rami على كرسي الاعتراف [الأرشيف] - شبكة ومنتديات صدى الحجاج

rami

13-02-2010, 11:25

تحية لجميع اعضاء شبكة ومنتديات صدى الحجاج
طقس من الطقوس التي كنا نقوم بها في منتدانا العزيز "كرسي الاعتراف" الهدف الاساسي من هذا المنتدى هو التعرف على اعضاء المنتدى وآرائهم وافكارهم وجاءت الفكرة لإعادة هذا المنتدى بسبب زيادة عدد المنتسبين للشبكه والحمدلله.
طبعا خطر ببالي الفكرة بإعادة كرسي الاعتراف وكالعادة قام ابو معمر تاج راسنا بالتلبية وعمل منتدى خلال ربع ساعة الله يجزيك عنا كل خير ويخليك ويحفظك يارب, وكلفت بان اكون المشرف على هذا المنتدى باختيار الاعضاء فسألت ابو معمر وكيف بدي اختار حالي اذا اجى ع بالي اكون على كرسي الاعتراف فجعلني اول عضو اجلس على كرسي الاعتراف يعني زي ما بقولوا جاجة حفرت على راسها عفرت.
كرسي الاعتراف لمن لا يعرف كيفيته يقوم العضو المختار بإعطاء نبذه عن حياته "البطاقه الشخصية" من ثم يقوم الاعضاء بطرح الاسئله ويقوم هو بدوره بالإجابه بكل صراحه وحط خط تحت بكل صراحه وما في تهرب بدك اتجاوب يعني بدك اتجاوب بس اكيد بنبتعد عن الاسئلة الشخصية انتو عارفين شو بقصد.
على بركة الله نبدأ بس قبل ما نبلش خطية برقابكم لا تتعمقوا بالاسئلة لانه كما تدين تدان يعني الك يوم وتقعد على الكرسي يعني بين قوسين ابو زغيب اختصر انا عارف انك رح تنبسط وممكن اعضاء جلسوا زمان على الكرسي نرجع نستدعيهم عشان الاعضاء الجدد يعرفوهم وكمان لانه اكيد صار معهم امور جديده وحابين يحكولنا عنها.

الاسم: رامي
العمر: مضى الكثير ولم يبقى الا القليل
العمل: اقوم بالصباح واعود للبيت متاخرا
الهواية: جلد الذات
الاقامة: حيث اكون
الحالة الاجتماعية: مرتبط بافكار جميلة

عفراء

13-02-2010, 12:37

مبروك لهذا الصرح الكبير منتدى جديد وابداع جديد
ومبروك لصدانا مشرف قدير لمنتدى رائع ممتع
فما تعودنا بكل يوم جديد ابداعات جديده ومفاجآت جميلة من ادارة نشيطة تعي ما تريد جيدا وتفعل وتتفاعل بكل جد وتألق
هلا فيك اخ رامي باجمل كرسي وان شاءالله ترتاح فيه وتستمتع وتمتعنا
وهذا لا شك فيه طبعااااااااااا

انا لا اعرفك واحب التعرف عليك فنحن اخوة في الله وجميل ان تعرف على بعضنا اكثر واعمق

ولن اطيل عليك ولن اثقل وسيكون تعارفي على فترات فاستقبالي للمعلومات بطئ شويه يريد التدرج

الاسم:
العمر:
العمل:
الهواية:
الاقامة:
الحالة الاجتماعية:
كيف تعرفت على الصدى :
من الاقرب لك بالصدى :
ما احب المنتديات لك بالصدى واقربها لقلبك وذوقك :
حكمة تؤمن بها :
مؤهلاتك :
كلمنا عن نفسك بكل صراحه بما لا يقل عن 3 اسطر
هذا يكفي الان ولي عوده ان شاءالله
اذا ما كان هذا يضايقك اخي العزيز

