دانا على كرسي الاعتراف

[م.محمود الحجاج]

الاخوه والاخوات الاعضاء
ارجو منكم ومن خلال هذا المنتدى توجيه الاسئله الموضوعيه
والهادفه الى المشرفه الرائعه دانا
وارجو منها ان تجيب على اسئلتكم بكل صراحه
متمنيا لكم التوفيق

[دانا]

السلام عليكم ورحمة الله وبركاته :

انا اسمي دانا رامي خليل

بدرس طب اسنان سنة اولى بجامعة العلوم والتكنولوجيا

من هواياتي الدراسه بحبها كتير والنت السنه صرت احبه والقراءه

عمري 18 سنه 17/4/1990

اهم شيء بحياتي اهلي وخصوصا بابا صديقي العزيز ودراستي

بحب الناس وبحب احكي معهم واعرفهم ويعرفوني بس تكون معرفه على اساس الاحترام

وبس بكفي هلأ دوركم يلي بحب يعرف اي شيء تاني يتفضل .

[م.محمود الحجاج]

دانا ... لو انك رامي خليل
شو الشيء الي بتعمليه .. لدانا ...
شو الشيء الي بتتوقفي عن عمله !!!
نصحيه بتقدميها لدانا

[دانا]

رامي خليل ما خلا شيء ما عملوا لدانا

ببطل ادلعها وبحملها شوية مسؤوليه اكتر

سر دانا معي وبكل موقف بعطيها نصيحه بس ممكن دانا بطلي هبل انت صرتي دكتورا ههههههه

شكرا ابو معمر بجد اسئله حركتني من جوا تسسسسسسسسسسسسسلم

[هشام القواسمة]

تحياتي اختي دانا
بما أنك تدرسين في التكنو فأكيد أنك تعلمتي شي
خاصة إذا كنت بعيدة عن أهلك
أريد منك نصيحة تقدميها للأهل ـ خاصة في تربية البنات ـ تفيد عندما تجد البنت نفسها بعيدة عن أهلها
ولي عودة

[دانا]

اهلا سيد هشام

والله الشيء اللي لازم الاهل ما يعملوا لبنت بعيده عنهم هو انهم يخوفوها من انها تحكي

يعني انا تقريبا كل يوم بيجي شب يحكي معي بدو دفتر او بدو معلومه فأنا لما احكي لبابا على طول بينصحني

بس في بنات بخافوا لانهم عارفين انهم اذا بمجرد يفتحوا الموضوع ممكن اهلهم يطلعوهم من الجامعه

وبنفس الوقت في احيانا لازم البنت تتعامل مع الشب والاهل ما عندهم استعداد يتقبلو هذا الشي فبتصير البنت تتصرف بدون الرجوع لعقل اكبر وانضج

وهون بتصير المصيبه الكبرىوبصير تفكير الشب هو اللي يأثر عليها

الحمدلله انا ما عندي هاي المشكله وابدا انا مو بعيده عن اهلي لانهم والحمدلله بيفهموني وبقدمولي دائما النصائح

وتسلم وان شاء الله اكون فدت لانه في كتير بنات لو اهلهم يتفهموهم ممكن يكونوا احسن بنات بس للاسف ما بنقدر نغير كل الناس

وشكرا الك

[عفراء]

دانا ... الرائعه والمميزه ... والمشاكسه لحد الهباله كا قلتي
ارجو منك يا سنفورتنا الاموره ان توجهي كلمه عنوانها
انما للصبر حدود ... ؟؟
يا قادة المستقبل !!!
للطلبه الذكور فقط في جامعاتنا !!!!

[دانا]

اهلا عفراء وتسلمي

انما للصبر حدود :

حلو عنا لمانطلب منكم احنا لو بدنا اياكم ما بنحكيلكم روحوا ولا بندلع على حدا
احنا ما بنحب الواكس والشعر الواقف والخصر الساحل اذا بتعملوا عشانا لا تعملوا
البنت تحب الشب اللي مطنشها ارجووووووووووووووووووووووووكم طنشونا
الحب وكلام الغزل حفظناه لا تحاولو والبركه فيكم
وعلاقاتنا لاتتجاوز الزماله بس واحنا عارفين انكم بتنشروا القصه انها حب وغرام بين اصحابكم
خلص بكفي احنا مش اغبياء بنعرف انكم بتكذبوا وهذا الحكي حاكيينو لنص بنات الاردن

بجد بجد بجد ان للصبر حدووووووووووووود بكفي

[ملاك الصمت]

