(لقاء خاص مع أم كل عضو و عضوة )

[خالد النورس]

http://i41.tinypic.com/6fch7a.jpg


أخواني وأخواتي

جميل بأن يكون للأم في منتدانا العزيز مكانة وأن نأخذ بآراء أمهاتنا الحبيبات في الإجابة على بعض الأسئلة

لذا حباً وتقديرا أحببت أن يكون للأم مكانة بين قلوب أعضاء صدى الحجاج

http://2.bp.blogspot.com/_UF_oUf4jtvA/RxURykjM2-I/AAAAAAAAAWU/x4sBFtGoll8/S260/%D8%A7%D9%85%D9%89.bmp


فحياك الله أيتها الأم الحبيبة في هذا اللقاء الذي سينار بقدومك له ويفخر بوجود ردودك بين صفحاته وهدفي من هذا الموضوع لنتغلغل إلى بيت كل وأحد منـا ونجــري لقاء مع أمهاتنا فأمكم هي أمي ~~ وأمي هي أمكم

http://abeermahmoud2006.jeeran.com/585-Love-U-mom.gif

بالنسبة لفكرة الموضوع

أقوم باختيار احد الأعضاء واطرح عليه أسئلة ويقوم هو بدوره بطرح الأسئلة على والدته حفظها الله وأبقاها وعند اكتمال الإجابة يقوم هو بدوره بوضع إجابات والدته حفظها الله هنا ثم يقوم نفس العضو باختيار احد الأعضاء ويوجه له نفس الأسئلة وان أحب الإضافة على الأسئلة فله ذلك

http://abeermahmoud2006.jeeran.com/580-Love-U-Mom.gif

ملاحظة: أتمنى وضع نفس إجابات أمهاتكم بالضبط من غير زياده ولانقصان

لنعيش معهم بصدق حتى لو كانت الاجابه عفويه دعوا أمهاتنا يعيشون بيننا انتظر بلهفة إجابات أمهاتكم

http://under20.maktoob.com/CardPath/31583.jpg



أتمنى ان ارى تجاوبكم وآرائكم


ورح اضع الاسئلة واختار العضو لما أشوف موافقتكم على الموضوع

[دانا]

انا اكيد موافقة وبدنا تعمل موضوع للاب كمان انا موافقة بشدة كمان
فكرة روعة خالد بجد
شكرا الك ولافكارك المتميزة

[ندووش]

فكرة حلوة كتير

[حرف]

اكيد موافقين الفكرة كتير حلوة

[كامل السوالقة]

نعم هى الام موافق بس لا يوجه السوال الى لانى فاقد الام والاب اللهم ارحم امى وابي واسكنهم فسيح الجنان ووسع عليهم مسكنهم الاول فى مرحلة الاخره وجزيهم عنا خير الجزاء وارفع برحمتك شانهم يوم القاء

[زهرة السوسن]

الله يرحمهم اخي كامل ويسكنهم فسيح جنانه

موافق على الفكرة ........ إمضي

[اشرف تيم]

وانا موافق اخي خالد بارك الله فيك

[ريماس]

على بركه الله

الله يستر من امي الله يخليها نهفاتها كتيرة زي بنتها هههههههههههههههههه

[خالد النورس]

بسم الله نبدأ



الاسئلة:-

1- ماهي نظرتكِ للنت ؟ وهل فعلا النت سرق أبنائكِ من الجلوس معكِ ؟

2- يا ترى ما هي الأمنية التي تتمنينها لابنكِ أو أبنتكِ الذي يقرأ عليك هذه الأسئلة ؟

3- هل ابنكِ هذا أوأبنتكِ هذه مرتبة أم فوضوية ؟ وما هو السبب ؟

4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟

5- لو طلب منكِ أن تغيري شيء في هذا العالم ما هو أول شيء تفكرين تغيرينه ؟ ولماذا؟

6- ياتري ماهو المستقبل الذي كنتِ تتمنينه من الصغر لابنكِ او ابنتكِ وهل هذا ماوجدتيه عليه اليوم ؟

7- موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟

8- نصيحة تنصحيننا بها أثابكِ الله؟


9- بس بكفي كبداية مع اول عضو



بالنسبة للعضو رح اختار ...

v
v
v
v
v
v
v
v
v
v
v
v
v
v
v
v
v
v
v

المراقبة المتألقة ريماس


قبل ما تسألي الوالده عيدها بالنيابة عني وعن زملائي الاعضاء

[ريماس]

وانت بالف خير خالد وامي بتحكيلكم الله يرضى عليكم يماا

ملاحظه خالد امي فلسطينيه وبتحكي بالكاف

انا قاعده هسا مع امي الساعه 5 ونص الفجر بنسولف بتحكيلي كاعدين زي الكرود الكابر اهله ما بسهر هسا وانا نازله فيها اسئله يا حرام

خالد راح اجاوب بالحرف زي ما بتحكي امي بس الكاف بكتبه قاف

1- ماهي نظرتكِ للنت ؟ وهل فعلا النت سرق أبنائكِ من الجلوس معكِ ؟

الله يقطع النت والي اخترع النت بطلت اشوف ريماس وعمر وبطلت ريماس تنام


2- يا ترى ما هي الأمنية التي تتمنينها لابنكِ أو أبنتكِ الذي يقرأ عليك هذه الأسئلة ؟

الله يستر عليها دنيا واخرة ويعطيها الي في بالها

3- هل ابنكِ هذا أوأبنتكِ هذه مرتبة أم فوضوية ؟ وما هو السبب ؟

لما بتكون معطله بتكون مرتبه ولما بتداوم بتصير نص مرتيه

4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟
الدلع بخرب الولد انا ما دلعت الا ابني الصغير اخر العنقود الله يرضى عليه صار يركن علينا بكل شي حتى بشرب المي جيبولي اشرب بس البنات الله يرضى عليهن ما دلعتهن بس حنونات علي وكثر الدلال بخرب للبنت وللولد

5- لو طلب منكِ أن تغيري شيء في هذا العالم ما هو أول شيء تفكرين تغيرينه ؟ ولماذا؟

بطلب اغير حظ بناتي ( ههههه هاي الضحكه من ريماس شو بدها تغير لتغير ) حظهن ناقص الحمد لله

6- ياتري ماهو المستقبل الذي كنتِ تتمنينه من الصغر لابنكِ او ابنتكِ وهل هذا ماوجدتيه عليه اليوم ؟

الحمد لله رب العالمين الي طلبته من ربنا لقيته واولادي زي ما بدي واحسن

7- موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟

ريماس لما وقعت عن سطوح الجيران على راسها واخدتها على المستشفى فحصها الدكتور صار يضحك حكالي انت متأكده يا حجه انه بنتك وقعت عن السطح حكيتله والله يا دكتورحكالي روحي يا حجه اذا انا في شي هي فيها شي من يومها ما شاء الله شاقه الارض وطالعه منها
( ملاحظه هالحكي كان عمري 6 سنين بس بجوز الوقعه هي الي خلتني خوثه ههههههه ) الله يستر ابو زغيب ما يقرأ ليضل يعايرني فيها

8- نصيحة تنصحيننا بها أثابكِ الله؟

الله يرضى عليكم ويعطيكم لحتى يرضيكم اهم شي رضا الوالدين ومخافه ربنا


وبالنهايه الله يخليلي امي ويطول عمرها ويخليلكم امهاتكم امين

شكرا الك خالد وكل عام وانت واهلك وحبايبك بالف خير وينعاد عليكم بالصحه والعافيه يارب

[خالد النورس]

كل الشكر لكِ ريماس وللوالدة الله يخليها تاج على رؤوسكم

ريماس ما اخترتِ العضو الي بعدك ولا حطيته اسئلة مع العلم بتقدري تحطي اسئلة غير الموجودة او تضيفي عليها

