يا عشاق الششبرك هلموا هلموا !

[نكهة القهوة]

مساء كل اشي حلو بالدنيا ..:shy1:
هادا مبارح بدي افكر بشي احطو بصحن جارتي ترجعلها ياه ..:188[1]:
وحكيت بما انها سعودية ، والصحيح انها بتستاهل كل خير ئد ما هي بنت اصل :013ff:
خليني اعمللها اشي من اكلاتنا الفلسطينية الخفيفة الظريفة السهله واللي بنفس الوئت ، مئدّره :177:
واذ يخطرلي الششبرك .. حكيت يلا اشياءاتو كلها متوفره فلي لأ ؟:104[1]:
ؤمت والله ولحلحت حالي وعملتو وصورتو للي بيحب يعملو بهالطريئه :10_5_137:وتعشينا ششبرك :hhh10:
رغم اني بحبش الششبرك تعشيت اشي تاني هلأ بتعرفو انا شو تعشيت لوووووووول :hh30:
هي ما حد بيختلف بطريئتو !! الششبرك هو هو !! :v9v9net_197:
لكن بتضل اذواق وان حد بيعملو بطريئه مختلفه مو غلط يحكيلنا نجرب :163[1]:
~~~~~
المقادير يا درب العنا :066:: ( هاي بتكفي شخصين ونص :hh29: )
كاستين طحين .. كاسة مي مو ملانه فيها مدوبه نص معلئه زغيره ملح ، هاي العجينة
4 سنون توم متوسطات الحجم مبشوره ناعم ، شوية كزبرة أو بئدونس مفرومه ناعم ، هاي التئلايه
6 علب لبن رايب كامل الدسم ، معلئتين نشا تاعات الأكل مضروبه ع المولينكس ، هاي اللبن
ونص كيلو لحمة ، بصله كبيره مفرومه ناعم عليها فلفل اسود وملح فقط وانا بحط هيل مطحون هاي الحشوة
~~~
الطريقة :
هلأ بنحط الطحين وبننخلو بالمنخل ، وبنبدا نحط المي شوي شوي
بدنا العجين تكون صلبه شوي لكن مو يابسة
انا كيف بعرف انو سار تمام الوضع ؟ :h12:
بس الجاط اللي بعجن فيه يسير كأنو ولا انعجن فيه نضيف بيلمع بتسير العجين تنضف عحالها ! :36_1_61:
متل هالصوره :
http://www.neilshare.com/upfiles/f4442906.jpg (http://www.neilshare.com/)

بنغطيها بنايلون وبنتركها ربع ساعه ترتاح ، بعد ربع ساعه بنرجع نعجنها وبنخليها برضو ترتاح ربع ساعه تانيه .
~~~
بنفرم البصله ناعم ، وبنحط اللحمه تتنشف تماما عنها المي وطبعا بنضيف الفلفل والملح
متل الصورة :
http://www.neilshare.com/upfiles/g7442906.jpg (http://www.neilshare.com/)

~~~
هلأ العجين جاهزة .. والحشوة شرحو ، وانتِ جاهزه :hhh7:برضو ما هو خلال ما استوت اللحمه وجهزت ترتاح العجينه كنتي انتي نضفتي كل اشي حواليكي :173[1]:
http://www.neilshare.com/upfiles/vae42906.jpg (http://www.neilshare.com/)

~~~~
بتفردي العجين على مكان نضيف مرشوش بطحين وبترئئيها كتير ئد ما فيكي
وبتئطعيها بفنجان ئهوه
وبتحشيها بمعلئه زغيره لحمه
بتعمليها هلال وبتشئلبيها على بعض تتطبؤ من الناحيتين على بعضيها
بترصيها بصينية مرشوشة طحين ، وبتحطيها بالفرن تتنشف شوي بندون ما تتشوى او يتغير لونها الغايه بس تنشف تماما .