rami

13-02-2010, 13:36

مبروك على الجميع اخت عفراء وحمدلله على السلامة بعد هالغيبه الطويله وانشالله اكون على قد مسؤولية الاشراف ومشكورة كثير على المقدمة الرائعه اللي انا ما قدرت اقدمه مثل ما قدمتيه (مش متعود) وبالنسبه للراحه اكيد رح اكون مرتاح بوجودكم ومشاراكات الجميع, ومرحب فيك في اي وقت وبأسالتك.
الاسم: رامي المراحلة
العمر: 25 ونيف
العمل: مهندس اجهزة طبية
الهواية:القراءة, التفكير , الكتابة بعض الاحيان
الحالة الاجتماعية: غير متزوج
تعرفت على الصدى عن طريق احمد الزغايبة اخ عزيز وبحبه كثير, بالنسبة للقرب في قرب جغرافي ,قرب فكري, قرب النسب,قرب القلب وقرب المحبه والكل قريب علي نفسي ومنتدى فضفض هو الاحب ليش يمكن عشان بحب افضفض بس مش اشكي.
حكمه تقول" اذا كنت تستطيع انت تغيير اسلوب صمتك فلا داعي للكلام"
مؤهلاتي: العلمية بكالوريوس هندسة طبية وانشالله السنه الجاي ماستر تجارة الكترونية.
اهاه اجينا للجد التكلم عن النفس من اصعب الامور ليس تواضع ولا كبرياء بس رح احاول
شاب قنوع طموح يحرص على تعزيز ثقته بنفسه وتحقيق ذاته ويحاول دائما ان يحسن من مستواه الفكري والاجتماعي صبور جدا لا يغضب واذا غضب لا يشعر الاخرين متسامح كثيرا ومتشدد لمبادئه لايحب خرق القوانين وخصوصا قوانينه حريص جدا بالتعامل مع الاخرين طفل مع الاطفال شيخ مع الكبار شاب مع الشباب كلامه يخاطب العقل اكثر من القلب يؤمن بقضيه القدر ويحاول تعقبها لا يخشى ولا يندم على شيء خجول عندما يتكلم جريء عندما يلزم ذلك يكره ما يكره ويحب ما يحب صادق في وعوده عدائي احيانا متكبر يمكن ان ياذي اذا استوجب ذلك متعصب احيانا لا يحب كثرة الكلام يفضل الهدوء, مزاجي.
ممكن اكون هيك يمكن في امور كمان بس هذا اللي متذكره انشالله اكون جاوبت بشكل جيد
ومرة ثانيه اهلا وسهلا فيك اخت عفراء نورت

شيماء الشام

13-02-2010, 14:54

مشكور رامي على اعادة طرح موضوع كرسي الاعتراف مُجدداً

وسألبي طلبك ولن أتطرق الى الأسئلة الشخصية قدر المستطاع

ما هو وزونك :159[1]:

وما هو طولك

طبعاً تلك دُعابة ليس إلا :v9v9net_084:

أسئلتي هي

لا اسمع لا ارى لا اتكلم ,متى تطبق هذه المقوله بحياتك

ماهواكثر شي يحرجك ؟؟

هل وضعك كلمة منقول لموضوع نقلته تزعجك ؟؟

مارأيك بالغيره ؟

اعتذار الرجل للمرأه ذل أم احترام للذات ؟؟

ماذا تُفضل الزواج بحُب أو زواج تقليدي

ما الفرق من وجهة نظرك بين
خيانة الرجل وخيانة المرأة ؟؟

لو أعطيتك ساعة ترتاح بها
مع من تُفضل أن تقضيها ؟

وأخيراً كلمة يا ورد مين علّمك تجرح
لِمن توجه هذه العبارة ؟؟

لي عودة إن شاء الله

rami

13-02-2010, 15:10

كل هاي الاسئلة والك عوده :patch_galc:
طيب لازم اجاوب بس احكيلك شغله في اسئلة خلتني اتصبب عرق المهم:

لا اسمع لا ارى لا اتكلم ,متى تطبق هذه المقوله بحياتك
كثير من الاحيان خصوصا لما اكون عارف انه كلامي ممكن ما ينسمع او يؤخذ به بغض النظر عن الاسباب او لما يكون كلامي رح يجرح ناس معينه ومرات بحب انه الطرف الاخر يتعلم من خطأه فما بحكي

ماهواكثر شي يحرجك ؟؟
لما انفهم غلط وعلى الغلب هيك بصير وانا ما بحب افسر افعالي

هل وضعك كلمة http://www.sadaalhajjaj.com/vb/Smilies30%5B1%5D%5B1%5D لموضوع نقلته تزعجك ؟؟
بالتاكيد لا
مارأيك بالغيره ؟
الغيرة حلوة بس بحدود سواء من الرجل او المرأة لانه بمثل نوع من الاهتمام
اعتذار الرجل للمرأه ذل أم احترام للذات ؟؟
الاعتذار قمة الاحترام للذات والثقة وما عمره الاعتذار نقص من شأن الرجل خصوصا اذا كان لامراة تقدر ذلك

ماذا تُفضل الزواج بحُب أو زواج تقليدي
الزواج بحب
ما الفرق من وجهة نظرك بين
خيانة الرجل وخيانة المرأة ؟؟
خيانة الرجل تمرد وخيانة المراة رد اعتبار
لو أعطيتك ساعة ترتاح بها
مع من تُفضل أن تقضيها ؟
ناس كثيرة والله بس ممكن يكون صديق الي اسمه وسام مشتاقله كثير والله
وأخيراً كلمة يا ورد مين علّمك تجرح
لِمن توجه هذه العبارة ؟؟
كثير ناس
مشكورة شيماء كثير على الاسئلة خفيفة الظل مثلك

هشام القواسمة

13-02-2010, 16:07

تحياتي رامي
كعادتي ادخل مباشرة دون مجاملات لأنك وحدك تعلم كم أحترمك
رامي هل هناك فر ق بين الغرور والثقة وكيف نستطيع الفصل بينهما؟
كيف نستطيع أن نفعل المنتدى .. اطرح بعض الافكار؟

