نفسي اتعرف عليها واعرف

[Gladiator]

ضيعت صلاتي ....... طالع من الجامع .... شو عيون ماشالله عليهن مثل عيون المها .... ثم فستق حلب .... منخار مرسوم رسم .... بياض كانها من جبال الالب ....
بتجنن بتسحر بتسجن
حزينة لدرجة البكاء من لا شيء
قربت منها خفت ترددت
طلعت حوالي لقيت كل المصلين مضيعين صلاتهم مثلي وبطلعوا فيها
كان نفسي اذبحهم كلهم
واخذها واطير فيها اخبيها من عيون الناس
قربت منها اية رسمها ربي خجولة جدا
استغربت جلوسها على طرف درجات الجامع
كان معها ولد لابس احسن لبس وخصوصا طاقية الصوف على راسه كيف امه حاضنيته من البرد
شفت عندها فكة شلون وبرايز وليرات
فكرتهم واقعين منها قلت فرصة اعمل مثل الي في الافلام يعني تحركش
وللاسف
طلعت في الحلقة الاخيرة شحادة
على باب الله
ليش يا زمن
لماذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله حرام
انا عارف راح تحكوا انها كذابة ةبتعمل حالها فقيرة وانا عارف هالشي لانه " تحسبهم اغنياء من التعفف "
ليش الها هي
عشان المصاري تعمل في نفسها هيك وفي طفلها
حتى ولو كان معها مليون
يلعن ابو المصاري الي بتذل صاحبها
واذا كانت فعلا فقيرة كمان لييييييش
والله حرام
رجعت عالبيت وانا ولغاية اللان اتعرف عليها اعرف حياتها شو تفكيرها شو ظروفها

المايك معكم
منتظر تعليقاتكم الي بتبيض الوجه

[ريما الحندءة]

انت متل اللي صام وافطر على بصلة،،،

يعني ما لقيت غير شحادة تعجب فيها

طالما هي ذلت حالها للسؤال من الناس ولمد يدها للي يسوى واللي ما يسوى معناته ما عندها كرامة وبجوز تذل حالها لأكتر من هيك

[دانا]

مبروك منيح يللي شفتك بتحب يا ابو حميد قبل ما اموت

المهم انا بقلك انا معك بجد هاي الفئه كيف بتفكر ... اذا حكيت معها حكيلي كيف بتفكر

واجتني فكره خطيره كمل الموضوع متل الافلام وروح انقذها من مستنقع الفساد والذل

شو رأيك ؟؟

[Gladiator]

انت متل اللي صام وافطر على بصلة،،،

يعني ما لقيت غير شحادة تعجب فيها

طالما هي ذلت حالها للسؤال من الناس ولمد يدها للي يسوى واللي ما يسوى معناته ما عندها كرامة وبجوز تذل حالها لأكتر من هيك


القصة مش قصة اعجبت فيها انا بس حبيت اوصفلكم شكلها
والله ياريما لو شفتيها قمة في الادب بتحكي عنها معلمة مربية اجيال
بس ليش هي هيك
معقول لقمة العيش ما اظن ........

[ريما الحندءة]

لقمة العيش ما بتذل لهالدرجة

[هبة الرحمن]

اوقات بتكون الشحاده عاده مو اكتر من هيك

صدقني يا احمد يلي بيكون محتاج مزبوط ما بيتسول والا بيضهر عليه

اغلب يلي بيشحدو بتكون موزاولة مهنه تعودو عليها وبيكونو ليسو بحاجه

والله انك سادق يا احمد

يلعن ابو الفلوس يلي بتغير النفوس وبتزل صحابها

[Gladiator]

على فكرة الفقير ما بمد ايده
تحسبهم اغنياء من التعفف

مشكورة يتيمة على مشاركتك

[Gladiator]