http://www.neilshare.com/upfiles/zkm42906.jpg (http://www.neilshare.com/)
http://www.neilshare.com/upfiles/bv542906.jpg (http://www.neilshare.com/)
http://www.neilshare.com/upfiles/35j42906.jpg (http://www.neilshare.com/)
~~~
هلأ بتغلي اللبن على الغاز بعد ما تكوني حطيتِ النشا
وبتسئطي بس بيغلي تمام الششبركات الحلوات :159[1]:
وبس تلت ساعة يغلو على بعض بتحطي التئلاي شوي تتئلب مع اللبن
وبتودي صحن جارتك :21_236: وبتاكلو صحه وهنا :7_13_17:
http://www.neilshare.com/upfiles/ero42906.jpg (http://www.neilshare.com/)
http://www.neilshare.com/upfiles/yax42906.jpg (http://www.neilshare.com/)
~~~~
نسيت ؤلكم انا شو تعشيت شنو انا بحوبش الششبرك :shy1:
هادا زادت معي عجينة ..
رحت فردتها وبشرت عليها جبنه ئشئوان وانا كتيـــــر بحوب الئشئوان والحلوم :patch_cuisin:
وعملتها متلت
وئليتها بشويت زيت وصفيتها من الزيت واكلتها ، طلعت بتشهي :21_144:
http://www.neilshare.com/upfiles/esx44212.jpg (http://www.neilshare.com/)

[كامل السوالقة]

وووووووووووووووووووووووووووووووووووووووووووووووووو
\روع الاكلات
اختي نكهة القهوه لقد فتحتي المنافس
هي اسمها اذان اقطاط
ههههههههههههههههههههههههههههههههه
رايعه
ومبدعه
وصاحبة قلم فذ
وشاعره ترابط على حرف الكلمه

[شذى الورد]

اووووووووووووه بتشهي سلمت يداكي وسلمت يمناكي ويعطيكي الف عافيه يا رب

[نكهة القهوة]

وووووووووووووووووووووووووووووووووووووووووووووووووو
\روع الاكلات
اختي نكهة القهوه لقد فتحتي المنافس
هي اسمها اذان اقطاط
ههههههههههههههههههههههههههههههههه
رايعه
ومبدعه
وصاحبة قلم فذ
وشاعره ترابط على حرف الكلمه
حسستني عمي اني وانا بطبخ بكون فاتحه كتاب للمتنبي :v9v9net_197:
الله يجبر بخاطرك :shy1:
خلص الك علي اهريكوا طبايخ وصور تتحكوا خلص يختي زهقتينا معدتنا بس شو هي اكتر اكله بتحبها صحيح ؟ :21_120:
بس شو أذان قطاط !!!!! :hh21: أنا بعرف ؤسمها التاني آذان الشايب اما قطاط ؟!!! :188[1]:
شكرا كتير على المرور والمجاملة الطيبة كل الود والاحترام :shy1:

[نكهة القهوة]

اووووووووووووه بتشهي سلمت يداكي وسلمت يمناكي ويعطيكي الف عافيه يا رب
شكرا يا زوء شكرا ، انتِ اي طبخه اكتر اشي بتحبي شذى ؟ :shy1:

[شذى الورد]

بحب المحاشي والششبرك

http://imagecache.te3p.com/imgcache/d73b1608c4d6b41bb93fcfa982965fd6.gif

[نكهة القهوة]

بحب المحاشي والششبرك

http://imagecache.te3p.com/imgcache/d73b1608c4d6b41bb93fcfa982965fd6.gif
خلص معناتو الطبخه الجاي ان شاء الله محاشي ولعيونك :36_1_70:
شكرا حبيبي وانت كمان كل الخير لإلك http://sadaalhajjaj.com/vb/images/icons/24.gif

[كامل السوالقة]

اختي نكهة القهوه
تسلمي يا متنبيت المنتدي وهل حرفك اقل من المتنبي
انتي اكبر بكثير حرفك رائع
اما الششبرك هي اذا الشائب واذان قطاط

[حسين الحراسيس]

تحية كاملة الدسم الى بنت اخوي
اشتقت الى خرابيطك المعجوقة
جارتنا السعودية وششبرك وجبنة مبروشة
ليش مابعثت لجارتك معجنات جبنة مبروشة
ولا لانها غالية شوية
المرة الجاية بدنا نشوف فنونك في الرشوف
ولا ما الك حيلة في صنعه
لأنها اكلة شعبية طفيلية
بعملوها من قلة الحيلة(ضيق ذات اليد) باللغة العربية الفصحى
الصحيح الصحيح
اللي ما بحب الششبرك بس يقرأ طريقة طبخك الها
بصير يحبها
كل التحية الى نكهة القهوة

[نكهة القهوة]

اختي نكهة القهوه
تسلمي يا متنبيت المنتدي وهل حرفك اقل من المتنبي
انتي اكبر بكثير حرفك رائعه
اما الششبرك هي اذا الشائب واذان قطاط
أخي الكريم هذا كثير !
أن يكون اسمي الى جانب اسم هذا الكبير !!
اي حكيم كان واي شاعر واي رجل !!!
كم تمنيت لو ان لي آلة الزمن الخرافيه كي اعيش معه يوما واحد فقط فأرى هذا الرجل الذي له كل هذا العقل !!
هذا أمر غايه بالعظمة المبالغ فيها ان اقارن به !
خلص نعتبرها أذان شو ما بدك المهم انها زاكيه !!! :36_1_70:

[نكهة القهوة]

تحية كاملة الدسم الى بنت اخوي
اشتقت الى خرابيطك المعجوقة
جارتنا السعودية وششبرك وجبنة مبروشة
ليش مابعثت لجارتك معجنات جبنة مبروشة
ولا لانها غالية شوية
المرة الجاية بدنا نشوف فنونك في الرشوف
ولا ما الك حيلة في صنعه
لأنها اكلة شعبية طفيلية
بعملوها من قلة الحيلة(ضيق ذات اليد) باللغة العربية الفصحى
الصحيح الصحيح
اللي ما بحب الششبرك بس يقرأ طريقة طبخك الها
بصير يحبها
كل التحية الى نكهة القهوة
ممممممم عموو ؟!! :hhh1:
عم حس انو في تلطيش حكي كوني خليلية :188[1]:
وبعدين عموو انت وين زمان ما بينت اصلا !!! لا تغيب عنا عنجد ، :hh21:
احكيلك اشي اساسا هي العجينة اللي زادت هاي هي الوحيده ما طلعت الا ؤرصة جبنه وحيده فقط اللي صورتها ولا والله ما ببخل عليها نيال اللي بيطعم حد
واللي بيئدم بيئدم ئيمتو
هيك امي ضلت تعبي راسي !
واصلا ما ئدرت كملها ابو العيال كملها عني !
بعدين عموو والله مو بخيله بالمره انا خليليه مُعَالجِه اساسا ! :21:
هو للأمانة بكل اشي اللي عندي مو الي .. لعند الشوكولاته والبوزه بعرفش امي :21_103:
خلص تفضل علينا بما انو الأردن سار دولة خليجية !!! بغض النظر عن موقف الواحد كونو سار خليجي كلنا خير وبركه يلاااا !!
يعني غدا بتسيرو تيجوا علينا ع الرياض بتكسي !
بتيجي لعنا بتنورنا وبتشوف الكرم :shy1: واكيد بتحبش الشوكولاته ولا البوزه فما حتلاحظ اي عرق خليلي عنا بهالناحية !
المادية .. اما المعنويه فالعرق الخليلي دساس الصحيح وبنت اخوك اتنح من هالعئل اللي الها ما ظنيت تلائي !! يلا الحمد لله اجت ع هيك !
الرشوف على فكره انا سمعت عنو مره وصدقا ما عمري شفتو !
لكن بما انو فيه عدس فأكيد طيب العدس كتير بحبو اما اللبن الجميد فالصحيح ولا بطيئو استغفر الله !
بس خلص بدي اتعلمها من حماتي واعملها ولا يهمك ، والله يستر !
