انداري ؟؟؟؟؟

[ابو راشد]

لماذا نستخدم مصطلح انداري ؟؟؟؟

الاخوه الاخوات من محافظة الطفيله او من خارجها من الاردن او من خارجه

السلام عليكم

يلفت انتباهي هذا المصطلح

انداري ؟؟؟؟؟


ولم اصل الى تعريف اصطلاحي له

فيستخدمه الكثير منا ليعبر عما في داخله لاكثر من مناسبه

لن اخوض كثيرا لاني اريد ان اعرف منكم اكثر عن مصطلح او تعبير



انداري ؟؟؟؟


اما بالنسبه للاخوه الذين لا يعرفون هذا المصطلح اصلا ما عليكم سوا تتبع الردود لتصلو الى هذا المفهوم


شكراااااااااااااااااااااا

[م.محمود الحجاج]

ابو راشد صباح الخير
انداري .. من كلمات الملاطفه والتحبب والتعجب والتودد في ان واحد
قبل اتخاذ القرار .. الذي يكون فيه الشخص مترددا!!!
واشتقت من المدراه .. اي المسايره ..
وهي كلمه حلووووه .. تخرج من اهلنا كالشهد
انداري عنك يا بو راشد وشي سولافتك !!!!!

[هبة الرحمن]

هل كلمة بسمعا كتير من اهل اربد بتعاملي معهم

وسئلت عن معنى الكلمة كان الرد الكلمة معناها انو ما بعرف شي او ما عندي خبر بهل شي وبدل على التلبك وعدم معرفة الاجابه

[ريما الحندءة]

انداري اختصار لجملة (أنا مو داري) وداري من درى يدري فهو مو داري عن الله وين حاطه

لفتة جميلة لمناقشة مصطلح تعودنا ان ننطقه بعفوية

شكراً ابو راشد على هاللفتة

[فله]

انداري ....انداري......انداري......شو يعني انداري
يعني : ماعندي فكرة عن الموضوع
ويوجد لها كلمة مرادفة عدنا وهي ( أبصر)
انداري عنك يا ابو راشد

[اسرار]

بداية الى الاخت ريما الحندءة سمعت والله العلم انه لا يجوز قول (مش عارف الله وين حاطه)
ثانياً انداري تقال عندما يرفض الشخص في نقاش ما ان يعطي رايه صريحا في الموضوع فيكتفي بقول (انداري)
اللي بدري بدري والله ما بدري بقول كف عدس
في واحد بدري انه بدري وواحد ما بدري انه بدري وواحد ما بدري انه ما بدري وواحد بدري انه ما بدري


بدري عليك بدري...

:h19:

[ابو راشد]

انداري .....................


كلمه مش بالضروره احكيها لما اكون بنقاش مع حدا

مش بالضروره نحكيها لما ما نعرف عن الموضوع


بالنسبه الي

بستخدمها احيانا

لما ابطل اعرف شي

مثلا لما اكون صفنان

وافكر بشي

وما الاقي حل

بحكي مع حالي
انداري

وبنهي النقاش


شكرا ميس ريما اسرار

ابو معمر

على مروركم العذب


انداري عنكو ..........

[ابو راشد]

اختي فله مساكي سعيد

انا شايف انو في فرق بين انداري وابصر

والفرق مش بالمعنى


الفرق في شدة
التعبير

يعني لما اكون متنكد

وفي حدا بحكي معي بموضوع بكون انا مش معو اصلا

بس يطلب رأي بحكي انداري

هاي انداري بكون موجها لنفسي مش الو هو

اما ابصر بتكون انت مستوعب الموضوع ومع الشخص بتناقشو وبتعطي رايك

يمكن تحكي ابصر وانت بتشرب شاي وانت بتاكل تفاح وانت........

اما انداري بدها اجواء لازم تكون معقد مكشر مندور

راسك بالارض الحزن بعيونك

لما تحكي انداري بكون الها معنى صح


انداري عنك يا فله ...........

[ابو راشد]

يتيمة الروح

شكرا على مرورك

وهذه اول مره نرد فيها على بعض اهلا وسهلا بك

بين اهلك وناسك




:hh13:

[نشمي]

والله يا ابو راشد انداري عنك كيف بتجيب هالمواضيع


http://img422.imageshack.us/img422/9620/image00116mx.jpg

[دانا]

هي بتيجي بمعنى انا عارفه انا مني وعلي بحكي (هو انا عارفه ) بس كلمه حلوه خلص رح اصير احكي انداري:hh13:

[ابو راشد]

انداري عنك

لا الولد عامل حالو نشمي


والله والسبع تنعام

طمنا عنك يزن

شو اخر اخبارك

اخبار بوابة الطفيله انا من راي تسمي جامعة الطفيله

وشوف رش الزباين يا معلم

وجهة نضر


مساك سعيد

[ميس]

شكلها هالكلمه محيرتك كتير ياابو راشد لحتى فتحت موضوع خاص فيها
بس نحنا بنابلس مابنقول (انداري) بنحكي ( شبعرفني) نفس المعنى مافرقت كتير
اذا حبيت بسلفك ياها؟

[ابو راشد]

ميس يعطيك العافيه المصطلح مش محيرني على قد مو عاجبني بصراحه مصطلح بعبي التم


اما بالنسبه للنابلسي انا بدوخ من الحكي المدني لانو بالزمنات كنت اتبع لبنت بمحاضره

البنت نابلسيه كنت انعس بس تحكي

يا لطيف


كلك زوء انا ما بقدر ابدل لهجتي

والمغني بحكي

قديمك نديمك

[Gladiator]

انداري عن جمال العرب قديش جمل ابو راشد

[Gladiator]

كثاااااااار صح؟؟؟؟

[النجمه المضيئه]

والله هالكلمة حلوة بتعبر انا بستخدمها لما اتناقش مع حدا وما اوصل لنتيجة او ما يعجبني الحكي بنهي النقاش بكلمة انداري وما ادراك ما مفعول انداري بالنقاش :hh13:

[فله]

انداري يعني انداري
لازم ابومعمر يحطك الكاتب المميز للصدى الطفيلي

[Gladiator]

وينك ابو راشد

[ابو راشد]

انا عندك ابو زغيب

وانا داري عن قطاط العرب قديش قط


مساك سعيد

[ابو راشد]

اختي فله مساكي سعيد

وشكرا على الثقه القياديه التي منحتني اياها وهذا من لطفك


مساكي سعيد

[Gladiator]

سمعنا انهم ماسكينك انت ورامي بتهربوا حشيش طمنا عنك
انشالله ما في شر
هههههههههههههههههههه

[ابو راشد]

ابو زغيب يتهمني انا والمناضل المكافح صفعات الزمن الواحد تلو الاخر في اقصى جنوب الاردن في الثغر الباسم
العقبه
ويدعي اننا محششين

منك لله ابو زغيب

الحق مش عليك الحق على ابو معمر ما يدافع عنا لانو احنا دايسين بساطو

وبما اني اكتب في زاوية اندااااااااااااااااااااااااااري

بقول
انداري عنك من جبتها

ورح اذكرك بشي

بتذكر لما مسكوك الشرطه بالموصل
مروح ع الساعه 4 الفجر ورحت انا تكفلتك الله وكيلكو الشرطه العراقيه بتمسكو من هون ومحسوبكو ابو راشد برقع من وراه وبروح بترجى الي بسوى والي ما بسوى عشان نفك حبسو

ابو زغيب ..............
من هذه الزاويه ومن هذا الرد اعلنك عدو صريح ورح انزل بساحتك ورقع عن حالك من يوم وطالع

[ابو قنوة]

شو في ما في ...

[rami]

شو حشيش ما حشيش من اللي بطق ع الباب انداري قدي جمال العرب جمل
ماشي يابو زغيب بورجيك بش تيجي ع العقبه والله غير اخليك تنسطل
تحياتي ابو راشد والله اني بحبك:092::092::092::092::092::092::092::092::092:

[ريماس]

انداري عنكو ما دام عارفين شو معنى هالكلمة لأيش بتتخوثو

انداري الها معنى مرادف الها عند الزعران

وهو اطلع من راسي مش فاضيلك (قال انة بعرف الجواب بس مش فاضي يجاوب)

انداري عنكو فاضين اشغاااااااااااااااااااال

تحياتي للجميع بحبكم كتير

:169[1]::169[1]::169[1]::169[1]:

[rami]

اندري عنك يا ملاك من وين طلعت ع كل حال اهلا وسهلا
فرصه سعيده

[ريماس]

انداري عنك يا رامي كيف بتكسر وبتجبر

انا طلعت من محل ما طلعت انت

:hhh3::hhh3::hhh3::hhh3::hhh3::hhh3:

[rami]

عاد ما شفتك لما طلعتي انداري عنك يا ملاك

[ريماس]

انداري عنك ليش ما شفتني!!!!!!!!!!!!!!!!!!!
بجوز كنت لابسة طاقية الاخفى
بس تكرم هلا بخليك تشوفيني هيني شفتني

:a20:

[rami]

وليش مسوية بحالك هيك الله عليك يا ملاك

[Gladiator]

انداري عنك يا ابو راشد وين ايامك هسه
موضوعك حلو قلت ارفعه
انداري عن جمال العرب قديش جمل ؟؟

[ريماس]

انداري عنك يا احمد ليش لهسا مش نايم والا آه المعلق على المروحة ما بنام

[ابو راشد]

الله يا زمن ..............

بتفرق قلوب وبتجمع قلوب

انداري عن الدنيا بتلعب فينا شمال يمين

من السعودية ابعث لكل الاصدقاء الف تحية موجودين ام على زاوية الارشيف هم كانوا

وبصراحة انا دخلت بسبب ابو قنوة فتحتت الايميل وشفت النشرة الدورية ودخلت اقراء موضوع لابو قنوة
وحكيت خليني اشوف مواضيعي السابقة ...............

واعذروني ان كنتم اصدقائي
لن اعدكم بالتواصل ؟؟؟؟؟؟؟؟؟؟

[حرف]

انا داري !حسب تحليلي هي اصلا قبل الاختصار انا داري مع علامة تعجب وشعور بالحيرة بس بعد التداول صارت انداري والله بحبها هالكلمة بتفش قلبي انداري ليش محيريتك ؟؟انداري؟

[عبدالله محمود]

احيانا ً تستخدم " انداري " لعدم التأكد و احيانا للتشكيك
شكرا ً اخي لطرحك هذا الموضوع مع كل احترامي و تقديري العميق

[ابو راشد]

والله يا خيتي هالكلمة بدك تعتبريها علاقة للاحباط ... للهروب من نقاش تافه ؟ وخصوصا اذا صاحبها طأطأة بالراس مع تميلة على الجهة اليسرى بتطلع بجنن
وبصراحة بصراحة
انا بستخدم كلمة انداري لما يصير غيبة ونميمة على الناس بحكي انداري وما بعقب
جربي الاسلوب ما بتندمي حرف

[حموووده]

انا داري ومش داري ولا عارف ادري لانك مش داري عن الداري
انداري : كامة مختصرة عن ( انا داري؟؟) والداري هو الذي يعلم بالشيء
كان معكم انداري المدارنة من الديرية
انداري عنك يا ايو راشد