اهلا فيك اختي دانا
على كرسي الاعتراف

ايش هو شعورك يوم شفتني نفسك انك على كرسي الاعتراف؟
كيف تعرفتي على المنتدي ؟
مين الاعضاء المميزين عندك وتعجبك مشاركاتهم؟
هل في يوم كرهتي الحياة؟ ولماذا ؟
و هل في يوم خانك شخص عزيز عليك ؟

وان شاء الله ما اكون
ازعجتك بهذه الاسئله
ان شاء الله تكون خفيفة على قلبك
تحياتي اختك المخلصة ملاك الصمت
وكل عام وانت بخير

[بنت الجنوب]

صباحك معطر / مساك معطر بـ أجمل أنواع العطور

::

http://a7rar11.jeeran.com/HCF5958_mp.jpg


في البدايه ترحيب بــ ضيفة كرسي الاعتراف وكل عام وانت بالف خير
وصاحبة الروح المرحه والتواجد المشرق : دانا :
شخصية نجد لها بصمة واضحه في معظم بوابات المنتدى .
أسمحي لي أن أطرح عليك بعض الأسئله وهي :

1: شخص تعتزين بالتعرف عليـه ؟ وشخص أخر انتِ مدينة له ؟
2: ماهي التجربه التي تتمنين تكرارها ؟
3: حمامة زاجل إستقرت على نافذتك تحمل رسالة من مجهول فممن تتمنين أن تكون ؟
4: قطعة فحم صغيرة وجدار نظيف ماذا سترسمين عليه ؟
5: ماذا ستكتبين تحت الصورة الي رسمتها ؟
أتمنى أن تكون اسئلتي خفيفة عليكِ

[طير شلوى]

بالبداية أود ان اهنئ هذا الصرح على تواجد المشرفة المثالية دانا
التي تطمح دائماً إلى الرقي وإلى محاذاة من هم بالأعالي
بإفكارها النيره وبجهودها المثمره وبعطائها الفذ والملفت للنظر
فهنيئنا لنا بها


1- ماذا تعني لك المشاهد التالية ...!؟
- بكاء طفل
- أنين أم
- انكسار رجل
- شخص بلا وطن
- شقاوة أطفال
- حديقة زهور
- نار مشتعله
- الشاطئ وقت الغروب
- موسيقى هادئة
ولي عوده بإذن الله ...

الف شكر ابو معمر على اعادة افتتاح موضوع كرسي الاعتراف
دمت ودام عطائك
وكل عام وانتم بالف خير

[دانا]

ايش هو شعورك يوم شفتني نفسك انك على كرسي الاعتراف؟
كيف تعرفتي على المنتدي ؟
مين الاعضاء المميزين عندك وتعجبك مشاركاتهم؟
هل في يوم كرهتي الحياة؟ ولماذا ؟
و هل في يوم خانك شخص عزيز عليك ؟



اهلا ملاك الصمت واسئلتك حلوه شكرا الك ...

اولها حسيت بخوف بعدين ارتحت وبلشت احكي وما حدا قادر يمسكني

بالصدفه كنت ببعبش بالنت وطلعلي وما احلاها من صدفه

ابو معمر الحجاج احمد الزغايبه ( Gladiator)

اياااااااااام كنت بعيده فيها عن الله شوي وما كنت مرتاحه فيها

صديقه والله لا يعيدها

شكككككككككككككرا

[ابو الحارث]

دانا ... كل عام وانت بالف خير

حقيقة عجبني فيكي الاسلوب الراقي في الرد وجمال التعبير وحسن الاداء ومصداقية الكلمة الحلوة
والرد الشفاف اللي يحمل في طياته العبق الرائع المزود باحلى حلة جميلة تسطر بكلمات الود والاخااء ..... ؟؟؟

الحلوين والحلوات في المنتدى وفو وكفوا بالاسئلة وحقيقة حبيت اشارك ولو حتى بكلمة ؟؟؟


ياحلوة المنتدى ؟؟؟ ماذا يعني لكي ؟؟؟


شعاع القمر ...؟؟؟
الليل .............؟؟؟
الاب .............. ؟؟؟
الأم ............؟؟؟
دموع الوالدين ؟؟؟
نظرة الحبيب ؟؟؟
النجاح ؟؟؟
القلم ؟؟؟؟
الوردة ....؟؟؟
الكوشة ؟؟؟
فستان العرس ؟؟؟
الفرس الابيض ؟؟؟
النظارة السوداء ؟؟؟
الخاتم ؟؟؟
ولك خالص تحياتي ايتها الرائعه ...

[دانا]

1: شخص تعتزين بالتعرف عليـه ؟ وشخص أخر انتِ مدينة له ؟
2: ماهي التجربه التي تتمنين تكرارها ؟
3: حمامة زاجل إستقرت على نافذتك تحمل رسالة من مجهول فممن تتمنين أن تكون ؟
4: قطعة فحم صغيرة وجدار نظيف ماذا سترسمين عليه ؟
5: ماذا ستكتبين تحت الصورة الي رسمتها ؟
أتمنى أن تكون اسئلتي خفيفة عليكِ




اهلا بنت الجنوب وما احلى الكرسي اللي انا قاعده عليه تسلمي :

1 بعتز بمعرفة ابو معمر واحمد الزغايبه ومنتدى صدى الحجاج واللي فيه

2 ابي ورح اضل طوال حياتي

3 من عمي صديقي العزيز بعد ابي وصار الي 3 سنين ما شفتو

4 علم فلسطين

5 إلى متى سنبقى نقول الى متى ؟؟؟

[دانا]

اهلا ا طير منورني والله

- بكاء طفل البراءة
- أنين أم طبيعة الحياة
- انكسار رجل قمة الظلم والقسوة
- شخص بلا وطن الوحده والضعف
- شقاوة أطفال الحياة
- حديقة زهور ابداع الخالق
- نار مشتعله لكل شيء جميل نهاية
- الشاطئ وقت الغروب الصفاء
- موسيقى هادئة بقعد احلم واسرح

شكرا يا طير والله خطير ياعم

[دانا]

سيد ابو تركي هاي اول مره نلتقي بها وكم زدتني شرف بك :

شعاع القمر ...؟؟؟ جمال الروح
الليل .............؟؟؟ السكون
الاب .............. ؟؟؟ الحياة والامل والمثال الاعلى
الأم ............؟؟؟ المثابره والألم
دموع الوالدين ؟؟؟ الموت اهون
نظرة الحبيب ؟؟؟ اعتذر لا أؤمن بالحب
النجاح ؟؟؟ معنى الحياة والتألق
القلم ؟؟؟؟ الصدق
الوردة ....؟؟؟ منتهى الابداع
الكوشة ؟؟؟ الاستقرار
فستان العرس ؟؟؟ عاداتنا جميله
الفرس الابيض ؟؟؟ رومنسيه منسيه
النظارة السوداء ؟؟؟ للحياة لون آخر
الخاتم ؟؟؟ حياة جديده

سلمت يا سيدي ابو تركي وشكرا لك

[صوت الكرك]

بسم الله الرحمن الرحيم
الاخت دانا المحترمة
الحقيقة سؤالي : كيف اصبحت مشرفة في هذا الموقع مع العلم بأنكي حديثت العهد
وتاريخ تسجيلك في المنتدى هو 5/11/2008 ؟
ما هي الاسس التي يتم فيها اختيار المشرف ؟
حقيقة اعجبني اسلوبك الراقي في الرد وجمال التعبير وحسن الاداء ومصداقية الكلمة الحلوة
والرد الشفاف ..... تحياتي

[دانا]

شكرا الك سيد شهم السيد ابو معمر اعتمدني كمشرفه لاسباب عده
اللي عرفتهم:
وجودي المستمر في المنتدى تقريبا كل يوم اكتر من ساعتين على الاقل
اهتمامي بالردود على كل المواضيع الجديدة
والاهم ان المنتدى اللي انا مشرفه عليه جديد العهد بالمنتدى تماما متلي وجوده بالمنتدى هو فكرتي انا لهيك صرت مشرفه عليه
وشكرا الك كتير
وياريت هذا السؤال تسألو لابو معمر لانه هو اللي وضعني واكيد عنده اجوبه اكتر اقناع مني
وشكرا الك ولمصداقيتك وصراحتك تحياتي سيد شهم

[بنت البلد]

دانا .. كيقك وشو اخبارك ...
وكل عام وانت بالف خير يا ريحانة المنتدى
يا حيا الله الله عليك يا دانا ماشاءء الله من هو قدك ابسط مميزه واليوم كرسي الاعتراف
ههههههههه

السؤال الاول هو؟؟؟؟؟؟؟؟؟؟؟؟

ماهو احرج موقف حدث معاك؟؟؟؟؟؟؟؟؟

السؤال الثاني هو؟؟؟؟؟؟؟؟؟؟؟؟؟؟؟

وما هو احزن موقف؟؟؟؟؟؟؟؟؟؟؟؟؟؟؟

السؤال الثالث ؟؟؟؟؟؟؟؟؟؟؟؟؟؟؟

ما هو احسن موقف؟؟؟؟؟؟؟؟؟؟؟؟

تحياتي : الخالصه لك

[كامل السوالقة]

دانا اسعد الله اوقاتك
وكل عام وانتى بخير
ابدى فى الصلاه على النبى المختار
عليكى فى طلاقة وفصاحة الردود الجميله منك
من انتى
مدى حبك الى القلم
ما هى رويتك المفضله
عنوانك الدايم
لو لم تكونى دانا من تكونى
تراب الوطن ماذى يعنى اليكى
عندما ترى العلم الاردنى يرفرف وقت الصباح وانتى فى نشوة الوطنيه هل تبكين
صدق المشاعر الى اسرتك
اكلتك المفضله
هل توثر فيكى الوحده
ارتباطك فى البيت عميق ام سطحى
رايك فى اكل المطاعم
ماذى تعنى لكى كلمة ام
اذا احتصلتى على ثلاث وردات الى من تقدميهم
استودعك الله

[دانا]

اهلا بنت البلد نورتيني :
احرج موقف كان بالجامعه اول يوم اخدت فيه محاضره ساعه لما لقيت القاعه فلما دخلت لقيت الدكتور بيعطي المحاضره طبعا كنت متأخره 10 دقائق طبعا طبعا طردني بره اجيت انا تلفلحنت وقلتلوا : يا استاذ انا جديده هون وتعبت لحتى لقيت القاعه يعني لازم السنافر اول اسبوع ما تآخذوهم على التأخير طبعا كل القاعه كانت تضحك بس انا ولا همني
والدكتور سمحلي ادخل


احزن موقف كان لما جدي توفى والد بابا كان الوضع كلو حزين وكانت اكتر فتره حزنه بحياتي


احسن موقف كان نجاحي بالتوجيهي ولما صار لوني اخضر بالمنتدى

شكرا الك يا بنت البلد

[دانا]

اهلا اهلا سيد ابومجد نورت والله

انا دانا البنت الاردنية المتعلمه الواثقه وان شاء الله اكون قد هالكلمه

بحب القلم كتير لانه بيعطي لكل شيء حقه

رؤية الجبال دائما تشعرني بانني على الارض

من جد وجد

الحمدلله اني دانا ما اظن انه في ناس احسن مني او انا احسن من اي ناس فبحب اي اكون دانا بس ممكن اكون بابا

كل ما انظر الى تراب الوطن افكر كم عانينا كي نراه ونلمسه واشكر الله على ذلك وهو عزنا وفخارنا وهو حامينا وحاملنا

ابدا لا ابكي بل اشكر الله وادعوه ان يبقى يرفرف ويرفرف وان لا اراه يوما في حياتي غير ذلك
واشعر بالفخر والعز والامتنان لهذا العلم الذي سمح لي ان ابقى تحت ظله


اسرتي احبها وهي حياتي كلها ولا استطيع ان اتخيل ان لا يكونوا حولي احبهم وهم نقطة ضعفي وعندهم كل الخطوط الحمراء

بحب الملفوف والملوخية والمنسف والباميه

احيانا احب الوحدة ولكن ان لا تكون دائما فأنا ارتاح بوجود الناس حولي هي لحظات قليله احب فيها الوحدة
ولكن انا بطبعي احب الجماعات والوحدة قادرة على تدميري

الحمدلله ارتباط عميق جدا جدا

اكل المطاعم عذاب لابد منه في حالتي بكككككككككككرررررررررررررههههههههوووووووووووو

المثابره واللألم صدق المشاعر الحضن الدافيء ( لا نقاش بالخطأ فهو خطأ )

لابي لامي لمنتدى صدى الحجاج

[ابو الحارث]

دانا الرائعة روعة قلبك الابيض .. وروعة روحك الطاهره

أصعب سؤال واجهته في حياتك ولم تتمكن من الإجابة عليه؟

لو أعطيتك فرصة لأن تحقق أمنية واحدة من أمنياتك ,, ما هي هذه الامنية ؟

لكل إنسان نقطة ضعف ,, فما هي نقطة ضعفك ؟

شخص لاترفضي له طلبا؟

سـؤال بخاطرك تسأليه لعضو , من هو العضو , ووشو السؤال ؟

اختاري 5 اعضاء وقولي رأيك فيهم بصراحة ؟

آخر كذبة كذبتيها
ههههههههههه
تحياتي لاغلى عضوه بالمنتديات ..
متمنيا لك التوفيق والنجاح

[معين]

السلام عليكم ورحمه الله وبركاته

مرحبا اختي دانا سعداء لوجودك على كرسي الاعتراف

أول سؤال بسالك ماهوشعورك وأنتي على كرسي الاعتراف
عساك مرتاحه بس بكل صراحة؟
ماهو أعظم جرح بحياتك؟
هل وثقت باشخاص احببتيهم وفجأه خانوك؟؟
هل دانا تنسى الإساءة بسهولة؟
متى تكون دانا حـنـونه ؟ ومتى تكون دانا قـاسـيه ؟
مارايك بالشخص الذي ياخذ ولايعطي شي؟
اكتبي كلمة تريدي قولها لـ أعضاء ومشرفين ومراقبين وإداريين المنتدى باختصار؟

اتمنى ماأكون ثقلت عليك بالاسئله واكون ضيف خفيف بصفحتك.
وكل عام وانت بالف خير

[دانا]

اهلا مالك تشرفت بمعرفتك

أصعب سؤال واجهته في حياتك ولم تتمكن من الإجابة عليه؟
ليش انا ما بآمن بالحب ؟؟؟؟ بجد ليش ما بعرف:188[1]:
لو أعطيتك فرصة لأن تحقق أمنية واحدة من أمنياتك ,, ما هي هذه الامنية ؟

ان انجح بالجامعه بامتياز

لكل إنسان نقطة ضعف ,, فما هي نقطة ضعفك ؟
عائلتي

شخص لاترفضي له طلبا؟
ابي

سـؤال بخاطرك تسأليه لعضو , من هو العضو , ووشو السؤال ؟
ما في بخاطري شيء
بس ممكن اسأل ابو معمر شو يللي دفعك لحتى تنشيء هذا المنتدى ؟؟؟؟


اختاري 5 اعضاء وقولي رأيك فيهم بصراحة ؟
اكيد رح اختار ناس بعرفهم

ابو معمر : انسان رائع وابن بلد وعبقري

احمد الزغايبه ( Gladiator) : انسان مثقف وروحه مرحه وعنده اصل

كامل السوالقه : انسان وطني ومحب للناس

ريما الحندءة : انسانه حنونه وطيبه

ابو قنوه : انسان عنده فكر رائع واخلاق رائعه

آخر كذبة كذبتيها
قبل شوي صاحبتي كانت بدها انها تاخدني معها على السوق فقلتلها اني مشغوله كتير بس الحقيقه انا ما بحب طلعت السوق

[دانا]

اهلا معين تشرفت فيك وبمعرفتك ...

أول سؤال بسالك ماهوشعورك وأنتي على كرسي الاعتراف
كتير مرتاحه ومبسوطه حاليا

عساك مرتاحه بس بكل صراحة؟
مرتااااااااحه
ماهو أعظم جرح بحياتك؟
صاحبة لالي استغلت طيبتي لابعد الحدود
هل وثقت باشخاص احببتيهم وفجأه خانوك؟؟
صديقتي اللي حكيت عنها سابقا

هل دانا تنسى الإساءة بسهولة؟
حسب الاساءة اذا كانت مقصوده لا ما بسامح بسهوله ما بتهون علي نفسي

متى تكون دانا حـنـونه ؟ ومتى تكون دانا قـاسـيه ؟
حنونه لما احس انه في ناس بجد محتاجني
قاسية لما احس انه في ناس بجد بحاول انه يقلل من قيمتي


مارايك بالشخص الذي ياخذ ولايعطي شي؟
لا يستاهل ان اعطي رأيي فبه

اكتبي كلمة تريدي قولها لـ أعضاء ومشرفين ومراقبين وإداريين المنتدى باختصار؟
ارجوكم نحن عائلة واحدة فلا داعي ان يكون هناك ما يجعلنا نتحسس او نغضب من بعض وان لا نضطر ان نغلق اجهزتنا عن المنتدى ونحن غاضبون من بعضنا

[م.محمود الحجاج]

الرائعه والمميزه دانا
السبب الرئيسي في انشاء هذا المنتدى ..
كنت مشرف عام لموقعين لمدة سنتين موقع سوري .. وموقع اماراتي
كانت هناك تدخلات يوميه في شوؤن الموقع من الناحيه الاداريه مثل
اجازة بعض المواضيع التافهه .. وخاصه التي تسيء لثقافتنا العربيه
التهجم على بعض الفتيات العربيات الرائدات في العمل الاجتماعي والثقافي والرياضي
ووصفهن باوصاف تخلو من الذوق والكياسه ..
التعرض لشخصيات وطنيه اردنيه وفلسطنيه ووصفها بالعماله ... الخ
شعرت بالاساءه لي ولوطني وشرفي واهل بيتي .. في هذا البلد الواحد
قمت باجراء الاتصالات مع اصدقائي من اصحاب الشركات العملاقه في هذا المجال
من اجل العمل على انشاء موقع مهما كان الثمن .. وبدأت شركة العملاق والموده
وفتى جده .. بالعمل على انشاء موقع بمواصفات فنيه عاليه وبمساحه 2 جيجا مع اقوى
شركات الاستضافه على الاطلاق في عالم النت .. لا انسى مساعدتهم لي ابو راشد مدير الموده
ابو نواف مدير النوفي الدكتور مصطفى الكردي مدير فتى جده
جميع الاعضاء اللذين كانوا معي في المنتديات الاخرى انسحبوا وسجلو معنا في هذا المنتدى ..
عفراء ملاك الصمت بنت الجنوب بنت البلد ابو تركي معين طير شلوى الغطاس ملاك ابو عمار واخرون
وبداء المشوار بالعمل ليل نهار وبعدل 15 ساعه يوميا .. اختصرت اشياء كثيره من القصه !!
دانا اشكرك من قلبي ..

[دانا]

الله يعطيك العافيه يا ابو معمر ويقويك يارب على نشر الحق

[هبة الرحمن]

ماهو اغلى شيء تملكينه في حياتك؟؟

من هو بنظرك الذي يغرق في البحر ؟

أفتقدك
أحبك
اسفه جدا

لمن توجهين هذه العبارات ؟


هل تؤمنين بالابراج؟

من هو العضو اللي تحرصين على تتبع مشاركاته

امنية لم تتحقق واخرى تحققت

موقف غريب طريف مر عليكِ في عالم الانترنت

[دانا]

ماهو اغلى شيء تملكينه في حياتك؟؟
عائلتي

من هو بنظرك الذي يغرق في البحر ؟
الشخص الذي لا يملك هدف والذي يجعل من نفسه نسخه عن غيره


أفتقدك
لا احد الحمدلله كل احبابي بجانبي

أحبك
احبك يا الله

اسفه جد
لمن اخطأت بحقه دون قصد اما من اخطأت بحقه بقصد فهو بستحق ذلك

لمن توجهين هذه العبارات ؟


هل تؤمنين بالابراج؟
لا اؤمن بالابراج ولا بالحظ فمن جد وجد




من هو العضو اللي تحرصين على تتبع مشاركاته
انا اتابع كل المواضيع الجديدة ولكن ممكن ريما الحندءة مواضيعها تعجبني

امنية لم تتحقق واخرى تحققت
النجاح بالتوجيهي بتفوق ... تحققت
كان نفسي ادرس هندسة عمارة بس ما زبط الموضوع

موقف غريب طريف مر عليكِ في عالم الانترنت

ما في شيء كلو تمام ما عمرو صار معي شي
بس في مره كنت مريضة كتييير وسخونتي عاليه ومو مركزه وسألت ابو معمر متى ابو قنوة طالع على الحج؟؟؟ حكالي تاني يوم العيد... قام انا قلتلو منيح طمنتني هههههه

[بنان]

مرحبا دندن منوره على الكرسي :

هل بعمرك كرهتي ابوكي بما انك صارعتينا فيه 25 ساعه بالدقيقه ؟

وانت صارعتينا لا تحبوا ما في حب انت بكل عمرك ما حبيتي ولا اي حدا ابدا ابدا ؟؟

[دانا]

اولا بابا بحياتي كلها ما كرهتو بس للصراحه في يوم واحد زعلت منه كنت بالتوجيهي وهاي السنة ما ضل حدا ما زعلت منه فيها
يومها كنت راجعه من المدرسه وكنت مزفته بعلامة الرياضيات طبعا الاردن كلها التمت على بهدلتي وكانت اول مره اتبهدل فيها
زعلت كتير حتى بوقتها ما عرفت هو انا زعلت من بابا ولا من حالي لاني زعلت بابا بغبائي ومن يومها صرت آكل الكتب اكل
وبدي احكي انو حتى المره اللي زعلني فيها بابا صرت بسببها دكتورا كيف ما بدي اعشق هذا الرجل وبتقوليلي اكرهه


اما الحب يمكن كان عمري 8 سنين او 7 مره عجبني جارنا طبعا كان متجوز ويمكن عمره 30 هيك اشي بس هذا الرجل الوحيد اللي حبيتو ارتحتي
يعني ان قد ابوي :hhh10::hhh10::hh16::hh16::hh16:

[هبة الرحمن]

ربي يخليلك اهلك

والحمد لله على التفوق والف مبروك

ههههههههههههههه يلا منيح انو تاني يوم العيد طالع على الحج

مشكوره خيتو كل الشكر على اجابتك على اسئلتي

[دانا]

لا شكر على واجب حبيبتي ولو .....

[المنسي]

السلام عليكم ورحمة الله وبركاته
وكل عام وانتي بألف خير يا دانا
سؤال ممكن يكون محرج شوي
كيف أصبحتي مشرفة وانتي جديدة على المنتدى وفي أقدم منك كتير
وما بعتقد انك بتعرفي مدير الموقع عن قرب

[دانا]

وانت بالف الف الف خير
ولا محرج ولا اشي مش بيناتنا
ياسيدي القصة بتحكي ان في يوم انا طلبت من عضو في المنتدى ان افش غلي عنده في موضوع اله
ف ابو معمر سألني شو رأيك نعمل منتدى لفش الغل انا ايدت الفكره ومشان هيك صرت انا المشرفة على المنتدى
كما وان المنتدى اللي انا مشرفه عليه جديد متلي
وبعدين لاني بتواجد كل يوم بالمنتدى والفكره زي متحكي يعني مستوحاة مني ... احم احم

[النجمه المضيئه]

مرحبا دانا كيفك
بدي اسالك وبتمنى يكون مروري دمه خفيف عليكي
لو انك بتحبي لو لو لو شو بتتمني يهديكي حبيبك... ورد... قصيدة شعر... مجوهرات...وليش؟
كيف بتحبي تكون شخصيته...قوية...متساهل...متحررر...متشدد...وليش؟
لو خيرك بين شغلك وبيتك شو بتختاري وليش؟
تقبلي مروري...تحياتي لاحلى دندن
:hh13:

[دانا]

مرورك حلو يا نجمتنا وما فيه اي ازعاج تسلمي :

لو انك بتحبي لو لو لو شو بتتمني يهديكي حبيبك... ورد... قصيدة شعر... مجوهرات...وليش؟
لو لو لو حبيت اكيد بدو يكون خطير هذا اللي خلاني احبه فحبه بكفيني بعدين القصيده ما رح افهمها و المجوهرات كل الناس بتدهديها مو اشي مميز والورده حلوه


كيف بتحبي تكون شخصيته...قوية...متساهل...متحررر...متشدد...وليش؟
ولا وحده من هالصفات انا بحبه يكون متفهم متفهم متفهم يفهم شوهي دانا وكيف بتفكر دانا متل بابا يعني بيفهمني وما بزعل مني الا لما يسألني ويفهم وجهة نظري وإذا كانت غلط بقنعني لحتى ما اقدر اعيدها فالتفاهم احلى شي بين الاحباب

لو خيرك بين شغلك وبيتك شو بتختاري وليش؟
تقبلي مروري...تحياتي لاحلى دندن
هو انا ما رح ادرس 6 سنين او اكتر طب لحتى اقعد بالبيت واكيد رح اتفاهم معه على هذا الشيء قبل الزواج اما اذا تزوجت وصار اللي صار وقعت الفاس بالراس وهو اصر اني اترك الشغل يعني لازم ارد عليه لاني انا اخترته لاضلني معه طول حياتي وانا اللي بتحمل .

[rami]

مرحبه دانا انشالله تكون بخير
ممكن اسألك ثلاث اسئله بالبداية :
اول سؤال: لو خيروك تكون شخص ثاني غير دانا مين بتختاري وليش؟
ثاني سؤال: في عباره بتحكي " ان تكون راس لذبابه افضل من ان تكون ذيل لاسد " شو تعليقك على هالعبارة؟
ثالث سؤال: لو حكينالك اوصفي شخصيتك بكلمه وحده شو بتكون هاي الكلمه؟

تقبل مروري مع الشكر

[دانا]

اهلا رامي منورني والله واسئلتك حلوه كتير

اول سؤال: لو خيروك تكون شخص ثاني غير دانا مين بتختاري وليش؟
هذا السؤال سألني اياه ابومجد بس رح ارجع اجاوبه
انا دانا ما بحس انه في ناس احسن مني يستاهل اني اكون هو او اني اكون احسن منه هو يعني لا انا احسن من الناس ومافي ناس احسن مني
بس ممكن اختار بابا لان شخص متفهم وحنون وكل اشي ما بيحكم عليه الا لما يسمعه حتى النهايه وبعمرو ما ظلمني وكتير برتاح لشخصيته

ثاني سؤال: في عباره بتحكي " ان تكون راس لذبابه افضل من ان تكون ذيل لاسد " شو تعليقك على هالعبارة؟
حبيتها كتير لان دائما تكون الاول لو بشي بسيط وتكون مبدع والك شخصيتك الحره
احسن ما تكون الاخير بشي عظيم ويكون تأثيرك فيه ثانوي

ثالث سؤال: لو حكينالك اوصفي شخصيتك بكلمه وحده شو بتكون هاي الكلمه؟
منيحه

[rami]

مرحبه دانا انشالله تكون بخير على طول
عندي ثلاث اساله اذا ممكن
اول سؤال : لو خيروك تكون شخص غير دانا شو بتختاري؟
تاني سؤال: في عبارة بتحكي "ان تكون راس لذبابه خير من ان تكون ذيل لاسد" شو تعليقك على هالعباره؟
تالت سؤال: اوصفي شخصيتك بكلمه وحده

مع الشكر

[دانا]

رامي انا جاوبتك بالصفحه اللي قبل هاي رقم 4

[rami]

الله يخلينا اياك انا اسف بعتت الاسئله مرتين بس لانه النت فصل عندي وبعتتهم مره تانيه عشان اتاكد انهم وصلو

[كامل السوالقة]

http://shots.ikbis.com/image/79889/small/p__95_.jpg
مشرفتنى المبدعه وانتى تشرفى على الانتهاء من الجلوس على الكرسى الاعتراف
اقول لكى لقد جلستى على الكرس جلست صقر
جلست اميره
جاوبتى بدون تلكك
ولا هوف ولا ريبه ولا مداهنه
وكانت اعترافاتك جميله وكنتى مثال الى الانسانه المبدعه
النقيه المحبه الى اهلك وناسك فى الصدى
ودبلماسيه فى جميع ردودك
المبطنه فى الفرح
لكى منى كل ود واحترام يا غاليه
والى الامام وعقبال شهادة الدكتوراه فى مجال عملك بتميز
وكل كرسى عليكى يتم بخير اخوكى ابو مجد
اجمل ورده لعيونك
http://shots.ikbis.com/image/77481/screen/18307395.gif

[دانا]

سلمت يا ابومجد انت المدع ونشمي وانا متعوده على اصلك ومعدنك الصافي هذا وكل يوم ببان اكتر واكتر الله يخليك

بجد بجد انت انسان رائع وشكرا كتير لوجودك الذي كبر مني كتير

[كامل السوالقة]

وهل لنا من كبير فى الخيال ونقية السريره وصفاء النفس غيرك ايتها المبدعه دوم
لكى منى اجمل تحاتى وعنوان فى سطور الاخوه كله حب وحنين الى القلب الدافى
اجمل حب عذرى بين الاسره نكنه الى الغاليه
اميرة الكلمه
دمتى بود يا غاليتى
:092::hh13::092:

[ريما الحندءة]

عزيزتي الغالية دانا،،

أحيي فيكي هذه الروح العالية وهذا الإبداع الذي احرزتيه بيننا بهالسرعة الفائقة

لقد اثبتي وجودكي بجدارة واستحقاق

واعتز ان تكوني مشرفة معنا وصديقة غالية على قلبي

انت حجر كريم نادر الوجود في هذا الزمان الصعب

لن اطرح عليك اسئلة فشخصيتك واضحة وتجيب من تلقائها عن كل التساؤلات

عزيزتي،،

اتمنى لك التقدم والنجاح في حياتك العلمية والعملية والشخصية والاجتماعية وكل المجالات

وربي يخليك ويخليلك احبابك ووالدك يا رب ويديم عزه

إلى الأمام يا احلى دندن

http://www.knoon.com/flash/data/media/7/rozK.jpg

[دانا]

تسلمي يا ريما وهذا كلو من ذوقك العالي الله يخلكي يارب ويقومك بالسلامه
:170[1]::170[1]::170[1]::170[1]::170[1]:

[م.محمود الحجاج]

دندون الرائعه والمميزه
اقدم لك شكري وتقديري لهذا الشموخ والعزة والانفه
التي تمتعتي به على هذا الكرسي .. نعم دندون كنت
عظيمه كبيره ... كنت امراه حينا وفتاة الانوثة حينا اخر
ابدعتي تماديتي تطاولتي شاكستي جاكرتي ...
ولكنك بقيتي دندون الامووووووره الحنونه والودوووده
والطفله التي كبرت يا رامي ... واصبحت نشميه واصيله
يفتخر بها كل من عرفها ..
بترفعي الراس يا دندوووووون


http://www.imzourenews.com/forum/images/korsi-i3tiraf.gif (http://www.imzourenews.com/forum/showthread.php?t=704)

اغلق الموضوع ... 10/10 دندون