احكي اللي عندك

[دانا]

اسمعوا كل واحد بحب يكتب احلى موقف عاشوا بحياته

انا بدي احكي عن يوم النتائج

يومها ما نمت كنت عارفة اني ناجحة بس المعدل كنت ميته رعبة منو ما كان كنت قاعدة عالنت وبابا جنبي وطبعا رجف عم برجف والضغط كان عالي والنت بطيء وانا بستنى لما شفت النتيجة ما عرفت اصرخ مع اني كنت حابة اصرخ من قلبي بكييييييييييييت كتير
طبعا معدلي كان95.3 اول مرة بابا يبكي بكى وضمني وباسني ع راسي ياربي شعور روعة لو يقولولي عيدي التوجيهي مليون مرة لحتى اشوف هالنظرة بعيون اهلي لاعيده
حسيت حالي اشي خيالي حبيت حالي كتير
ماما ما وقفت بكى وزغاريت وهي كمان حضنتني وكانت بدها تبوس ايدي ما قدرت ساعتها انهرت من البكى الله لا يحرم حدا من هالفرحة يا رب
يا ربي والله هلأ بكتب وايدي بترجف
بجد شعور رائع

[كامل السوالقة]

احلى شعور يوم النتايج كنت بقنص فى الوعر انا وشباب
الوعر منطقه جبليه فى الطفيله صعب الواحد يتمشى فيها فى شعور السعاده رعب خوف من السقوط فى الوادى من اعلى الجبل
طبعا الوفاه حتما الا اذا تدخل القدر
وقدرة الله
طبعا ما فيه خلوى ولا هواتف ثرياء ولا انتر نت جوال
صدى وجبال
فقط
وين صرنا النتيجه روحت مرعوب فكرت حالى نجحت
وكانت البشرى انى حامل سبع مواد وناجح فى الفن
وهناك بلش الطخ من الفرحه
بتعرفو له
لانه لو نجحت كنت بدى ادرس جامعه
ومنين يا حصره
فى خلق الى الدراسه
وعمك حمل الحقيبه وعلى الجيش عدل
الحمد لله وهيك مشت الحال
:hh13:

[دانا]

الله الله يا ابو مجد بجد تحليل منطقي

[كامل السوالقة]

تسلمى يا دانتنا الاميره
بتعرفى لم يطق خلقى بروح على الدار عدل وبروح على المطبخ اجلى مشان اكسر الكاسات
وما اكسر روس الاولاد

[ابو قنوة]

هي عنات عبرت افق العمر الممتد زمنا فوق ثنايا العمر .
هي قطرات تمر كما برق الشتاء لا يعرف محطة ليقف ..
املا .. حلما ....
نسرق من الزمن لمحة .. نضرة ... قبله او للقاء ...
صغيرة هي سرقاتنا ..
لكنه ا في ذاكرة القلوب اغلى من كل معاركنا الطويلة ..........................................

[Gladiator]

انا مش عارف افش غلي عندك دانا ولا عند ابو معمر ولا زيادة كشفيات هي السولافة ؟؟؟:hhh1:
اه بدي افش غلي:hhh8: ,, اه هون وهناك وفي كل مكان احسن ما اطق :hhh8:
بس هالمرة بدي فش غلي مش ع حالي على شباب صحابي ....
بتلاقي الواحد سرسري وهامل وبصير يترجى في ابوه مشان الله جوزني واخيرا بتجوز بعد ما يعبط ابوه الدينات والبنوك ولعنة الوادين :187[1]:
المهم ... صباحية مباركة يا عريس اه انشالله قطعت راس القطة من اول ليلة :hhh13:
عيب وانا ابو صقر :hh25:
وبصير يحكي مع مرته المسكينة الي لساتها ما بتعرف شو معنى جيزة انت حياتي انت عمري:h2::097: والله عمري ما حكيت مع بنت وراح اضل الك الكلب الوفي :165[1]:
وهو معه جميع انواع عروض زين واورانج وامنية حدث ولا حرج
اول شهر وشهرين بحن الولد لايام الهمالة والنسوان الي كان بعرفهم وبصير يبعث لكل وحدة مسج اشتياق :032:
وبعدين بعطيهم رقم جديد هذا الرقم جابوه بعد الجيزة مع تلفون جديد بخليه في المحل وما بروحو معه عالدار قال انه بخاف على شعور مرته
وبيجي الصبي وبسموه على اسم جده الي خلف النظوه الهامل
والمكالمات مازالت مستمرة حتى بعضهم بروح من الشغل وبضل في الشوارع لنصاص الليل وهو بحكي تلفونات وفي بعض الاوقات بستعين بسماعة هدفون لما ايده توجعو:180[1]:ا
والمسكينة الي في الدار محضرة العشى والرومنسية وغيره وغيراتو واخر شي بتنعس وبتنام :hhh19:وبرجع النظوة يشكي من مرتو انها مش رومنسية
وكل ما يشوف لميس ببزق بصباح مرته على اساس هو يحيى يعني :158::hh21:
وطبعا طالما حن للتلفونات والبنات القديمات اكيد بده يحن للنوادي والكلام الفاضي وبصير يعزق بمصاريه يمين وشمال والمسكينة في الدار قاعدة بتوفرلوه وبتستر في حالها في اكمن جمعية من هذول الجمعيات ام الالف الي بتضل طول عمرك تسد فيها وناهيك عن ترباية الولد وشغل البيت الي فوق راسها:064::064:
وفي الاخير بصير يشكي هالهامل من جيزته وبحبطنا احنا العزابيه وبخوفنا من اشي اسمه جيزة
بالله عليكوا ما شي بفقع وبجلط :hh17::hh31:
الله يقطع التلفونات والي اخترعهم بتلاقي الواحد منهم على بطنه حزام ناسف من التلفونات وبشكي الطفر :160[1]:
معقول في يوم يتحول هالحزام لبواريد ومسدسات ونجاهد ونحرر فلسطين معقوووول ياناس
انا فقعت وبدي انهي ولي عودة في الموضوع
وعلى فكرة الموضوع موحى من الواقع يعني ابن خالتي زي هيك والحمد لله انه ما بعرف للانترنت ومابدخل كان ذبحني
بدنا حل يادكتورة الي ولكل المجتمع :hhh5:
ودمت

[دانا]

والله يا بطل الحق مو عليه قد ماهو على البنات الامورات يلي بيرضو يحكو مع واحد متجوز

بعدين هدول الزلام ما الهم دوا ولا عند اي دكتور دواهم بمخهم

[دانا]

هنا شكوة مني انا عبارة عن فتاة تدرس في جامعة العلوم والتكنلوجيا

يعني البنات في هذه الجامعة بين نارين وخصوصا البنات الملتزمات بس المش ملتزمات اكيد هاي مش شكلة ابدا عندهم
يعني مثلا بيجي الشاب لحتى يتعرف على الامورة ويقول : مرحبا ممكن احكي معك بموضوع ؟؟؟ وطبعا هالموضوع ما بخلص ....
فهناك حالتين :
الحالة الاولى : اذا ردت الفتاة بجفاصة وقالت انا مش فاضية لهذا الحكي الفاضي روح تسلى بعيد عني
بتكون البنت في هذه الحالة وحدة شايفة حالها والشب بصير بدو يكسر خشمها وطبعا صحابه بقوموا بمساعدته
يعني كل ما تروح مكان لازم تسمعلها كم كلمة من كم شب

الحالة الثانية :اذا ردت بأدب وقالت انا مشغولة حاليا بعتذر منك والله دراستي ماخده كل وقتي انا آسفه
ساعتها بتكون اكيد بدها تحكي بس بتدلع وهون ما بحل عنها يعني بعيد عنكو لزقة ما بتخلص منو الا بمشكلة وبنرجع هون للحالة الاولى
بصير بدو يكسر خشمها و ...........

وهون انا ما بحكي عن الكل بس وحياتكم الاغلب هيك هاي ملاحظة للامانة فقط

عشان هيك انا بكون اما في المحاضرة او بروح على المكتبة
يعني الجامعة كلها لسه ما تمليت من منظرها الجميل
يعني وين دانا ؟ دانا بالمحاضرة
وين دانا ؟ دانا بالمكتبة
بدكم تحكو بتخبى اي نعم والله بهرب لحتى ما يصير معي موقف متل هيك لاني بعرف حالي ما بستحمل

يعني بدي حل ....... يعني بدكم الصراحة الحق مو على الشباب الحق على البنات يلي زرعو بالشباب هاي الافكار
بس احنا شو بدنا انصلح لنصلح .

[دانا]

سلمت يا ابو قنوه على هالحكي الحلو

[ابو راشد]

نفسي افش غلي بواحد ..........
افقش راسو
احط ايدي بثمو
اطلع يعونو
اترفش بطنو



انداري ......

نفسي اكسر شي غالي
باهض الثمن
عشان احس اني مرتاح


نفسي اطخ
اطخ ارانب
جاج
حماام
صيصان


اي شي
ايشي

ط ط ط ط ط ط طط ط
لعيونك ابو زغيب
وهي كل الباغه
طع
طعط
طعط
طعطع
طعطع
طعطعطع

[Gladiator]

لا شلت ابو راشد ويسلمو على هالطخ بس لا يكون انا الي نفسك تترفش ببطنه
ما علينا
اولا يا دكتورة الحق مو بس عالبنات بالنسبة لمشكلتي لان البنات قاعدات وبدهن يحبن وما ضربن الشب على ايده عشان يحكي معهن بس الحق على الخروف ابن التيس الي ما عنده قناعة بمرتو مع انها بتلاقيها احلى منهن كلهن واحسن منهن بكل شي بس دايما عين الانسان فارغة
وثانيا
مشكلتك صعبة وبده طاقم طبي من المدينة الطبية عشان يحللوها والوضع صعب
ببساطة الموضوع ومافيه مابده كل هالتعقيد
الشب الي بجيكي اذا ما كان بشبه توم كروز ولا في الكندرة على صباحو واذا مابتعرفي تضربي او كنت لابسة صندل مابوجع اطلبي مساعدة الجمهور او اتصلي بصديق بتلاقينا كلنا نطينا عندك مثل السعادين او اتصلي بابو المجد لانه دمه حامي في هيك شغلات لانه العرق السولقي لما يضرب عينك ما تشوف الا نور
او ريحي راسك واطلبي الامن الجامعي
احنا مش عايشين بغابة والشباب وحوش بشرية ما بصدقوا يشوفوا بنت
وطالما انت بحالك حالك راح يكون مرتاح
وطالما انت مع الله ربنا اكيد راح يكون معك
احفظ الله يحفظك
وسلامتك حبتين بعد الاكل وبتيجي يوم الاربعاء عشان توخذي الصور
وسلامتكم

[B A S H A R]

اسمعوا كل واحد بحب يكتب احلى موقف عاشوا بحياته

انا بدي احكي عن يوم النتائج

يومها ما نمت كنت عارفة اني ناجحة بس المعدل كنت ميته رعبة منو ما كان كنت قاعدة عالنت وبابا جنبي وطبعا رجف عم برجف والضغط كان عالي والنت بطيء وانا بستنى لما شفت النتيجة ما عرفت اصرخ مع اني كنت حابة اصرخ من قلبي بكييييييييييييت كتير
طبعا معدلي كان95.3 اول مرة بابا يبكي بكى وضمني وباسني ع راسي ياربي شعور روعة لو يقولولي عيدي التوجيهي مليون مرة لحتى اشوف هالنظرة بعيون اهلي لاعيده
حسيت حالي اشي خيالي حبيت حالي كتير
ماما ما وقفت بكى وزغاريت وهي كمان حضنتني وكانت بدها تبوس ايدي ما قدرت ساعتها انهرت من البكى الله لا يحرم حدا من هالفرحة يا رب
يا ربي والله هلأ بكتب وايدي بترجف
بجد شعور رائع

ما شاء الله عنك بتستاهلي اكثر من هيك ونيال اهلك فيكي ,,,

اييه يا دانا رجعتيني لاربع سنوات وقتها كنت واقف مع امي على الشباك بالليل قبل ما تطلع النتائج ووقتها كنت متوقع احصل معدل 90 وفوق بس الصدمة كانت الصبح وللاسف كان معدلي 85 بس الحمدلله على كل شي اتنكدت ويومها ابوي غصب عني سوى حفلة وقلي جكارة فيك غير اسوي واعزم ومش عاجبك اطلع من البيت ههه,,,

احلى شعور اول ما نزلت على الاردن كان اللي سنة عنها وكاني غايب الف سنة المهم اول ما شفت امي كانت الدمعة بعينها وفعلا شفت كثير اشياء متغيرة وقتها بس هاي احلى شعور انك تكون مغترب واهلك ناطرينك ,,,

[دانا]

اولا يا بشار شكرا وتسلم
وثانيا انت بين اهلك واخوانك وشو ما بدايقك في غربتك عادي اكتبو وكلنا رح نرد عليك
وانا اولهم لاني لازم كل يوم اجرد كل المواضيع الجديدة وارد عليها
واذا في حدا بايقك بالمنتدى احكيلي تراني واصلة

وشكرا الك

[دانا]

يا سيد احمد لا اله الا الله
شو هالنصائح الدرر هاي بدك ياني احكي للامن الله عليك
ليش هو انا قد حقد الشباب اي والله اذا الشاب بحط البنت بمخه بتاكل هوا
ولا بدك ياني افضحه بالجامعه واناديله الامن يا سلام سلم
انا مو قد الشباب خليني بالمكتبة احسنلي

[B A S H A R]

اولا يا بشار شكرا وتسلم
وثانيا انت بين اهلك واخوانك وشو ما بدايقك في غربتك عادي اكتبو وكلنا رح نرد عليك
وانا اولهم لاني لازم كل يوم اجرد كل المواضيع الجديدة وارد عليها
واذا في حدا بايقك بالمنتدى احكيلي تراني واصلة

وشكرا الك

اه ذايقوني وتعالي خذي بحقي لووووووووول


على راسي الواصلين كلهم يا دندن ولو اكيد هالمنتدى بيتي الثاني وانتو اهلي وعزوتي بالعكس

الاخ ابو معمر انسان طيب وانتو اطيب ولحد هسا ما شفت منكو غير الطيبة ,,,

بس في مشكلة عندي بالمنتدى انو بدقر وهاي حكالي عنها اخ ابو معمر انو مش موجودة الا عندي وانا هون شابك على سيرفر الجامعة

والسيرفر عليه ضغط كبير لهيك كل ما افتح المنتدى بدقر معي وبطول ,,,ولا انا النت عندي واربع وعشرين ساعة نوم واربع عشرين ساعة نت والدراسة على الله ,,,

وصباحك خير يا رب

واذا عندك قهوة يا ريت لاني مش نايم من مبارح وبعد ساعة عندي محاضرة ,,,http://www.sadaalhajjaj.com/vb/images/icons/icon29.gif

[دانا]

القهوه على حسابك والقلوب عند بعض انا عندي على العشرة محاضرة يعني بعد ساعة بتوقيتنا

[B A S H A R]

القهوه على حسابك والقلوب عند بعض انا عندي على العشرة محاضرة يعني بعد ساعة بتوقيتنا

تسلمي ما بتقصري يا عسل ,,,لو في وقت كان رحت شربت قهوة بالمول اللي جنب الجامعة بس انسي شايف الديك ارنب ويا دوب اشوف طريق

المحاضرة قدامي ,,,طبعا محاضرة ادارة ودكتور لبناني الله جابو كويس ولا زمان اتحرمنت وكنت في خبر شسمها ليس او كان

اخخخ القلوب والله تعبت من الدراسة والهم بس الله بعين اخر فصلين اللي بالجامعة ان شاء الله وبعدها حياة بتمنى تكون احسن واحسن

باي جامعة انتي ؟؟

[دانا]

بشار اطلع عالشات اللي فوق اسرع واحسن انا بالتكنو (العلوم والتكنلوجيا)

[B A S H A R]

بشار اطلع عالشات اللي فوق اسرع واحسن انا بالتكنو (العلوم والتكنلوجيا)

ما بعرف عن شو قصدك صراحة انا كنت ادخل منتدى ابو محجوب ومش عارف هيك شغلات ,,,

يعني لسا قاعد بستكشف بالمنتدى شو رمزو التشات وين ومحلو بالمنتدى اعذريني فوق السطلان وقلة النوم كمان لسا قاعد بتعلم سواقة على المنتدى ,,,

[دانا]

اطلع فوق وين برحبو باسمك وبتكون الصورة الرمزية يللي الك
بتروح على اليمين بتلاقي اسم الموضوع (احكي اللي عندك) اضغط على جملة (شبكة ومنتديات صدى الحجاج) بتيجي هاي فوق اسم الموضوع بالظبط
بتلاقيه هناك

[كامل السوالقة]

الله يعطيهم العافيه الشباب
الحمد لله المنتدى ملهلب شغل هيك الشغل ولا بلاش
:hh13::hh13::hh13:

[دانا]

ابو راشد الله يريح بالك فش غلك باي شي بس اترك الكمبيوتر لحتى ما نخسر وجودك الغالي

[دانا]

سيد كامل ما احنا تلاميذكم

[Gladiator]

هو بس ملهلب مولع نار دعيقة
احم احم هذا شات ولا فشة غل
ااخ لو يدري ابو قنوة يا دانا من يوم وابو قنوة رفع ايده عن النسوان خربت الامور
وبالنسبة للعلاج هذا الي عندي بتحبي تشوفيلك دكتور ثاني خذي الاشعة والله معك
واذا بتحبي نطلع كلنا امن وحماية معك بنظل نستناكي ع باب المحاضرة وياويلو يا سواد ليلو الي بمشي من عندك ولا بتطلع نص تطليعة
المهم انا مروح من الجامعة قرفان حالي وحاس الدنيا قد خرم الابرة
من مشاكل جامعتنا حاس حالي في المينا كلها شللية
بتصدقوا انو اليوم دورية شرطة وباصين واقفات قدام الجامعة والله لو اننا فندق الرديسون ساس
ولا حياةعمان ..
وبعدين بترجعوا بتقولوا اقرا وجيب جيد اي جيد الي بدي اجيبه

[دانا]

هو مش شات بس عادي بنحكي اللي بدنا اياه
انت ليش زعلان بعدين ابو قنوه الله يسهل امره يارب
ما شال ايدو عن النسوان الا لما شاف كل شي منيح

[دانا]

آآآآآآآآآآه شو بدي احكي يعني حلوه انو اقعد طول الليل احل رياضيات واموت حالي ولاآخر الدكتور ليوم يعتذر عن المحاضرة:161[1]:
وبعدين من الصبح وانا بنادي بهالمنتدى ولا حدى سامع يلا الله بعين

بتصير باحسن العائلات

[كامل السوالقة]

هذه الدراسه فى الجامعات
والله قرية بيضه ورغيف احسن من قراية الايام
مصاريف وتخريج فى الواسطه وعاطلين عن العمل وكل ما كبر بكبر همه معه
خليكو هيك
دمتو بود يا غالين على صراحتكو فى الحديث
جميل ان يلتقى الاخوه مع بعض من دون ان يعرفو بعض بروح الاخ الواحد

[Gladiator]

دانا انا حر بكتب الي بدي اياه مش هون فشة غل ولا لأ انا ماكنت زعلان انا الي في بالي بكتبه انت الزعلانة
:hhh10::hhh10:
ازعلي كيف مابدك وكل ما زعلت اكثر كل ماكانت مشاركاتك اكثر قصدي فشات غلك اكثر

[دانا]

اكتب اللي بتحبه واحنا بتقرألك ولا يهمك

بس دير بالك منيح ليصير جهازك يعمل ريستارت

لانو اسم الله عليه ما بحب العوج متلي

وانا ما بزعل منك ولو اكييييييييد انت بتمزح ولا شو ؟؟؟؟؟؟؟؟؟؟؟؟؟؟؟؟؟؟؟؟؟

وهي وردة كمان:hh13:

[دانا]

مررررررررررررحبا والسلام عليكم

فشت غل اليوم :

في وحدة الله يصبحها بالخير دام احنا الصبح هاي الوحدة رح اتجيبلي الجلطة لانها المخ اللي عندها صدرته وقاعده بتستنى فرج الرحمن

كل يوم والتاني ولا هي حردانة من عند جوزها المسكين لانو مش عاجبها متلا ما بيجيبلها اللي بدها اياه ومن هذا الحكي الفاضي .......

المهم جننت الزلمة وما ضل حدا في الاردن ما بيعرف انو جوزها ما بجيبلها اللي بدها اياه ومن هالحكي الفاضي .........

انا بقللها دائما اما بتطلقي او بضلك في بيت جوزك ليش تطلعي منو اذا انت اصلا ناويه ترجعيلو بس ما في مخ

الله وكيلكم اني بدي افقع منها ولا بتصرعني صرع عالتلفون بدها حل ولا عمرها ردت علي

آآآآآآآآآآآآه شو بدي احكي لاحكي .

يعني وفيوم من الايام طنشتها وما رضيت ارد عليها فضحتني حكت لماما ولبابا وهات بابا وماما مواعظ وحكم فيي الله يسامحها

بحكي عن غل لانها هسا لسا سكرت معاي

[ريما الحندءة]

دانااااااااااااا يا راااائعة

اعجبني جداً طرح الموضوع وعملتيلنا جو رائع بالمنتدى انا سعيدة لوجودك معنا
وبدي افش غلي فيكي انتي بدي امسكك وبوسك من هون ومن هون لأنه عنجد انت حبابة ولزيزة جداً

في منك على كراميل؟؟؟؟

:170[1]::girl02_2::170[1]:

[ريما الحندءة]

فشة غلي هلأ بزوجها لصاحبتي

ما شاء الله عليه مش ناقصه شي

ادب واخلاق وشهادة جامعية وبيت بأرقى مناطق عمان وزوجة جميلة واطفال رائعين

وين المشكلة عم تسألوا مو هيك؟؟؟

المشكلة انه اخونا بالله عطال بطال لا شغلة ولا مشغلة

يعني ما في اله دخل ابداًً ....

ما إله راتب يصرف على عيلته؟؟؟ طيب كيف راح يعيشوا؟؟

الأخ مش عاجبوا أي شغل

قال هاد بتأمر وهاد ابصر شو هداك شايف حالوا علي

انت بدك تاكل العنب ولا تقاتل الناطور

روح شوفلك شغلة بشهادة الهندسة المبروزهة على الحيطة ولا اي شغلة تانية تجيب لبناتك فيها خبز وحليب وفوط واللزي منه

عيب عنجد عيب عالرجال طول بعرض وشواربه بوقف عليهم الصقر يقعد بالبيت ومرته وبناته بس يجوعوا بروحوا لعند حدا من اهلها لحتى ياكلوا عيب والله عيب

:hhh8::hhh8::hhh8:

[كامل السوالقة]

هسا لسه اقول الك سكرت معك وكتمت معى
احكى الىي عندك
انا عندى بنطلون كتان عدد 2
بنطلون قماش عدد2
وجنز عدد1
وبذله عدد 4
وقميص عدد 5
وبلوز 6
وبابوج عدد2
وكندره بعيد عنكم عدد 3
وكله من الباله
ههههههههههههههههههههههههههههههههههههههههههه
كل واحد يحكى الى عنده
دمتم بود
:000::000::000:

[ريما الحندءة]

يا الله لو بدي احكي اللي عندي متلك يا ابو مجد راح اخلص صفحات المنتدى وانا لسا ما خلصت تعداد

خليها مستورة يا ابن الناس

[كامل السوالقة]

انتى شفتى اشى
كل مزابل الصين الى بتيجى على العقبه صارت عند الناس
تسلمى يا غاليه
بس هذا فشت خلق من الملل
الموجود والكذب المتوفر فى هذا المجتمع وفقدان الاخلاص والوفاء عند معضم العالم
دمتى بود يا غاليتى
فشى خلقك بى اشى

[ابو قنوة]

مزابل الصين .............
انت بتفكر انه الصين بتصنع زبالة ... لا يا حبيبي .... الصين بتصنع ما تريد انت ...
الصواني يعني الصينين بصنعو اليوم كل ماركات السيارات الي بنشوفها بترعط بشوارعنا كله صيني ...مش امريكي ...
بعدين الصواني طلعو على القمر ... وانت شو بتسوي عندي ...
اذا بدك بظاعة من الصين حط مواصفاتك وحدد سعرك ..
مستوردينا وتجارنا هم الي بجيبو زبالة الصين عندنا لانهم بفكرونا زبالين ... اذا احنا زبالين هم مقشات زبالة ....

[دانا]

والله يا ريما انت اللي بدك بوسه من هون ومن هون
وانا كنت مفكرة المنتدى منور بس اليوم لما فتحته شفت منور بطريقة غريبة
ساعتها عرفت انو في ناس جديد دخلو وطلع نورك يا قمر:170[1]:

[كامل السوالقة]

الله يخليكو لبعض ريما ودانا
اما ابو قنوه نفسى يروح ويرجع النا فى السلامه وفش خلقى فيه وضيع عليه الحجه
:hh13::hh13::hhh15::hhh15::092::092::hh13::hh13:

[ابو قنوة]

من وراك ممكن .........................................

[م.محمود الحجاج]

الله ميسكم بالخير ...
في ليله من ليالي الشتاء البارده وصلت الى عمان العاصمه وكان ذلك في اواخر الثمنينات
من اجل زيارة خالتي المريضه والتي تسكن في جبل الجوفه ... كان الوقت متاخرا بعض الشيء
المواصلات شحيحه لا بل معدومه .. قلت يا ولد انت عند المدرج الروماني اسلخها مشي ولا حدا
حوش وبدات السير صعودا الى الجبل وانا في منصف الطريق ... واذا بي وجها لوجه مع خالتي يا للقدر
عانقت خالتي وبدات بتقبيلها وعندما هممت بتقبيل يديها شاهدت شعر كثيف يغطي يديها .. ارتعبت
وصدمت لا بل صعقت من هذا المنظر المخيف .. لا اعرف ماذا دهاني وكانني صعدت الى السماء لا بل
فقدت الوعي .. وما هي لحظات حتي عدت لرشدي اذا كان بقي لي رشد .. واختلست نظره الى ما بين
قدمي لانظر الى الماء النازل مني ... هناك كانت الصدمه الكبرى .. لا بل الصاعقة التي صعقت ولحست
ما تبقى لي من عقل .. شاهدت قدمي خالتي عباره عن حافري حمار وهنا خلصت نفسي منها وبدات
بالجري كالصارخ الصاعد الى السماء ... اقسم لكم ان ارجلي كانت تظرب بمؤخرة رأسي وهي
تركض ورائي .. اضعتها بالدخلات والازقه المظلمه ... وصلت اخيرا الى بيت خالتي ضربت الباب
بقوه وانا اصرخ بان يفتحوا الباب .. فتحت خالتي الباب ودخلت كالفأر المذعور من شده الخوف
شو مالك حبيبي سألتني خالتي .. ؟؟؟؟
قلت واسناني تصك على بعضها ان تغلق جميع الابواب وفعلا فعلت ما طلبته منها ..
ادخلتني الى الداخل وهي تهدي من روعي ماذا جرا لك حبيبي اخبرني .. ؟؟؟؟؟؟
فأخبرتها بما حصل معي .. وهي غير مصدقه ومستغربه لما حصل !!!!
مش معقول حبيبي كل هذا صار معك ... !!!!!!!
قلت والله هذا الي حصل معي يا خالتي .. !!!!
عندها كشفت عن ساقيها وقالت مثل هيك حبيبي ارجلها .. !!!!
صرخت صرخه مدويه فاق جميع من كان ناثم معي في غرفتي
يا له من كابوس !!!!!

[دانا]

الله يسامحك يا ابو معمر والله نشف دمي

[حجاجكو]

نفسي افش غلي بهالحكومة الي بترفع وما بتنزل الرفع عندنا اسرع من التنزيل هذا اصلا اذا كان في تنزيل
نفسي بس يسلمونا محل الذهبي 4 ساعات
نفسي استلم وزارة التربية وزارة المالية ووزارة الداخلية ووزارة الخارجية اي والله لافش غلك كلكو

[دانا]

فش غلك على راحتك بس بيتنا بدنا اياه
مش حابين ينخرب علينا

[ابو قنوة]

ريقا ريقا ....

[ريما الحندءة]

هههههههههههههه ابو معمر فشة غل من الآخر

[ريما الحندءة]

تسلميلي هاد نورك يا قمر

أبو قنوة طالع حج؟؟؟؟ قولوا والله؟؟؟؟

[سائد العوران]

اين الحل يا ابو زغيب .....
المجتمع ,,,,, البيت ,,,,,, الشخص ,,,,,
قبل ما ابداء .....
نعيب زماننا والعيــــب فينا ***** ومالي زماننا عيب سوانا
ونهجوا ذا الزمنا بغير ذنب ***** ولو نطق الزمان هجانـــا
وليس الذئب ياكل لحم ذئب ***** وناكل لحم بعضنا عيانــــا
في البداية لابد من تذكر القصة المشهور " دقة بدة ولو زدنا لازاد السقا "
اين الخلل.....؟
يراى اغلب علما المجتمعات الحديثة القديمة أن الخلل المشكلات تبدامن اسخاص محدودين وذالك ماكانت العرب تكره في الماضي البعيد .... ماذا تكره العرب .....
العرب كانت تكره من يسن سنة جديدة أو يحدث بدع جديده ومن الامثلة .....
مقولة ابو جهل عند محولة قتل الرسول "ص" عندما قراروا الدخول على بيت الرسول حيث قال ابو جهل :" او تقول العرب ان ابا جهل قد روع بنات محمد "
اذا نستخلص أن ظاهرة المعاكسات والمشاحنات والمغازلات ليست ظاهرة جديد ولكن استفحل امرها عند كثر التقاء الرجل بالمرأة ...
و برأي الشخصي الرجل و المرأة مثل المغناطيس له اشارات موجبة وسالبة تتلاقى وتتنافر وقد تكون هذه القوى اعلى مايمكن -علميا- عند الاقطاب و اقصد اقطاب المغناطيس هنا بل اقطاب المجتمع اي الذكر و الانثى ..
ما هي الحلول ......
علميا ,,, دينيا ,,,, تاريخيا ,,, عشائريا ,, قبليا ,,,, الحل واحد ......
عدم اختلاط الرجل بالمرأة ........
كلامك مستحيل يتحقق يا سائد ..... ومشكلتكوا ما راح تنحل يا جماعة ؟
اكد العالم اليهودي وليم كريمر في كتابة " كيف انحرف العالم ؟" ان الاختلاط وسواء العادات وانحصار النظام الرأس مالي في قواعده على الاقتصاد والسياسة والعلاقات الدولية
والبعد الكامل عن العلاقات الإجتماعية بين افارد المجتمع , بلإظافة الحرية المزيفة المطلقة و كثرة الاختلاط هي احدى اسباب انحراف العالم ؟
يعني مافي حل ياسائد عقدتها ...... توكلوا على الله .... في حل .... بسرعة كيف ....
في السرعة الندامه و في التاني السلامة
بطل مزح هات الحل ....
هذا الحل ..
في السرعة الندامه وفي التأني السلامه
عدم التسرع من قبل الرجل أو المرأة في بناء علاقات كاذبة ومزيف مشابة لبيت العنكبوت وتعلمون ان اوهن البيوت بيت العنكبوت ........
علاقه مبنية على لقاء
علاقة مبنية على اتصال ..
علاقة مبنية على صفحة انترنت ..
علاقة مبنية على الشات ...
بس هذا الحل .....
وما بحقق المطلوب ......
التقوية في النواحي الدينية هو الحل الامثل يا جماعة وهو حل فردي وجماعي في نفي الوقت .....
عندما يكون الشخص على خلق ودين فيكفي الأخرين شره ..... ويقلل ممن انشار ظاهرة الانحراف الاخلاقي ....
حظور او الاستماع الى الندوات العلمية الدينية والاستفده منها وافادة الاخرين ....
************************************************** ************************************************** ******
لدكتورة او اي فتاه تواجه كثر المعاكسات رد واحد على جملة واحدة قد ابعدني عن فتاه ايام الطيش في الجامعة وعلمن انها كانت محاولتي الاولى ..... ما هو الرد
عندما سألت فتاه عن امكانية الوقوف معها قليلأ
قالت وما اجمل المقوله وما اصعبها على سائد العوران و ليت الموقف ماحدث : اتقبل للأحدى اخواتك الوقوف مثل هذا الموقف .............
************************************************** ************************************************** **************************
فكان لهذ الموقف وقع اكبر علي ولم اكرر الموقف في حياتي لهذه اللحظ ردد عليها بقصيد كنت قد احتفظت بها لنفسي 5 اعوام لم يعلم بها سوى اربعة اشخاص هي وانا و اثنان من اعز اصدقائي وانتم اعضاء الفريق الان وهي :
أسل اسئلة
يا صـاحبي إسأل من بالـكــون **** لتعــطى جوابا ناصـعا مبهـمــا
يا صـاحبي اسأل كـل القوم إن**** كنت غـير اليـوم بالـحــب متيما
سل الأصحاب والحباب والعدى**** هـــل الحــــب يجعل الحر مقيدا
سل الاشجار و الأحجار والندى**** هل السال سيل دون زبد معتلا
سل الليل و القمر ونجـم بســما **** أضـــوء اليــوم اطـول من غدا
سل الشعـراء زمن العبد عنترة **** سـل يتيمة شعــراً أاتنتي ميتما
يا صاحبي أسال السـؤال مجدداً**** ولا تسأل غيـر ناصــح مـهتــــدا
يا ســأئلا ســـــؤال ستسأل عنه **** ذات يوم نحشـــر بصـــف واحدا
سأسأل نفسي كــــل مساء مظلم **** كتبتي شعراً ام كـــلام بلهـــوى
سؤال يجاب فيــحــكي قـصـتــــي **** بأن عيـون قــــد رمتني بالكرى
وذكرتني عيــونها بأننـــي بـشــرٌ **** فـالـحـب مـــن اطـبـاع جـنـسـنا
سـواد الـلـيل يخالـطها بياض تلك **** العـيـون التي ناظـرتـني بالخفا
سكـون الكـون ايـقـض مخــدعي **** وحـرك احـاسـيـس قلب مفرغا
ما كـان منتي الأ ان تـبعأتها إلى **** باب العـلـوم بـجـامـعـتنا مـؤتـتا
ولكـن كـبـر النفس منعـني حراك ****وقـالـت لـي النفـس وقـوف تعقلا
ايا ألاء أجـيـبـي وردي مسئـلـي ***** أيـحـجب الـنـقـاب وجـها من سنى
أن انـت اخـفـيتي عـني وجـهـكي **** فا يخـفي الـزمـان مـن عيش منكدا
لمـاذا رددتـنـي حـــيـث آتـيـتـكـي **** كـشــمع ذاب بـــريح صـــرصــــــرا
وقـلـت لـي دونــك عـني واقـفــا **** اتـقـبـل الـحـرة لـغـريـب مــــوقــفــا ؟
لـما لا تـقـولي بأن شخص غيرك **** لــه فـي الـــــــوجـــدان مـــــوقفا
كـان ســؤال بـجـواب مـقصــــدي **** ومال جـوابـكي بسـؤالي مـقـــرنا
لـمـاذا تجــيـــب عـنكي صـــــديقة **** آلــم يخــلـق لـكي لـسـان نـاطـقا
لـــــو أن مــــن اجــابـنــي رجــل **** لـكـان فـعـلـي بـقـتـل حـاسد حاقدا
هــيـهــات ان اقـــــوم بـفـعـلـتــي **** ويـوجـد إلـه يـحـاسـب مـن طـغى
فـلا تـكـونـي كـفـرعـون طـاغـية **** و لامـن يـهـود ذوي فـكـر اسـودا
فـلـما تـكـوني حـورية فـي جـنتي **** نرزق بـطـفـل نـكـــون لـه مـوطنا
عـنــدما ذكـرتكي بوصف حورية**** لـم اصـنـع لــنـفسي وصــف مفتـرا
لـم اقـــل بـأن حـبـيـبـتي طـويـلـة **** فـكـفـانـي انـهـا بالـقـصـار مـطـولا
وان لـديــك خـــد مـــن نــرجـس **** وان الماء يورى مـن حـيـث لا نرى
ولـــن ازيـــد فــي وصــف يــزيـد**** فـقـد قـــال شـعـرا مـا نـقـد لـه نـاقدا
وان كــانــت لــــدعــد قــصـيـــدة **** فـأعـــدك أن تـكـــون لـديــك اثـنـتـا
واعـــــدك أن تـبـقـــي حـبـيـبـتـي **** وأن لـم تـبـادلـيـن المشـاعـر نفسها
خـــذي كــــلامـي بـمـحـمـل جـــد **** فـمـثـــلـي لا يـقـــول كــلام بالـهــوى
فـأنـا وجـــــدت اجـابـة لـمسـائـلي **** فـسـلي نـفـسـك سـؤالـي الـمـنـتـقي
كـتـبـت لـك قـصـيــدة مطـلع ابـياتها **** سـأسـأل أسـئـلة اريـد لـها اجوبة ؟
************************************************** ************************************************** ********************
رد خاص لأبو زغيب
لاترتبط في غيرك في مثل قديم بقول كل شاه مقلقة من عرقوبها

[دانا]

والله يا سيد سائد هذا الكلام كان زمان من كتر ما سمعو الشباب بطلو يتأثرو وشكرا الك

[Gladiator]

بعد اذنك دانا تعدينا على موضوعك بس اعتبريه فاصل دعايات

اشكرك سائد ومثل ما قالت دانا كان زمان الا من رحم ربي
هسه الشباب ما بصدقوا وينزل رقم بنت بين ايديهم
الله يقطع التلفونات والاورانج ع زين ع امنية شيلة مشايلة
وبالنسبة لكل شاة معلقة بعرقوبها انت بتعرفني كثير ما بحب اشوف الغلط واضل ساكت لازم احشر خشمي
حتى لو اكلت كم بوكس مش مشكلة
مشكور سائد على اهتمامك وخلينا نشوفك :170[1]:

[Gladiator]

الشيء الوحيد الي بزعجني جدا جدا
لما اكون اقصد شي والطرف الاخر يفهموا على طريقته
ولما تتصرف بحسن نية وطيبة قلب
ولما تتصرف عشان ما تنفهم غلط بتنصدم وانه الناس فهمتك غلط
كانك بتحكيلهم هذا قصدي مع انت عمرك ما كان هذا قصدك وبتحاول في جميع الوسائل تبعدهم عن هذا القصد

نفسي ناس يفهمني لو مرة وحدة
ما بفهمني غير مرآتي لما اصير احكيلها وتضل ساكتة بحس انها فاهمتني
وسلامتكم

[دانا]

صح كلامك بس في ناس بتحكي حكي معين بس مع بعض لانو في ناس تاني لو يقرأو ما رح يفهمو متل الناس المعنيين فيه وبتكون الصوره مختلفه جدا بالنسبه الهم صح ؟؟؟؟؟

[Gladiator]

كلامك صح ميه بالميه وانا ليش كتبت فشة هالغل عشان هيك
وكمان الانسان المستقبل اظن لازم يدافع عني وبين للناس بطريقته العفوية ( بالعقل ) شو كان المقصود هذا في حال انه المستقبل فهم علي
بس المشكلة حتى المستقبل ما فهم علي وفهمني غلط شو العمل

[دانا]

يلا الله بعين:hh13::hh13::hh13:

[دانا]

اليوم العيد فحبينا نطلع انا وخالتي وماما وابن خالتي (بكون اخوي برضاعه يعني بمون عليه من الآخر ) ماشيين بجبل الحسين وعين الله علينا وما لقيت غير بنتين اما شو بنتين من اللي بحبهم قلبكم بتلاقي الحجاب هيك ملفوف لورى والرقبه مع الحلق شو حلال الحلال مبينين لانه الدنيا شتى والبلوزه مع القبه العاليه بتغطي الرقبه كتير من الآخر....
المهم هلأ... البنت مستعجله خبتط فيي والله انها خبتط فيي انا ... قعدت نص ساعه تعتذر بس المشكله ان ابن خالتي هو اطول مني فهي بتحكي معي بس عيونها فوق : اوووه سوري ما كان ءصدي(قصدي) انا بس مستعجله شوي بجد بجد سوري انا كتير منحرجه مو عارفه شو اءول (اقول) .... وعيونها ما اجو بعيوني قلتلها هاااااااااااااي انا هون مش فوق على اساس انو ابن خالتي اطول مني والمشكله انو الشب صدق حالوا وهات يصحى من الغيبوبه اللي عاش فيها بسبب عيون الاموره شو رأيكم من الآخر صح !!!!!!!! وانا الشب اسحب فيه سحب وهو من الأخر هي البنت حلوه بيني وبينكم وابن خالتي امور شوي يعني كتير المهم صبايا من الآخر
والمشكله لما حكيتلو مادام عاجبتك البنت شو رأيك اعمل شالي متلها عصب علي طب ليييييييييييييييييييش بدي اعرف ؟؟؟؟؟
مع اني انا ما بحب هاي اللفه بس كنت حابه الف مخ الولد بلكي يصحى بتعرفوني يعني لازم انكش مخي .... ومن هون لحد ما يموت ما رح يخلص مني انا بفرجيه ...

على فكره صحيح انا بنتقدها بس انا كمان بحكي بالآل بس بشد تمي وانا بحكي مو برخيه وبتركوا سايب وعلى رأي بعض ناس : أف أف أف أف أف أف أف أف

[دانا]

صح ولا لأ

[بلال صلاح الحجايا]

اولا كل الشكر لك اخت دانا للطرح هذه الموضوع .

الواحد نفسو يفش غله في هذه الحياة كلها ومن مشاكلهاوصعوبتها بس بعين الله على كل اشي والحمدلله دائما وابدا...
وبما انك فتحتي بدايت الموضوع عن النتائج لي ذكرة هنا.
اتذكر عندما كانت النتائج التوجيهي كنت ايامها سهران وللصبح ما نمت والنتائج اتاخرت للظهريومها...
وبعدين حكيت خليني انام وبعدين بفرجها الله....طبعا النوم سلطان اخذت غفوة وانا .
غفوتي يعني عشر ساعات هذه غفوة الله لا يوريكم اذا بنام بدهم مدافع رمضان علشان اصحه....
طبعا كله من التعب الله لا يتعبكم جميعا...وما صحيت الا على صوت الوالدة ربي
يخليها ويحفضها وهي تصرخ وتصحي في مبروك مبروك.....طبعا الوقت المغرب صار....
وعمك نايم ما معه خبر في اشي زارق في مكان مخفي وموخذ راحتة.... وهم بفكروني
رايح اجيب النتيجة وبستنو.... غير ابن عمي الله يسهل علية كان جايب النتيجة وجاي يبشر في .
المهم صحيت على صوت الوالدة...وهي تهني في بعد ما لاقتني منزوي في زاوية ونايم...
قوم يمة ابن عمك جاب نتيجتك وانت نايم وهي بتضحك حسيت انها هي الي ناجحة مش
انا..وصحيت وما شفت غير مطق البوس على خدي يمين وشمال الله يوفقك الله يخليك....
فرحتني قبل ما اموت...بعيد الشر ... طبعا انا اول واحد عندها صار توجيهي.
قمت وانا شايف الديك ارنب... وما بسمع غير مبروك مبروك فكرت حالي متزوج لانه ....
ايامها كانت احب شي على قلبي ان اتزوج على البكيربدل التوجيهي وهمومه.
سالتهم طيب مين جاب النتيجة... ابن عمك يمة اجى وحكى بلال جاب 85 طبعا ا
نا كنت طالب مجتهد ومثابر في المدرسة وناهيك اني شاعر المدرسة كمان, جبت 85 في الفرع
الادبي...طبعاالوالد الله يخليه ....اصر انه يعمل الي غدا ويعزم الاقارب...طبعا كلهم اجو مش
علشان يباركو اكيد علشان المناسف وما ادراك ما المناسف( والله اجى على بال علما تعشيت منسف قبل شوي).
وراحت ايام التوجيهي واجت ايام الجامعة... ودخلنا الجامعة الا ردنية تخصص علوم سياسية..
وتخرجنا الحمد لله وصارت حياتنا ماشية على التعشيق الله وكيلكم.
بس والله بصراحة اول سنة وثاني سنة في الجامعة..... كنت هامل وصايع وراء البنات....ا
ذا في اشي اسمه دراسة ومحاضرات ما بعرف عنهم...لاني في ايامه كنت متعرف على بنت
الله يسهل عليها...الحين سافرت مع والدتها على روسيا .....وكنت مجنون فيها للاخر ومش عارف ليش ..
بجوز علشان هي حلوة او شيطنة وخبل.... وهي والله كمان كانت هيك
وسالته شو معجبك في ...وحكتالي شخصيتك جذبتني الك... ساعته يا ارض شدي ما عليكي قدي.....
طبعا تعرفت عليها بعد ما رميتها في بيت شعر... وانا متاكد لو تجيب كل عائلته ما حدا
بعرف شو معناتة...لانه يا طويلين العمر والسلامة من تبعين بابا وماما....وسنكرز وبلاوي زرقة....
وخوف الله لو وريتها خبز طابون او شراك راح تحكي عنة برجر جديد....لاني ما
بشوفها الي بتاكل شوكلاتة فطور وغدا.....وحكيت الها انتي عايشة على الشوكلاتة كلي اشي مفيد يا بنت الناس...
هذه كلة اكل فاضي...انا شو مابئدر غير اشتري سنكرز..طبعا هذه مصطلح غريب عني شوي سنكرز
لاني مش تبع هيك شغلات...لو سالتني عن المناسف والفتيت ,والرشوف, والسمن ,والغبيبة ..كان جاوبتك بسرعة
لاني ملم في هذه المصطلحات جيدا...وبس اخيرا انتبهت علىحالي....وعلى دراستي وقلت يا زلمة فكك
من اكلين الاسنكرز وانتبه لحالك بلا بنات بلا هم...لانو بدا الفصل الثاني من السنة الثالثة وحبيت اشد حالي ..
والحمد لله شديت حالي اخر سنتين بعد ما كنت احمل مواد في السنة الاولى والثانية....
وحصلت على تقديرجيد جدا في تخرجي..... وتخرجت معي( نادين)وهي روسية من اصل لبناني
وسافرت مع والدتها...وانا حزمت امتعتي نحو الجنوب ... الجنوب المنسي كما اسمية انا وغيري....
نحو الطفولة ومسقط الراس... نحو بلدتي العزيزة الحسا ونحو محافظتي الغالية طفيلتي الحنونة...
التي نساها بعض من ابناءها او تناسوها في الاصل....واخذتهم غفوة كغفوتي عن نتيجتي....
في سبات عميق... طفيلتي الحنونة لها الحق علينا جميعا وعلى كل من ترعع واكل من خيراتها..
وجعلتهم بناة هذه الوطن ان يرعوها كما رعتهم وربتهم....هذه هي احدى ذكرياتي البسيطة والعفوية..
ذكريات الثانوية والجامعة
اخ لو تعود تلك الايام... ويعود وقت الصبا....نعم هنا انتهى بي ..
المطاف في محافظتي الحنونة التي تضم في قلبها اسم هذه الصرح الغالي علينا ( صدى الحجاج) هذه الصرح الذي
جعلني اكتب لاول مرة قصة غفوتي عن النتيجة.
لي عودة في كتابة غفوات اخرة
تحياتي للجميع.

[هبة الرحمن]

ههههههههههههه بلال لا تخلو غفوتك من الطرفه والضحك
بس ممكن سؤال مالهم اهل السنكرز والباونتي ليكون مو عاجبينك

احم احم

بس انا مشاركتي ما راح تكون متلك

والا مثل باقي الاعضاء

انا راح اكتب عن اصعب لحظه عشتها وبكتني بكاء حست بطعم مرارة الموع

وقت نزلو اهلي على الاردن وقتها كانت الوالده انجبت طفل حكولي اجاكي اخ تالت اسمو فيصل

اقسم بلله ما شفت اخويا غير وقت سار عمرو سنتين

وقت شفتو وحكولي هادا فيصل جد حضنتوو وبكيت وصرخت صوت لهلاء مو ناسيتو

جد شعرت دموعي طعما مر مو مالح

بس الحمد لله على كل شي
هي اخويا فيصل صار عمرو اربع سنوات وبشوفو كل سني مرتين
وقت اشوفو بيحكيلي انا بس نسافر بضل متزكرك وصورتك دايما فوق راسي على التخت

بس طبعا بس طبعا بلهجه الخليجه مو الاردنيه بيحكي معي

ورغم انو عندي غيرو اخين واربع خوات بس هوي بحبو اكتر من كل خواني وخواتي

لانو وقت ينزل على الاردن بيجيبلي معو جلاكسي وسنكرز مع انو ما بحبهن بس كرمالو باكلهن هههههههههههههههههههههههههههههههههههههههههههه

:092: فيصل يا اغلى واعز اخ على قلبي:092:

[Gladiator]

هبة

صبر جميل والله والمستعان

بتهون
.
.
.
.
.
.

[Gladiator]

بعد يوم بصير الك 6 اشهر وانت في القبر كيفك شو اخبارك ان شاء الله مرتاح
انا بخير ومو ناقصني غير شوفتك وطلتك علي وانت لابس النظارات السود والجاكيت الاسود وماشاء الله مع الطول خزاة العين عنك
زمان ما سمعت منك " الله يقطع شرك يا ابو زغيب " "just like that " "هلا ياشيخ" " عليك مردود النقا " "انا وانت يا احمد بنختلف عن الناس احنا مكانا مش هون " " يا احمد انت وصلت للقمة مافي داعي تطلع لتحت يعني مادة بتجيب فيها a بتعيدها ؟؟"

بتذكر كيف عرفنا بعض كانت هوشة صح؟؟؟
بتذكر لما سويت عزومة ؟؟
بتذكر لما تهاوشنا مع 3 شباب عشان واحد دخل علينا ؟؟
وبتذكر لما بهدلنا الشباب الي في باص الجامعة لما صاروا يحكوا كلام وسخ قدام البنات ,, كانوا كثار صح بس طلعنا من خرجهم وسكتناهم وقتها كيفن علينا البنات "
بتذكر لما زعلت مني لما رفعت صوتي عليك وكنت متضايق منك ؟؟
بتذكر لما درستني ع الكالكولس 2 ,, جبت 23 من 25 وقتها ؟؟
بتذكر لما كنا في مركز اللغات لما كنا بنوخذ دورة التوفل وانت كنت بتحب بنت واخوها دايما معاك ,,؟؟
بتذكر مقهى الديرة ؟؟ ولبناني سناك ؟؟
بتذكر لما كنا في شارع الرينبو جبل عمان ومضيناها بنحكي انجليزي ؟؟
بتذكر اخر شي ,, كنت بدك تشتريلي طقم على حسابك ؟؟
وبتذكر اخر مكالمة معك لما حكيت معك واول ما سمعت صوتك كنت تعبان حكيتلك شو مالك كانك موات يازلمة ( حسيت فيك ) ؟؟ وقتها كنت محتاج احكي معك افضفضلك ووعدتك اجيك بس ثاني يوم والله العظيم مات خالي وماحكيتلك لاني بعرفك غير تيجيني تعزي حتى وانت تعبان وبعدين انت حكيتلي فلونزا والدكاترة كمان حكولك فلونزا واخذت ابرة , وحكيت انا للشباب يزوروك عني
انا لو بعرف انك راح تموت وانها ماكانت فلونزا كان جيتك بس ماتوقعت لاني كنت معك قبل اكمن يوم ومافيك شي وماشالله عليك بتهد جبال !!
فايروس من وين اجاك الفايروس ؟؟ ما انا الي عرفته بعدين بجوز انت ما عرفت انه هاذ المرض من بين 4 مليون في العالم بيصيب واحد على ذمة انس صحيح بسلم عليك كمان !!! مشيئة رب العالمين اختارك ... الفايروس كان سبب
كيف عرفت انا انك توفيت , بتسأل ؟؟
السبت الصبح , بس فكرتها لعبة منك لغاية ما وصلنا اهلك وشفت بيت العزا ما كان فيه ناس غير اهلك لانك كنت ميت قبل ساعات
بس عيب وانا محسوبك زي ما بتوصيني دايما خليك قوي واذا هاجمك الزمان يوما فتذكر انك الاقوى
مثل ما علمتني ما بكيت وضليت حاصرها في قلبي لما دخت ووقعت على الارض لا تزعل والله ما قدرت اتحمل بس وقفت على طول
ورحت على السيارة لا تخاف ما ناس شافني الا الشباب وتركوني على راحتي بدك الضحكة صرت اضرب راسي في القزاز واحكي كان بده يشتريلي طقم !!
اسكت مش انا رجعت ادخن وقتها ومارلبورو احمر كمان الي كنا ندخنه قبل ما ابطله
حملوني الشباب وانا بنتق نتق بالله عليك لا تزعل علي ماقدرت اصبر ,, مش بحكوا الحر مايخسر دمعة لو قسا الزمن عليه لكن يذرف دموعه لا فقد حر يهابونه صناديد الرجالي وانا ذرفت دموع ودموع
حملوني ورجعنا على بيت انس ونزلنا بعدين عالعدسية هناك دفنوك كنت ماشالله عنك طويل وعلى ذمة واحد قال :فتحت عن وجهوا وبدي اسكر عيونه كل ما اسكرهم يرجعوا يفتحوا مثل الصقر . صقر والله انك صقر حتى وانت ميت صقر
يارب انك تكون مرتاح في قبرك ويكون وسيع عليك ومنير ويكون روضة من رياض الجنة
واطمن لاحقينك كلنا انشالله بنلتقي في الجنة يارب بس هناك مافي هوشات دير بالك . ...
.
.
ياليتني في قبره اليوم موجود وهو على المخدة الوسيعة بدالي ......... لكن حكم الرب ما عنه مردود امنت به ربي عليه اتكالي


يا معاااااااااااااااااااااااااااااااااااااااااااااااا اااااااااااااااااااااااااااااااذ
الاماكن كلها مشتاقة لك

[Gladiator]

الاماكن الي مريت انت فيها عايشة بروحي وابيها بس لكن ما لقيتك

[rami]

متذكر يابو زغيب اني قرات هدا الحكي عندك وانا بقرا فيه ما علقت اشي يابو شريك لانه كلامك جرح قلبي يمكن انا اكتر واحد لانه انا بعرف طفلك اللي فقدته كنت بدي ابكي لما قراته بس والله ما قدرت لانه لو بكيت ليلتها ما رح نهدى انا واياك "الله يرحمه" والله ما بروح عن بالي كنت احكي لو اي انسان يموت ما رح اتاثر مين ما كان لو كان واحد من اهلي بس لما توفى معاذ اكتشفت قدي انا ضعيف عند هاي المواقف يمكن كنت بعيد وما بشوفكم كتير بس انت عارف انه بحبكم حتى لو ما كنت اقعد او احكي معكم كن يقولي دايما انا بعرف كل اشي عنك وبسال عنك وبكمن عنك حتى لو حكينا مع بعض كان فاهم انو انا مش ناسيه او متجاهلكو كان بعرف انو انا هيك بشتاق وبقعد معكم حتى لو انا بعيد .
انا ما بحكي هيك تعليق ع كلامك وانا عارف انو ما بدك ناس يعلق على كلامك او يواسيك ويحكيلك اصبر او بتهون , بس بحب احكي الك يابو شريك
لعل خير

[Gladiator]

لعلو خير رامي وانا هذاك اليوم حسيت فيك وحاولت اغير الموضوع
الله يرحمه كان يحبك والله كثير وانا متاكد انه فقدانه اثر فيك كثير واثر في كل الناس الي ما بعرفه قبل الي بعرفه
قدر الله وماشاء فعل والحمد لله على كل شي
سامحني ياابو شريك اذا كنت فتحت عليك جروح غصب عني
وعله خير

[دانا]

موضوع اندثر بين الركام

بس بجد مخنووووووووووووووووووووووووووووووووووقه كتير والله

[rami]

الله يهونها عليك يا دانا انا عارف انه بهيك ظروف الكلام ما بنفع لانه الواحد ما بكون طايق يسمع اشي بس بحكيلك انه الدعاء لأخيك المسلم في ظهر الغيب مستجاب ف لازم ندعي لبعض عشان ربنا يفرجها ع الكل
الله يحميك ويوفقك ويبعد عنك اولاد الحرام امين.

[Gladiator]

انه الدعاء لأخيك المسلم في ظهر الغيب مستجاب ف لازم ندعي لبعض عشان ربنا يفرجها ع الكل
الله يحميك ويوفقك ويبعد عنك اولاد الحرام امين.

ههههههههههههههههههههههههههههه
لا ما ناس شاف انك بتدعي لا مين قال هيك لااااااااا ... في ظهر الغيب يا رامي .. مو على اساس في ظهر الغيب مستجاب
البين يطسك شو اخوث فضحتنا قدام الاجانب

[هبة الرحمن]

احمد شومالك ع رامي حرام مسكين رامي

احكيلكم البين يطسكم انتو الاتنين ( احمد ورامي )
ههههههههههههههههههه

[دانا]

يا سلام سيد احمد بدل ما تدعيلي بتتخانق مع رامي وهبه اجت تكمل معك الخط يا سلام

مشكوووووووور رامي ومن تمك لباب السما الله يفرجها علي وعليك وع احمد وهبه

[rami]

يطفي ثمك يا احمد انت وهبه
ع كل حال ما رح ادعيلك وخليك تلقى عن راسك ههههههههههههههه

[هبة الرحمن]

هههههههههههه خايف تكون بدك تدعي عليه مو تدعيله رامي:159[1]:

[هبة الرحمن]

http://song.6rb.com/songer/x/egypt/Kamel/kamel-ayam-wa-3adet.ram

انا قصتي في الحياةورب الكون
مكتوب علي كل ما اضحك واحس أن خلاص بتضحك لي الدنيا
شيءيذهب هذا الاحاس ولا اقدر اطوله
وقبل مايكبر بشوفه قدام عيني بيطير ولايدي تقدر تطوله
هذا حظي العاثر دايم يعاندني
انكتب على ممنوع الفرح فرحتي مسروقه
حبيت من كل قلبي وانا بعرف انو هل حب مو الي لوحده تانيه
قريت قصص حب تمنيت اعيش قصة حب متل هل قصص
ويوم يعرف اني بحبه يقوم يدلل ولا اقدر اشوفه
تعذبت
يقهرني صدوده وكثر عناده
وانا بتمنى اشوفه بس هوه رفض
قسى علي برفضه زاد حبي لقسوته
نفسي يوم اكون أ قسى منه
وانسى كل لحظاته
ويا ليتك يالي احبك تفهم شومعناته
انا عارفه انو حبي لك مستحيل ينولد مستحيل يظهر وتشوفه الشمس

[اسرار]

بدهم يدبسوني في زيارة ما بدي اياها
شو اعمل يا جماعة...........................
اوف ....... اوف

[المشتاق]

ولا تقل لها اوف ولا تنهرهما

الزيارة فيها دفع مصاري ...
اذا كان الجواب نعم ... حاولي تمرضي
اذا كان الجواب لا ... بعينك الله

[اسرار]

انا بحكي اوف للزيارة والتعب ما بحب المشاوير الستاتية هاي
طبعا فيها كع مصاري هو شي ببلاش هاي الايام بس مش هون المشكلة المشكلة عندي بالتوقيت مو بالدفع بس
:hh17:

[فوضى مشاعر]

هسا كل هاد ولا شي انا بدي حل
انا بكره المدرسة والي اخترع المدرسة والقطاع التعليمي كله واللي بدرسو بما فيهم انا وبكره الكتب ومن اشد اعدائي ذلك الشيء الذي يسمى امتحان (من كوكب اخر) طول الفصل صياعة واللي بقهرني اخر السنه انو الشهادة بتيجي فيها علامات والله ما بعرف من وين يمكن هاي صدقة المعلمات بطلعوها علي انا واللي ادهى من هيك انو بس احسب المعدال بطلع تسعين من الصف الثامن وهو تسعين مو راضي ينزل الله يلعن ابوه والمشكله انو انا خايفة يزيد والله بلوى بنتحر يا ناس
والي قاهرني ومطقق مرارتي انو المعلمات بحكو عني طاتلبة نجيبة وذكيةههههههههههههههههه والله مش كذب ما بعرف عنهم ليش هيك مهسهسات ياه النسوان وطول السنة ما بحلالهن يحكن معي في اخر السنة بتذكرن اني مشاغبة وبخطر على بالهن يحاسبني
والله قهر راح اطق هسا هسا بدي حل دانا مو شغلي بدددددددددددددددددددددددددي حل :015cc:

[المشاغب]

انا اعجبت بقصتكي تاعت التوجيهي بس معقول جبتي معدل 95.3احكي الصراحة:hh2::hhh7::hhh7:

[دانا]

ههههههههههههههه اها جبتها وبدرس طب اسنان بالتكنو

[النور والضياء]

يااااااااا ريت أقدر أقول كل الي عندي

لو قلت كل الي عندي كان سجننوني


كان صلبوني

وعلقو لي المشانق

[دانا]

احكي شوي وخبي شوي
احكي شوي واحنا بنكمل عنك
بس امهم تحكي عشان قلبك مهما تحمل ما رح يصمد

[كامل السوالقة]

الحمد لله قررت اركب شبكيات زياده مشان ما اطق
الله يرحم الدراسه زمان راس روس
دار دور
وناجح بجداره

[ابو عون]

ما عندي موقف مميز بس عندي اليوم إللي بمر أحسن بكثير من إللي بدو يجي

[ابو عون]

عفواً أخواني (أحسن)

[النور والضياء]

الله يقطع شركو شو دخلني هون انا

قطعتو قلبي والله ومن كثر ما بكيت ما خليت ولا باكيت فاين

المحارم كلها خلصت عشان هيك قلت اقلبها ضحك


:hhh18:

[هشام القواسمة]

عندي لعينيك أسفار وأشرعة ...... والقلب يلفظ ما خطوا وما طبعوا

[ريماس]

مخنوقه ومتذايقه قد الدنيا لما شخص ما بقصر معك وبوقف جنبك ولما يحتاجك ما تقدر تساعده لانه ظروفك ما اجت متل ما بدك

او طلعتلك شغلات ما حسبت حسابها

وياخد منك موقف وما تقدر تبرر لانه انت عارف انه معه حق بس الظروف كانت اقوى مني ولما الظروف تزبط معك ما يرضى توقف جنبه

و يطلب منك تبعد وما تساعده ما بدي غير يسامحني بس

[وريد]

اليوم طويل جدا ,,
ممل و كئيب
نفس الاشخاص و اليوميات
نفسي بحدث جديد ,,
المكان يزداد ضيق


!

[عمون]

مخنوقه ومتذايقه قد الدنيا لما شخص ما بقصر معك وبوقف جنبك ولما يحتاجك ما تقدر تساعده لانه ظروفك ما اجت متل ما بدك

او طلعتلك شغلات ما حسبت حسابها

وياخد منك موقف وما تقدر تبرر لانه انت عارف انه معه حق بس الظروف كانت اقوى مني ولما الظروف تزبط معك ما يرضى توقف جنبه

و يطلب منك تبعد وما تساعده ما بدي غير يسامحني بس

خلاص ريماس ..سامحتك ...بس لا تعيطي :191[1]:

[ريماس]

عمون مش شايفك حرك شفايفك ههههههههههههههههههههههههه

[عمون]

عمون مش شايفك حرك شفايفك ههههههههههههههههههههههههه

شو اشتغلت دوواوين الزرقا ...هلا عمي :8_4_124: