انحطاط ...

[ابو قنوة]

زمان ... يعني من حوالي ست سبع مية سنه ...
ولما كنت طالب وبروح على المدرسة علشان اتعلم لقراية ولكتابة ..
كنت ايامها طالب ازعر ومش بس هيك ازعر وشبيح وملعون حرسة ....
يعني كنت على مستوى راقي من الهمالة والدشرنة ....
ومن امجادي المدرسية التي لا تغتفر ... ان كنت بقشط عيال المدرسة يعني بشلحهم مصروفهم علشان اشتري سيجارتين ولا ثلاث ....
وكنت عامل شلة اهمل مني ... كلهم لعبة هاند لانه الطرنيب كان بعده جديد على البلد .... وكلهم دبيكة ... ولويحة .. وكلهم لعيبة كرة قدم ....
وكان التغيب عن المدرسة يستمر ايام واسابيع ...
واكثر من مرة عملنا شاتباكات ومراجدة بالدموس والحجارة مع مدارس ثانية ... يعني بالمختصر كنت اهمل طالب باهمل مدرسة بالبلد ....
وللحقيقة انه لولا بربيش الوالد رحمه الله ماكنت لا قريت ولا تعلمت ... بس هيك الي صار ورب ضارة نافعة ...
ومع ذلك كانت كل همالتنا همالة رجولية فلم نكن نتحرش ببنات او نسكر او نحشش او نسرق ....
اليوم كله متوفر ... وكله موجود .. ومدارس مثل الرز ... وخلويات ... وكمبيوترات ... وتدريس اضافي .... ومصاريف على الطالع والنازل ...
طيب ليش الطلاب طالعين جهله يدوب يفكو الخط ... وليش لمعلم ماكل روح الخل ... وليش كل ما فيها لورا .... وليش وليش ....
الوزارة هي السبب ... ممكن ... واكيد لانها المسؤلة عن المناهج وعن النظام التعليمي وعن المعلمين وعن وعن .....
بس الاكيد مليون بالمية ان السبب هو المعلم والاستاذ ... لماذا ... لانه اي المعلم ... هو الفقير الكادح الجائع ..المطلوب منه ان يعلمنا كيف نشبع . المتسول امام البنوك ..المطلوب منه ان يعلمنا كيف ندفع الزكاة ..... لانه المسحوق تحت نعال الانظمة والقوانين .... لانه الوطني الحقيقي المطلوب منه ان يعلمنا الخيانة ... لانه صاحب العزة والكبرياء الذي لا يستطيع ان يرفع بصره بعيون اولاد السادة والسيدات ... لانه الذي يزج بالسجون لانه قال لطالبا ما ابن كلبا ما عيب يا ابني .....0
لان الاستاذ اصبح هو العاهرة التي يجب ان تعلمنا الفضيلة ...
هذه الاستاذ الذي خلق منا كل فرد والذي ندعو له في كل جمعة على انه علمنا وربانا ... اصبح ملطشة ... لانه لايملك ان يضع قطرميز جل على راسة ...
اصبح ملطشة لانه يسعى ليطعم افواه جائعة ....
اذا انحط المعلم في المجتمع فليس لان المعلم منحط ... بل لاننا نحن والمجتمع المنحطون .......
واذا بلغ الانحطاط ما بلغ ... فان المعلم هو الخط الاخير ... قبل ان تبدأ معاول الهدم بالعمل ...
واذا سقط المعلم يا سادة .... فعلى الدنيا السلام ..... ........
والسلام عليكم ...

[دانا]

سلم السانك ابوقنوه والحمدلله مارح اطلع معلمه لحتى ما اكون تحت رحمة اي حدا

[م.محمود الحجاج]

لاتعليق ...؟؟؟؟
http://www.edueast.gov.sa/vb/uploads//av-4614.jpg

[ريماس]

ولكو ما الكم شغلة ولا عملة الا المعلم
عزاااااااااااااااااااااا
شو صارت شغلتنا عيب
الله يخزي شيطانك يا ابو ساطور حاسة حالي عاملة عملة بهالمهنة
صار ينشحد علينا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اموت واعرف انت شو بتشتغل وانا بعرف ساعتها اجاوبك


:h3::h3::h3::h3::h3::h3:

[الفايع]

ايها الملاك ابو قنوه فشيش غل ورجل مبتسم للحياه وخاصه بعد تصريح الحكومه بتنزيل جرة الغاز في بحر الاسبوع القادم

الى خمسة دنانير

[ريماس]

والله انك صادق يا فايع ابو ساطور بدو ينجلط علشان اجى للمعلمين علاوة 5%
وهو لأ
:hhh10::hhh10::hhh10::hhh10::hhh10::hhh10::hhh10:: hhh10:

[الفايع]

ههههههههههه ياملاك اذا هيك صارت نفسية ابو قنوه تطلي كوسى
:hhh15:

[ريماس]

هو وينة ابو قنوة غاطس الله يطعمة بس واشوف طلعتة البهية
ابو ساطور هاد تحذير الك اي حركة حضرب في المليان


:160[1]::160[1]::160[1]::160[1]::160[1]::160[1]::160[1]::160[1]:

[Gladiator]

انا فاهم ابو قنوة !!!
والله انك خايف ع المعلم
بس انا بختلف معاك وبشرد بعيد عنك في نقطة
مع احترامي الشديد الشديد للاساتذة
فبعض منهم هم من قللوا من هيبتهم امام نفسه اولا وامام طلابه وامام المجتمع ...
هو هذا معلم الي بشحد من طلابه سيجارة ولا بلعب هو اياهم بلياردو ومع الانفتاح والعهر في بعض مرات بسهر المعلم والطالب في نادي ليلي واحد
معلم بطلب من طلابه يعطوه ارقام بنات ..... والنعم
معلم بضحك عالطلاب وبعمل معهم جمعية كل يوم بريزة وبوخذهم لجيبته هو هذا صاحب رسالة
الطالب لما يشوف استاذه ومربيه طول نهاره في الشارع وفي المؤسسة المدنية بلاحق وبتنصب عند البنات
والاستاذ الي ماعنده ذمة ولا ضمير ونص الحصة بتضيع عالنوم الاجباري للطلاب


وزي ما حكيتلكم في البداية مش كل المعلمين مشمولين انا بحكي عن شريحة من الاساتذة
والله يرحم ايام زمان
ويجزي كل الي درسوني خير الهم احترام في قلبي لا يوصف ...... والله انهم هيبة والهيبة لله لغاية الان بخاف وبستحي منهم

انا بتذكر انه رحمة ابوي مثل ماحكولي لاني مالحقته كثيير صار معلم وهو في الصف التوجيهي قبل ما يوخذ البكالوريوس والحمد لله طلع من تحت ايده رجال ومثقفين واصحاب مناصب
تحياتي لكل من درسني

[ريماس]

انت كلامك صح انا بشوف بعيني عمايل الاساتذة
والمعلم هو الي بيفرض احترامة وهيبتة اذا هو ما احترم حاله كيف الناس بدها تحترمة

بس جد المعلمات مخلصات اكتر بعملهم مش لاني معلمة بس هاد الي بشوفة
شايف ما حلى طلابي كيف بيقرأو وبيكتبو

:177::177::175::175::175::175::177::177::177:

[هبة الرحمن]

موضوع رائع خيي ابوقنوه

طبعا احمد حكئ الكلام يلي عندي
بس في عندي اضافه
انو من وقت منعت وزارة التربيه والتعليم الضرب في المدارس صار الطلاب على كيفو بلمدرسه
طبعا انا ما عايشت هل شي بس سمعت من خالي انو زمان كان المدرس يضرب الطلاب وتاني يوم يجي والد الطالب يشكر المدرس

بس هلاء صار ازا الطالب غلط عليه المدرس لو كلمة تاني يوم يجي ولي امر الطالب يسب ويهدد المدرس
انا طبعا اقصد الطالب ذكر وانثى

[ابو قنوة]

والله كان لازم يكون عنوان الموضوع ....
الملاطيش في الارض ...او المسخمين في الحواري ...
مسكين يا الاستاذ شو بدك تشيل لاتشيل ....
يا جماعة في ناس بروحو على المدارس علشان يدفعو رشاوي لينجحو ولادهم ... بفكروها دائرة السير ...
يعني مش مشكلة اذا واحد حمار ابن حمار اخذ رخصة ونزل هبد بخلق الله ...بس المشكلة اذا كان جيل بالكامل بطلعو حمير ..شو راح يصير فينا .. كيف البلد بدها تصير احسن ... مين بدو يطلع يعرف الوان العلم او يعرف حدود الاردن او حتى مساحة الوطن .... هون الخازوق ....

[ريماس]

خلص ابو قنوة انا راح انزل موضوع الملاطيش في الارض والمسخمين في الحواري
ونشوف رايك بها الموضوع كونه هاد الموضوع بيخصك انت

وانا متاكدة انت اول واحد راح تحكي عن حالتك بس ما راح احزن عليك بوعدك


:hh23::hh23::hh23::hh23:

[الفايع]

الملاك اعتبر صور الطلاب الي عرضيتهم ترويج ودعايه اما لمنصب في مديرية التربيه
او كيدا وضغينه الى السيد ابو قنوه
:131[1]:لله درك ياابو قنوه وضعك الاجتماعي مابسر لاصديق ولاعد:156[1]:تعال ..تعال ..تعال

[rami]

الله يعين المعلم لانه بدو تعليم كيف يتعامل مع طلابه حتى لو ما في ضرب ولا عنف مع الطلاب في اساليب بقدر يغير في الطلاب وهالجيل المنفتح الله يفتح........... راسه ما بنقدر عليهم

[ريماس]

والله يارامي اذا ما بدي اخلي طلابي يحسبولي حساب

احسن الي اقعد على شباك الدار اراقب امبلنص ابو معمر زي هالواحد عامل امبلنص ابو معمر شغلتة وعملته

بعدين ربك حميد انا بدرس صف اول يعني صغار وبيحسبولي حساب


:hhh15::hhh15::hhh15::hhh15:

[rami]

عقبال ما تصيري ادرسي صف تالت يا ملاك

[ريماس]

وحياتك لاغير هالمهنة لحتى اشوف اخرررررررررررررررررتها معكم



اصلا الحق علينا الي درسناك وخليناك تعرف تقرأ وتكتب

والا كان انت هسا بمحو الامية وبتيجي بمسلسل العلم نور

:hhh18::hhh18::hh16::hh16:

[rami]

اه والله ياريت ما تعلمنا كان هسه داير بالشوارع احسن من الشغل كله

[ريماس]

بدك تدور بالشوارع بها الشتا طيب استنى بس يصفى الجو

:180[1]::180[1]::180[1]::180[1]::180[1]::180[1]::180[1]:

[ابو قنوة]

شو شكله كل اعضاء المنتدى ... ععضاء في نقابة المعلمين ...
ليش هم المعلمين الهم نقابة من اصلو .....

[كامل السوالقة]

المعلمين ملثمين فى قيود التعليم بدون نقابه

[ريماس]

هلا يا ابو ساطور والله اشتأنالك


:191[1]::191[1]::191[1]:

[ريموه الروح]

ع فكرة أبو قنوة ما غلط يا جماعة هو كله حزن على وضع الأستاز اليوم بشكل عام
والمعلم قدوة لمن ليس له قدوة .... والمعلم يؤدي رسالة ...والمعلم صاحب هوية... والمعلم الأنسان المتفاني ...والمعلم هو الشخص الذي يتعب في كسب عيشة... والمعلم يعمل بصوته وعقله وفكره وبأحساسه المرهف ويستعمل كافة الطاقات المختزنة لديه من اجل الوصول الى الهدف السامي من عملية التعليم والوصول بالطالب الى أرقى الدرجات العلمية ... فالمعلم هو الذي خرج الطبيب والمهندس والمحامي والعامل والصانع والمدير والموظف وأيضاً المعلم.
نعم لماذا لا ننظر للدول المتقدمة وما تقدمه للمعلم وللعملية التعليمية ... ان للمعلم قيمة يغبط عليها في تلك الدول لانه هو الشخص المسؤول عن أكتشاف المخترع والمبتكر والمعلم هو المسؤؤل عن فتح المجال امام الطلبة لتنمية قدراتهم على كافة الأصعدة
اذن فاللمعلم أحبائي كل أحترام وتقدير حيثما كان ويكون :girl02_2:
واسلمو لي وتقبلو مروري
تحياتي ابو قنوة والله انك ع راسي:hh13:

[ريماس]

ابو قنوة وزارة التربية والتعليم نزلت عرض سمعت عنة

اتجوز 3 معلمات واحصل على المديرة مجانا

هذا العرض ساري حتى نفاذ الكمية اذا الك مصلحه؟؟


:hhh10::hhh10::hhh10::hhh10: