..

وسلامتك

[ريما الحندءة]

حياتك في موضوع شو عنوان الموضوع ؟؟

الحندءة

لو خيروك تنتقلي على عمان انتي وعائلتك بتنتقلي ؟؟

اكيييييييييد مسقط رأسي عمان حبيبة قلبي مكان اللي ولدت وربيت وعشت طفولتي فيها

عمان بالقلب

متى كذبتي على نفسك ؟؟

ولا مرة

الي كانوا قاعدين قبلك عالكرسي وبصراحة هل كان عندك سؤال لاحدهم وكان نفسك تسأليه بس ماسألتيه وشو الاسباب التي منعتك من سؤاله ..

كل اللي بنفسي من طبعي بطلعه ما بخليه يروح بنفسي يا احمد ،، وانا اتمتع بجرأة تخلينه اواجه شو ما بدي دون تخطي حدود الآخرين

وسلامتك

الله يسلمك

[اسرار]

ريما شو هو السؤال اللي عجبك من الاعضاء الى الان وانت مصمودة ع الكرسي؟؟؟؟؟؟؟؟؟؟؟؟
شو هو السؤال وبصراحة اللي بتتمني حدا يسالك اياه؟؟؟؟ (((جاوبي)):h5:

[ريما الحندءة]

انتي ليش بتحبي تنبشي باللي راح

الصراحة كل الأسئلة رائعة وممتازة وبتخليني اوقف كتير عندها قبل ما جاوبها

اما السؤال اللي بتمنى حدا يسألني ياه ما راح احكيه عشان اشوف مين بقدر يتوقع ريما الحندءة بشو بتفكر بناءاً على معرفتهم فيني

[اسرار]

اعترض ريما ما اشفيتي غليلي
///// ازا اجتك واحدة وحكت الك انها بتحب جوزك وبتموت فيه؟
شو راح تكون ردة فعلك بصراحة:hh21: //////// بدون ما تعملي حالك مثالية

[ريما الحندءة]

حبها برص وسبعة خرص

[اسرار]

يا عيني عليك :105[1]:

[ابو المعتصم]

بالنسبة لك:
أحسن كاتب عربي .....واذكري مؤلفا من مؤلفاته
أحسن روائي عالمي....واذكري مؤلفا من مؤلفاته.
أحسن ممثل كوميدي.
أطرف فيلم .
أسوأ أغنية عربية .
أسوأ مغنية.
أحسن فريق كرة سلة عالمي.
أفضل شخصية للعام 2009
أسوأ عضو تعرفت اليه في المنتدى.
أبخل عضو في تصرفه في المواضيع.
عضو تخافين ردوده.
عضو يضحكك في ردوده.


:170[1]:

[ابو المعتصم]

أجيبي بنعم أو لا:


هل أنت مرتاحة في المنتدى؟؟؟


هل لديك أعداء في المنتدى؟؟؟؟
هل تخافين في الظلام؟؟؟؟
هل أنت متفتحة ؟؟؟؟
هل أنت عدوانية؟؟؟؟
الضحك فطرتك ،فهل تضحكين أخيرا؟؟؟؟
هل تخافين من الموت؟؟؟
هـــل أنت مادية؟؟؟؟




:hh13:

[هشام القواسمة]

تحياتي اختي ريما

أود أن اسالك بعض الأسئلة

ما هو الحلم الذي في حياة ريما و نفسها يتحقق ؟؟والحلم الذي من المستحيل أن يتحقق؟
لمن تقول ريما
سامحتك كثير
لا تختبر صبري
توجعني كلماتك
افتقدتك كثيرا
ما زلت انتظر قدومك


أمنياتي لك بالسلامة
ودمت كما تحبين

[سعود الفراهيد]

لاروعة أجمل من أن يكون الانسان طموحا محبا للحياة
ولاتكمن جمالية الحياة الأ مع أناس لهم كل الاحترام والتقدير
الأخت العزيزة
ما رأيك بما يكتب على صفحات الصدى ؟
ماذا تقولين للأخوة في الصدى؟
من ماذا تخافين ؟
لك كل الاحترام

[ريما الحندءة]

يسعدني تواجدك المستمر هنا ابو المعتصم

بالنسبة لك:
أحسن كاتب عربي .....واذكري مؤلفا من مؤلفاته

احسان عبد القدوس /// انا حرة

أحسن روائي عالمي....واذكري مؤلفا من مؤلفاته.

أجاثا كريستي /// موت على النيل

أحسن ممثل كوميدي.

دريد لحام

أطرف فيلم .


فول الصين العظيم

أسوأ أغنية عربية .

لا تعدش

أسوأ مغنية.

برضه لا تعدش

أحسن فريق كرة سلة عالمي.

بصراحة ما بتابع كرة سلة عالمية بس بعتقد انه في فريق مميز عالمياً حسب معلوماتي هو شيكاغو بولس

أفضل شخصية للعام 2009

لسا ما بلش 2009 لحتى نعرف مين افضل شخصية فيه

أسوأ عضو تعرفت اليه في المنتدى.

الحمد لله ما تعرفتش ولا على اي حدا سيء بالمنتدى

أبخل عضو في تصرفه في المواضيع.

كتااار ويا ريت يتكرموا بالمواضيع والردود

عضو تخافين ردوده.

ولا حدا كلهم بتوقع ردودهم

عضو يضحكك في ردوده.


بلا منازع (أبو قنوة)

[ريما الحندءة]

هل أنت مرتاحة في المنتدى؟؟؟

بدون شك ،، وإلا ما لقيتني هون باستمرار ولا صرت مديرة




هل لديك أعداء في المنتدى؟؟؟؟

لأ ولله الحمد

هل تخافين في الظلام؟؟؟؟

احياناً
هل أنت متفتحة ؟؟؟؟

حسب شو بتعني متفتحة؟؟

هل أنت عدوانية؟؟؟؟

ابداً ،، لكن في مواقف بتستدعي اكشر عن انيابي احياناً

الضحك فطرتك ،فهل تضحكين أخيرا؟؟؟؟

الحمد لله

هل تخافين من الموت؟؟؟

جداً جداً جداً

هـــل أنت مادية؟؟؟؟

احياناً

[ريما الحندءة]

تحياتي اختي ريما

يا مليون مرحباً ابو ريان

أود أن اسالك بعض الأسئلة

تفضل

ما هو الحلم الذي في حياة ريما و نفسها يتحقق ؟؟والحلم الذي من المستحيل أن يتحقق؟

الحلم اللي بتمنى احققه اكمل دراستي ،،، الحلم اللي منالمستحيل يتحقق يرجع الماضي

لمن تقول ريما

سامحتك كثير

نور الهدى

لا تختبر صبري

زوجي

توجعني كلماتك

نزار قباني

افتقدتك كثيرا

اعز الناس واغلاهم

ما زلت انتظر قدومك

ابني



أمنياتي لك بالسلامة
ودمت كما تحبين

شكراً لتواجدك وخفة ظلك عزيزي

[ريما الحندءة]

لاروعة أجمل من أن يكون الانسان طموحا محبا للحياة
ولاتكمن جمالية الحياة الأ مع أناس لهم كل الاحترام والتقدير

اسعدت صباحاً استاذ سعود وحياك الله

الأخت العزيزة
ما رأيك بما يكتب على صفحات الصدى ؟

ثمار ناضجة تستحق العناية والمتابعة

ماذا تقولين للأخوة في الصدى؟

احبكم في الله

من ماذا تخافين ؟

تكرر هذه السؤال كثيراً هنا

اخاف من الموت


لك كل الاحترام

ولك مني اجمل تحية واحترام وتقدير