[ريماس]

الله يخليك خالد كله من لطفك

بختارك انت خالد تجاوب على اسئلتي خليها نفس الاسئله ما راح اغير فيها

الاسئلة:-

1- ماهي نظرتكِ للنت ؟ وهل فعلا النت سرق أبنائكِ من الجلوس معكِ ؟

2- يا ترى ما هي الأمنية التي تتمنينها لابنكِ أو أبنتكِ الذي يقرأ عليك هذه الأسئلة ؟

3- هل ابنكِ هذا أوأبنتكِ هذه مرتبة أم فوضوية ؟ وما هو السبب ؟

4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟

5- لو طلب منكِ أن تغيري شيء في هذا العالم ما هو أول شيء تفكرين تغيرينه ؟ ولماذا؟

6- ياتري ماهو المستقبل الذي كنتِ تتمنينه من الصغر لابنكِ او ابنتكِ وهل هذا ماوجدتيه عليه اليوم ؟

7- موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟

8- نصيحة تنصحيننا بها أثابكِ الله؟

[خالد النورس]

الحمدلله الي لحقت امي قبل ما تروح على العزاء


1- ماهي نظرتكِ للنت ؟ وهل فعلا النت سرق أبنائكِ من الجلوس معكِ ؟

بصراحة النت حاسيته علم وفائدة ~~ بعض الاحيان بنفكر خالد خارج البيت وبنتفاجىء انه قاعد بشتغل عالنت مش بس مني من اصحابه كمان

2- يا ترى ما هي الأمنية التي تتمنينها لابنكِ أو أبنتكِ الذي يقرأ عليك هذه الأسئلة ؟

الله يسرله بنت الحلال ويوفقه في حياته هو واخوانه

3- هل ابنكِ هذا أوأبنتكِ هذه مرتبة أم فوضوية ؟ وما هو السبب ؟

مرتب في شغلات وفوضوي في شغلات كثيرة لانه النت ماخذ عقله

4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟

نعم يدمر الشاب و الفتاة لو زاد عن حده

5- لو طلب منكِ أن تغيري شيء في هذا العالم ما هو أول شيء تفكرين تغيرينه ؟ ولماذا؟

اكيد اغير نمط الحياة الى عايشين فيه بس الحمدلله على كل حال

6- ياتري ماهو المستقبل الذي كنتِ تتمنينه من الصغر لابنكِ او ابنتكِ وهل هذا ماوجدتيه عليه اليوم ؟

كل ام تتمنى لابناءها افضل الاشياء من مستقبل وعيش كريم وكل ما هو مريح وفي صالح ابناءها وما وجدت اولادي عليه الحمدلله انهوا دراستهم وكل واحد في شغله وبيته مبسوط والحمدلله

7- موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟

طبعا مش مع خالد لانه خالد مغلبني كثير حتى في ولادته غلبني مواقف كثيرة لسه في ذهني بس مرض اخوه الصغير مش قادرة انساه

8- نصيحة تنصحيننا بها أثابكِ الله؟

حافظوا على دينكم واهلكم لا يجعل الانترنت منكم إناس مثل قلتكم عديمي الفائدة ربي يحفظكم ويوسع عليكم دنيا واخرة


وكل عام وانتم بالف خير وينعاد عليكم بالصحة والعافية







انا اكيد رح اختار عضو او عضوة بعدي وما رح ازيد على الاسئلة المطروحة والي بعدي رح يكون يكون يكون مين يا ترى

v
v
v
v
v
v
v
v
v
v
v
v
v
v


هشام القواسمة ابو ريان

[هشام القواسمة]

1- ماهي نظرتكِ للنت ؟ وهل فعلا النت سرق أبنائكِ من الجلوس معكِ ؟

والله انا مش فارقة معي بس مرتك انت اللي بتشتكي من كثر قعدتك على الكمبيوتر
(جبتونا الكلام)

2- يا ترى ما هي الأمنية التي تتمنينها لابنكِ أو أبنتكِ الذي يقرأ عليك هذه الأسئلة ؟
بتمنى شوفك دكتور .. وان شاء الله قربت

3- هل ابنكِ هذا أوأبنتكِ هذه مرتبة أم فوضوية ؟ وما هو السبب ؟
الصحيح مرتب كثير ومن صغره بحب الترتيب ، يعني ما بحب يشوف اشي مو في مكانه

4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟

في العكس يشهد الله انا ما بحب ادلع ناس بحيهم بس بحب يكونوا رجال ، وعمري ما دلعت ولد ولا بنت


5- لو طلب منكِ أن تغيري شيء في هذا العالم ما هو أول شيء تفكرين تغيرينه ؟ ولماذا؟

اغير عصبية هشام .. لأنها جرت عليه شغلات كثيره الله يكون معه
(الله يسامح الحجة ..)
6- ياتري ماهو المستقبل الذي كنتِ تتمنينه من الصغر لابنكِ او ابنتكِ وهل هذا ماوجدتيه عليه اليوم ؟
والله هو ما هلا ناس يفكروا الو بشي كان بعمل اللي في راسو ..بس انا بحمد ربي لأني شايفتو هيك
7- موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟
هشام حنون لدرجة انو كان عنده عصافير ..وفي المطر راح جابهم من على السطح ووضعهم في الفرن في البيت .. لما فتحت الفرن طارن في وجهي .. وسببوا لي خريعة ...
8- نصيحة تنصحيننا بها أثابكِ الله؟
كنت دايما بقول الو الضربة اللي ما بتكسرك بتقويك وهو بحب النصيحة هذي
وبنصحو يدير بالو على بيتو اكثر


هاي اجابة الحجة والله كل شي قالتو كتبتو
بس والله كانت فرصة الها تبهدلني
بس كل شي منها حلو

من بدي اختار





ندوش
نادية عربيات

[سفير الغرام]

الله يخليك لي يا امي
موضوع مفيد الله يعطيك العافية

[أنيسة]

موضوع رائع برشا أخي خالد ربي يخليلك أمّك و أمهات كل الأعضاء الغاليين
و الله يرحم أمّي و أمهات المسلمين و المسلمات
عجبني الموضوع برشا أخي لكن للأسف ما فيه نصيب للمشاركة

[براءة الحياة]

اللهم يا ذا الجلال و الإكرام يا حي يا قيوم ندعوك باسمك الأعظم الذي إذا دعيت به أجبت! ! ! ،
أن تبسط على والدتي من بركاتك ورحمتك ورزقك

اللهم ارزقنا رضاها ونعوذ بك من عقوقها

مشكور خالد فكرة حلوة يعطيك العافية

[ابوتاية]

رحمت الله على أمي اللهم اسكنها فسيح جناتك ووسع قبرها واسكنها مع الصالحين يارب العالمين وطول بعمر والداتكم

الفاتحه على روح الوالدة وجزاكم الله خير الجزاء

[ندووش]

- ماهي نظرتكِ للنت ؟ وهل فعلا النت سرق أبنائكِ من الجلوس معكِ ؟
- ما بحبه لانه ما بنشوفها
-
- والله بتتعب من قعدتها ع النت بدي تريح حالها عشان عيونها( ) ترى نظري 6/6 )

2- يا ترى ما هي الأمنية التي تتمنينها لابنكِ أو أبنتكِ الذي يقرأ عليك هذه الأسئلة ؟
بتمنى اشوفها احسن الناس ومثل ما هي حابه وتكون مبسوطة بحياتها
-
-
-
- 3- هل ابنكِ هذا أوأبنتكِ هذه مرتبة أم فوضوية ؟ وما هو السبب ؟
يا ريتها مش مرتبه والله بتهلك حالها وما بعجبها العجب
-
-
4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟

الدلع مش كويس بالمرة ديروا بالكوا


5- لو طلب منكِ أن تغيري شيء في هذا العالم ما هو أول شيء تفكرين تغيرينه ؟ ولماذا؟
بخلي قلوب الناس احسن من هيك لانه اذا تغيرت قلوب الناس كل شيء بكون احسن

6- ياتري ماهو المستقبل الذي كنتِ تتمنينه من الصغر لابنكِ او ابنتكِ وهل هذا ماوجدتيه عليه اليوم ؟
انا مبسوطة من نادية الحمد لله وبتستاهل كل شيء كويس
-
- 7- موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟
كانت قوية وبتزعلني كتير ... بس هسه لا حنونة كثير الله يرضى عليها
8- نصيحة تنصحيننا بها أثابكِ الله؟
اجعل مرضاة الله هدفك في الحياة


وكل عام وانتوا بالف خير
رح اختار المشتاق

[ميس]

يسلموووو الآيادي خالد بجد فكره كتيير حلوه وجديده
ومافي احلى من أجوبة ست الحبايب بالمنتدى (متل العسل ع قلوبنا)

[المشتاق]

- ماهي نظرتكِ للنت ؟ وهل فعلا النت سرق أبنائكِ من الجلوس معكِ؟
والله يا يما ما بعرف وشو النت
2- يا ترى ما هي الأمنية التي تتمنينها لابنكِ أو أبنتكِ الذي يقرأعليك هذه الأسئلة ؟
الله يوفقك ويسرلك اولاد الحلال
- 3- هل ابنكِ هذا أوأبنتكِ هذه مرتبة أم فوضوية ؟ وما هو السبب ؟
عين الله عليك .. تعال احبك
4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟
آه والله الدلع الزايد مو كويس .. لا يجوع الذيب ولا تفنى الغنم
5- لو طلب منكِ أن تغيري شيء في هذاالعالم ما هو أول شيء تفكرين تغيرينه ؟ ولماذا؟
بسلمك وزارة من الوزارات .. انت غالي علي .. الله يرضى عليك
6-موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟
لما طلعت زق على الشارع بدك تتدعس حالك
8- نصيحة تنصحيننا بها أثابكِ الله؟
لاحق اللي ببكيك لا تلحق اللي بيضحكك

ايش هذه الاسئلة ؟ راعوا فرق السن
مشكورة ندووش .. ومشكور صاحب الفكرة



برشح براءة الحياة تسأل امها هذه الاسئلة

[ندووش]

الله يخليلكوا امهاتكوا شو اعمل انا شو دخلني المشتاق بعدين انا ما بعرف تفاصيل حياتكواحتى اعرف والدة كل واحد كم عمرها صح. السؤال اللي والدتك ما بتعرفه جاوبه انت ( ههههههههههههه ) اقلك غير انت السؤال ؟؟؟ هذا الحل اللي عندي غير هيك ما بقدر اساعدك

[براءة الحياة]

- ماهي نظرتكِ للنت ؟ وهل فعلا النت سرق أبنائكِ من الجلوس معكِ؟
كماليات ...بس طالما مصدر فائدة على ذمتها مش مشكلة ...ما سرقها ... متاكدة أنا القلب والحضن الوحيد الها..

- يا ترى ما هي الأمنية التي تتمنينها لابنكِ أو أبنتكِ الذي يقرأعليك هذه الأسئلة
الله يوفقها بدرستها ويسترها ويحميها...ويهديها
- 3- هل ابنكِ هذا أوأبنتكِ هذه مرتبة أم فوضوية ؟ وما هو السبب ؟
لا مرتبة ...لحد لا يطاق ؟؟؟السبب كرها زيارات إخوانها حتى ولادهم ما يعملو فوضى وكركبه وتبقى معصبة من كل حركة إلهم

4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟
الدلع مش مقبول للطرفين ...بس مضطرة أدلع البنات .كونكن وحيدات
5- لو طلب منكِ أن تغيري شيء في هذاالعالم ما هو أول شيء تفكرين تغيرينه ؟ ولماذا؟
ما بغير شيءدع الخلق للخالق...وإن ضطريت برجعه في الزمن للوراء وما بخلف ولا ولد وبعيش مع الحج حياتنا دون هموم..وتفكير


6-موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟
كثير في مواقف شقية من أول عمرك ...اكثر موقف ...إبتلاعك حبوب ليلة العيد فكانت عيديه مرتبة ..كل عيد بذكرها

8- نصيحة تنصحيننا بها أثابكِ الله؟
تحكيم العقل قبل القلب ...

[براءة الحياة]

الله يخلي ماما وجميع امهات المسلمين ...

وبرشح ميس

[خالد النورس]

نظرا لتغيب الاخت ميس سوف نقوم بختيار العضو اشرف تيم بدلا منها

[اشرف تيم]

- ماهي نظرتكِ للنت ؟ وهل فعلا النت سرق أبنائكِ من الجلوس معكِ؟
انا ما بعرف ايش هو النت بس بسمع من اخوانو لما اسال عنو انو في محل النت
2- يا ترى ما هي الأمنية التي تتمنينها لابنكِ أو أبنتكِ الذي يقرأعليك هذه الأسئلة ؟
الله يحفظو ويا جوازو
- 3- هل ابنكِ هذا أوأبنتكِ هذه مرتبة أم فوضوية ؟ وما هو السبب ؟
كان زمان مراتب وما بعجبو العجب بس هسا مش عارفه مكالو ما بهتم في حالو
4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟
آه والله الدلع الزايد مو كويس . تطميعهم كثير مش كويس دقه على الحافر ودقه على المسمار
5- لو طلب منكِ أن تغيري شيء في هذاالعالم ما هو أول شيء تفكرين تغيرينه ؟ ولماذا؟
اغير من تفكيرك ونظرتك الجواز لني بحبك ياما
6-موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟
لما ضعت وصرنا ندور عليك ولقينك متعربش على سيارة الغاز
8- نصيحة تنصحيننا بها أثابكِ الله؟
اشتري الي بشتريك وبيع الي ببيعك




مشكور خالد والولده بتسلم على الكل



وانا برشح طفيلي وافتخر

[طفيلي و افتخر]

- ماهي نظرتكِ للنت ؟ وهل فعلا النت سرق أبنائكِ من الجلوس معكِ؟

يعني اشي ومنه , بس ما بخاف عليه من ناحية الدراسة الله يحفظه قصي شاطر

2- يا ترى ما هي الأمنية التي تتمنينها لابنكِ أو أبنتكِ الذي يقرأعليك هذه الأسئلة ؟

انه يكمل دراسته و يبعد عنه اولاد الحرام و اجوزه وحدة مننا (طفيلية)

- 3- هل ابنكِ هذا أوأبنتكِ هذه مرتبة أم فوضوية ؟ وما هو السبب ؟

اشي ومنه بس احسن من غيره عشان عندنا خدامه

4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟

والله ما أعطيت قصي اشي غير من تعبه اذا بجيب شهادة كويسة بجيبله هدية او بكون واعدته باشي

5- لو طلب منكِ أن تغيري شيء في هذا العالم ما هو أول شيء تفكرين تغيرينه ؟ ولماذا؟

خلي الخلق للخالق هو احكم منا

6-موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟

دخل المستشفى و عملوله عمليه و طبعا ايدي على قلبي و هو بالمستشفى و انا جنبه

7- نصيحة تنصحيننا بها أثابكِ الله؟

حافظوا عالدين و ديروا بالكوا على حالكوا و ما تهتم برأي الناس فيك بل كيف انت مقتنع في حالك

الحمد لله ما جبتولنا كلام الله يخلي الحجة و حجات الاخوان كلهم تاج على روسنا
أنا كنت بدي ارشح كامل السوالقة بس ما دام الوالدة متوفية ( الله يرحمها )
برشح طفيلية و افتخر

[خالد النورس]

شكرا لكم على هذه الجهود وحفظ الله امهاتنا من كل سوء

http://abeermahmoud2006.jeeran.com/584-Love-U-Mom.gif

[خالد النورس]

شكرا لكم على هذه الجهود وحفظ الله امهاتنا من كل سوء

http://abeermahmoud2006.jeeran.com/584-Love-U-Mom.gif

[المشتاق]

-موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟
لما ضعت وصرنا ندور عليك ولقينك متعربش على سيارة الغاز


يقطع شرك يا اشرف .. والله موتت من الضحك

[ميس]

يسلموو ع الموضوع الحلو خالد...وبعتذر اني مارديت ع نور بس مابتواجد كتير بالمنتدى

والله انا سألت أمي من اول يوم قرأت فيه الموضوع ...كان عندي فضول اعرف رأيها بهالأسئله
هلأ هي طلبت مني اضيف اجوبة 4 اسئله بالمنتدى
لانه الاسئله الباقيه اتكررت اجوبتها بالمنتدى.