انا في درس مرة لشيخ حكى حكي منطقي وواقعي
انه اجنا ما لازم نكون عاطفيين زيادة ونساعدهم .. ما في واحد بموت من الجوع والجمعيات والتنمية والمراكز معبية البلد بس هذول الناس مابدهم ميه وميتين بدهم الوف واحنا في الاسلام لازم نحارب هالظاهرة
لانه مالك تسأل عنه فيما افنيته ولازم عالانسان التحقق من الي بده يساعده عشان مايحرم انسان فعلا محتاج

[دانا]

انا في درس مرة لشيخ حكى حكي منطقي وواقعي
انه اجنا ما لازم نكون عاطفيين زيادة ونساعدهم .. ما في واحد بموت من الجوع والجمعيات والتنمية والمراكز معبية البلد بس هذول الناس مابدهم ميه وميتين بدهم الوف واحنا في الاسلام لازم نحارب هالظاهرة
لانه مالك تسأل عنه فيما افنيته ولازم عالانسان التحقق من الي بده يساعده عشان مايحرم انسان فعلا محتاج

وانا كمان احضرت درس بحكي هذا الحكي وشكرا الك احمد

[كامل السوالقة]

لا تكن للعيش مجروح الفوءاد انماء الرزق على رب العباد اتقو الله فى ما تكتب اياديكم
:092::hh13::092:

[Gladiator]

مشكورة دانا على اهتمامك

[نشميه غريبه]

اللهم لا تكلنا الى انفسنا طرفة عين

اللهم اكفنا بحلالك عن حرامك واغننا بفضلك عمن سواك

[Gladiator]

ابو المجد العزيز
والنعم بالله
احنا ما بنحكي عن عمل الخير الي الواضح والي بكون في مكانه الصحيح
احنا بنحارب ظاهرة تفشت وخصوصا في المساجد اصبح المسجد ساحة لكسب الرزق وليس للعبادة
ظاهرة تستعطف قلوبنا دون رحمة وتذهب بعد ذلك تلملم جراحك حزنا على ما رايت من مناظر في الوقت الذي يكونون هم هؤلاء يتنفسون الصعداء وتملاء ضحكاتهم مخابيهم وهم يتقاسمون عرقك ولقمة عيش اولادك

خذ هذا المثال الواقعي على ذمة امام مسجدنا في صويلح
بعد صلاة المغرب جاء رجل يدعي ان رجله مقطوعة وانه يستعمل رجلا اصطناعية واسر قلوب الموجودين حتى انا
وقاموا باعطائه ما تيسر لهم
بعد صلاة العشاء تفاجئنا بالشيخ يحلف بالله وكان معه شهود من المصلين انه رأى الرجل بعد صلاة المغرب ينتظر واذا في باص ياتي على الموعد ويقف عنده وهو يحمل اشخاص اخرين على نفس شاكلة الرجل السابق
ركب الرجل في الباص وفك رجله الاصطناعية
ما رأيك ؟؟؟؟؟؟؟؟؟؟؟
الاسلام امر بالعمل ومحمد صلوات ربي عليه اول انسان اقتصادي بنى شخصية للمسلم لتكون اقتصادية عملية
حين امر الرجل بالقدوم وكلكم تعرفون القصة

نورت الموضوع ابو المجد مرورك اثلج صدري

[Gladiator]

اللهم لا تكلنا الى انفسنا طرفة عين

اللهم اكفنا بحلالك عن حرامك واغننا بفضلك عمن سواك


اللهم امين نشمية
شكرا لمرورك

[rami]

ابو زغيب يمكن انا افش غلك لان الكل بنظر للموضوع من زاويه اخرى ما بعرفوا هاي البنت شو اثارت في نفسك من اساله وعملت عندك عصف ذهني مش لانها حلوة بس لانه الموقف بخليك تفكر شوي شو اللي قلعد بصير بهالدنيا في اشي مو صح في نوع من الغرابه بتحس انو ظلم . وحنا بصير معنى هيك زي البنت الحلوة الشحادة بتلاقي واحد ما بسوى معاه كل اشي من مال وجاه وراحه انا بحسه نفس الشعور.
مشكور يابو زغيب:hh13::170[1]:

[Gladiator]

يلعن دمك.............. شو فاهمني

[rami]

انا اصلا اتضايقت من الردود لانهم مش فاهمينك يابو شريك
تسلم يابو زغيب حبيب قلبي انت

:092::092::092::092::092::092::092::092::092::092: :092::092::092::092::092:

[ميس]

برافو عليك خيو رامي جبتها وريحته من الشرح اله فتره عم يحاول يوصل الهم الفكره
احنا لما نشوف شب او عجوز بيشحد بنشفق عليه وبنحاول انساعده...الله وحده بيعلم قديه تعب هالشخص بحياته
وشو صار معه لحتى وصل لهالمرحله...ان يهين نفسه لحتى يجيب اكل لأولاده ...فما بالك صبيه حلوه ومعها ابنها؟؟
مش عيب انا نساعدهم بمبلغ بسيط حتى ولو كانوا بالاخير مو بحاجه ...أحسن مانكسر بخاطرهم...والله يجازينا.

تقبل مروري

[ابو قنوة]

اضعت في عرب الصحراء قافلتي ............
وجئت ابحث في عينيك عن ذاتي .....

[Gladiator]

فكنا منك ابو قنوة انا زمان ما فتت على هالموضوع وماشفت خبايصك بس اسكت هسه بحكيلكم شو الي صار

يا اخوان واشوفها مرة ثانية لولولولولولولييييييييييش
هي كبيرة يعني اكبر مني بعرشرطعش سنه
ضليت اطلع عليها شو اعمل ياربي شو اعمل ... اروح عليها وابهدلها قدام العالم ولا افهمها وين لازم تكون هي ...
جتني فكرة اخذها على حجتنا لانها تعبانه وقلت منها بتساعد الحجة ومنها وبتكسب لقمتها بالحلال
بصراحة خفت من اخوي الصغير ... لاني بعرفوا شراني
ضليت صفنان اصفن واصفن فيها
قلت يا ولد لشو هاكل همها ما يمكن هي تضحك عليك وتكون انت الخروف الي مركب الجاعد وتطلع هي حيه من تحت تبن
اخر شي عشان اختصر على حالي كل هالسواليف واكسب صلاتي
غيرت الجامع
قولوا يارب ما تطلعلي وحدة ثانيه ....

[ريماس]

ولك احمد يقطع شرك ضحكتني والله

غيرت الجامع ؟؟؟؟؟؟؟؟؟؟؟؟؟؟ هو ما شخطشي اوي اوي يعني

بس انبسطت عليك قال شكلها معلمة مربية اجيال يعني المعلمات حلوات احم احم خجلتني

اصلا المعلمين هم الشحادين

[Gladiator]

المعلمات شحادات ... صح ممعك حق شو بده يكفيالراتب ليكفي اواعي ولا مكياجات ولا ثريات ولا توجيبات ولا ولا ولا
انداري عنك يا ريماس

[اسرار]

حرام عليكم ما خليتو حدا الا وجبتوا سيرته في هالموضوع
بس والله ضحكتوني والله..........هههههههههههههههههه
احمد نصيحتي الحب مو عيب روح اتعرف عليها وشوف مياتها وماراح تخسر شي بس هي فعلا ما تغير البسطة مقايل الجامع ههههههههههههه:170[1]:

[Gladiator]

هههههههههه اسرار حبي لهذي المرة شي رمزي ..... ماشي

[اسرار]

مين رمزي ...............
لا تتهاوشوا عليها ههههههههههههه

[ريماس]

ولك احمد هاي كنز روح دور عليها هاي بتكون عظمها ذهب

او اسمع اعطيني عنوانها وبنتقاسم على النص

[اسرار]

ريماس شكله احمد اخذها خطيفة وارحو يتجوزوا هههههههههههههههههه

[ريماس]

ما بهجن عنه اصلا احمد سفير النوايا الحسنه

احمد بذبحك المربح على النص

[Gladiator]

والله يا ريماس الفقرا هالايام مابينو ومابتعرفهم
ودنيا انعكست الفقير المحتاج ما حدا بعطيه شي وكله رايح للنصابين الي احنا بنحزن عليهم
ياريت نلاقيلنا وحدة منهم وتقبل في الا اعيش كنج

[نشمي]

حظ اوفر ابو زغيب خيرها في غيرها
لتكون هاي الشحادة اللي شفناها في شارع الوكالات
دير بالك لا تقرب منها اذا انها هي لانها محجوزة لصاحب اللي

[ريماس]

نشمي خجلان تقول انك حاجزها

الله يسامحك يا احمد ضيعت علي الفرصة اسمع انت دور عندك وانا بدور بالزرقاء والمربح على النص

[كامل السوالقة]

المربح على 3
ثلث لكل واحد
انا معكم بدور فى العقبه

[دانا]

هذا صرتو تدوروا على شحادات شو بالكم افكني من الجامعه بلا دكتورا بلا هم يالله بصير شحادة الها كتي مميزات صراحه :
1. العمل ما اله وقت محدود بروح وباجي ع راحتي
2. ما بدو تعب يعني رزقه مع شمة هوا
3.كل يوم بيجوني صف من المعجبين

يا سلام شغله مربحه ع الآخر

[ريماس]

كامل ممنوع الدخول لمن هم دون ال 18

اطلع اطلع قال يقاسمنا قال يا الله الناس كيف

[Gladiator]

ييييييييييييييييييي علينا
تخلوني اندم اني كتبت هالموضوع
الواحد محروقه اعصابه والعواطف نازلة طاله وقاعد بشعبر عن عبورو قصدي بعبر عن شعوروو وانتو قلبتوها مرابح
طلع مو بس هذيك البنت الي في الجامع احزن عليها .. طلع كل البلد نفسهم يشتغلو هالشغله

بيني وبينكم شغلة بتربح

بس خلينا شوي نحكي بدون مزح
واسالكم هالسؤال
هسه لو اتاكدت من متسول انه كذاب ومش بحاجة شو التصرف الي راح تتصرفه
بتعطيه وبتحكي ربنا بحاسبه
بتكتفي انك ما تعطيه وتسكت
بتحذر الناس منه
ولا بتكون قوي وبتبلغ الجهات المسؤلة عنه
يلا فرجوني شطارتكم وابدعوا مضيتوها مزح في مزح خخخخخخخخخخ

[ريماس]

اذا اتأكدت انه مش بحاجه بكتفي اني ما اعطيه واسكت

ما بحذر حدا منه ولا ببلغ الجهات المسؤوله عنه هي الجهات المسؤوله مش شايفته يعني

هو الجهات المسؤوله بتستنى ابلغ عنه لحتى تتصرف

بعدين ليش اقطع نصيبه ؟؟؟؟؟؟؟؟؟؟؟؟؟؟؟؟؟؟؟؟؟؟

[صوت الكرك]

يا احمد .....
1
بنت الردي لن زهت بالعين ::::: ما يرفع الراس طاريها
وانا رماني عليها الزين :::::: قطة ليالــــــــــــي وخليها

يا احمد ...
2
دن القلم وابيض القرطاس ::: وبخاطري نظم بيتيني
علي بهواها سليت الناس ::: سبع سنين توالين
والخشم سيف مع القواس ::: من صنعة الهند والصين
بياض اقربته بياض الكاس :: شقرن على المتن قرنين
ابوها شيخ قوي الباس ::: ركن الكرك هيه يا حسين

تخير بين بنت الردي و بنت الشيخ
تحياتي