فش غلك واحكي اللي بدك اياه عن ما يسمى حب !!!!!

[دانا]

بسم الله الرحمن ارحيم


السلام عليكم ورحمة الله


أنا بدي احكي بهذا الموضوع عن كل واحد ورأيه بما يسمى حب أو كل واحد يعطيني تعريفه الخاص بالحب


وأنا رح ابدأ :


أنا رأيي انه ما في اشي اسمه حب الكلمه الصح عن هذا الشعور الغريب اللي بنحسه اتجاه ناس معينين اسمه تعود


بمعنى انك بتتعرف على شخص بتتفق افكارك معه بتتعود تصرفاته لغاية ما يصير جزء من حياتك وبتصير تعزوا كتير


وما بتقدر تتخلى عنه لانك تعودت عليه وعلى كل شيء فيه


وعلى شان هيك اللي بتسموهم احباب لما يفترقوا او يموت واحد منهم ( احد الطرفين ) بيتعذبوا عذاب شديد


لأنهم متعودين على بعض وفجأة ما بلاقو بعض ولكن بتلاقيهم بينسوا ليش لانهم ببطلو متعودين على بعض


فبروحوا وبيتعودوا على ناس تاني وبتصير بيناتهم نفس المعزه


فما في شيء اسمه حب كلو تعود


وهذا رأيي فما رأيكم




Dana

[ريما الحندءة]

لا يا دانا انا اختلف معك اختلاف كلي

في حب والحب اسمى شعور وارقى احساس ازا كان من قلب ابيض صافي صادق مخلص ووفي

الحب مو بس تعود ،، الحب انه ما تقدري تعيشي الا ازا تنفستي الحب

الحب كلمة صغيرة حرفين بس,,, لكن المعاني اللي بحملها عظيمة

والحب ما بيعني حب الرجل والمرأة فقط

الحب موجود في كل شيء حوالينا،،حب الله اسمى وارقى انواع الحب، حب الرسول صلى الله عليه وسلم، حب الأم، حب الأب، ،،،،،،،،


سيأتي يوم تعرفين فيه ان الحب موجود ..




الحب كلمة لا يعرف معناها إلا القليل من الناس
وأنت احد منهم
أتعلم لماذا ؟؟
لأنك تعتقد أن الحب مجرد كلمة وحرف و نظرة
لا تعلم أن الحب أفعال ليس بعض تركيبات الحروف
و لا تعلم أن الحب فعل قبل القول
لان القول يبقى قول تحرقه مرور السنين
لكن الفعل حتى لو ذهب سوف يبقى له آثار
لان الشخص الذي أحببت سوف يذكر أنك قد حميته ووقفت بجانبه كلما أحتاج إليك
وإذا ضللت تقول حروف ممكن يكون لها أثار بس ليس مثل الفعل
لان الفعل له كلمة في الحب بس الكلمة ممكن لها بس ليس مثل الفعل
لكنك أنت ضللت تصف الحروف والكلمات دون أي فعل يذكر سواء كثر الكلام
لكني اعتقد أن إنسان مثلك لا يعرف سواء تصفيف الكلام وبعثرات المفردات
والأشخاص الذين مثلك لا يعرفون إلا صبغ الناس بألوان الحب المزيفة
أتعلم لماذا أقول هكذا؟؟؟؟
لأنك هكذا خلقت هكذا أنت تلعب وتصفف الحروف دون فعل يثبت حبك لها
بل أنت شاطر في الكلام وكثرة الحروف
لماذا لا تعترف بحبك ليس بكلمة بل أريد فعل يثبت انك تحبها تحبها من قلبك وليس من كلامك



وفي شيء أخير لك.........نعم أنت .......لاستغرب ولا تسأل لماذا أنت......ولا تسأل لماذا هذه الشخصية


الشيء الوحيد الذي أريدك أن تعرفه لان اعترف بحبك بفعل وأريد منك مراجعة حسبانك نعم أنت هل فهمت ما أقول(يا ............)


منقول

[ريما الحندءة]

01 الحب : فرصة ليصبح الإنسان أفضل وأجمل وأرقى ...
02 الحب : ليس عاطفة ووجدانـا فقط إنما هو طاقة وإنتاج.....
03 الحب : هو أعظم مدرسة يتعلم كل عاشق فيها لغة لا تشبهها لغة أخرى ....
04 الحب : مثل أي لعبة يمارسها اثنان في نهايتهما : أحدهما يربح … والآخر يخسر ...
05 الحب : تجربة وجودية عميقة تنتزع الإنسان من وحدته القاسية الباردة لكي تقدم له حرارة الحياة المشتركة الدافئة ...
06 الحب : فضيلة الفضائل … به نعلو بأنفسنا عن العبث والتهريج والابتذال العاطفي … ونحمي عقولنا من الضياع والتبعثر الفكري ......
07 الحب : تجربة إنسانية معقدة … وهو أخطر وأهم حدث يمر في حياة الإنسان لأنه يمس صميم شخصيته وجوهره ووجوده … فيجعله يشعر وكأنه ولد من جديد..

مفاهيم الحب
الحب هو : جيش من المشاعر يسيره الإنسان للسيطرة على كيان شخص آخر يشتركان في قيادته العقل والقلب يتسلح بالأماني والآمال ربما ينتصر ويقيم مدنًا من السعادة في ذلك الوطن وربما يخسر ويرجع محملاً بالآلام ومتخمًا بالجراح التي لن تبرى…… هو سيلٌ من الأحاسيس تمطره غمامة المحب في أرض حبيبه …فربما يجني وردًا وربما شوكًا ..
هو شعور فسيولوجي يؤثر على سلوك الشخص ربما إيجابًا او سلباً يتأثر بمدى نجاح التجربة أو فشلها..
هو جموح المشاعر وتمرّد الأحاسيس بحثًا عن من يروّضها…
هو جنون العقل وعقل الجنون ولكن جنون سلمي وعقل مجازف…
هو شعور يسمعه الأصم….وينطقه الأبكم…..ويبصره الأعمى..
شيءٌ داخلي ينشأ في ذات الإنسان يسيطر على أعضائه وحواسه لابد أن يترجم على أرض الواقع وإلا أصبح وهمًا يقتل صاحبه….
أصدق أنواع الحب وأمدها عمرًا هو الحب العذري العفيف وهو الحب الأبدي المتوّج بالزواج…
الحب الممقوت هو حب الذات ..وهو سبب الغرور..
الحب القاتل هو الحب من طرفٍ واحد…
الحب الذي يزول بسرعة هو حب المراهقة وسرعان ما يتحول إلى سراب .
الرجل يحب بعقله …والمرأة بقلبها..وأصدقهما الأول وأجملهما الثاني.
الحب أروع سيمفونية تصوغها الأقدار وتعزفها المشاعر ويتراقص على أنغمها العشاق .
الحب يجعل من الإنسان شاعرًا .
لا تشعر بقوة الحب وعنفوانه الا عند الفراق.
أجمل لحظات الحب الانتظار وأبشعها الوداع.
اللغة التي يتقنها العشاق هي لغة العيون .
صراخ العشاق الهمس …ودموعهم الآهات.
حديث العشاق مناجاة بين القلوب.
الحب عقائديًا هوسكن الأرواح في بعضهم .
الحب جغرافيًا موطنه الذات وعاصمته القلب.
الحب تاريخيًا هو أقدم العصور وأعرقها.
الحب كيميائيًا هو قنبلة موقوته زرعتها الأقدار داخل الإنسان لا تتقيد بالأمكنة ولا الأزمنة في انفجارها.
الحب فيزيائيًا حالة مغناطيسية تجذب روحين وتدمجهما في جسد واحد.
الحب لغويًا كلمة من حرفين بعد تجريدها من أل التعريف سهلة النطق متقاربة المخارج لها معنًا واسع.
الحب فلسفيًاهو تقديس الأرواح والولاء والطاعة المتبادلة بينهما والمكوث في معبد الحب .
الحب سلطان ولذلك فهو فوق القانون
الحب كالحرب من السهل أن تشعلها . . من الصعب أن تخمدها
الحب هو اللعبة الوحيدة التي يشترك فيها اثنان ويكسبان فيها معاً أو يخسران معاً .
قد يولد الحب بكلمة ولكنه لا يمكن أبداً أن يموت بكلمة
الحب لا يقتل العشاق . . هو فقط يجعلهم معلقين بين الحياة و الموت .
الذي يحب يصّدق كل شيء أو لا يصّدق أي شيء .
من يحب . . يحب إلى الأبد
في الحب خطابات نبعث بها وأخرى نمزقها
وأجمل الخطابات هي التي لا نكتبها

قالوا عن الحب
1- الحب الحقيقي : هو أن تحب الشخص الوحيد القادر على أن يجعلك تعيسا.
2- أجمل ما في الدنيا: الحب والرغيف والحرية.
3- الحب لا يقتل أحد إنما يعلقه بين الحياة والموت.
4- الحب سلطان ولذلك فهو فوق القانون.
5- أنت لا تعرف قلبك حتى تفشل في الحب.
6- الدموع تروي الحب والبسمات تنعشه.
7- الحب كالمعدة القوية يهضم أي طعام وأي كلام.
8- الحياة كالحب لا حكمة فيها.
9- الحب ليس هلوسة ولكن فيه الكثير منها.
10- الذين أحبوا بقوة ، لم يحبوا من أول نظرة.

الحب هو
01 الحب هو :
أن تشتاق لسماع صوتها
02 الحب هو :
الإحساس بأن طيفها أمامك
03 الحب هو :
الشعور بالأمان معها
04 الحب هو :
أن ينسيك حبها نفسك
05 الحب هو :
أن تشعرها بأنك تفهمها جيداً
06 الحب هو :
أن لا ترى أي عيب فيها
07 الحب هو :
أن تشاركيه إهتماماته
08 الحب هو :
الرومانسية
09 الحب هو :
الألم أحياناً
10 الحب هو :
أن تعرف وسيلة التقرب إليها
11 الحب هو :
الشعور بالذنب عند القسوة عليها
12 الحب هو :
الإحساس بأنها صنعت منك إنسان آخر
13 الحب هو :
الإحساس بالغربة وهي بعيدة عنك
14 الحب هو :
صفات مشتركة
15 الحب هو :
الشعور بأنك تستمد منها الحماس و النشاط

[ابو قنوة]

والله ما خرب بيتنا غير من وراء هالسواليف ...
قضيناها اغاني حب وسواليف على البيدر .. وراح فلاح على نبع المي ...ونزلت ترفه على العين ... وناقة عويد لاحقة جمل ابو حميد ..وبغلة ابو كف بتموت بحمار عبطان ... وعبلة زعلانة علشان بدها من عنتر ميكرويف ........... ومش عارف قيس مطروح من وجعه ... والقط بحب خناقو ومش عارف شو كمان ... شو حبو شو بلاوي زرقا ... الموضوع من ساسو لراسو بدو نسف بالديناميت ...