- ماهي نظرتكِ للنت ؟ وهل فعلا النت سرق أبنائكِ من الجلوس معكِ؟
ماما احتارت وما عرفت تجاوب ع السؤال هاد لانه بصراحه هي بتستخدم النت اكتر منا....يعني هي يلي سرقها النت منا

4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟

قالت : لازم اندلع البنات لانه بكرا بيكبرن وبيتزوجن والله بيعلم شو حظهن بهالزواج وهن حنونات كتير علينا اكتر من اخوانهن الشباب ( احنا 2 بنات و4 شباب ) بعدين تدليع الشب مابيطلعه رجال .

5- لو طلب منكِ أن تغيري شيء في هذاالعالم ما هو أول شيء تفكرين تغيرينه ؟
قالت : جوزي مع ضحكه ( ههههه انا احتج بابا مافي متله )

6-موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟

متل ما حصل مع ريماس ( لما وقت اخوي وهوو بعمر السنتين من طابق تاني ...ضله فتره كبيره بالمستشفى ..هلأ هو عمره 23سنه ولحد الآن اثار الوقعه باينه بوجهه) الحمد لله ع كل شي

http://bp0.blogger.com/_bnpSv1YTVMs/SHjNBT5JT3I/AAAAAAAABZg/k8N6iVHsHUo/s400/888%D8%A7%D9%84%D8%A3%D9%85.jpg

تقبلوا مروري ويسلموو

[خالد النورس]

شكرا لكِ ميس وشكرا للوالده الله يحفظها من كل شر

ما اخترتِ عضو بعدك ميس

على العموم رح اختار انا والدة العضو النور والضياء للاجابة

[النور والضياء]

أمي الغاليه

رحمك الله وغفر لك , رحلت وأنت أغلى ما عندي

وأنا أغلى ما عندك , أسأل الله لك المغفره وأسكنك فسيح جنانه

أخي خالد أشكرك وأطال الله عمرك وحفظك ورعاك ان شاء الله لوالديك

والدتي الله يرحمها ويغفر لها

[خالد النورس]

رحمها الله وغفر لها اختي العزيزة تقبلي اسفي فاني لا اعلم تغمدها الله برحمته وعفوه وغفرانه




بدنا نختار ابو زغيب Gladiator طبعا بدك تقول انا في عمان ما ليه دخل عالتلفون على الانترنت بدك تخلي الحجة الله يحفظها ويخليها اتجاوب

[النور والضياء]

خاااااااااااااااالد النورس

شوووووووووووووو

اختي

اختي

وليس اخي ههههههههه

انا اختك

ماشي

[خالد النورس]

انا متأسف يا النور والضياء كل البنات الي في المنتدى خواتنا في الله اهلا وسهلا فيكِ معنا

[Gladiator]

هههههههههه
هسه بحاكيها على الماسنجر .. وهي قاعده في المطبخ مو مشكله بخليها تستخدم الفرن بدل الكمبيوتر
اول شي حفظ الله امهات الجميع ورحم الله من منهن انتقل الى رحمة الله

اسمع خالد انت ناوي تلوعها هوشه بيني وبينها انا ما صدقت على الله تنسى موضوع الدراسه
انا عارف هسه كل اجوبتها انه احمد يتخرج والله لو بتسألها شو بنحط مع الملوخيه الا تجاوبك احمد يتخرج

فكنا منننك
انا قعدت شهر رمضان عندها كل شي بعمللها اياه عشان انسيها والصبح بتصبح في بهدله وفي الليل بتماسى في ................ بلاش احكي عشان البرستيج

على العموم يا بتستنوا للاسبوع الجاي لما اروح عالطفيله واقابلها فيس تو فيس واضحك عليها واقول الها انه هذا مقال صحفي
او ربنا بقدرني وبحكي معها تلفون وبتحمل البهادل منها الله يكون في عوني

والله يا خالد بتسمع في الي بجيب الدب لكرمه وهو انا .. انا ناوي اجيب الدب لكرمي

بكره اذا شاء الله بحاكيها .. لانه هسه عندها الحلم السابع بلش ومافي دعايات 7 حلقات في مسسلسل

اتحملوني

[ميس]

اي صحيح نسيت اختار...البركه بخيو ابو زغيب
بس ماشاء الله شكله ناوي يعمل تحقيق صحفي مع الست الوالده ومايخلي ولا يبقي من اسئله ومعلومات
بس لا تغمق بالاسئله لحتى ماتجيب الحكي لحالك...لانه شكلك مقصر معها .

[خالد النورس]

ههههههههههههههههه

اتحمل يا احمد شو بدو يصيرلك من الحجة وعلى كل حال بدنا نختار عضو لغاية ما ترجع للطفيلة بالسلامة



والعضوة الجديدةرح تكون حرف*

[حرف]

الله يخليلي ماما
ويقدرنا جميعا على بر امهاتنا
الحياة بدونهم سلطة


ماهي نظرتكِ للنت ؟ وهل فعلا النت سرق أبنائكِ من الجلوس معكِ؟
تقول مامتي العزيزة :
النت سلاح ذو حدين مفيد إذا الواحد قرر انه يطور نفسه من خلاله وإذا ترك نفسه للنت بضيع (طبعا ماما الها ايميل وبتحكي مع قرايبها على المسنجر وبتشارك بمنتديات يعني تعلمت كل شي متلنا) بيني وبينكم الها دور للقعدة على النت وبتنافسنا)
وبتقول انه النت ما كان لازم تخلينا نشتغل عليه على كيفنا لانه سرق اخوي الصغير من البيت كله

2- يا ترى ما هي الأمنية التي تتمنينها لابنكِ أو أبنتكِ الذي يقرأعليك هذه الأسئلة ؟
الله يبعتلها واحد ابن حلال يهنيها ويسعدها

- 3- هل ابنكِ هذا أوأبنتكِ هذه مرتبة أم فوضوية ؟ وما هو السبب ؟
الله يرضى عنك انت ايدي اليمين ومو عارفة اعمل شي بالبيت وانت رجلك مكسورة .....طبعا انا مرتبة بفضلها

4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟

تقول :
انا مع الدلال وليس الدلع ...دايما بتدللني بس بدون دلع ...طلعت اخت رجال ...وما بتدلل الولاد ...بكفي انا

5- لو طلب منكِ أن تغيري شيء في هذاالعالم ما هو أول شيء تفكرين تغيرينه ؟ ولماذا؟
قالتلي راح تخلف شي 6 او سبع ولاد مو بس 3 ....عشان يكون البيت مليان

6-موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟
أنا كل المشاكل انا ...ما بتنسى ايام مرضي وانا صغيرة والتشنج الحراري المخيف ...بس بتقول انها بتحبني رغم كل هالغلبة
الله يخليلي اياها