وليس لي عودة .. اطمأن

rami

13-02-2010, 16:27

ابو ريان كل الاحترام والتقدير لشخصك ولنفسك لقلمك لكل شيء تملكه ويملكك
الفرق اكيد في فرق كبير بين الغرور والثقة يمكن للوهلة الاولى ما نقدر نميز بينهم خصوصا اذا ما كنا نعرف هذا الانسان اللي بتظهر عليه ملامح المشتركه للغرور والثقه بالنفس من تكبر والاطراء على نفسه ومحاولة جلب الانظار والتحدث بنبرة عالية ومحاولة فرض شخصه على الاخرين وغير ذلك من الملامح لكن القاعده تختلف ف قاعدة الغرور ضعيفة على عكس الثقة بالنفس والفرق يمكن ملاحظته والتفريق بينهما بسؤال بسيط
اذا سالت المغرور لماذا ترى نفسك على الاخرين يجاوبك فيقول هذه ثقة بالنفس
واذا سالت الذي يثق بنفسه يجاوبك فيقول انه الغرور.

شعور تفعيل المنتدى والرقي فيه دائم ويمكن ان يكون هناك افكار عديده فكرت ارجاع كرسي الاعتراف احداها وابو معمر اتفاعل مع الفكرة ورجعناها ممكن محاولة بناء القاعده بقوة نكون قادرين ان نواجه ما هو قادم ونكون قادرين على التغيير وفي اعضاء كثيرة انا بفتخر انه بجتمع معهم بالمنتدى وافكارهم اروع وافضل مما في مخيلتي
نورت ابو ريان واهلا فيك باي وقت

عفراء

13-02-2010, 17:56

هلا فيك وحياك الله

عدت اليك بالقليل فقط لن اتعبك معي لكن لابد من القليل لنتعرف عليك اكثر
وانت من نكش الموضوع فلك ما نكشت

مرحباااااااااااااا
شواخبارك
مارايك اخي بكرسي الاعتراف
هل مفاجأت جلوسك على كرسي الاعتراف لها وقع في نفسك ؟ وماهو شعورك وانت على كرسي
-كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى

الأمنية اللي تتمناها ... ؟
شو أصعب المواقف اللي مريت بها ؟
شو موقفك من الحب ؟؟ وهل جربته ؟؟ هل تأمن بوجوده ؟؟
-فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟
هل ندمت فحياتك على شي معيّــن ؟؟؟
مالفـرق بين الحب والصداقة ؟ وهل يمكن ان يسلكا طرق الغيرة 00؟

_ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق ..
للمجنون؟؟
العاقل؟؟
المتكبر؟؟
المتواضع؟؟

هل انت راض عن نفسك ..؟؟
وما هي المجالات التي تتمنى ان تأخذها منهاجا في حياتك ؟؟
لي عودة اذا احببت ان شاءالله واذا لا تريد ساعود ان شاءالله بكم اكبر :022:

تحياتي لك

حموووده

13-02-2010, 20:46

ما موقع هؤلاء من الاعراب بالنسبة لك :
1.صدى الحجاج ؟
2.ابو معمر ؟
3. الحياة ؟
4. حموووده ؟
5.الدراسة ؟
6. العمل ؟
7.المرأة ؟
8.الكمبيوتر ؟
9.الطفيلة...؟
السؤال التاني ..................
من هو الشخص الذي ندمت على معرفته ؟؟؟؟

السؤال التالت.................
ما هو اجمل يو بحياتك

السؤال الرابع ................
بصراحة افضل عضو وافضل مشرف وافضل كاتب

السؤال الخامس .............
الى من تشكي همومك..؟ والى من تودع سرك ...؟

rami

13-02-2010, 23:12

اهلا فيك مرة تانيه اخت عفراء مافي تعب واسالي زي مابدك بالعكس انا مبسوط.
انا منيح الحمدلله بالنسبه لكرسي الاعتراف متعود عليه او بالاحرى جلست عليه مرات كثيرة ومع ناس بعرفوا عن الكثير وبالرغم من ذلك كان في اعترافات اكيده خطيرة وكان شعور يشوبه الكثير بصراحه.
الحلم او الامنيات كثيرة وانشالله اقدر احقق جزء منها وحلمي اني احقق احلامي, اصعب المواقف فقدان انسان عزيز, موقفي من الحب دفاعي خطه 5 3 2 جربته؟ ما بعرف والله اذا بحب ولا حبيت ولا رح احب ما بعرف, هو موجود اكيد ما بنكر هاد الاشي, بقراراتي بحكم عقلي بغض النظر عن النتائج. الندم ممكن اكون ندمت مجرد لاشباع رغبتي بهذا الشعور فقط
كل حبيب صديق وليس العكس واكيد في غيرة للطرفين الحب والصداقه لانه الاتنين في حب تملك والغيرة تاتي من حب التملك

_ما رأيك بهذه الكلمات ..
الخيانة .. حق مشروع
المرأه.. الجنس الاخر
الصداقة .. العطاء
النميمة .. خبث
النفاق .. ضعف
للمجنون؟؟ هنيئا لك
العاقل؟؟ اصبر
المتكبر؟؟ انظر لنفسك قليلا
المتواضع؟؟ما اعظمك
الرضى عن النفس بعيد المنال وانشالله اوصله
منهج الحياه الهادئه
اهلا فيك متى شئت وتحياتي لك ايضا

rami

13-02-2010, 23:20

حمووده والله اني بحبك ما بعرف ليش هيك خلص بحبك

1.صدى الحجاج ؟ العائله الرائعه
2.ابو معمر ؟ اكن له كل ما املك من الاحترام والتقدير
3. الحياة ؟ مرحلة
4. حموووده ؟ بحبك
5.الدراسة ؟ اساس النجاح
6. العمل ؟ ثمرة النجاح
7.المرأة ؟ الجنس الاخر
8.الكمبيوتر ؟ مفيد بعض الشيء
9.الطفيلة...؟ حب الصغر
شخص ندمت على معرفته!!! الله يسهل عليه,احلى يوم يوم مشروع تخرجي, بالنسبه للافضل والله انا ما بقدر احكم لانه ماوصلت لدرجة احكم مين الافضل ياحمووده,اوودعها لمن يحفظ السر
مشكور حموده على الاسئله الحلوة متلك

Gladiator

13-02-2010, 23:43

يا هلا يا هلاااااااااااااااااااااااااااااااااااااااااااااااا ااااااا
تعال للذي لا يرحم
خليني شوي اضحك اكمن كيلو عليك بعدين بسألك
ههههههههههههههههههههههههههههههههههه
خخخخخخخخخخخخخخخخخخخخخخخخخخخخخ
كهكههكهككهككهككهككهككهكهكهككهككه ككهككهككهككه

اسألك هسه ؟؟ لالالالالالالالالالالا بعدين احسن على رواقه

منور يا معلم سردينه وانت ع الكوشه هههههههههههههههههههههههههه

عقبال ما اشوفك وانت على اللوج خخخخخخخخخخخخخ بعرفك رخيص راح تقلب العرس نظريات ومبادئ

والله لا اخليها تروح في نفسك هسه وما اسألك .. الا بعد ما اشوف كل الشباب والصبايا ناشرينك نشر واشوفك متعلق على حبل الغسيل ومنتهي وضعك

ياشباب يا صبايا .. جيرة الله اسألكم بالله لا تخلوا شي بنفسكوا الا وتسألوه .. لا تخافوا قلبه كبير بتحمل وبعدين هو بقدر يحكي شي ما بقدر وانا موجود .. عليكم به
ولا تأخذكم به رحمة او شفقه ..
سنقطعك اربا اربا ونجعل دمك يتوزع بين القبائل يا ابن المقفع
هئهئهئهئهئهئههئئهئهئهئهئهئهئه
عليك اللحمه ... والله لا اسلخنك سلخ الشاة واشلخنك شلخ الشلاخة عن المشلشخين

اصبر على رزقك جايك والله جايك وفي يدي باقة ورد واشواك ياصديقي العزيز .. فهل من مستقبل لي

rami

13-02-2010, 23:46

اقلب وجهك ولا بستقبلك ولا اشي وحتى شو ما سالت انت ما رح اجاوب او بلف وبدور وما في اشطر مني بتلبيق الكلام
بامية قال جايني الله يرحم ايام وانت على الكرسي على كل حال انا اللي بختار الاعضاء والك يوم يا سيدي فكرك ما بجيك دور الكل جايه الدور

Gladiator

13-02-2010, 23:51

هههههههههههههههههههههههههه صحيح والله نسيت انك انت الي بتختار معناته اكلنا هوا ..
خليني اجلس معك .. يا حبيبي يا رامي
يا اخوان شوي شوي على رامي اسئلوه اسئله عاديه .. شو اللون الي بتحبه وشو اسم عطرك وشو احسن اكله بتحبها .. لا تخلوه يعصب علينا ويفش غله في

ولى رووووح طير .. مش انا الي بتهدد وحاتنباس يعني حاتنباس .حانئفل الاوضه في الترباس وتنباس يا عباس ..
يعني هيك هيك انت راح تختارني على كرسي الاعتراف بعرفك نذل وقلبك اسود وما الك الصحبه .. فخليني اتغدى فيك قبل ما تتعشى في ..
فاهم ولى
وربي لا اخترعلك اسئله من تحت الدست واسئله عفا عليها غبار الدهر .. ماشي ماشي

خالد النورس

14-02-2010, 00:00

احلى كرسي الك يا رامي

http://www.iraqdream.com/korse.jpg

من هو احمد الزغايبة بالنسبة الك رامي

والخير في الجايات

نشمي

14-02-2010, 00:09

مساء الورد والياسمين للغالي رامي
اشتقنالك يا محترم

الحمدلله الاردن يوفر لمواطنيه شبكات اتصال خلوية
باسعار شبه مجانية وباثمان زهيده
وانت مهندس محترم ماشالله على وظيفتك المحترمة
جيبك الحمدلله دايما عمران (؟؟؟)
ومشالله عنها سيارتك الله يحميك ويحميها
يعني ما ضل غير التلفون حاول انك تشحن بدينار
واتذكرني بس بـ قرشين حسب غلاتي عندك

