فضفض .. فش خلقك .. اكتب اللي تريده

[م.محمود الحجاج]

بسم الله الرحمن الرحيم
أسعد الله أوقاتكم بكل خير

طفشان ..؟؟ متضايق ..؟؟ زعلان ..؟؟ مستانس ..؟؟ ولهان ..؟؟ جوعان ..؟؟ عطشان ..؟؟ عثمان ؟؟ << الا يجيب اي شي على السجع http://www.sami9.net/vb/images4/smilies/sm8.gif

كل ماعليك هو اضافة رد في هذا الموضوع .. اللي هو منكم ولكم

فضفض .. فش خلقك .. اكتب اللي تريده,, اي شي يجول في خاطرك ..

اكتب عن مواقف صارت لك من زمان او موقف صار لك اليوم ..

اكتب عن يومياتك .. اكتب عن اسعد لحظاتك .. اكتب عن مشكلتك اللي تشغل بالك الفترة هذي .. شاركنا برأيك .. شاركنا بهمومك .. اطرح اقتراحاتك لتطوير ذواتنا وتغيير حياتنا ..

عبر ببساطتك .. عبر بأسلوبك .. عبر بتلقائيتك ..

بإختصار :

فضفض // فش خلقك


للأمانة : فكرة الموضوع من المبدعة دائما : دكتورتنا دانا

لأني سألتها في موضوع الاستضافه عن المنتدى العام وعن اقتراحاتها لتطويره .. وكان ردها الجميل يحتوي هالجزئية :

الناس تحب السوالف وبما ان هناك قوانين تمنع تحويل الموضوع لشات

اشوف لو يطرح موضوع ليوميات الاعضاء كل واحد يكتب لنا تفاصيل يومه واي موقف صار له او مناسبه عنده(نجاح..وظيفه..قدوم مولود اولا سمح الله مشكله او مرض ندعي له فيه) نتشارك فيه افراحنا وهمومنا

راح نتعرف على بعض اكثر ونعرف احوال بعض انا شفتها بموقع كان التفاعل كبير وفيه متعه كبيره بالموضوع(سواء المشاركه او قراءة يوميات الاخرين)


المنتدى العام لكم .. وحنا جزء منكم ,, لاتحرمونا اقتراحاتكم دائما .. لنرتقي بمدمي الشباك

[بنت الجنوب]

ياعيني على الديموقراطيه اللي صايره بمنتدانا http://www.sami9.net/vb/images4/smilies/biggrin1.gif
شكرا ابو معمر على هالمنتدى
ويالله ياللي تطالبون بعدم اقفال المواضيع
ابو معمر باع القفل ودانا الي اشترته
بس احتمال كبير ابو معمر بيروح لايطاليا بالعيد وبيشتري قفل جديد من هناك
فكره رائعه يا ابو معمر
من انسانه اروع .. يا اروع دانا
وردة فعل وتجاوب اسرع..
أكيد انا عندي سوالف كثيره
صحيح ان الموضوع للفضفضة وفشة الخلق وموضوع عام عن كل شي ,, لكن اتمنى مايجي احد ينسخ موضوع او مقال او قصيدة ويلصقها كـ رد هنا !! الموضوع لنا فقط بدون اي ( منقول )
وأتمنى ما ينقلب الموضوع ( تشات ) ممل وماصل !!

[كامل السوالقة]

بصير الواحد يسولف عن السياسه هون
فى فش بطنك اذا مو عاجبك
ولا اشى عاجبنى كله على لبنه
دمتم بود ودامت دانا النا على هيك اقتراح

[Gladiator]

هي فشات الغل يا بنت الجنوب فعلا انك صادقة ومش كل واحد يحطلوا قصيدة ثلث شبار ونص ك رد
انا مشكلتي افضفض يا ابو معمر ولا بلاش
لا تشكو للناس جرحا انت صاحبه
انه مابعرف افضفض وبخلي قهري جواي ويوم من الايام راح تلاقوني فقعت والدم بسيل من اذاني
خليها جوى تسطح ولا تطلع برة وتفضح
نقطة انتهى ...........

[دانا]

تسلمي يا بنت الجنوب ومنيح اني شفتك وجها لوجه لحتى اقلك مبروووووووووووووك على العضو المميز والى الامام يا امورة

[م.محمود الحجاج]

اوائل الربيع .. الجو رائع جدا جدا ... انا طالب توجيهي
كنت احب فتاه من طرف واحد كانت محترمه واصيله ونشميه ... حلوه .. رقيقه .. هادئه
عشقتها لحد الجنون وهي لاتعرف او ربما تعرف من نظراتي لها ومتابعتي
لها اثناء ذهابها من والى المدرسه ؟؟؟
لاتعرف كل شيء عن جنوني او ما اكنه لها من هيام وغرام .. !!!
وهناك بالجانب الاخر ( ابوعوني ) صاحب براكيه فيها كل شيء من احتياجات الحبيبه
سقاير فرط .. بزر .. امواس كباس من جميع الطقات وسلاسل مع فتخه للعب يالأصبع
وجميع انواع الزيوت للشعر ... والى الخ ويصلح بسكليتات وبوابير كاز ولوكسات شنبر
جلست عنده واخذت سيجاره بنفس عميق جدا .. كادت ان تقضي عليه هذه السيجاره
وقلت ااااه يا ابو عوني !!! استدرجني هذا الشيطان الى حتفي واعلمته بكل شيء
بحبي المقدس لهذه الفتاة ... واخبرته كاذبا بانها تبادلني نفس الشعور .. ومع زفرات وانين
قلبي المحروق دخلت في حديث معه لا اول له ولا اخر .. عبارات فيها الهلوسه والهذيان والخرافه
ياالاهي كم كنت غبي ؟؟؟ وحمار .. مو بسهيك لطخه وحيوان .. لم يعد حبي المقدس ... له من القدسيه
فقد لوثته بعبارات خرجت كحروف متناثره من شفاهي لم اعد قادرا على تجميعها مرة اخري ... يا لسذاجتي
لقد وقعت في المحذور .. ووقعت الفأس بالراس .. عندما قالي لي هذا شيء خطير خطير جدا
ويجب ان نلاقي لحل لهذه المصيبه ... اية مصيبه هذه ... يا رجل ..
وسكت برهه .. وسكت الرجل .. وذهبت دون ان ابالي لكلامه .. بعد ان ركلت براكيته برجلي احتجاجا على كلامه !!!
وتمتمت بكلام والله لم اعرفه لغاية الان .. كلام عجيب غريب ...
وفي المساء وانا جالس في غرفة الضيوف ادرس .. واذا بابي عوني يقرع بابنا ؟؟؟ يا للهول ماذا يريد هذا الشيطان الان ؟؟
اقسم لكم انه لم تبقى نقطة دم في عروقي .. احسست بكل ظلام الدنيا امام عيوني .. احسست بان القيامه قد قامت .. وفقدت
توازني .. وانخارت قواي !!! اقسم بالله هذا ما حدث ..!!!
سمعته يقول لوالدي ان ابنك ارتكب خطاء فادح بحق فلانه بنت فلان وهو ... الله اكبر اي ظلم هذا .. اي طعن باعراض الناس
يا ويلك مني الان ... ويا ويلك من الله ايها الفاجر .. ايها الظالم !!!!
هربت من بيتنا في الطفيله الى بيت عمي في الزرقاء .. وهناك درست مدة شهرين ..!!!
عدت وقدمت التوجيهي في الطفيله .. بعد ان عرف والدي ان الرجل كاذب وانه ظلمني وظلم الفتاه ؟؟
واقسم لكم انني لم اشاهد هذه الفتاه بعد هذه القصه منذ 20 عاما
اطلب لها من الله سبحانه وتعالى ان يستر عورتها ويأمن روعتها .. وان يحفظها لاحبائها .. فانها والله
شريفه عفيفه .. صادقة الايمان .. تخاف الله .. واني ظلمتها بانها كانت تحبني بجنون ..
ربما كانت .. لكنها لم تقوله لي .. باية وسيله .. من وسائل الاتصال حينها !!

[ابو سلطان]

الي يومين قرفان حالي مابعرف شومالي
والله بعمري ما مر علي هيك وقت
نفسي اقعد في الدار وما اشوف ناس ولا احكي مع ناس
الله يستر الواحد ما يطق من القهر

[دانا]

شو يا ابو معمر كاين حبيب يلا الله يستر علينا يارب
وحسبي الله ونعم الوكيل مش بعوني بابو عوني

[كامل السوالقة]

ايش العالم المحشى غبن وحزن
وذكريات مولمه
يا ريت تعود ايام زمان بحلوها ومرها
:170[1]::hh13::170[1]:

[روز]

السلام عليكم ورحمة الله وبركاته
أنا مخطوبة من سنه ومشكلتي هي اني احب خطيبي كتير كتير ولا استطيع
الابتعاد عنه وهو ايضا يحبني كثيرا لكن عنده اخت صغيرة عمرها 10 سنوات متعلقه
به كثيرا احس بالغيره في بعض المرات انا اعرف انها صغيرة لكنها تضايقني كثيرا
تقولي دايما ان اخي لي ولها لسان متسلط وقوية حتى اهلها يخافون من زعلها
ومدلعينها كتير ويقولون لي انها ضرتي حتىامي تقول لي الله يعينك عليها المشكله
اني سوف اسكن جنبهم وخايفه من المشاكل في اول خطبتي لم اشعر بشيء لكن هذه
الفترة لا اعرف انام وانا افكر وابكي قلت لخطيبي اني اتضايق منها ويقول لي انها
صغيره ولما تكبر تغير دائما بنكد عليه نفسي لا اشعر بهذا الغذاب اريد حلا اريد
ان اعيش مبسوطه وما انكد عليه كيف استطيع ان اتغلب على هذا الوضع اريد حلا
ضروري بسرعه ... الله يخليكم

[دانا]

كان لازم خلتيها تحبك قبل ما خطيبك نفسه يحبك ما الك غير انك تكسبي حبها وتخليها لصفك

مثلا بانك تهتمي فيها وشجعي خطيبك يهتم فيها خصوصا قدامها

جيبيلها هدايا عيد ميلادها احكيلها انك كيف انت وخطيبك رح تكونوا معها بعد ما تتجوزو

اشياء متل هيك خليها تتمنى اليوم يللي بدك تتجوزي فيه اخوها حتى بنامها

[كامل السوالقة]

غاليتى روز
اسعد الله مساكى
اكثر ناس بحبو الخير الى بعض الخوات
وبما انو اختك صغيره
فهى حبها الى خطيبكحب برى اخوى
لا تشوبه شائبه
بس انتى عندك نوع من الغيره القويه الله يخلصك منها لانها بتتعبك فى المستقبل
حاولى تحب كل من يعمل لكى قلق فى الغيره
وتقربى منه اكثر ولا تجعليه هدف الى الغيره عندك

[دانا]

يا ابو مجد البنت الصغيرة اخت الشب مش اخت روز
:hh13:

[م.محمود الحجاج]

ابو مجد يا دانا احوووووول ؟؟؟؟؟؟؟؟؟؟؟؟؟

[دانا]

يلا الله يعينو شو المشرفة بتسوي هاي شغلتي

[ابو قنوة]

لا لا كامل مو احول كامل عيونة مثل عيون الديك ....
كامل متخلف ؟؟؟؟؟؟؟؟؟؟؟؟؟؟؟؟؟

[ريموه الروح]

ع كل حال يا أحبابي الدنيا حلوه وما في مشكلة الا وألها حل
أما بالنسبة الي أنا كتييييييييييييييييييييييييييييييييييييييييير نشكر الله مبسوطه بحياتي والله يخليلي ماما يارب لانها كل حياتي ومن فضل المولى عزوجل كل شي بدي إياه بلائي
وبعيش حياتي العلمية والعملية بكل ارتياح لأني واثقة بمساعدت الله جل جلاله لي دائماً
وبعرف أنه مافي مشكل الا وإلها حل
وزكرياتي بحلوها ومرها... فهي رائعة جداً وكل وقت له حلاوته
لهذا السبب أحبابي أوصيكم بان تنظروا للحياة من جوانبها المشرقة وأن تتغافلو عن النقطة المظلمة لنتمكن من رؤية النور الساطع:hh13::170[1]::girl02_2:

[م.محمود الحجاج]

اتحدى اي شخص في العالم العربي عامه
لم يسمع هذه الكلمات .
في البيت في المدرسه في العمل في الشارع في في ......
في كل مكان اصبحة هذه الكلمه داخلنا .
لا نقول موضوع او نفكر ان نقوله الا و هذا الرد في داخلنا اصبح الخوف في داخلنا منها لماذا اسلوب الترهيب في مجتمعنا اصبحة حتى المواضيع المطروحه للتسليه في نضر البعض حرام و كفر !!!!!
اصبحة كلمة كافر اسهل من السلام , لماذا كل هذا التلجيم؟ لماذا لا يريدونا ان نتسآل حتى بداخلنا ؟
هل الثغرات ترهبهم ؟ نحن الان اعلم في الحلال و الحرام ( الحلال بين و الحرام بين ) اذا لماذا المراقبه على عقولنا اصبح الانسان خائف من التفكير مع نفسه حتى لا يسمع هذه الكلمات .
ان الانسان يحتاج للحريه حتى يمكن له الانتاج . يحتاج للمصارحه مع نفسه و مع الاخرين و الاخرين مع انفسهم . ليه الخوف موجود بداخلنا . لماذا يقتل الرآى بداخلنا للاسف حتى في هذا الموقع الذي لم تاتئي اليه الناس الا لتقول رائها بحريه دون ان يعرفوا تريدون اسكاتهم . هل الجهل له دور في الموضوع ام ماذا ؟ المشكله ان يآتي من هو اصغر منك بعقدين و يريد ان يخرسك !!!!
اخواني دعونا نقول ما نريد بدون قيد كونوا واثقين من انفسكم اذا شخص اراد ان يقول رائه في موضوع معين اتركوه يقوله و ردوا بالمنطق لا تحاولوا اسكاته قبل اقناعه دعوه يختار السكوت لا الاجبار عليه اقنعوه اكثر من مره و لكن لا تحبره مره واحده ( وجادلهم بالتي هي احسن ).
ارجوكم ارفعوا سيوفكم من اما السنتنا و رقابنا
(صدقوني تعبنا من و الله لا اقص لسانك )
رجاء دعونا نتساعد لطرد الخوف الذي بداخلنا تذكروا اننا انتصرنا بالسابق باسلوب من هم افضل منا بهذه الطريقه تذكروا... نحن من حمى العلم و حرياته و نحن من حمى الفلسفه و نحن من اخترع الصفر بالحريه

تذكروا اننا كنا غربا لمن هم الغرب الان

و شكرااا

[م.محمود الحجاج]

بسم الله الرحمن الرحيم
السلام عليكم ورحمة الله وبركاته ..
لا أعلم بالضبط مالذي دعاني لكتابة هذا الموضوع .. فقد كنت أتصفح إستايلات الموجودة بالمنتدى ..
فخطر ببالي هذا الموضوع .. لكل شخص أراد أن ينزع حقوق تصميم ما .. أو حقوق هاك .. أو حقوق برنامج ..

إليكم الطريقة التي تخولك لذلك ..

أولاً .. عليك أن تتخلى عن دينك الإسلامي .. فالأسلام يعارض ما أنت مقدم عليه .. فالدين يحث المسلمين على أن " لا ضرر ولا ضرار " .. كذلك الإسلام يحرم السرقة .. ورسولنا الكريم يقول " والله لو سرقت فاطمة بنت محمد لا قطعت يدها " .. وفاطمة هي إبنة الرسول صلى الله عليه وسلم .. فتخلى عن إسلامك .. كبداية لطريقك لنزع الحقوق !! ..

ثانياً .. عليك أن لا تقتدي برسولك الكريم .. فكيف تقتدي بالصادق الأمين .. وأنت مقدم على نقض الأمانة التي أوكلها إليك صاحب الحقوق ؟! .. فالأمانة هي من صفات الرسول عليه الصلاة والسلام .. فقد كان يسمى قبل أن يكون نبياً .. بــ الصادق الأمين .. وكان يؤدي الأمانة على أكمل وجه .. عليه أفضل الصلوات وأتم التسليم .. فلكي تنجح بنزع الحقوق .. عليك ( أن لا ) تقتدي برسولنا الحبيب ..

ثالثاً .. عليك أن تكون نكرة .. لا شي .. حالك كحال قطاع الطرق .. تأخذ ماليس لك ..

رابعاً .. عليك أن تكون جباناً .. لكي تأخذ ما يكون لغيرك " خلسة " .. وسراً .. فالشجاع لا يفعل كل ذلك حتماً !! ..

خامساً .. لا تبسمل حين تبدأ .. فالبسملة يبدأ بها المسلمون لما كان به خير من فعلهم .. وفعلك هذا .. شائن .. حقير .. فلا يحق لك البسملة في بدايته !! ..

سادساً .. وأخيراً .. حين تنتهي من نزع الحقوق .. لا تظهر .. ولا تكشف عن نفسك .. فأنت عيب .. ونقص !! ..

لست أعلم إن كان هناك مزيداً من الإرشادات لمن أراد نزع الحقوق .. فربما أعضائنا الأفاضل لديهم ما يدلون به ..

للجميع التحايا والأماني بالتوفيق ..

والله اني مقهور ومجلوط ومفزورعلى تعبنا يا ابو نواف يا دكتور مصطفى
انتظر الايعاز استناذي لاعادة الحقوق بالضربه القاضيه الفنيه !!!
يالله استاذ ....بدي استمتع وانا بفش غلي فيهم !!

[اسراء محمد]

الله يعينك يا روز على البنت بس بدك تتحمليها مدام هي صغيره
والله انا خايفه بس تتزوجي اخوها تروح تسممك هههه:h6:

[كامل السوالقة]

الله يستر من القادم فشى خلقك فيها واخنقيها من هلا
وانا بروح السجن من اجل عملية التحريض
مشارك فى الجريمه

[Gladiator]

الناس دائما عندها هموم ,, مصاري ,, زواج ,, حبيبة ,, شقة سيارة او اي شي
الا انا مشكلتي دايما في حالي
دايما ماكل هم غيري وفي الاخير بتوقع ع راسي
بتكون بتعمل شغلة بفهمها غيرك العكس
بتحاول تبين لغيرك انه همك عالشغلة وانك بدك المصلحة بفهمك انك بدك تظهر عضلاتك
بتذكر فلان في علنتان عشان مايوخذ ع باله علنتان بزعل منك فلان وابصر شو بفهمها وبحكيلك انا لا ولن افكر بهيك تفكير طيب انا شو دخلني غلطي اني ذكرتك في علنتان .........بس هاي نفسي افهمها !!!!
بتسلم على س وما برد بيجي ص بصير يسلم , انت بتحس حالك انك قصرت او س ما سمعك وبتحط الحق عليك وبتمزح انه احنا شكلنا قصرنا مع س وفوق هذا كله بتتطلع ملعون والدين
بتكون بتحكي مع ناس ومابدك ناس يسمع هالكلام وبتحاول تغطي عليه ,, مش عشانك , عشان الي قدامك مايجي ناس ويفهمو غلط ولا انت ما بتفرق عندك ,, كمان بتنفهم غلط وبتطلع بتتخوث والك مارب اخرى ........
ما بكون في حدا وبتلعب انت وهالواحد عشان تفرحوا وترجعلوا ابتسامته واصلا مافي حدا كله تخويث في تخويث وبتعمل حركة في الشارع بتطلع بدك تخرب وتتخوث

بكون همك " حتى لو كان قليل هذا الهم بس مجرد المشاركة " على شغل فلان وبتقدر شغله بحكيلك خليك بعيد عن تفكيري لاني مو فاضي

هلوسات مع نفسي منذ الصغر وانا اعانيها ولا اقصد احد بعينه وانما كلها امثلة في امثلة لا تمت للواقع بصلة

الرجاء عدم الرد لانها مشكلتي وانا اعرفها جيدا !!!!

[ميس]

تسلم ايدك ابومعمر عالموضوع الحلو هاد...يلا هيك بيفضفضو اعضاء المنتدى وبيطلعوا كل يلي بكرشهم...قصدي بقلبهم !!
بس شو يااا؟ كاين تحب من ورانا ..؟؟ وانتا صغنون :hhh12: يختي كميله يختي كميله
يلا الواحد بيتعلم من تجاربه بالحياه...لا تبقى تحكي لحدا عن معجباتك...بس حلوه الرعبه يلي انتا اكلتها ..جبلك عمك بعدها طاسة الرعبه؟؟

اما بالنسبه لروز فأنا مع دانا برأيها المفروض تكسبي محبتها لإخت خطيبتك لانه اذا بضلك تشكيله من اخته وهي لساتها طفله 10 سنين عمرها
رح تخسريه ويبعد عنك...انا متلها مجنونه باخي بحبه كتير كتير ورح احبه اكتر لما يلاقي انسانه كويسه ومحترمه اتشاركه حياته ...وتحبنا :girl02_2:

[ريماس]

مسا الخير على الجميع

انا بحكي لروز انه البنت الصغيرة متعلقة باخوها لانه دايما بوجها وبتشوفه بشكل مستمر بس بكره لما بيتجوز

اخوها ما راح تشوفة باستمرار وراح شوي شوي يخف تعلقها فيه

وانا بنصح روززززززز

لا ثم لا ثم لا تسكني جنب دار حماكي شو جابرك ؟؟؟؟؟؟

عن تجربه بحكي ابعد تحلى

وان شاء الله بتعيشي حياة سعيدة مع زوجك

[حمزة مرايات]

كبري عقلك يا روز :092:

[Gladiator]

شو مافي مشاكل عندكوا وماسكين في قصة روز
زمان ما شفناكم بتفشوا غلكم هون يلا بدنا قصص محرزة

[ريماس]

ابو زغيب طبيب روحاني حضرتك؟؟؟؟؟؟؟؟؟؟؟؟؟

[هبة الرحمن]

لا حكيم عيون ههههههههههههههههههههه مو طبيب روحاني

[هبة الرحمن]

سحقا الهذا الزمن الذي جعلنا نظهر بكامل ضعفنا امام من نحب

مهما تضاهرنا اننا اقوياء

[Gladiator]

ليس عيبا ان نظهر ضعفاء امام من نحب بل عندها فقط نكون اقوياء ولكن العيب ان نظهر ضعفاء امام من لا نحب ونحن اقوى منهم

[هبة الرحمن]

حين يتحدث صمتي بالألم
لا أحد يستمع له
غير أحساس قلب يشعر بالضياع
ونبض يلملم دموعي كل ليلة

[ميسم الجنوب]

:hh13:حبيب ومن بدري قبل التوجيهي متخيلة الرومانسية قمة

[هبة الرحمن]

الحياة عباره عن مسلسل ونحن الابطال في هذا المسلسل

[rami]

تحياتي ابو زغيب كونك تبرعت انك تساعدنا في حل مشكلاتنا ف هدا شرف عظيم النا وكرم اعظم منك لدرجه خلتني اصطنع مشكله عشان تحلها الي وافتخر انو انت اللي حليتها الي قبل ما افرح يحلها.
المشكله هي .... وحتى من زمان بعاني منها يعني بتحكي من سنتين بالزبط والادهى والامر اني مو قادر انسى انا عارف الحق علي من الاول ما لازم عملت هيك بس يابو شريك كان في هدف سامي للموضوع
معك انه كان صعب بس كان الي شرف المحاوله.
واله يا بو حميد وجعت راسي هالقصة ومو عارف شو اعمل......

[وفاء الاردنيه]

عندما أسمع أهانة لا أدير راسي لآرى من ينطق بها لأنها تعني إنني قد فزت بمأ أحسد علية

[هبة الرحمن]

ودي اعيش اليوم واموت باكر
واشوف منهو بعد موتي فقدني

[Gladiator]

صديقي رااممممممممممي ابو شريك
انا لي الشرف انه اكون ممن نال شرف الاستماع لك
صديقي !!!
الاهداف السامية انلغت زماااااان مع اني بجوز انا واياك بعدنا محتفظين فيها وكانه رضعناها رضاعة الله يسامح اهلنا لو علمونا صنعة نستفيد منها مو كان احسن
ما علينا ابو شرك شي وانكتب علينا وبدنا نقنع انفسنا انه النا شرف المحاولة مع انه المحاولة بتعني انه انت ساذج وفاشل في قاموس البشر
اما بتاخذ سمكة من البحر او بتخلي الحوت ياخذها وانت ع راحتك بعدين بتوخذ الحوت
المهم بعد سنتين فتح السمكة ما لأش الخاتم مع انه كان في خاتم بس السمكة اكلت خاتم والخاتم كان في السمكة وبعد مااكلو السمكة مالقوا الخاتم ليش فكرك ما لقو الخاتم
نرجع لموضوعنا
رامي انا بعرف مشكلتك تماما انت ما عندك مشكلة الناس الي عندها مشكله لانهم ماعرفوا يلاقوا السمكة وصادوا سمكة ثانية مش الي اكلت الخاتم

سنعود
وبنكمل

[rami]

تحياتي لك يا صديقي.
والله يا ابو شريك هاي الاهداف السامية هي اجمل ما تحيويه جيوبنا في هذه الظروف الاقتصادية المتعثرة على مستوى العالم اجمع " ما في كاش في العالم كساد"
وبعدين همه اهلنا علومونا اشي ولا اشي هاي الهداف احنا صنعناها لحالنا عشان نشبع جزء من الفراغ اللي احنا بنعيشه.
ما لاعلينا واللي انت بتحكي عنه هدا قاموس البشر والله ما عندي نسخه منه ويادوب بجمع كمن كلمه حتى احكي معهم يعني: كيف حالك,الحمدلله,مع السلامه والسلام عليكم ورحمة الله وبركاته. هدا كل اللي بعرفه.
ع سيرة السمك والله ما في ازكى من السمكات اللي اكلناها عند ابو المجد ع سيرة ابو مجد السلام عليكم يا تاج راسي ابو مجد كيف حالك انا الحمدلله. حتى مجد كان يدور على الخاتم بس ما لقيه لانه السمك اللي اكلناها ما بوكل خواتم ما بحبها.
وللحديث بقيه

[ريماس]

هاد مش فش فضفض وفش غلك هاد ادخل واتعقد

انتو جماعة مش شايفين الضو الله يقطع شركو انا من جديد شفت بصيص ضو

ذكرتوني بمسآتي

التعليم الله يقطع الساعة الي درست فيها دانا من قصيرها اطلعي من الجامعه واتعلمي خياطة

احمد نصيحة من اختك مالة الميكانيكي والا النجار مهم ماكلين الدنيا الحق حالك ابو زغيب

والا ادي دئني اهه اذا حدا بتعرف عليك


اذا بضل ملاحقكو آخرتي بتلاقوني على الشط بستنى الحوت الي اكل السمكة الي بلعت الخاتم

[هبة الرحمن]

يا مارا على قبري لا تعجب من امري

[Gladiator]

صديقي رامي ....
كيف سمكات ابو المجد من الاخر يسلمو ابو المجد ...
رامي .. البشر عندهم قاموس واحنا عنا نفس القاموس بدون مكابرة ومثاليه بس انا بحكيلك وين المشكله انه القاموس الي عنا خطه صغيييير كثييييييير بس ما بنقدر نقراه انا واياك الا في عدسه مكبرة ونضل ندقق ندقق ندقق عشان نقدر نقرا كلمات هالقاموس وطبعا انا واياك اكسل منا مافيه عشان هيك ما بنغلب حالنا وبنبحش
بس لا تخاف القاموس موجود عنا ومثلنا مثل غيرنا بس قلتلك الفرق بينا وبين غيرنا انه همي عندهم القاموس واضح كثييييير واحنا خطه صغيييييير كثييييير ما بنستعمله الا للضرورووووووووووووووورة القسوى
المهم الخاتم بنلاقيه في وحده من السمكاااااااااات ع سيرة السمك قديش كيلو السمك عندكوا بالله عليك تجيبلي بكستين بندورة لانهم بحكوا انه الفلافل مع الجميد غير شكل بصير يعطي على خضار وياويلي لما تصير خضرة الاشارة والله بدعس للسيارة وبصير افعط ولا بخلي واحد يسبقني
انت كيف حالك !!!

[هبة الرحمن]

اذا يحبيني قلبك و شاريني لا تخلني ولا لحظة
انت في عيوني مهما يلوموني غيرك يهمني يا اغالى الناس

[فوضى مشاعر]

على فكرة السمكة عبرت البحر الاحمر زمان وهلأ بتلف بالمحيط الاطلسي

[rami]

مسا الخير يا صديقي,
بعتذر منك لانو ما رديت عليك امبارح لانه صار قصة طويله ما بدي اوجع راسك فيها, المهم ابو زغيب انت شايف اللي انا شايفه!!! السما فيها غيم مع انه قاله في ارتفاع في درجات الحراره والمشكله انو هدا الغيم مش عارف انو غيم وانه الجو لما يكزن فيه غيم بكون برد وانه لازم يدخل البيت عشان ما يمرض.
على فكرة ابو زغيب انا متضايق وانا بكتب لاني بكتب بالخط الاخضر وانا ما بحبه وما بدي اغيره " انا حر".
امبارح يابو شريك وانا قاعد لحالي بفكر " انت عارف انا دايما بقعد لحالي وبفكر" بقول معقول لو ببعت لابو زغيب بكستين سمك سخنات وانا مروح من الغور بنبسط!!! شو رايك بالك بنبسط؟؟ المهم قاعد بتابع مسلسل حلو كتير وكل يوم حلقه غير عنوان الحلقه اليوم "اضواء الظلام" انا زيك استغربت هو في للظلام اضواء؟ المشكله مش هون الطامة العظمى طلع اله الوان كمان....
هدا ياسيدي بحكيلك انه الظلام عندما ينسدل يقوم بجمع اجمل الاضواء واروعها ويقوم بإخفائها تحت ستائره خوفا من ان يراها الاخرين فهو مقتنع بانهم لا و لن يقدروا قيمتها كما هو يفعل وهذه الاضواء لا ترى بالعين المجردة تحتاج لتقنيات عالية لمشاهدتها, ويقوم الظلام بإمضاء وقته مع هذه الاضواء يسامرها ويحدثها عن مغامراته الصبويه ويخبرها عن عشقه للوحده وكرهه للغيوم. اما الالوان أفضل بان لا اخبرك بها الان لانه الجو فيه غيم....
وللحديث بقية يا صديقي

[هبة الرحمن]

على فكره السمكه يلي بتحكو عنها يا رامي انتا واحمد فكرت كتير واستقلت بحياتها

يعني ماعاد تفكر بشي غير حياتها

[rami]

تحية وياصديقي ابو زغيب,
امبارح سمعت مثل حلو كتيير حبيته والله "open your mind befor open your mouth" والله حلو لا تقولي مش حلو.
يا رجل اليوم متنا في العقبة من الشوب وغبرة قرف يعني الواحد مو طايق حاله وقرفان اللي حوليه يعني اليوم دقيت في ام راشد من القرف بس الحمدلله هايها بردت شوي وقاعد مع صديق الي لا ينقصه من المعزة اللي بكنلك اياها ولا ذرة يعني انت بعزك كتير كتير ما بعرف قدي وهو بعزه كتير كتير كمان ما بعرف قدي لانه الكتير كتير اشي كتير ما بعرف قدي فما بقدر اقول او احكم مين اكتر.المهم حكيت كتير كتير واناما بحب احكي كتير كتير, بس حاب احكيلك يابو شريك هذه اليله انه في عندي طقس من الطقوس اللتي اقوم بها كل يوم وهذا الطقس اقوم به مساءا, انت بتعرف كل العالم بتحب تتطلع ع القمر في الليل وتتأمله بس انا بحب اطلع ع السما وأختار نجمه بعيده عن نظر الاخرين وتكون هي قمري لحالي في تلك اليله ف اسمح لي ياصديقي بأن تكون نجمتي لهذا المساء فأنت لا تقل عنها بشيء ف نورك طغا ع العالم واصبح الجميع عميان من كثرة الضوء واصبحوا لا يقوون على الرؤيا واصبحوا يتخبطوا في غياهب الظلمات بحثا عن وميض نور اخر يسلبهم مرة اخرى ما تبقى من بصيص نظر اما انا يا صديقي وان سلبتني نظري ف الشيء الوحيد الذي يعزيني هو انك انت من سلبني نظري ولن ابحث عن نور اخر.
وللحديث بقيه....

[Gladiator]

صديقي رامي ....
اولا سلم على الي في جنبك كثيييير كثييير لاني اكيد راح اكون بعزه كثيييير كثيير طالما انت بتعزه كثييير كثيير
وثانيا المثل من الاخر على اي شط سامعه ...
المهم بحكولك كلما ازداد الظلام سوادا ازداد لمعان النجووم ... ولكني يا صديقي لا اصلح لكي اكون نجمتك هذه الليله
فالظلام اخذ يتبدد وينقشع واصبحت في مراحل الاضمحلال واصبحت على شفا حفرة من الهرم .. بتذكر في الصف السادس اخذنا في العلوم موت النجم؟؟
وولدت النجوم من حولي وها انا اراها تزداد وتزداد ولاجلك سابقى اشع ليس لشيء .. بل لكي لا اعكر عليك صفوة طقوسك
ولتكملها
وطالما انت بدات عندك الطقوس وقلت للحديث بقيه ...فانا ارى باننا بحاجة لموضوع جديد يحتوي طقوسك فاسمحلي ان اكون ضيفا عندك
فلقائنا الاخر ليس هنا ... بل في موضوع جديد اهديه لك واكتب عليه رسائل الى رامي ...

[rami]

لي كل الشرف يا صديقي

[هبة الرحمن]

ونفسي أصرخ وتجيني هالفرصه نفسي أصرخ وأخلي العالم كلها تسمعني

نفسي أصرخ وأسمع كل العالم

بأن الظلم حرااااااااااام والله حراااااااام

[معاذ القطيطات]

حابب افش غلي بس خايف اكسر

[ريماس]

معاذ بسرعة

كسر ولا يهمك انتهز الفرصة قبل ما يجي ابو معمر ما راح افسد عنك سرك في بير

[دانا]

رامي اول ما شفت اسمك رامي كتير عليت بنظري كتير يعني حسيتك متل شخصية بابا يعني لان لكل واحد اله من اسمه نصيب المهم هلأ انا احترمتك اكتر انت واحمد وبجد صار من طموحاتي انه اكون صداقه مع حد تكون بشفافية وصدق صداقتكم بجد الله يتمم عليكم وما يحرمكم من بعض يعني انا لو بمحل احمد وحد يعني لا تضحكوا ع هالجمله ( عبرني بهيك طريقة متل ما انت عبرت احمد ييمكن ابقى طول عمري مو عارفه كيف اردله اياها وخصوصا انها طلعت هيك من قلبك ) بجد نيالكم ببعض والله يتمم عليكم


وآآآآآآآآآآآآآآآسفه لاني حشرت حالي بينكم

[دانا]

اما معاذ كسر كسر كسر ولا يهمك المنتدى كله ع حسابك

[rami]

مرحبه دانا انا حكيتلك انو شرف الي انو يكون اسمي على اسمو,هلا احترمتيني !!! ههههههه يعني ماكنت تحترميني قبل هيك؟ "بمزح معك" اما يا ستي بالنسبه ل احمد ف صعب اكتبه كله هلا لانه كتير واناشالله ربنا يوفقك بكل حياتك مش بس الصداقات.
بالعكس نورتي ستي.

[هبة الرحمن]

لية الحزن مالي الحياة وقت نفكر نفرح ناخد العقاب علي طول

[تونس الخضراء]

سلامتك يا أحمد موش لازم تعبر إذا كان هيك هههههههههههههههه:hhh18:

[Gladiator]

ههههههههههه
راضيه راح اعبر ولا يهمك

[هبة الرحمن]

ماعلى الدنـــيـا عتب ..كــــــــل


مافيها امانــــي





هذا هو اللي تبيه وهذا هو اللي قدرته


وقدرك ربي عليه ...اني ارحل من حياتك


واشعل عيوني بــ ليه


ياخي حس والله عيب اللي تبيه اني ارحل من


حياتك واشعل عيوني بــ ليه

[وفاء الاردنيه]

إذا لَم يُعْجِبْكَ شَيْءٌ مِنْ كَلامِي ؛
فَتَجَاوَزْ إلى ما يُعْجِبُكَ مِنْهُ ،
وَاسْتَغفِرْ لي بِحِلْمٍ ،
وَصَحِّحْ لي (بِعِلْمٍ)

[rami]

ما العمل وقد وضعت القشه على ظهر البعير وقسمة ظهره؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا اله الا الله استغفره واتوب اليه.

[حرف]

زهقانة ومو عارفة اروح ادرس
هسا بفقع
شو اعمل؟؟؟؟
يارب اقدر اروح ادرس ويجيني العقل المنيح واركز
يارب:h11:

[ميس]

حرف الدراسه بكل وقت مابتنفع مابتقدري تستوعبي شي بروح كل تعبك عالفاضي
خديلك وقت ارتاحي فيه وارجعي كملي دراستك...موفقه يارب بالامتحانات

[زهرة السوسن]

السلام عليكم ورحمة الله وبركاته

حاولي يا اختي أن تتقربي من اخته الصغيرة و اشعريها بحيك لها ............
وحاولي الا تشعريها بغيرتك .............. تدريجيا سوف يخف تعلقها باخيها لانها تحس انك ستأخذين اخيها منها
واللة يوفقك ويهنيك
:096:

[النور والضياء]

الله على هالقسم شو حلو ورائع


ويا عيني على قصة ابو معمر مع ابو عوني


وربي افكارك ابو معمر بتوخذ العقل


الله يسعد الجميع ويبعد عنا وعنكم كل الهموم

[البحر،،،]

السلام عليكم ورحمة الله وبركاته
ابومعمر الحجاج انا شاب سعودي ابلغ من العمر 18 سنه واريد انا ابتعث الى جامعة مؤوته (الجناح العسكري)
ولايوجد لدي المعلمات الكافيه واريدك ان تساعد
اذا من الممكن لاني لاملك عنها شي وجزاك الله خير الجزاء
اخوكم الجديد في المنتدئ /البحر‘‘‘
للمراسله هذا ايميل [email protected]

[ابو قنوة]

طيب شو جبت جديد ابو معمر ..
نحنا عارفين انه دانا صاحبة الفكرة ...
يعطيها العافية ...
بدنا منتدى كبار الصعاليك بلا مؤاخذة ..علشان نشبح حبة حبة ...

[دانا]

الله يعافيك ...

[ابو قنوة]

والله هلالك ..ولا هلال رمضان ..انيري الدروب ..بين حين وحين ..لا حرمنا الله طلتك البهية ...

[حرف]

الحمدلله اولا
انا مزاجي هلأ معكر
ومو رايقة ابدا
وشوي راح افقع
نفسي اروح من العالم
والله يسترها معي
الي بقرأ بدعيلي بلاش تجيني جلطة وامووووت

[وريد]

:36_4_11[1]:
الله يسهل امورك حرف ’’
و سلامتك من الجلطه هههههههه
طيب تعالي اضحكك شوي
شغالتنا الماخده في حالها مقلب انها حورية البحر
هربت مع تاع اللاندري اللي بحارتنا
ع اساس بيحبها و بدها تتزوّزه


فــ المضحك في الموضوع انها سارقه كل اواعينا الحلوه كتير و الجديده هههههههه ع اساس جهاز العروس بلا مؤاحذه هههههه
المهم ما بدي اطوّل بالقصه
بعد اسبوع بتحكي معنا السفاره
و بنكتشف ان العامل المصري ماخد منها دهباتها و موبايلها و راميها في عمان و هي ما بتعرف ناس هناك
و سفروها ع بلادها و حسرة العريس في قلبها :21_240:هههههههههههه
و بس
ان شاء الله القصه خلتك تغيري جو


:)

[حرف]

الله يبسطك
والله ضحكتيني
بس يا حرام
هاي عاشت فيلم هندي

[وريد]

اه
عاشت قصة غرام و افاعي
ع الفاضي يا حسره

ههههههه