8- نصيحة تنصحيننا بها أثابكِ الله؟
انا بجاوب عنها هاد السؤال ...دايما بتحكيلي لا تضيعي وقتك ...واغتنم فراغك قبل شغلك ..,استمتعي بكل مرحلة بحياتك

بختار بعدي دانا
:181[1]:

[دانا]

طيب بس اشربها القهوة وابلش استجوبها يسلمو حرف

[ريموه الروح]

يسلموا حبايبي ع هالفكرة اللي متل العسسسسسسسل والله انبسطت كتير لهيك موضوع ومناقشة وحوار مع اجمل مخلوق على وجه الكرة الارضيه الغاليه ماما الله يحفظ كل امهاتنا ويرحم اللي الله سبحانه وتعالى تغمدهم برحمته
ويسلموا مرة تانيه عزيزي النورس على هالفكرة اللي اروع من رائعه
ولن استغرب من افكاركم فكلكم مبدعون واوفياء فلكم مني كل الاحترام والتقدير
ولن انسى التنويه بان الاجابات افرحتني واضحكتني
واقبلوا مروري وانا بستنى دوري ازا بتحبوا مشاركتي

[دانا]

تسلم خالد موضوع روعة متل صاحبه اكيد
الله يخليلكم امهاتكم ويباركلكم بعمرهم يارب
شرا حرف الله يباركلك بعمر الوالدة ويحفظها الك

خلينا نبلش

- ما هي نظرتك للنت ؟ وفعلا النت سرق ابنائك منك ؟
اكيد النت شي عظيم في حياتنا وغيرها كلها  درجة بس برضو حسب الاستخدام وكل واحد وضميره باستخدامه
بالنسبة للسرقة بصراحة سرقها مني صارت حياتها شغل البيت ودراستها والنت وطبعا مع ابوها وانا بشوفها بمعية ابوها
- ما هي الامنية التي تتمنينها لابنك او ابنتك الذي يقرأ هذه الأسئلة ؟

الله يحميها من شر حالها وشر اللي حواليها ويبعد عنها اولاد الحرام وتتخرج وتتجوز ابن الحلال ويطمني عليها

هل ابنك هذا او ابنتك هذه مرتبة امفوضوية وما هو السبب ؟
والله مرتبة كل شي بهالبيت عليها حتى دراسة اخوانها صارت عليها (انا شطورة) ولازم تعمل كل شي للآخر يعني لما احكيلها خلص ماشي الحال بتصير تحكي ليش يكون ماشي الحال بتعب كمان  دقايق وبصير ممتاز (ما بتحب احكيلها  دقايق اشمعنا يعني والله ما بعرف ).
- هل تدليع الفتاة او الرجل يدمر ؟ وكيف تجمعي بين حبك وحنانك وبين تدليعك الذي ربما يخربه ؟؟
الزيادة بكل الاحوال شي مش منيح ابدا خير الامور اوسطها انا ما بحب الدلع وخليهم يتحملو المسؤولية بس ابوها مدلعها زيادة انا بشد وهو بيرخي ههههههههه (بس انا بتحمل المسؤولية صدقوني )

- لو طلب منك تغيري شيئ في هذا العالم ما هو اول شيء بتفكري تغيرييه ؟ ولماذا؟

بخلي البحر بعمان لاني كتير بحبو والغي وجود كل شي اسمو اسرائيل من الدنيا

- موقف حصل لابنك او بنتك منذ الصغر وما فارق مخيلتك الى يومنا هذا ؟

لما كانت صغيرة وركضت لعند الدفاية وحرقت ايدها قلبي نط لعندها كيف وصلتلها ما بعرف ربنا حماها

- نصيحة تنصحينا بها اثابك الله ؟؟

خلو ربنا بين عيونكم انبسطو بحياتكم بس مو على حساب الآخره وازا بترضوربكم برضى عنكم وبتكون حياتكم احسن

بختار يكون بعدي

رامي

[rami]

http://www.sadaalhajjaj.com/vb/images/icons/icon1.gif رد: (لقاء خاص مع أم كل عضو و عضوة )
شكرا اول اشي خالد ع الموضوع وشكرا دانا انك اخترتيني

1- ماهي نظرتكِ للنت ؟ وهل فعلا النت سرق أبنائكِ من الجلوس معكِ ؟
النت كويس ومفيد بس نستخدمه صح
2- يا ترى ما هي الأمنية التي تتمنينها لابنكِ أو أبنتكِ الذي يقرأ عليك هذه الأسئلة ؟
انه ربنا يوفقه بشغله ويسر اله بنت الحلال اللي تهنيه لانه بستاهل (قصدها عني)
3- هل ابنكِ هذا أوأبنتكِ هذه مرتبة أم فوضوية ؟ وما هو السبب ؟
هو انت مرتب لما تشتهي يعني لما تعصب انا ما بقدر احكي معك بس ع الاغلب انت مرتب ونضايفي بس لما تعصب بتخرب الدنيا
4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟
يعني هيك وهيك بس انا بحب الدلع وهيني دلعتك انت اخر العنقود (القعده) وطلعت ماشالله عليك
5- لو طلب منكِ أن تغيري شيء في هذا العالم ما هو أول شيء تفكرين تغيرينه ؟ ولماذا؟
سالتها ما حكت اشي قالت ما بعرف
6- ياتري ماهو المستقبل الذي كنتِ تتمنينه من الصغر لابنكِ او ابنتكِ وهل هذا ماوجدتيه عليه اليوم ؟
الحمدلله ماشالله عليك مهندس قد الدنيا ههههههههه
7- موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟
لما امرضت وانت صغير بالمدرسه (طبعا مرضت يمكن 3 اشهر ما كان معروف شو مرضي حم وحرارة وابصر شو)
8- نصيحة تنصحيننا بها أثابكِ الله؟
اعملوا بالحق وما تظلموا ناس

بختار ابو زغيب



بالنسبة للعضو رح اختار ...

v
v
v
v
v
v
v
v
v
v
v
v
v
v
v
v
v
v
v

المراقبة المتألقة ريماس



قبل ما تسألي الوالده عيدها بالنيابة عني وعن زملائي الاعضاء





التوقيع http://www.sadaalhajjaj.com/vb/images/statusicon/wol_error.gifنقره على هذا الشريط لعرض الصورة بالمقاس الحقيقيhttp://www.sadaalhajjaj.com/vb/image.php?type=sigpic&userid=375&dateline=1254469048



إذا كنت لا تقرأ إلا ما يُعجبك فقط .. فإنك إذاً لن تتعلم أبداً



البحث فقط عن المواضيع التي كتبها خالد النورس (http://www.sadaalhajjaj.com/vb/search.php?do=finduser&u=375&starteronly=1)

[ريماس]

ههههههههههههههههههههههههه رامي لا يحرمك من الخوث شوف اخر موضوعك شو كاتب

[rami]

هههههههههههههههههههه شفت مهو انا عملت كوبي وبيست وما عدلت باميه
عديها يا ريماس :v9v9net_170: تعبان والله ومشغول كنت

[ريماس]

خلص سماح هالمرة بس علشان انت مشغول وتعبان :187[1]:

[rami]

الله يسعدك بس عنجد متت ع حالي من الضحك ههههههههههههههه مو لهالدرجه الغبى

[ريماس]

معلش رامي اتعودت عليك شي مش جديد

مهو طول ما انت مرافق ابو زغيب ببشرك بخوث اكتر من هيك ههههههههههههههههههههه



:36_22_3::36_22_3:

[خالد النورس]

ههههههههههههههه

طيب يا رامي اختار عضو ثاني

[خالد النورس]

:013ff::013ff::013ff::013ff::013ff:

[rami]

اخترت يا خالد ابو زغيب مطفي الثم

[Gladiator]

والله يا مطفي الثم انت ما خالد اختارني وحكالي سماحات للاسبوع الجاي

بلومنوني لما احكي عنك اخوث واسطل ولا رنديله وفويزاتك ضاربه .. ولك قرب ثمك جاي خليني اشمك .. قول حاحا حاحا .. شارب شي ولى.. صاير الك اكمن يوم اسطل
واخوث وارعن واحمق وكل براغيك واقعه

البين يطسك ويلطك ومايحطك

[حرف]

شو هاد
شكلي بحارة
والناس بتردح لبعض
يقطع شرك

[rami]

طيب ماشي بختار حمودة بس انشالله ما يكون اختاروا قبل هيك لانه ما شفت هههههههههههههههه

[Gladiator]

وقققققققققققققققف
ستووووووووووب
اوقف التنفيذ
وسع وسع
جاءنا البيان التالي ..
حكيت معها وحققت .. يغص بالكوا خسرتوني كل الرصيد
الوطلع معاي التحقيق التالي


1- ماهي نظرتكِ للنت ؟ وهل فعلا النت سرق أبنائكِ من جلوس معكِ ؟

كونوا ماعندي انترنت فما راح اقدر اجاوب ولكن بشكل عام الانترنت الايجابي اكيد بكون مفيد وبجعل العالم قريبه من بعضها على قولة نجاة الصغيره القريب منك بعيد والبعيد عنك قريب
أي هو انا بشوفوا اصلا الا في المناسبات بس لما يكون عندي لانه ماعندي نت فما بسرقه مني الحمد لله ماعندي نت هههههه
2- يا ترى ما هي الأمنية التي تتمنينها لابنكِ أو أبنتكِ الذي يقرأ عليك هذه الأسئلة ؟
دوام التوفيق والسعادة ويرضى عنه دنيا واخرة ويتخرج )جبتولنا الكلام قالتها بقرف ويتخرج)
3- هل ابنكِ هذا أوأبنتكِ هذه مرتبة أم فوضوية ؟ وما هو السبب ؟
مش دايما .. والله هذا برجعله هو مش الي انا بجوز مزاجه كان متعكر صار فوضوي وبجوز كان مرتاح صار مرتب يعني مزاجي
4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟
احيانا يدمر ولكن مش قاعده عامه ( طبعا قالت مثل فرطت من الضحك مش حاكيه روحووو طيرووو)
ودايما بتكون البنت اكثر دلع لطبيعتها الانثويه والرجل اقل لطبيعته الرجوليه عشان يطلع زلمه قد حاله مش خيخه مايص بارد وجه بشبه الرجال من بعيد .بصراحه بكره التدليع الا الي بكون في حدود يعني يكون حزم في الامور مش عالطالع والنازل تدليع
والحب شي طبيعي وفطري في الام ولكن هذا لايعني اذا ما بدلعه يعني ما بحبه
(طبعا هي بتحكي عن التدليع بحدود ... بيني وبينكم هالحكي .. يحرم عليها اذا عمرها دلعتنا .. احكيلكم هالشغله اقسم بالله واحنا صغار كنا نخاف نندعس لما نقطع الشارع نخاف مش من الدعسه وانه يصير فينا شي لا والله كنا نخاف من القتله اذا عرفت امي .. كان ذبحتنا ليش ما ننتبه للطريق كنا اذا لو نندعس نحكي للسايق روح الله معك مسامحينك بس لا تجيب سيره هههههههههه يلع اخت هيك دلال )

5- لو طلب منكِ أن تغيري شيء في هذا العالم ما هو أول شيء تفكرين تغيرينه ؟ ولماذا؟
لو بايدي اكسر التلفزيون او الراديو او الساتلايت او حتى النت الي ما بعرفه يعني أي وسيلة تكنولوجيا بتسيء للاخلاق وللدين وبتحرف شبابنا وولادنا .. الله يحميكوا لشبابكوا ولاهلكوا

6- ياتري ماهو المستقبل الذي كنتِ تتمنينه من الصغر لابنكِ او ابنتكِ وهل هذا ماوجدتيه عليه اليوم ؟


كنت اتمنى يكون شاب اديب وانسان لطيف وخلوق وعنده دين وهذا والحمد لله موجود في ابني اليوم )احم احم .. غريبه حكت هالحكي قدامي هههه)(فعلا القرد في عين امه غزال ههههه)

7- موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟

هي مش وهو صغير في شي قريب مش كثير قريب
لما طلع على العراق يدرس لحظة سفره بعد ما ودعنا ,,, والاحداث الي حصلت في العراق وهو بعيد عن عيني وما كان بده يروح

8- نصيحة تنصحيننا بها أثابكِ الله؟
الرجوع لله تعالى واللجوء لله في كل يسر وعسر
كن مع الله ولا تبالي

ونصيحه كمان دايما بحكيها لاحمد بس ما برد علي بلكن انتو تردوا علي "من مامنه يؤتى الحذر" .." واتو اموركم بالكتمان "

[حموووده]

والله يا رامي gladiator جاوب للاسف المرة الجاي اسالوني :23_33_6:

[Gladiator]

وين بدك يا حموده
هسه دورررررررك
لا تهرب
شايفك !!

حموده من بعدي

[rami]

الله يحميك يا هالشب ويخليك لامك جاوب يا حموده هاذا بلتهط ع المواضيع

[ريماس]

الله يطفي تمك يا احمد موتت ضحك الله يقطع شرك يمااااااااااااااااااااااااا

:patch_rir::patch_rir::patch_rir:

[Gladiator]

لا والله يطفي تمك انت فوق مابضحكك يطفي ثمي

وين راح حموده ليكون زعل كله من ورا الأخوث رامي

[خالد النورس]

شكرا لك ابو زغيب والله يخلي الحجة تاج على رؤوسكم


وبما انك ما اخترت عضو بعدك راح اختار بالنيابة عنك والعضو الي راح اختاره هو العضوة همسات حائرة

[همسات حائرة]

1- ماهي نظرتكِ للنت ؟ وهل فعلا النت سرق أبنائكِ من الجلوس معكِ ؟
أولا أنا ما بحب النت بس بشكل عام لازم الواحد ينظم وقته وما يقعد كتير ع النت حتى ما يدمن عليه وأنا وبنتي ياما صار بيناتنا زعلات من ورا النت لأنه مرات بياخد من وقتها كتير
2- يا ترى ما هي الأمنية التي تتمنينها لابنكِ أو أبنتكِ الذي يقرأ عليك هذه الأسئلة ؟
بتمنى بنتي تخلص دراستها ويعطيها ربي كل شي حلو هي واخوانها وما يذوقوا حزن بحياتهم
3- هل ابنكِ هذا أوأبنتكِ هذه مرتبة أم فوضوية ؟ وما هو السبب ؟
لاا بنتي مرتبة لأني عودتها هي واخوانها ع الترتيب من وهمي صغار لأني بكره الفوضى وما في أحلى من الترتيب.
4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟
تدليع البنت مو دايما منيح لأنه بخليها حساسة وهالشي بخليها تزعل بسرعة وحساسة لأي شي وبنتجرح بسرعة .. أنا ما بدلع ولادي بس ما بحب ينقصهم شي لآنه الواحد دايما بفكر يقدملهم الأحسن ومرات بعاني من هالدلع بس حبي الهم بخليني اتحمل أخطاءهم
5- لو طلب منكِ أن تغيري شيء في هذا العالم ما هو أول شيء تفكرين تغيرينه ؟ ولماذا؟
لو بايدي أغير شي طبعا بتمنى أغير سنة 2003لأني فقدت أعزاء ع قلبي وبتمنى لو بايدي أغيرالي صار بالعراق لغير شي
6- ياتري ماهو المستقبل الذي كنتِ تتمنينه من الصغر لابنكِ او ابنتكِ وهل هذا ماوجدتيه عليه اليوم ؟
كنت دايما بتمنى مستقبل حلو وحياة كاملة لأولادي والحمدلله ع كل شي أنا مبسوطة وأحلا من هيك حياة ما في وبتمنى لأولادي السعادة ونضل مع بعض ع طول
7- موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟
أصعب موقف لما ضاعت بنتي في السوق لمدة ثلاث ساعات كل ما بتذكر الموقف برجع أبكي وكأنه صار اليوم الله لا يعيد هذاك اليوم
8- نصيحة تنصحيننا بها أثابكِ الله؟
بنصح جميعا الأبناء بطاعة الله وطاعة الوالدين وما يخلو فجوة كبيرة بينهم وبين أهلهم

اطفئ نار الحقد من قلبك بعفو عام
عن كل من اساء لك من الناس

خــــــــــــــــــــالد

http://vb.arabseyes.com/uploaded/24878_1189177374.gif

لازم أنا أختار الي بعدي ولا انت بتختاااااااار خـــــــــالد

[خالد النورس]

الله يخليها لكِ همسات ويحفظها من سوء لازم انتي تختاري عضو وتخبريه برسالة زوار او رسالة خاصة

[همسات حائرة]

بختــــــار بيلســــانة فلسطين :7_13_17:

[فلسطين]

همســات حائــرة (http://sadaalhajjaj.com/vb/member.php?u=1747)

بارك الله فيك ومنك وعليك

جزاك الله خير الجزاء

وتسلمي على اختياري
وانه من دواعي سروري تلبية طلبك والرد على اسئلة الاخ خالد

بارك الله فيكم

والاجوبة راح تكون اجوبتي انا وليست اجوبة امي اولا لاني ام وساضعها هنا بالنيابة عن ابنائي
وثانيا لاني بعيده عن امي
الاسئلة:-

1- ماهي نظرتكِ للنت ؟ وهل فعلا النت سرق أبنائكِ من الجلوس معكِ ؟

النت عالم غريب وهو ذو حدين وفيه الايجابية وفيه السلبية
بالنسبه لي ولا بنائي
بالنسبه لابنائي سرقهم مني
وبالنسبه لي شغلني وسد فراغ كبير وخاصة بعد ما اولادي كبروا وبدؤوا يشقون حياتهم بطريقتهم وقلت حاجتهم لي

2- يا ترى ما هي الأمنية التي تتمنينها لابنكِ أو أبنتكِ الذي يقرأ عليك هذه الأسئلة ؟

اتمنى توفيقهم وتفوقهم بالدنيا والاخره ومرضاة الله ورضا الله عنهم اذا توفرت هذه لن يضلوا ابدا وكونوا مع الله ولا تبالوا يكن معكم بكل اموركم واحوالكم واعمالكم وتوكلوا عليه خير توكل واجعلوا الايمان يملئ قلوبكم وعقولكم وكل عمل بعد ذلك انوه لله ستظفرون بالدارين وباعلا المراتب بهما

3- هل ابنكِ هذا أوأبنتكِ هذه مرتبة أم فوضوية ؟ وما هو السبب ؟
لي ابنة واحده والحمدلله الان اصبحت مرتبه جدا وواقعيه
السبب بعد التحاقها بالجامعه وتغربها عني
فاصبحت تعتمد على نفسها
واثبتت انها تستحق كل ما قدمت اليها والحمدلله
واولادي الثلاثه الاثنين الكبيرين مرتبين
بينما الثالث فوضوي بكل ما اتاه من قوه فهو رد عين عن اخوته

4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟
من وجهت نظري
بالعكس تدليعهم اجده قوة دفع كبيرة باعطائهم الثقه بالنفس وبمكانتهم وبالروح الاموية والاسريه ولكن طبعا بحدود ووسطيه
وحتى لا يخربه الدلع يجب ان لا كون قاسية فاكسره
ولا لينه فاعصره
ولا اشد الحبل كثيرا بينقطع
ولا ارخيه فيفلتوا

5- لو طلب منكِ أن تغيري شيء في هذا العالم ما هو أول شيء تفكرين تغيرينه ؟ ولماذا؟

اغير نظرت الناس الحقيقيه والواقعيه بالاسلام والتفرقه بي التشدد والتعصب الاعمي ومفهوم الاسلام منهاج وحياة كامله مكمله
واعمل على غسل ادمغة المسلمين واعيد تغذيتها من جديد بغرس روح الاخوة الحقيقيه ولايثار والكرم ولتسامح والابتعاد عن الحقد والكره والبغض والتحاسد والظلم والكذب والخداع واللعن والغيبة والنميمه
واحترام بعضنا البعض وجعل القران و السنه دستورنا وغايتنا مرضاة الله
لان كل ما وصلنا اليه من شتات وتنافر
ووحشه وضياع
هو لا بتعادنا عن الله
كن مع الله لا تبالي
يكن معك الله دوما



6- ياتري ماهو المستقبل الذي كنتِ تتمنينه من الصغر لابنكِ او ابنتكِ وهل هذا ماوجدتيه عليه اليوم ؟
كنت وما زلت اتمنى لهم
الوصول لاعلا المراتب وافضلها
بكل امور حياتهم اخلاقيا
ودينيا وعلميا وعمليا وسلوكيا
والحمد لله
وجدت منه لكن ليس كل ما اتمناه وتتوق اليه نفسي
لكن املي في هداية الله
واملي لا ينقطع بابنائي
ودعائي لهم والعمل على ذلك ان شاءالله

7- موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟

رغم كبر اولادي لكن لم انس ولا اي عمل لهم من نوادر وحركات وتصرفات ودائما اذكرهم بها

8- نصيحة تنصحيننا بها أثابكِ الله؟
انصحكم ونفسي
بطاعة الله والعمل على ارضائه
وان نحاسب انفسنا قبل ان يحاسبنا الله
اليوم فوق الارض
وغدا تطوينا الارض
ويغطينا التراب
ولا يبق معنا الا اعمالنا
وزادنا الذي تزودنا فيه بالدنيا
لنجعل افنسنا رقيبين على انفسنا
ونقيمها دوما
أيادينا فى أيادى بعض ..
لنعضد بعض بأفعالنا وأقوالنا ومواقفنا
قلوبنا تحن وترفق على بعض ..
فلا نترك فقيراً فقيرا ..
ولا ندع محتاجاً محتاجا
نحب بعضا بعضا
ونقيم ونقوي الاخوة بالله
ونعمل لتثبيتها وتقويتها
ولنفهم ونعمل ونطبق
قول الرسول صلى الله عليه وسلم
قول صلى الله عليه وسلم :
‏'مثل المؤمنين في توادهم
وتراحمهم وتعاطفهم
مثل الجسد
إذا ‏ ‏اشتكى ‏ ‏منه عضو
تداعى له سائر الجسد بالسهر والحمى
' وفيه إشارة صريحة
في تعظيم حقوق المسلمين بعضهم على بعض. ويقول صلى الله عليه وسلم :
'المسلم أخو المسلم

لا يظلمه ولا يسلمه
ومن كان فى حاجة أخيه كان الله فى حاجته ،
ومن فرج عن مسلم كربة
فرج الله عنه كربة من كربات يوم القيامة
ومن ستر مسلماً ،
ستره الله يوم القيامة'.
‏ويقول صلى الله عليه وسلم :
'المسلمون كرجل واحد
إن‏ ‏اشتكى ‏عينه ‏اشتكى ‏كله وإن ‏اشتكى ‏ ‏رأسه ‏اشتكى‏ ‏كله'.
ويقول صلى الله عليه وسلم :
'من نفس عن مؤمن كربة من كرب الدنيا ،
نفس الله عنه كربة من كرب يوم القيامة ،
ومن يسّر على معسر ،
يسّر الله عليه في الدنيا والآخرة ،
ومن ستر مؤمنا ستره الله في الدنيا والآخرة ،
والله في عون العبد ما كان العبد في عون أخيه'.
ويقول صلى الله عليه وسلم :
'المؤمن للمؤمن كالبنيان
يشد بعضه بعضاً'