هادا من لطفك عموو الله يبارك فيك والك يا رب شكرا كتير على مرورك
صحيح اليوم عملت متبل جنب صينية بطاطا مع الطرشي شوف :
:v9v9net_197:
http://up.arab-x.com/May11/o1x33792.jpg (http://up.arab-x.com/)

http://up.arab-x.com/May11/Zyv33792.jpg (http://up.arab-x.com/)

http://up.arab-x.com/May11/8M633792.jpg (http://up.arab-x.com/)

http://up.arab-x.com/May11/ClW33792.jpg (http://up.arab-x.com/)

http://up.arab-x.com/May11/Gvc33792.jpg (http://up.arab-x.com/)

[حسين الحراسيس]

( عم حس انو في تلطيش حكي كوني خليلية )
هو في تلطيش حكي -- اكيد في منه
بس مو لانك خليلية
بس لانه طريقتك في الكتابة مميزة وحبيتها
وبعدين الخلايلة على روسنا
مهو ما انشف من راس الخليلي الا الطفيلي
والحال من بعضه
ما سمعته في نكتة - واحد بدق مسمار في الحيط
مارضي المسمار يدخل في الحيط
ليش ؟
لانه تحت الحيط راس خليلي او راس طفيلي
الله اعلم ؟
احلى تحية الى
بنت اخوي

[سنان]

صحة وعافية يا نكهة القهوة .
وصحة لجارتك السعودية .
الحمدلله إني مش مشتهي الششبرك . لانو منسويه دايماً ....

[شذى الورد]

خلص معناتو الطبخه الجاي ان شاء الله محاشي ولعيونك :36_1_70:
شكرا حبيبي وانت كمان كل الخير لإلك http://sadaalhajjaj.com/vb/images/icons/24.gif
http://www.ahl-alsonah.com/up/upfiles/Gwq84987.gif

[نكهة القهوة]

( عم حس انو في تلطيش حكي كوني خليلية )
هو في تلطيش حكي -- اكيد في منه
بس مو لانك خليلية
بس لانه طريقتك في الكتابة مميزة وحبيتها
وبعدين الخلايلة على روسنا
مهو ما انشف من راس الخليلي الا الطفيلي
والحال من بعضه
ما سمعته في نكتة - واحد بدق مسمار في الحيط
مارضي المسمار يدخل في الحيط
ليش ؟
لانه تحت الحيط راس خليلي او راس طفيلي
الله اعلم ؟
احلى تحية الى
بنت اخوي


ماشي عمو لطش متل ما بدك اساسا انت هيك بندون سبب سرت بمخي متل الوالد رحمة الله عليه بحسك بالزبط
هو الله يرحمو كان هيك مُعجب فيني كتير الصحيح !
خاصه انو هو كان حافظ القرآن رحمة الله عليه والخمسه بيصليهن بالمسجد
وانا دايره اعزف بيانو والحن وألف موسيقى !!
فكتير كتير كان معجب فيني ، وهيك شرواك بيلطش علي حكي بمناسبه وبندون مناسبه الله يرحمو ويجعل الجنه داره
انت منك على البي عسل يشهد الله الك مكانه غاليه بئلبي يا عمو
وبالنسبه لقضية انو انتوا ونحنا قطع غيار لبعض ،
فهاي العالم كلو بيعرفها ، متى ما ضربن اسلاك مخ خليلي ابدا ما حينفع تلائيلو باك أب الا عند طفيلي الحمد لله !
احلى وارق تحية موده الك عمو يسعدلي مساك http://sadaalhajjaj.com/vb/images/icons/25.gif

[نكهة القهوة]

صحة وعافية يا نكهة القهوة .
وصحة لجارتك السعودية .
الحمدلله إني مش مشتهي الششبرك . لانو منسويه دايماً ....
على البك يا رب شكرا كتير
والله يعطيكوا الصحه ! صحه صحه ، دايما !
تبارك الله لا حسد لا انا ما بنؤ.. بؤر يمكن !
اكلت منو حبتين صفرنت !! فكيف دايما !!
بمزح عم سنان لا تتدايأ ، وشكرا لمرورك http://sadaalhajjaj.com/vb/images/icons/24.gif