[@غلا@]

طيب لما نتعود ع الشخص راح نحبه

وانا مع ريما بكلامها

وفت وكفت

وماصار لي مجال ازيد

اشكركم
تحياتي

[ريما الحندءة]

العظماء والحب



وليم شكسبير: تكلم هامساً عندما تتكلم عن الحب
كامل الشناوي : الحب جحيم يُطاق . . والحياة بدون حب نعيم لا يطُاق
بيرون : قد تنمو الصداقة لتصبح حباً ، ولكن الحب لا يتراجع ليصبح صداقة
سيمون دى برافو: الحب تجربة حية لا يعانيها إلا من يعيشها
الحب سلطان ولذلك فهو فوق القانون
الحب كالحرب من السهل أن تشعلها . .لكن من الصعب أن تخمدها
الحب هو اللعبة الوحيدة التي يشترك فيها اثنان ويكسبان فيها معاً أو يخسران معاً
الحب جزء من وجود الرجل ، ولكنه وجود المرأة بأكمله
بيرون : الرجل يحب ليسعد بالحياة ، والمرأة تحيا لتسعد بالحب
جان جاك روسو : قد يولد الحب بكلمة ولكنه لا يمكن أبداً أن يموت بكلمة
الحب لا يقتل العشاق . . هو فقط يجعلهم معلقين بين الحياة والموت
الذي يحب يصّدق كل شيء أو لا يصّدق أي شيء
الشباب يتمنون الحب فالمال فالصحة ، و لكن سيجيء اليوم الذي يتمنون فيه الصحة فالمال فالحب
جيرالدي : مأساة الحب تتلخص في أن الرجل يريد أن يكون أول من يدخل قلب المرأة . .
والمرأة تريد أن تكون آخر من يدخل قلب الرجل
بيرون : إن حباً يا قلبُ ليس بمنسيك جمال الحبيب : حبٌ ضعيف
محمود عباس العقاد: من يحب . . يحب إلى الأبد
أفلاطون: في الحب خطابات نبعث بها وأخرى نمزقها وأجمل الخطابات هي التي لا نكتبها
الحب أعمى
شوبنهاور: الحب وردة والمرأة شوكتها
جارلسون : يضاعف الحب من رقة الرجل ، ويضعف من رقة المرأة
ريشتر : الحب يضعف التهذيب في المرأة ويقويه في الرجل
لابرويير : الحب مبارزة تخرج منها المرأة منتصرة إذا أرادت
تشارلز ثوب : الحب للمرأة كالرحيق للزهرة
أنيس منصور: الحب عند الرجل مرض خطير ، وعند المرأة فضيلة كبرى
مدام دو ستال : الحب أنانية اثنين
فيون : الحب المجنون يجعل الناس وحوشاً
شكسبير: ما الحب إلا جنون
هيلين رونالد : الحب ربيع المرأة وخريف الرجل
مثل ألماني : الحب يرى الورود بلا أشواك
علي مراد : إذا أحبتك المرأة خافت عليك ، وإذا أحببتها خافت منك
برنارد شو : الحب يستأذن المرأة في أن يدخل قلبها ، وأما الرجل فإنه يقتحم قلبه دون استئذان ، وهذه هي مصيبتن
علي مراد : إذا أحبت المرأة فعلت كثيراً ، وتكلمت قليلاً
شكسبير: الحب أعمى والمحبون لا يرون الحماقة التي يقترفون
برنيس : إذا شكا لك شاب من قسوة امرأة ، فاعلم أن قلبه بين يديها
جبران خليل جبران : الحب دمعة وابتسامة
شلر : يعجبها مني أن أحبها ، ويطربها أن أشقى في سبيلها
كلارك جيبل : إذا كنت تحب امرأة فلا تقل لها (( أنا أحبك )) . . إن هذه العبارة أوّل ما تجعل المرأة تفكر في السيطرة عليك
برونلي : إذا سمعت أن امرأة أحبت رجلاً فقيرا ، فاعلم أنها مجنونة ، أو اذهب إلى طبيب الأذن لتتأكد من أنك تسمع جيداً
شكسبير : ما أقوى الحب ، فهو يجعل من الوحش إنساناً ، وحيناً يجعل الإنسان وحشاً
بوريسيوس : الحب لا يعرف أي قانون
منكن : الحب وهم يصوّر لك أن امرأة ما تختلف عن الأخريات
أوروبيديس : الحب هو الأكثر عذوبة والأكثر مرارة
بلزاك : الحب امرأة ورجل وحرمان
جورج صاند : كلّما ازداد حبنا تضاعف خوفنا من الإساءة إلى من نحب
تشيسون : خير لنا أن نحب فنخفق ، من أن لا نحب أبداً
حسن حافظ : الحب عند المرأة نار مقدّسة ، لا تشتعل أمام الأصنام
كورنايل : يصعب أن نكره من أحببناه كثيراً
ستاندال : نتائج الحب غير متوقعة
بيرون : إذا أحب الرجل امرأة سقاها من كأس حنانه ، وإذا أحبت المرأة رجلاً أظمأته دائماً إلى شفتيها
مدام دو ستايل : الحب هو تاريخ المرأة وليس إلا حادثاً عابراً في حياة الرجل
مثل بولوني : الحب يدخل الرجل عبر العينين ، ويدخل المرأة عبر الأذنين
دوبرييه : الرجال يموتون من الحب ، والنساء يحيين به
سرفانتيس : الغيرة هي الطاغية في مملكة الحب
نيتشه : المرأة لغز ، مفتاحه كلمة واحدة هي: الحب
أفلاطون : المرأة بلا محبة امرأة ميتة
بيف : ليس بالحب إلا ما نتخيله
محمد عبد المنعم : الحب زهرة ناضرة لا يفوح أريجها إلا إذا تساقطت عليها قطرات الدموع
سبنسر : الحب أقوى العواطف لأنه أكثرها تركيباً
سانت بوف : الحب هو الدموع ، أن تبكي يعني أنك تحب
دولنكو : وجد الحب لسعادة القليلين ، ولشقاء الكثيرين
جبران خليل جبران : الحب سعادة ترتعش
ويلز : إن الحب يهبط على المرأة في لحظة سكون ، مملوءة بالشك والإعجاب