هسه بنرجع للموضوع

1- هل كان في حياتك شي تحبي ذكرة دائما ؟

2- هل هناك من دخل قلب رامي وما زال يتغلغل في شراينه ؟؟

والنا عوده ؟؟

كامل السوالقة

14-02-2010, 08:10

رامى انا كامل انت من
حياك وبياك
عندى عنك ما يكفينى لمدة عام والبحث جارى عن باقى المعلومات
ماذا تعنى لك كل من الكلمات التاليه
علم
قلم
الم
ندم
ام
اخ
اسره
هل والدك هو دليلك فى الحياه
اذا تمتلك بستان من الورود واصبح الصبح ولم تجد الا ورده واحده فى البستان لمن تقدمها
ولى عوده

هبة الرحمن

14-02-2010, 11:14

رامي سؤال واحد بس

سو رأيك بضعف الشخصية والجبن ؟

rami

14-02-2010, 13:28

ابو زغيب اعلى ما في خيلك اركبه وشو ماسالت الاجابه رح تكون واضحة وصريحه ما في اشي اخبيه اخريتها توقع تحت ايدي والله مافي رحمه ولا شفقه انا قاعدلك لنشوف شوفي عندك ياسيدي

rami

14-02-2010, 13:32

اهلين فيك ابو الخل يعني بيني وبينك بس ما يسمع مطفي الثم احمد
احمد الزغايبه هو احمد الزغايبه يعني زي ما في مسمى اخ ,صديق, ابن عم , ابن خال, قريب, جار....الخ في مسمى اسمه احمد االزغايبه بالنسبه الي هو احمد الزغايبه

rami

14-02-2010, 13:40

سيد يزن يا مية هلا والله مو عارف ارد على المقدمه اللي شرشحتني فيها ولا على الاسئله يا سيدي حقك علي وبعدين خليها على الله اسال ابو زغيب وهو بقلك عن الفضاوة والزهق من القعده ووقت الفراغ الكبير اللي مش عارف شو اعمل فيه. المهم خليني اجاوب على اسالتك يالنشمي

- هل كان في حياتك شي تحبي ذكرة دائما ؟ اكيد فيه .
- هل هناك من دخل قلب رامي وما زال يتغلغل في شراينه ؟؟ طبعا .
وابقى طلطل

rami

14-02-2010, 16:58

هلا ورحب فيك ابو مجد
ماذا تعنى لك كل من الكلمات التاليه
علم:هوية
قلم :صديق
الم :نشوة
ندم:غباء
ام:عطاء
اخ:لا يعوض
اسره:هدوء
اما والدي فهو ظلي يرافقني اينما اتجهت, والوردة اعتقد باني ساحتفذ بها لنفسي
مشكور ابو مجد ونورت والله

rami

14-02-2010, 17:00

بس سؤال واحد ياهبه يا الله ما احسنك طيب
بالنسبة لضعف الشخصية اتوقع انه كل انسان عنده ضعف بشخصيته بتراوح بين كل انسان حسب مكان ضعفه والامور اللي بتظهر هذا الضعف بس هو الذي يرسم المعالم البارزة لشخصية الانسان اما الجبن فهو مجرد شعور بعدم القدرة على عمل شيء.
هاي وجهة نظري والله الاعلم

عفراء

14-02-2010, 21:20

كيفك وكيف الحال رامي
رجعتلك وكلي شوق لاجوبتك الشافيه الراقيه الرائعه المهضومه
لاجل هذا كله تشجعت لاسئلة اخري تسعدنا بها معك وتثلج صدورنا

لن اطيل عليك فقط كم قليل

تخيل أنك طفل صغير كيف ستفكر ؟

متى ينوب الماء عن التراب ؟

ما هو تعريف الأرهاب ؟

من أضاع مجدَ وعزَ أمتنا ؟ ولماذا ؟

برأيك ماهو أجدى اليوم : الصمت أو الكلام ؟

هل انت مستعدة للتضحية بأمولاك لأجل وطنك ؟

ماذا تقول للذين يدخلون مواقع الدردشة على الانترنت ؟

متى سيصبح الحلم حقيقة ؟

كيف ترد على حجة المدخن عندما يقول : إن الطبيب نفسه يدخن ؟

هناك طفلة لا تستطيع الكتابة وللا القرأة ماذا ستفعل ؟

ما وجه الشبه بين الدش الفضائي و الدش الذي في الحمام ؟

وما هو الفرق بينهما ؟ ؟

ما رأيك بالبيت التالي . .

ستبقى دروب السلام لنا وتبقى الخيانة أصل اليهود ؟

هل يستوي ضلع عليه القدم داس ؟

ما رأيك . .الجدار الفولاذي تريد أن تفعل شيء لكن ما باليد حيله !!

عندما تباع القيم ماذا تنتظر ؟

متى تشعر بلذة الحياة ؟

بس وسلامتكhttp://www.usp1.ps/vb/images/smilies/pleasantry.gif

:36_22_2:
مابدي اطول وازيد عليك :150[1]:

لي رجعة اذا احببت واذا ما احببت ساعود ان شاءالله :12_7_26:

هشام القواسمة

15-02-2010, 07:35

هو رامي اللي على كرسي الاعتراف والا عمرو موسى عفرا
حرام عفراء .. هذا شب في اول عمره
ههههههههههههههه
ورأيي ما ترجعي هون .. لأنك ما رح تلاقي رامي

حرف

15-02-2010, 23:16

انا كتير لطيفة
ما راح اسأل اسئلة
خفيفة الظل وما حدا قصر ابدا ابدا
الله يعينك على الاسئلة الجامدة اوي

rami

16-02-2010, 10:32

اول اشي انا اسف على التاخير بس ما قدرت ادخل امبارح على المنتدى ولا اوله ابو ريان ما في مشكله اذا حد هيك بجواب لما احس بالحامي عنجد ما بضل موجود ومادام "عفراء" مستمعه بالاجوبة انا بكون مستمتع بالاسئلة
حرف لويش ما بدك تسالي ولا مبسوطة وانت قاعده على كراسي المشاهدين, مستمتعه انا عارف وانا وجهي احمر وانا على الكرسي يالله الك يوم وتكون محلي ورح اعمل نفس الاشي.
المهم خليني اجاوب على عفراء لاتزعل علي.

تخيل أنك طفل صغير كيف ستفكر ؟
كما كنت افكر وانا صغير
متى ينوب الماء عن التراب ؟
عند غياب التراب
ما هو تعريف الأرهاب ؟
مصطلح مفتعل
من أضاع مجدَ وعزَ أمتنا ؟ ولماذا ؟
نحن قوم اعزنا الله بالاسلام فإذا ابتغينا العزة بغيره اذلنا الله
برأيك ماهو أجدى اليوم : الصمت أو الكلام ؟
الكلام
هل انت مستعدة للتضحية بأمولاك لأجل وطنك ؟
الله اعلم لوقتها
ماذا تقول للذين يدخلون مواقع الدردشة على الانترنت ؟
استفيدوا واذا مافي فائده روحوا دوروا عليها بمكان ثاني
متى سيصبح الحلم حقيقة ؟
عندما يموت الانسان
كيف ترد على حجة المدخن عندما يقول : إن الطبيب نفسه يدخن ؟
الطبيب لا يمثل الا نفسه
هناك طفلة لا تستطيع الكتابة وللا القرأة ماذا ستفعل ؟
تستمع
ما وجه الشبه بين الدش الفضائي و الدش الذي في الحمام ؟
عدم القدرة على التحكم بهما
وما هو الفرق بينهما ؟ ؟ الدش الفضائي متعب, دش الحمام مريح ومنعش

ما رأيك بالبيت التالي . .

ستبقى دروب السلام لنا وتبقى الخيانة أصل اليهود ؟

هل يستوي ضلع عليه القدم داس ؟ انا شايف انه العكس

ما رأيك . .الجدار الفولاذي تريد أن تفعل شيء لكن ما باليد حيله !!
دعوها تحترق
عندما تباع القيم ماذا تنتظر ؟
ابحث عن الذي اشتراها
متى تشعر بلذة الحياة ؟
بلحظات النجاح
واهلا فيك باي وقت اخت عزيزة

الغطاس

16-02-2010, 12:44

حبيبي رامي كيفك
مع اني ما التقيت فيك الا مره انتا واحمد الا انك ماشالله عليك شب بتدخل القلب
المهم يا رامي يا اخوي عندي اكمن سؤال
1. متى يكون رامي ضعيف ومتى يكون قوي ؟
2. ماذا يفيد جلد الذات رامي وهل يكون قاسي مع نفسه؟
3. لو يرجع فيك الزمان لمن تقول اسف ؟
4. موقق عمله ابو زغيب وما رح تنساه اله طول العمر؟( بايخ )
5.ما الذي يعجبك بتوقيعك وشو سببه؟
6. متى يبكي رامي ؟
7. طموح رامي ؟
8. متى يتمرد رامي على ذاته؟
9. لوحكمت العالم لساعه ما اول قرار سوف يكون؟
10. ماذا تعني هذه الكلمات ل رامي:
تراب
الاردن
الحياه
الام
البخل
المطر
الاطفال
قلب
بالتوفيق يا رامي ومبروك الماستر مقدماً والنا رجعه
هههههههههههههههه:hh25:

كامل السوالقة

16-02-2010, 12:49

رامى ابدعت يا غالى متمكن صاحب فراسه ومسيس الى الحروف والكلمات
لا عدمناك يا غالى

rami

16-02-2010, 13:29

الغطاس يا هلا ورحب والله الك وحشه انا تمام الحمدلله انشالله تكون بخير, زالله يا خوي هاذ من طيب اصلك وانت والله بتدخل القلب وماشالله عليك انسان رائع وميقف والراقي"ذاك الشبل من ذاك الاسد"
1. متى يكون رامي ضعيف ومتى يكون قوي ؟
اكون ضعيف عندما يكونوا اقوياء واكون قوي عندما يكونوا ضعفاء
2. ماذا يفيد جلد الذات رامي وهل يكون قاسي مع نفسه؟
تقوية رامي واعادة الحسابات واكيد بكون قاسي
3. لو يرجع فيك الزمان لمن تقول اسف ؟
ما في ناس او موقف ممكن احكي هاي الكلمة
4. موقق عمله ابو زغيب وما رح تنساه اله طول العمر؟( بايخ )
بصراحة الموقف اللي بتحكي عنه ما حصل
5.ما الذي يعجبك بتوقيعك وشو سببه؟
صورة الثلج والطفيله وهو فيه احلى من هيك
6. متى يبكي رامي ؟
عندما يلزم ذلك
7. طموح رامي ؟
ليس بالكثير
8. متى يتمرد رامي على ذاته؟
دائم التمرد
9. لوحكمت العالم لساعه ما اول قرار سوف يكون؟
ساعه كثير هههههههه تطبيق شرع الله
10. ماذا تعني هذه الكلمات ل رامي:
تراب: مادة التكوين
الاردن:اعتز به
الحياه:مرحلة
الام:عطاء
البخل:عكس الكرم
المطر:طهارة
الاطفال :ربيع الحياة
قلب:حجرة
الله يبارك فيك لسه بدري انشالله انه تحقق اللي ناوي عليه انت كمان ومشكور على الاسئله الرائعه مثلك واهلا فيك باي وقت

rami

16-02-2010, 13:30

ابو مجد الله يخلينا اياك تلاميذ بمدرستكم سيدي الله يسعدك ويجزيك كل خير يارب

كامل السوالقة

16-02-2010, 13:42

الله يحفظك ويخليك
بس دير بالك من ابو زغيب ناويلك على اسيله بتعقد
:022:

rami

17-02-2010, 10:25

ما تخاف ابو مجد محضر حالي اله :hh25:

هبة الرحمن

17-02-2010, 18:38

رامي صحيح نسيت اسئلك
شو رأيك بالصداقه

دانا

17-02-2010, 19:41

مرحبا رامي يعطيك العافية مو مقصر والله شطور الله يحميك
رح ابلش اسإلتي والله يوفقك

1- انت بتحب انك لما تغلط بحد انه يعذرك ويسامحك اول ما تشرحلو وجهة نظرك ولا بتتقبل فكرة الاعتذار ؟؟؟
2- شو بتطلب من الشخص اللي قدامك مقابل ثقتك او بمعنى آخر شو صفات الشخص اللي بياخد ثقتك ؟؟؟
3- بتحب المفاجآت ؟؟؟
4- ممكن تتنازل وتسامح وتتغاضى عن عقلك لأنه الواسطة قلبك ولا ما بتقبل وسايط ؟؟؟
5- غير الكذب شو بتكره ؟؟؟ وغير البحر شو بتحب ؟؟؟ (مو اشخاص بقصد اشياء ) ؟؟؟
6- مين الأعضاء المفضلين عندك بالمنتدى ؟؟؟ ورأيك بصراحة بهالأشخاص ؟؟؟
ابو معمر
ابو زغيب
انا دندون
حرف
لمى

7- شو خاطر ببالك تسمعنا هلأ اغنية ؟؟؟

خلص خلصنا بتقدر تروح تشرب كاسة مي باردة ...

اشرف تيم

18-02-2010, 04:34

اخي العزيز رامي كيفك وكيف اخبارك وصحتك

واني لا اريد ان اطيل عليك بس صديقي لي بعض الاسئله اذا امكن
بعد اذنك

1- ما فائدة الدنيا الواسعه اذا كان حذاؤك ضيق ؟؟

2-هل صحيح التصفيق هو الطريقة الوحيدة التي نستطيع ان نقاطع بها اي متحدث بدون ان نثير غضبة

3- ما اثمن شيء في الدنياء

4- ما هي السعادة

5- ماشعورك عندما تعرف انك وثقت في انسان واكتشفت انه ثعلب ماكر

6- ما رادت فعلك عندما يكذبك من هم تقول عنهم اصدقاء وخاصة انهم لا يعرفون عنك شيء

صديقي العزيز ارجو ان لا اكون اطالت عليك ولكن لي راجعة
:21_246:

rami

18-02-2010, 10:13

ولكم باك هبه الصداقه اممممممممممممممممم سؤال صعب بصراحه بس رايي انه مستعد اقدم الكثير وما استنى اشى من الانسان اللي بعتبره صديق وذا في انسان وصل لمرحلة يكون صديق بحياتي ف اتاكدي انه ما رح اقصر معه نهائي واكون على قدر هاي المسؤوليه وبالنسبة للصداقه اختلفت التعريفات اكيد بس بالنسبه الي الصديق من يشعر بك دون ان تتكلم بشيء ويطبطب عليك بدون ما تشكي.

هبة الرحمن

18-02-2010, 10:29

كلامك صح رامي
بس بتعتقد انه بهل زمن في متل هيك صديق؟؟

rami

18-02-2010, 10:30

اهلا اهلا انسه دانا انت من وين طلعت قلنا الحمدلله انك بتغيبي كثير هاي الايام عشان ما تسالي اشي طلعت ما بتفوت اشي انا نفس اعرف مين دلك وحكالك انه انا على كرسي الاعتراف الله يقطع شره جابلنا الدور والله
المهم خليني احاول اجاوب على اسئلتك اللي ابصر من وين جايبيتها :158:

1- انت بتحب انك لما تغلط بحد انه يعذرك ويسامحك اول ما تشرحلو وجهة نظرك ولا بتتقبل فكرة الاعتذار ؟؟؟
بصراحه لا بحب افسر ولا بحب اعتذر بس ممكن يكون الاتنين مع بعض بداية يكون الاعتذار واذا ما قبل ما بفسر يعني بعتذر قبل ما افسر لانه لازم يعذرني قبل اي اشي لانه لازم يكون عارف انه اكيد في تفسير للي صار وطبعا هاد الاشي مش مع كل الناس نوادر جدا والله.
2- شو بتطلب من الشخص اللي قدامك مقابل ثقتك او بمعنى آخر شو صفات الشخص اللي بياخد ثقتك ؟؟؟
اذا اجيت لمعنى الثقة المزبوطه ما ناس بيوخدها نهائي انا كتير حريس بهاد الموضوع واذا اعطت ممكن تعطى على فترات مش مرة وحدة وذا في انسان بيوخدها ف اكيد ما بستنى منه الا انه يعرف قيمة هاد الاشي وانه ازا ما قدرها وحفظها اكيد بكون عارف او على الاقل حاسس ومايتوقع انه يكون فيه غفران او تقبل اعتذار نهائي مش لانه انا مش متسامح بالعكي بس هاي الشغله من المسلمات يعني ما بقدر اتواسطله فيها نهائي.
3- بتحب المفاجآت ؟؟؟
ممكن
4- ممكن تتنازل وتسامح وتتغاضى عن عقلك لأنه الواسطة قلبك ولا ما بتقبل وسايط ؟؟؟
على الاغلب لا خصوصا في امور لا تقبل هاي الواسطة
5- غير الكذب شو بتكره ؟؟؟ وغير البحر شو بتحب ؟؟؟ (مو اشخاص بقصد اشياء ) ؟؟؟
بكره الملوخية وبحب الفاصوليا
6- مين الأعضاء المفضلين عندك بالمنتدى ؟؟؟ ورأيك بصراحة بهالأشخاص ؟؟؟
الاعضاء المفضلين: اولئك
ابو معمر: حقق ما كان يصبو اليه
ابو زغيب : طيب
انا دندون : "بس مايكبر راسك" رائعه
حرف : تستهال كل خير والله
لمى :الله يرضى عليها
طبعا الكل بكن اله كل الاحترام والتقدير.
7- شو خاطر ببالك تسمعنا هلأ اغنية ؟؟؟
"كتب حياتي ياعين" هههههههههه بمزح ممكن اغنية عيناك لخالد الشيخ
هو بس كاسة مي احكي دلو مي نورت دانا ولا تعيديها

rami

18-02-2010, 10:31

هو نادر بس ازا بتلاقي اتمسكي فيه

rami

18-02-2010, 10:37

اهليييييييييييين والله باشرف والله الك وحشة يا سيدي اشتقنالك والله انا الحمدلله انشالله تكون بخير يا رب

1- ما فائدة الدنيا الواسعه اذا كان حذاؤك ضيق ؟؟
اطلع لفوق وفكر بامور ممكن اتحسسك انه حذائك واسع
2-هل صحيح التصفيق هو الطريقة الوحيدة التي نستطيع ان نقاطع بها اي متحدث بدون ان نثير غضبة
ممكن بس فيه امور تقاطع فيها افضل من هيك
3- ما اثمن شيء في الدنياء
الام

4- ما هي السعادة
ان رى الناس اللي حولك سعداء

5- ماشعورك عندما تعرف انك وثقت في انسان واكتشفت انه ثعلب ماكر
لاسمح الله اكيد ما في اي حل بنهي من حياتي بسرعه دون اي ادنى تفكير

6- ما رادت فعلك عندما يكذبك من هم تقول عنهم اصدقاء وخاصة انهم لا يعرفون عنك شيء
لازم الواحد يعرف كيف يختار اصدقاء يا اشرف مش كل من طلع معك طلعه او قعد معك هو صديق واكيد انت عارف.
مشكور على الاسئله نورت والله:191[1]: