المساعد الشخصي الرقمي

مشاهدة النسخة كاملة : دانا , حانا ومانا ,,

ابو قنوة
18-01-2009, 21:26
منتدى فش خلقك او غلك او بعبش بالجيبة بعبش ... بعرفش شو الصح هون...
هاي المنتدى بنبسط اكتب به .. ليش لاني ما بحب النطنطة هون وهون ...يعني انا من حزب المحافظين مش النطاطين القحاصين ...
ولانو عقلي سايح بين شرايح جبنه ملكانا ... ولانه ضاع حبك يا دانا بين بين حانا ومانا ...
عقلي قرر ان ما يجيب واطي لحدا وان شاء الله يكون ابو رجل مسلوخة او حتى ابو سبع طقات ....
هون بنخش على الموضوع ..
ابو معمر قايد المنتدى .ايام ما كان يصول ويجول .. وقبل النسوان بالمنتدى ما يقصقصن اذانه .. كان له قرارات دكتاتورية وكان يمارس سياسة القمع والخلع والكتع ...والتكبيل .والتنكيل بالمناضلين من امثالي وامثال المرحوم كامل مطلق السوالقة .( الفاتحة... حرام مات نجس ).. بعرفش هو اسمه مطلق ولا عبد العزيز ..
النتيجة وصل ابو معمر بسياسة تكميم الافواه وكتم الحريات الى حد اعتقال المناضل المرحوم كامل( فاتحة) في يوم ما ..وندفه السجن 90 سنة .... ولولا اصطفافنا لدعم كامل ولولا ضغوطاط... طاط ..طاط .. منظمات الرفق بالمناضلين كان كامل راح بخبر كان (( كان كامل راح بخبر كان)) كيف اجت هيك الجملة ما بعرف .... ..........
المهم تمكنا من الحد من عسكراتية وديكتاتورية ابو معمر .. وصار الزلمة لا بهش ولا بنش .. يعني بفسح معيز بصنفحة ... وجردنا ابو معمر من كل سلطاته وشورباتو .. حتى ضمان ما الو ... يعني بلوشي ... النسوان مش دمرنه بس .. شطبنو للابد راح فيها المسكين تفعيص على وزن العيص .. مؤامرة الحريم كانت كاملة وعم وطم الاستعمار وعبى المنتدى وراحت علي راحت عليه وتعيش وتوكل غيرها يا ابو معمر ..............صرت مثل اليزابيت بتاعة الانجليز يعني بالعزيات والمواسم والحصيدة وممكن بالمزاعطة على الجحشات .. صرت يامسكين مرة مع فنجان قهوة مرة فنجان قهوة معك مرة ارتشف البرابير من ثنايا شباكك ومرة غاب القمر يابن عمي يا الله روحني . بخاف من العتمة .... وساعات بتقول هات المنجل يا عبود وافرك من ام عيون السود ... داير مثل ابو الحصيني كل يوم بتسطي على خم جاج على وزن منتدى الحجاج ... جاج ......... جاج .............
النسوة اياهن كلهن متأمرات واخص بالذكر الست ريما .. الله لا يورجيكي زعلها .. وميس .. وبتوع الروح وام الاسرار وفلة ووردة واخص بالذكر كل من ذكر ولم يذكر ..... اقول قولي هذا .. وانا لله وانا اليه راجعون ..............................
اليوم وقعتنا زي الطين ......
مين قايد منتدى فش غلك ... (( دانا )) ....
ابو معمر بكل البلاوي الزرقا والصفرا ........... علي الحلال .. ارحم مليون مرة من قرارات دانا ...ليش ...لانه خراب البيت دايما متعودة .... من النسوان ... مثلا عندك تسيفي ليفنى وعندك كندرة رايز وعندك مادلين اولبرايت ومادلين طبر.وما تنسى هيفاء عجرم او نانسي وهبي وتوفيق الدقن ومحمود الحجاج قصدي المليجي ..... وما تنسى ام الشباري تاتشر ..وغولدا مأئير ... وهاي جابونا هلاري مرته لكلنتون علشان تهرينا وتستوي طبيخنا ...
دانا ... ما عندها مزح .. كل كلمة وكل حرف وكل نقطة بكل موضوع لا زم تشييك عليه يعني تعمل تشك قبل النشر ...ودايما مشمرة عن زنودها وبتهد وتمد .... وصوتها بلعلع ............................
لحتى صار الواحد يفكر حالو عايش بمزرعة بندورة بالغور والشيك على الداير ... واحنا بنكاكي .. كاك ...كاك ...
اذا سبينا بموضوع على فلان .. بتقلنا بلاش قلة ادب ... اذا مخطنا خشمنا بتقلنا اطلع بره بلاش تخنخن عندي ...
اذا كتبنا بالسياسة بتقول اجراءات امن .. واذا ازعلنا النسوان بتقول احترم نفسك ... واذا طبخنا بيتنجان .. بتقول بتصرف زيت قلي ...
يعني الواحد صار مثل حضك يا ابو الحضوظ ... بطيخة ....يا قرعة.... يا قرعة ....وانا حظي وبعرفو مثل الطين ...
عند دانا ممنوعات ..... وهاي الممنوعات مش وسكي وحشيش والذي منه .. الممنوعات هي ممنوع الكتابة عن النسوان والعنصرية والاديان والوطنية والقومية والكركم والتجميل والتحميل والقبان وشوالات البصل .. التدخين ممنوع .. العطس جريمة اقتصادية ..... ...ممنوع بممنوع .....................
كله ممنوع بممنوع ...
شو المسموح عند مشرفه منتدانا دانا امانا .... مسموح كل شىء ولا شىء ...
هون الفن .. ديمقراطية على الناس ودكتاتورية على العبد الفقير ابو القنوة المحترم ...
اخر نهفات المس دانا قيامها بافتتاح زنزانه لاصحاب الراي ... الحق يا كامل وجيب معك شوية خرز وخيطان مصيص وهربلك شدة خلينا نفت .............................
اليوم بتلاقوني هون بكرة الله واعلم ... ممكن معلق بساحة الجامع الحسيني .. وممكن لاجىء سياسي وممكن مع ابو معمر بصنفحة بنفسح معيز سوا ..... او بنكوش بخشومنا بنخرط على بعض سواليف .. معيز على وزن سواليف حصيدة ...........
ايام ابو معمر كنا نتباطح ونتهاوش ونسبسب .. يا اخي زلام وبنحلها ..... مش مشكلة ...
لكن مع دندن على راي ابو معمر المسكين............ شو بدي اساوي ... اي نضرة وحدة منها بتجيبني كتاف يعني سلامة شبيلات ... قصدي سلامه تسلمك...
واخيرا .. كل ما ورد اعلاه يعتبر منشور سري ... يعني من شان النبي ..... بلاش تدري دانا ونروح فعص .. استر يالي بتستر .....
ملاحظة .. يعني بي اس ::::: شكل دانا عرفت بالمنشور ... لانهم غفوني ..........عالنضارة ... رحنا فيها ......
دانا
18-01-2009, 21:40
هههههههههههههه عجبتني يا ابو قنوة هيك بدي اياك لا تحطها واطيه لحدا
بس انا ما عمري حكيت هيك وفضحتك بحكيلك من تحت لتحت المهم مو مشكله
كل شي منك حلو
بعدين في كتير اشياء بمواضيعك بدها تشفير بس انا ما بسترجي اقرب عليها لانها من الغالي ولو
ابو قنوة
18-01-2009, 21:42
سلام قولا من ربا رحيم ..................
لسا الموضوع ما طلع من الطابون ... مالحقنا نوزع المنشور صارت دانا عارفة ...
اثبت عندك .............
قمع الرأي والراي الاخر ... وممكن الاتجاة المعاكس ...
دانا
18-01-2009, 21:49
حرام عليك انا بقمع الرأي الآخر استنى نشوف شو رأي الشباب والصبايا معاك ولا معاي
ابو قنوة
18-01-2009, 22:30
اكيد معاكي ..
يت حسرة مين بشوفك وبوقف مع خنشور ...
محسومة ..
ريموه الروح
18-01-2009, 22:59
المشكلة ما بئدر ازعل ابو قنوة ولا الحبيبة الغالية دانا العسل بس بدك الصراحة يا ابو قنوة دانا مشرفة ولا كل المشرفين
وحضرتك يا قمر المنتدى ومشاكس ايضاً كلامك بجنن وبحب اقرألك كتير لاني بقضيها ضحك وعباراتك كلها سجع وجناس يا باشا
بس ملاحظة بسيطة رجاءاً ما تيجي بالغالي ابومعمر والله انه ما في متله وما تنسى انه صديقي الغالي وما بحب حد يجي في ساحته بس ابو قنوة يحق له مالا يحق لريمووووووووووووووووووووووه:hh13::092:
دانا
18-01-2009, 22:59
هو شوف انا معك بانه انا براقب كل شي بالمنتدى بس مو معك باني بقمع الرأي الآخر والله حرام عليك
ريموه الروح
18-01-2009, 23:05
ع فكرة ابو قنوة دايماً دانا موقفها معك بكل المقالات وتساندك وتبدي رأي بكل ما تكتب انت وتعبر فلما هذا التهجم على دانا
ولكني فهمت من الموضوع انها مداعبة للغالية دانا
ولا شو رأيكم يا جماعة
وصحيح نحن نفتقد العزيز كامل أين هو ... البحث عن مفقود يرجى التصال في حال توفر المعلومات المطلوبة ...سجَل ...ثم حوَل
ابو قنوة ...&... دانا بحبكم كتير وانتم غاليين على قلبي :092:
دانا
18-01-2009, 23:42
ظهر الحق وزهق الباطل
هشام القواسمة
19-01-2009, 00:18
بلا تـــــــــــــــــــــــعليق
ابو قنوة
20-01-2009, 13:52
بنخلص من ريما المتخندقة بتطلعنا ريما الروح ...
بننسى كامل وعمايلة برجعو بحكولنا .. كامل ابصر مالة ... نازل سلخ بالخرفان وبدو شو بدو يسكر ... غاب غاب ورجع بخفي الزيدي ....
بنخبط شمال بجيبوها يمين ..
بنباطح ابو معمر .. الحريم بصفن مع سما ..
طيب انا وين اروح ...
يعني على راي الست ...اروح لمين واقول يامين ينصفني منك ...
شو العمل يا ظالمني .. لاني فاقد الصبر وللصبر حدود ...
اقف على الاطلال ... وبداخلي ثورة من الشك ... ولكنى في النهاية انت الحب ومن اجل عينيك عشقت الهوى فكيف انساك وانا غدا القاك ... ولكني انا لن اعود اليك ... مهما كلموني تاني عنك فكروني .... وان كان القلب يعشق كل جميل ... وياما شفت جمال يا عين ....
ريما الحندءة
20-01-2009, 14:17
انا كنت حاطة رد وتعليق هون مين شاطبه؟؟؟؟؟؟؟؟؟؟؟؟
اسرار
20-01-2009, 14:36
ريما في حدا مستقصدك اكيييييد ابو قنوة:170[1]:
ريما الحندءة
20-01-2009, 15:22
معقووووووووووول يمكن !!!!!
ريما الحندءة
20-01-2009, 15:23
بس لا ابو قنوة بخاف مني بسترجيش يعملها انا بعرفه منيح مو هيك مفيد؟؟؟؟؟
دانا
20-01-2009, 18:47
يا ريما كل مشاركات مبارح انشطبت مو بس تعليقك كل المشاركات
ولو ما حدا بسترجي يدوسلك على طرف
Gladiator
20-01-2009, 19:35
هذه مولعة من وراي بغيب يومين هيك بصير فيك يا دانا بس عنجد تشمتت فيك لما شبعت ههههههههههه
وريما كمان صايرين يشطبوا الك كلام يا حيف وانا بحكي انه وراي ريما وراح احكي الي بدي اياه طلع كلامك محذوف ههههههه
ابو قنوة ابوي ابوي عندك اياهن عن جنب وطرف لا توفر ونسيت تحط اخر شي ع راي الست "مني الك "عودت عيني على رؤياك وفشات غلك ........................ ( بس في شغلة زعلتني منك والعتب ع قدر المحبة بيني وبينك بحكيلك اياها مو هون قدام الحريم بعدين بتشمتوا فينا )
دانااااااااااا صحة وعافية :hh13:
دانا
20-01-2009, 19:56
على قلبك يا غالي بس لو مو مريض كان فرجيتك ويلا انا احسن منك حمدلله على السلامه
وبالنسبه لريما السمع شو بنقلك كل المشاركات تبعت مبارح انشطبت كان في فايروس
كامل السوالقة
20-01-2009, 22:06
الله يعينكم على البلوى الى بتنحذف علينا فى هذه الايام
ضريبة وطن
ابو قنوه فاقد عقله ونزل فى الغزل وريما مضيعين مقالتها
ودانا تعبانه واحمد بشمت
اللهم رب العرش ان تجمع الاخوه على حب العمل ودعم هذا المنتدى
والله يا ريما ما حد شطب الك اشى شوفى الاختراق الاخير ضيع كم مشاركه
Gladiator
21-01-2009, 04:02
الله يسلمك دانا احرجتيني ... شايفة لما تكوني معي طيوبة كيف بسكت
دانا
21-01-2009, 09:08
يعني انت هيك سكتت طيب هلا دوري ماااااا اكون طيوبه


انت اصلا شو بتعمل هون يلا مو غبرة زوبعة بدي اشوف ههههههههههههه
ريما الحندءة
21-01-2009, 09:47
شكراً دانا يا قلبي على اهتمامك انا بعرف انه المشاركات كلها راحت بسبب فايروس ومشكلة بالنت الله يشافي الصدى من هالمشاكل اللي عم تهل عليه الناس عن تغار منه لنه الأقوى ولهيك بدنا نقويه اكتر

ويا احمد لا تخاف ما حدا بسترجي يمسحلي موضوع لأنه مواضيعي الحمد لله قوية ولا تخاف على حالك سندك قوي

ابو المجد وين صاير تغطس المخربين استغلوا غيابك عنا بدنا همتك يا باشا
ابو قنوة
21-01-2009, 19:51
كامل الله يساعدو مجلوط .. من الحاشية النسوية الرقيقة التي اتأبط ذراعها .. يعني بدو ينفلق ...
مسكين جيبولي ايه لاورجيه...
دانا .. العين عليها ... شطبت مشاركات ريما وحططتها بظهري .. وانا غلبان .. لا براقب ولا بهمنى شو بتكتبو لاني ديموقراطي جدا ...
جلديتور غايب فيلة .. انا بباطح وتاركني اتمرمط ... عليه العوض ومنه العوض
النجمه المضيئه
27-01-2009, 16:07
يسلم هاالايدين ابو قنوة دمك عسل والله انت كلك عسل وبلاااااك المنتدى ما بيسوى ,,,,,,,,,بالنسبة لابو معمر حرام عليك والله انه بجنن ووجوده احلى شي باالمنتدى وما اتوقع انه في احلى من كلامه ومشاركاته ومواضيعة وما بدي احكي عنه كتير لاني مهما حكيت مارح اعطيه حقه.....وبالنسبة لدانا..حرام البنت بتعقد وحبابه وكل مشاركاتها لطيفة واغلبها عفوية وبتحلي المواضيع..والي بيتشمتو فيها غير افرجيهم الا مايجيهم يوم ويوقعو بايدين ابو قنوة ولا يضلهم يمسحو جوخماشي...عزيزتي دانا تاكدي ان ابو قنوة ما كتب عنك الا لانك مميزة وملفته وردودك غير شكل ياعمري...
تحياتي لدانا وابو قنوة وابو معمر...:hh13:
دانا
27-01-2009, 19:08
تسلمي يا نجمتنا ابو قنوة بمووووووووووووووون على الرقبه

واللي بيتشمتوا متل ما قلتي الا ما يوقعوا وساعتها ان شالله وقعتهم ..........

وتسلمي يا حبيبتي على كلامك اللي بدل على زوقك العالي يا نجمتنا
ابو قنوة
27-01-2009, 22:35
طيب .. الله يعطيكو الحافية .. بالحاء
ابو قنوة
01-12-2009, 19:57
مجرد تذكير ...