[ابو قنوة]

طيب ممكن نبدل الي بتسمو حب بشىء ثاني ..
يعني ممكن نلعب طرنيب او تركس او شطرنج او سيجة ... ونتعارف اجسن من الحب والبطيخ بتاعكو ...
ممكن نتراجد بالدموس او بالدبش ... ونشتبك بالشعر ... بلاش حب

[دانا]

شكرا ريما وما قصرتي بس انا مع ابو قنوة

[دانا]

اما غلا الحب ما بنتسى على حكيكم بس العاده مع قلتها بتنتسى
والمشكله دائما احنا بننسى

[rami]

مرحبه دانا واسمحيلي ابدي راي
ما رح احكيلك شو يعني حب او شو تعريفه لانه موضوع اشبعنا من اما بانسبه لوجوده فهو موجود بغض النظر عن المصطلح سواء حب او اعجاب او عشق او زي ما بتحكي تعود او زي ما انا بحكي تملك لانه كل هاي المصطلحات تحوي نفس المشاعر وردود الافعال من رغبة في رؤية الطرف الاخر او لانه بفهمك او او ....الخ. يعني بتقدري انت تحكي انا بحب امي او بعشقها او متعود عليها بغض النظر كلها تادي نفس الغرض ف ما بتقدري تلغي مشاعر زي هيك لان بعض الناس اطلق عليها اسم الحب.
يقول علماء النفس لا تستطيع ان تعرف ما تملك من قوة اذا ما استخدمتها وغامرت, انت ما جربت هدا الشي لانسان خارج عن نطاق عائلتك فهدا لا يعني انه مش موجود لانك ما عشتيه لانه في غيرك عاشه مع العلم انا ما عشته بس بشعر مع الغير والكلام عن هدا الموضوع كبير لانه انت معومه الموضوع هيك يعني نفترض اللي انا فهمت انك بتحكي عن الحب بين الشب والبنت قبل الزواج وعلى هدا الساس رح اعلق:
انا بهيك معك جدا وبقوه لانه هدا الشي اولا شرعيا اتوقع بنظري يدخل في باب الشبهات لانه الاتنين ما بضمنه الارتباط واغلب الجيل الجديد بستغله لامور تانيه بتقضي على معنى الحب او التعود زي ما بتحكي
اكتر اشي بحترمه "الحب الصيني" اذا سمعته فيه بكون واحد من الاطراف بحب التاني من غير علمه وبضل عايش هاي المرحله بتلذذ من الم وبرسم صور الحب بطريقته الخاصة مش رغبته بالالم او خوفه من مصارحتها بس احترام لها .
هدا راي باختصار وتقبلي مروري

[Gladiator]

مع العلم انا ما عشته بس بشعر مع الغير

حط عيني في عينك ابو الجذب ما علينا هالمرة بنعديها .....
اي والله مافي بعد الحب والله الي ما بحب يطير من هون ويدورلوه شغلة يحبها
مو انسان الي ما بحب
عيشة لا حب فيها جدول لا ماء فيه على راي اخونا صباح فخري
اي واحد ما بقتنع في الحب يبحبش في حاله من جوا من نا من نا بلاقي عنده مولود صغير متمرد

وانت الي بتحكي انه الحب عادة معك قصة نمر بن عدوان لما ماتت مرته وتجوز بعدها 4 بس ضل يحكي شعر في وضحة ووصيته الاخيرة يدفنوه معها ,, ليش ما تعود عالاربعة ليش هجر وحدة عشانها عملت حالها من مقام وضحة

وسو يا سو حبيبي حبسوه حبيبي عاوز ترتر ومنين اجيبله ترتر

ملاحظة :- هذا راي وانا رايق بجوز بكرة يتحرك في الاخر واغير راي واقلب على الحب والي بحبوه

[هبة الرحمن]

انا معكم في حب الحب اسمى واطهر شي للقلب

الحب ببساطة هو التعبير الصحي عن علاقة الأنسان بالكون


والأنسان بالأنسان ,,والأنسان بالأشياء..



الحب هو العلاقة الخفية التي تربط أجزاء الأشياء ببعضها


ولكن سؤالى هنا

هل يوجد حب بكل ما تحمل الكلمة من معنى في هذا الزمن

زمن المصالح

زمن حب الذات

زمن الخيانه والغدر

[دانا]

مرحبه دانا واسمحيلي ابدي راي
ما رح احكيلك شو يعني حب او شو تعريفه لانه موضوع اشبعنا من اما بانسبه لوجوده فهو موجود بغض النظر عن المصطلح سواء حب او اعجاب او عشق او زي ما بتحكي تعود او زي ما انا بحكي تملك لانه كل هاي المصطلحات تحوي نفس المشاعر وردود الافعال من رغبة في رؤية الطرف الاخر او لانه بفهمك او او ....الخ. يعني بتقدري انت تحكي انا بحب امي او بعشقها او متعود عليها بغض النظر كلها تادي نفس الغرض ف ما بتقدري تلغي مشاعر زي هيك لان بعض الناس اطلق عليها اسم الحب.
يقول علماء النفس لا تستطيع ان تعرف ما تملك من قوة اذا ما استخدمتها وغامرت, انت ما جربت هدا الشي لانسان خارج عن نطاق عائلتك فهدا لا يعني انه مش موجود لانك ما عشتيه لانه في غيرك عاشه مع العلم انا ما عشته بس بشعر مع الغير والكلام عن هدا الموضوع كبير لانه انت معومه الموضوع هيك يعني نفترض اللي انا فهمت انك بتحكي عن الحب بين الشب والبنت قبل الزواج وعلى هدا الساس رح اعلق:
انا بهيك معك جدا وبقوه لانه هدا الشي اولا شرعيا اتوقع بنظري يدخل في باب الشبهات لانه الاتنين ما بضمنه الارتباط واغلب الجيل الجديد بستغله لامور تانيه بتقضي على معنى الحب او التعود زي ما بتحكي
اكتر اشي بحترمه "الحب الصيني" اذا سمعته فيه بكون واحد من الاطراف بحب التاني من غير علمه وبضل عايش هاي المرحله بتلذذ من الم وبرسم صور الحب بطريقته الخاصة مش رغبته بالالم او خوفه من مصارحتها بس احترام لها .
هدا راي باختصار وتقبلي مروري

رأيك حلو كتير رامي اما بالنسبه لحب الشب للبنت فخد عندك انا شو رأيي :
انا بعتبر اذا البنت بتتعرف على شب وبتحبه قبل الارتباط فهون تعتبر خائنه للشب اللي بدها ترتبط فيه
لانها مش اكيد رح ترتبط بللي بتحبه
ولما ييجي الشب المسخم اللي على عماه بدو يخطبها طبعا هو مفكر انه خاطب احسن بنت بالكون
بس اذا حضرتها كانت بتحب واحد قبله ، هاي تعتبر خيانه اله وظلم اله الا اذا حكتله ( اعترفتله يعني ) وسامحها هون ما بتعتبر خيانه
يعني اذا البنت بتتعرف على شب ما بتكون بتخون اهلها وبس بتكون بتخون زوج المستقبل اللي هي نفسها ما بتعرفه
ويمكن هذا الاساس اللي انا ماشيع عليه ولهيك مش ممكن اني احب الا بعد الارتباط اذا ارتبتط

[دانا]

مع العلم انا ما عشته بس بشعر مع الغير

حط عيني في عينك ابو الجذب ما علينا هالمرة بنعديها .....
اي والله مافي بعد الحب والله الي ما بحب يطير من هون ويدورلوه شغلة يحبها
مو انسان الي ما بحب
عيشة لا حب فيها جدول لا ماء فيه على راي اخونا صباح فخري
اي واحد ما بقتنع في الحب يبحبش في حاله من جوا من نا من نا بلاقي عنده مولود صغير متمرد

وانت الي بتحكي انه الحب عادة معك قصة نمر بن عدوان لما ماتت مرته وتجوز بعدها 4 بس ضل يحكي شعر في وضحة ووصيته الاخيرة يدفنوه معها ,, ليش ما تعود عالاربعة ليش هجر وحدة عشانها عملت حالها من مقام وضحة

وسو يا سو حبيبي حبسوه حبيبي عاوز ترتر ومنين اجيبله ترتر

ملاحظة :- هذا راي وانا رايق بجوز بكرة يتحرك في الاخر واغير راي واقلب على الحب والي بحبوه




ما المصيبه انه وضحه وحده ونمر واحد جبلي نمر ووضحه تانيين والك اني احب من بكرا ليش بكرا اول ما تجيبلي
يا ابني هذا كلو حكي فاضي يعني هلأ بتلاقي بأمانه بشباب اليوم نمر بن عدوان اي اذا بلاقي نمر بن عدوان لاخطفو خطيفه بس مااااااااااااااافي
وهذا رأيك وانا اكيد بحترمه ( سو يا سو قلتلي )

[دانا]

انا معكم في حب الحب اسمى واطهر شي للقلب

الحب ببساطة هو التعبير الصحي عن علاقة الأنسان بالكون


والأنسان بالأنسان ,,والأنسان بالأشياء..



الحب هو العلاقة الخفية التي تربط أجزاء الأشياء ببعضها


ولكن سؤالى هنا

هل يوجد حب بكل ما تحمل الكلمة من معنى في هذا الزمن

زمن المصالح

زمن حب الذات

زمن الخيانه والغدر





شفتي انت حكيتي حب الكون يعني اذا حبينا بنحب الكون اللي هو نفسه ما بقدر يحبنا ولا يبادلنا المشاعر

واسئلتك حلوه وجوابها لالالالالالالالا ما في هذا رأيي

[Gladiator]

بلا نمر بلا بطيخ وانا موجود ولا شو رامي

وبعدين يا عمو وضحي انت بتحكي عن الحب بشكل عام ولا علاقة الشب في البنت قبل الزواج ولا انه عادة فتلتي راسي

عندك ورقة وقلم سجلي عندك :

الحب موجود لو ما كان موجود كان ماكانت هاي الكلمة موجودة في اللغة مثل ما قال الفتح رامي
الحب مثل ما قالت الحجة ريما ليس بالضرورة بين شب وبنت
ومثل ما قالت اليتيمة الحب علاقة خفية يعني مش كبس زر

اما بالنسبة للعلاقات غير الشرعية انتي كفيتي ووفيتي صايري تعرفي تكتبي في تقدم...
ونمر ووضحى في منهم كثير وشوفي حواليك بتلاقي في ناس كثير بحبوا بعض

وثقي تماما كل واحد بحتقر الحب بكون وحدة من الثنتين
يا اما كان يحب بهبل لدرجة الجنون
او ما بعرف يحب

وسلامتكي وصح لساني

[دانا]

اول الموضوع كنت بحكي عن الحب بشكل عام
لانه حتى اهلك بتتعود عليهم لانه في ناس بربوهم ناس غير اهلهم فبحبوهم لانهم تعودوا عليهم
اكتر من اهلهم الحقيقيين وسلامتك

[rami]

تحياتي للجميع اول اشي رح ابلش مع نمر ابن عدوان قصدي ابو زغيب : ابو زغيب انا منا جذاب الحب اللي بتحكو عنو ما رح اخوضه لسه وانت عارف والله يقويك يا سيدي وتحب كمان وكمان لانه زي ما بعرف قلبك كبير وما بكفيه يحب شخص واحد بقدر على حب اكتر من هيك يا كبر.
يتمه الروح: بالنسبه لاسألتك اول اشي بحكي لدانا لاتحكمو على اشى وتعطي رايك فيه وانت لسه ما خوضتيه وانت يا يتيمه التجارب ما بتخلينا نصدر احكام بالتعويم التجارب عشان نتعلم . وزمن المصالح ليش كل الناس بتكره كلمة" مصلحه " مع انه كل حياتنا قائمه على هدا الاساس بيني وبين امي مصلحه لانها بتشبع رغبة الحنان عندي وانا بشبع عندها شعور الامومه هاي مصلحه وهدا مثال صغير وعلى هيك قيسي مش خلط يكون في مصالح بين الناس بس الخلط مش المصلحه الخلط هو الاستغلال,وحبالنفس موجود بكل واحد هدا اشي ما لازم ننكره بس بتراوح بين الناس ويتاثر باشي اسمه الايثار,والغدر البحر وهو البحر غدار.
دانا:
كل بنت بتحب تكون اخر بنت بحياة الشب اللي بدها ترتبط فيه والشب بحب يكون اول شب بحياة البنت اللي بدو يرتبط فيها.
وسلامتكو :hh13:

[Gladiator]

انا اقدر عليك !!! تقول ابن لافلاطون ........
افلاطون بقربلك شي ؟؟؟
ولا ياسيدي انت بتحب ودانا بتحب وهبة بتحب وكل واحد في هالدنيا بحب
بس يمكن لهسه ما اجى الحبيب المنتظر مش منتظر الي دعس عالامريكان
وحتى اذا في ناس جرب الحب وما زبطت معه لانه اختار غلط يعني مش المنتظر والمنتظر مخبى لسه ما طلع

بس اعجبتي رامي في ردك بالنسبة للمصالح واقنعتني
وبالنسبة لقلبي الحمد لله اللهم لا حسد بحب كل البشر بس بختلفوا في الحصص

وسلامتكم

[rami]

له يابو زغيب احنا نقطه في بحرك جزء مما عندكو وانا عارف انه قلبك كبير وبحب كل الناس وبتمنى اني اكون قاعد بالدرجه الاولى على اليمين لانه فيه ظله.
اسمحولي اعرفلكو الحب بطريقتي التفصيليه:
هلا حسب الهرم في العلاقات بين الاشخاص ياتي الاحترام بالدرجه الاولى اعلى الهرم مش الحب متل ما الناس بتعتقد وما رح احكي عن الاحترام لانه موضوع اكبر كتير من الحب وهو اصلا مش موضوعنا
هلا شو اللي بميز الحب عن غيره من العلاقات والناس دايما بتحكي عنه؟ السبب بسيط هلا شو اهم اشي عند الانسان وماخد تفكيره ؟ همه شغلتين التفكير المادي والجنسي ولما الواحد يحب بتتلاشى عنده هدول الشغلتين وما بفكر فيهن اتجاه اللي بحبه سوا يستغله او يسيئ اله ف بكون هيك علاقته غريبه عن العاده .
وفيه نقطه لازم نفرق بين الحب والعشق , الحب حكينا عنه اما العشق فياتي بعد الحب ويكون فيه علاقه جنسيه سواء مشروعه او غير ف بكون العلاقه اقوى ومتماسكه اكتر.
وسلامتكو

[Gladiator]

نقطة اختلاف ........................
خليك ماسكها بعدين بحكيها
هسه مسطل ورايح انام
البين يسطك لما تسرح

[صوت الكرك]

في حب
حبٍ يشيّب صاحبه ما بَعَدْ شاب
.وحبٍ يشيب وصاحبه في شبابه

وحبٍ يغيب وصاحبه ما بَعَدْ غاب
وحبٍ يدوم وصاحبه في غيابه

وحب يذوّب خافقٍ ما بعد ذاب
وحبٍ يداوي صاحبه من عذابه

وحبٍ يتوّب خافقٍ ما بَعَدْ تاب
وحبٍ يزيدك رغبةٍ في الكتابه

وحبٍ حياته كلّها لوم وِعْتاب
وحبٍ حقيقي ما يضرّك عتابه

وحبٍ بلا معنى وحبٍ بلا اسباب
يبدا غريب وينتهي في غرابه

وحبٍ ضعيفٍ مثل حبرٍ على كْتاب
تمحيه دمعه في ثواني كآبه

وحبٍ قويٍ مثل قصرٍ له ابواب
لو هبّ عاتيْ الريح ما اهتز بابه

وحبٍ بداية رحلته نظرة اعجاب
واخر مطافه مثل يومٍ بدا به

وحبٍ يعيش بداخل قْلوب الاحباب
وحبٍ يشيع وكل حَيٍ درى به

وحبٍ مقامه في ضلوع الصَدِر طاب
وحبٍ يعدّي مثل مرّ السحابه

[دانا]

سلمت يا شهم لمرورك الحلو هذا بجد غير من جو الموضوع تسلم كتير

[ابو قنوة]

يعني مش حرام تحطو على صورة البوبو الامور كلمة شبح الحب ...
مش حرام ما يكون مكتوب ... اللهم صلي على محمد ..

[صوت الكرك]

مشكووووور ابو قنوه على التنيه الرائع
عملنا بنصيحتك استاذ ابو قنوه
اللهم صلي على سيدنا محمد وعلى اله وصحبه وسلم
جزاك الله خير

[دانا]

السلام عليكم ورحمة الله وبركاته :

حابه احكيلكم اني استفدت كتير من نقاشي معكم ما رح احكي اني غيرت رأيي بس ممكن اعترف بإنه ممكن يكون في وجود للحب
بما انه في منكم حدا عاشه أنا ما بقدر انفي وجوده بكلمه مني بس لأني ما عشته ... وبشك بإني ممكن اعيشه ما علينا المهم
حابه اعترف كمان بإنه ممكن افكاري هي السبب بإني ما أعيش هذه التجربه لأنها يمكن بنت حولي حصن فكل ما أفكر بالموضوع
بتبلش تيجي الافكار وحدة ورى التانيه لغاية ما اوصل لنفس النتيجة الاولى ... بس ما بخبي عليكم اني مبسوطة بهذه الافكار وهذا الحصن
لحتى الواحد ما يحط حاله بهيك موقف هيك احسن وأريح والواحد بحط رأسه على المخده وراسه مرتاح ومو خايف من شي وضميره ما بعذبه


وعلى رأي رامي ( وسلامتكم )

[ريماس]

:168[1]: الحب شيء جميل والي جربة بحس بحلاوتة
بس المهم انك تحبي الشخص المناسب او الشخص الي بيستحق محبتك واخلاصك

وان شاء الله بتجربية مع الشخص الي بيستحق محبتك

[وفاء المغربية]

موضوعك رائع و جميل اختي دانا
وانا كمان الي وجهة نظري تجاه الحب

الحب احساس بالدفئ و الاحتواء و العالم كله بيتغير من حولك لو وجد هذا الاحساسولو اتحط في مكانه الصحيح و اتسقى بما يكفيه من الرعاية والاهتمام
اشعر بالحب اي ان قلبي يسكن جسدا غير جسدي
أني أغيب لك لأشتاق.. فما الحب بلا أشواق؟
الحب مودة ورحمة و مشاعر ومستقبل زاهر بين اثنين
ولولا الحب ما ابدع الفنانون برسم ابدع الصور سواء الرسم او الكتابة او الشعر ..........او..او..او
الحب احتياج لكلا الطرفين راحة و استقرار و صفاء نفس
اختلفت تعريفات الحب و ابدع المحبون في وصفه
ربنا يجعل ايامنا و ايامكم كلها حب و سعادة


تقبلي مروري عزيزتي

تحياتي

[دانا]

سلمتي اختي وفاء على اضافتك الرائعه

[ابو قنوة]

انا اعترض ....
ولا.................... شو .......................

[Gladiator]

الحب كالوقوع من على قمة جبل واقوى المحبين هو من يقع وتنكسر رقبته
وانا وقعت وانكسرت زمااااااااااااااااااااان
عقبال عند رقابكوا

[دانا]

سلامة رقبتك

وشكرا بس ما بصير تدعي للكل هيك دعوة احكي بس للي بده الله يسعدك
ترى حكيكم عنه ما بطمن الله يسعدنا ويبعدنا

[ابو قنوة]

؟؟؟؟؟؟

[rami]

حمدالله على السلامه يابو زغيب انشالله اجت سليمه والله ما عرفت الا منك والا كان اجينا وجبتلك حلو ابو 1.5 دينار المرة هاي اجت سليمه دير بالك من المره الجاي

[ريموه الروح]

ع فكرة أنا مع دانا الأمورة والرائع اللي بعجبني بجد أبو قنوة
الحب كلام فاضي " بس أمانة ما تزعلوه لأني بحبكم بس بطريقتي العفوية"
وعلى راي دانا الموضوع كله تعويد والحياة بالبطيخ اللي أسمه الحب ماشية وبدونه ماشية فليش نتعب حالنا ونموت من العشق والهيام والله ما في شي حرزان
وبقول المثل أسئل مجرب ولا تسأل خبير
وتعالو نتفق تكون حياتنا حلوه بدون حب :hh13:
تحياتي لكل اللي ردو وكلامهم ع راسي بس يمكن هادا ردي المتواضع وتحياتي للوردة دانا والرائع أبو قنوة:092:

[rami]

شكرا ريما على المعلومه الجديده البطيخ صار اسمه حب يعني على الصيف انشالله بس يصير وقته بروح على معرش "الحب" وبشتري خمسه كيلو حب نوكله بس انشالله يكون ع السكين عشان ما ننغش

[ميس]

هههههههههههه والله رأيكم بالحب غريب كتير ..خصوصا" دانا وريماالروح وابو قنوه
...ابو قنوه كنت متوقعه ردك من قبل ماشوفه ...مااستغربت كتير

الحب مافيه اي شي خطأ...يلي بعيش من دون قصة حب حقيقيه مابكون عاش
ويلي كره الحب بسبب قصة فاشله ...بكون الخطأ بالحبيب يلي اختاره مش بسبب الحب

انا عن نفسي ما بآمن بشي اسمه حب على النت بشوفه كذبه كبيره ...شو رأيكم انتو فيه ؟؟

[دانا]

يا ميوس انا ما مريت بقصة حب فاشله
واكيد الحب ع النت غلط بغلط واذا بدنا نضحك ع حالنا بنقول انه صح

[نشمي]

القلب والحب
إنني أشبهه بحديقة صغيرة زرع فيها الياسمين
وأجمل الورود العطرة التي تروى كل يوم
بأعذب الماء ثم تتفتح وتستمتع بمرآها الجميل
مع كل صباح فهي تنمو وتزداد تفتحا كلما رويناها
......لكن ......
عندما تتركها بدون ري فهي تذبل وتجف
وتفقد الحياة ....كذلك القلب إذا منحته
.......الحب والحنان .......
ورويته بهما تفتح وانتعش . وعندما
يحب القلب ثم يصوم أو همه الوساس والهموم
وتذبل اجمل وردة عمره فهو رقيق لا يتحمل الصدمات

:092::hhh15::092:

[تونس الخضراء]

الحب عبارة جميلة ولها عديد المعاني ، أما إذا دخل فيه جانب من الغدر فيصبح إلا بكاء على الاطلال

[هبة الرحمن]

الحب دمار وبسببو بتخسر اخ عزيز على قلبك

بس انا راح احكي شي واحد موعن الحب لانو انا خلس خلف على كتاب الله وعاهدت نفسي ما افكر بلحب نهائي ولا اسمح لنفسي افكر فيه لانو بسببو خسرت اخ غالي على قلبي

بدي احكي وامام جميع اعضاء المنتدى لا احمد زغايبه
انا اسفه بتمنى تسامحني
وانتا بتعرف يا احمد هبه ما بتحكي لاي انسان اسفه الا ازا كان بيستحق هل كلمة يلي حكتها
احمد انا اااااسفه منشان الله سامحني

[ميسم الجنوب]

:hh13:الحب احوال كتير وحبكم اغلى بكتير لأن دا الحب الحقيقي اللي ما فيه ازاي وليه

[دانا]

احلى من حب الأخوة ما في يا هبه وحب الأخوة صدقيني ما بينتهي وبكرا بتحكي انت وابو زغيب دانا قالت بعدين العتب ع قد المحبه مع اني وبحلف ما بعرف شو في بس اكيد القلوب رح تصفى
وخلصونا عاد بدلعكم هلأ بحكي معكم بالمنيح بس بعدين .....

[هبة الرحمن]

دانا محد بيعرف احمد متلي ازا زعل مو بلساهل يرضى وهادا يلي مخوفني

احمد اخ ازا خسرتو بكون خسرت عمري كلو وموتي افضل

[اسرار]

الحب هو لون الحياة الباهتة
هو غمزة العيون.... من بين دموع حلوة

الحب هو امل والم
لي عودة لانه انا طابسة في الحب وغارقة لشوشتي فيه اههههههههههههههههه

[Gladiator]

لم اكن ضد الحب يوما ............
ولم اكن ضد ان نبكي لاجل من نحب .....
ولم احدد اختيار احد .....
ولم اعترض على احد ...
فالانسان يحب ما يشاء وهو ادرى بالشخص المقابل


ولكني ضد ان تعمل اي شي لاجل حبيبك اذا غضب منك او ان ترضى ان يعمل فيك اي شي فقط ليرضى ....اي ان تخسر نفسك من اجله وان تبقى تردد ذلك
وضد ان تكذب على من حواليك وتخفي حبك ... ويكون حبك في الظلام
فالحب الطاهر يكون في النور امام الجميع والمراد منه الزواج وما كان في الظلام ليس بحب

نقطة وسطر جديد .

[دانا]

كلامك عين العقل ابو حميد

[ابو المعتز]

حب كلمه من حرفين
حرف الحاء بالنسبة لي يعني حياه ......................
حرف الباء يعني البحر....................

[دانا]

يا سلام يا ابو نور بجد تعبير حلو تسلم