وشبك بين أصابعه.
- صدقت يا حبيبى يا رسول الله -





بالنسبة للعضو رح اختار ...

v
v
v
v
v
v
v
v
v
v
v
v
v
v
v
v
v

بعتذر عن الاختيار
لعدم المامي بكل المشاركين
والغير مشاركين
واترك الاختيار لك اخي خــالــد
انا وانت واحد باذن الله

http://pic.alfrasha.com/data/media/51/titled-1589.gif


http://foryou1345.jeeran.com/f7%D9%86%D8%B3%D8%AE.jpg



http://www.w6w.net/album/35/w6w_w6w_2005042602232895cb29c6.gif






http://www.alfrasha.com/up/11226762152088505039.gif








http://www.alhurayiq.com/vb/uploaded/105_1152525426.gif



(http://java******/;)
(http://java******%3cb%3e%3c/b%3E:;)
http://www.2meejeddah.com/vb/up/1_99636.gif (http://co1ors.com/vb/redirect-to/?redirect=http%3A%2F%2Fwww.2meejeddah.com%2Fvb)






http://www.alfrasha.com/up/18243645911592857956.gif
http://www.alfrasha.com/up/2157032151651599889.gif
http://www.alfrasha.com/up/1858628549185903227.gif



بيسانة فلسطين

[خالد النورس]

بارك الله فيكِ اختي الكريمة ببيلسانة فلسطين وحفظ الله لكِ ابناءكِ وحفظ امكِ وجعلها تاج على رؤوسكم وشكرا لكِ على اجوبتكِ الاكثر من رائعة جعلكِ الله من الفائزين بالجنة

احنا بالمنتدى كلنا واحد بأذن الله


بالنسبة للعضو الي راح اختاره هو حموووده

[حموووده]

مشكووووووووور خالد النورس لانك اخترتني والي الشرف بان اجاوب على الاسئلة

[حموووده]

1-ماهي نظرتكِ للنت ؟ وهل فعلا النت سرق أبنائكِ من الجلوس معكِ ؟
النت حو سلاح ذو حدين من خلاله يمكنك الاستفادة منه اذا استخدمته بالطريقة الصحيحة والمناسبة وهو سلبي اذا استخدمته باشكل الغير لائق بالدين الاسلامي وبالعادات والتقاليد
نعم لقد قام بسرقة ابنائي مني بسبب ادمانهم عليه لكن في الايام الاخيرة نظمت جلوسهم عليه


2-يا ترى ما هي الأمنية التي تتمنينها لابنكِ أو أبنتكِ الذي يقرأ عليك هذه الأسئلة ؟
اتمنى له السعادة في حياته والتوفيق في دراسته والمثابرة


3-هل ابنكِ هذا أوأبنتكِ هذه مرتبة أم فوضوية ؟ وما هو السبب ؟

ابني مرتب منذ كان صغيراً لانه تعود وتربى على الترتيب وهو اصلاً لا يحب ان يترك اي شي من غير ترتيب اي انها عادة غرست به ولن تقتلع منه


4-هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟

لا لا يدمر ولكن يدمر في حالة واحدة اذا زاد التدليع عن حده اما اذا كان التدليع مضبوط فلن يضر وهناك فرق بين التدليع وحنان الام اذ ان التدليع طابع نفسي والحنان موجود في القلب

5- لو طلب منكِ أن تغيري شيء في هذا العالم ما هو أول شيء تفكرين تغيرينه ؟ ولماذا؟

لو كان بيدي الامر لغيرت اطباع الناس التعصبية الذين ينظرون الى المواضيع والمشاكل من اتجاه واحد ويتركوا باقي الاتجاهات كمن ينظر الى الغرفة من ثقب الباب فلن يرى الا الجزء البسيط لبسيط منها

6-ياتري ماهو المستقبل الذي كنتِ تتمنينه من الصغر لابنكِ او ابنتكِ وهل هذا ماوجدتيه عليه اليوم ؟

تمنيت ان يكون مجدا في دروسه وان يصل الى ارقى مراتب العلم , وهو كما حلمت على الطريق الى تلك المراتب

7-موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟




يوم تخرج من الروضة كان اسعد يوم بحياتي كان بجنن من بين كل الاولاد

8- نصيحة تنصحيننا بها أثابكِ الله؟

انصحكم برضا الله ورضا الوالدين واداء واجباتكم نحو الله والوطن وحب الله ورسوله وحب الوطن

واخيرا اشكرك خالد على هذا الموضوع الرائع

مشكوووووووووووووووووووووور
©§¤°يسلموو°¤§©¤ــ¤©§¤°حلوو°¤§©
©§¤°يسلموو°¤§©¤ـــــــــــــ¤©§¤°حلوو°¤§©
©§¤°يسلموو°¤§©¤ـــــــــــــــــــــ¤©§¤°حلوووو°¤§ ©
©§¤°يسلموو°¤§©¤ـــــــــــــــــــــــــــــــــ¤© §¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــ ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــ ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــ¤© §¤°حلوووو°¤§©
©§¤°يسلموو°¤§©¤ـــــــــــــــــــــ¤©§¤°حلوووو°¤§ ©
©§¤°يسلموو°¤§©¤ـــــــــــــ¤©§¤°حلوو°¤§©
©§¤°يسلموو°¤§©¤ــ¤©§¤°حلوو°¤§©
مشكوووووووووووووووووووووور
مشكوووووووووووووووور



:175::175:

[حموووده]

لقد قمت باختيار
7
7
7
7
7
7
7
7
7
7
7
8
8
8
8
8
9
9
9
9
10
( صديق قديم )
:175:

[نشمي]

يرجى الانتظار (( قاعد بحكي مع الحجه تلفون )) :175:

[نشمي]

شكرا لك اخي وصديقي حمودة على الاختيار

ونشكر الاستاذ خالد على الفكرة الجميلة
في التواصل

خلينا احكي مع الحجه تلفون لاني بعيد عنها هسه

نبدا

1-ماهي نظرتكِ للنت ؟
النت عالم غريب مفيد وغير ومفيد !!!!!!!!!!!!!!!!

وهل فعلا النت سرق أبنائكِ من الجلوس معكِ ؟
نعم كثيييير ماشالله بطلت اقعد معهم حتى لانهم دايما 24 ساعه ( النت والنت والكمبيوتر ... )
الله يلعـن ابو النت على نتتوه ()


2-يا ترى ما هي الأمنية التي تتمنينها لابنكِ أو أبنتكِ الذي يقرأ عليك هذه الأسئلة ؟

الله يوفقه وييسر اله ولاد الحلال في طريقه
وييسر له بيت الحلال اللي توفقه وتسعده


3-هل ابنكِ هذا أوأبنتكِ هذه مرتبة أم فوضوية ؟ وما هو السبب ؟
نص على نص
بعض مرات بكون ماشالله عنه وبعض مرات الله لا يورجيك .......


4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟
؟
طبعا اكيد وكل اشي اله حدود
زياده الدلع ممكن تضيع ووممكن تخرب
وخاصه للمسمى اخر العنقــــــــــــــــــــود


5- لو طلب منك ان تغير شئ في العالم ما هو أول شيء تفكرين تغيري ؟

شغلات كثثثثثثثثثثثثثثثثثثثثثثيره
اول شغله اغير لون طقم الصالون لانه مو عاجبني


6- موقف حصل لابنك او بنتك منذ الصغر ومافارق مخيلتك الى يومنا هذا ؟؟؟

الحمدلله من يوم يومه وهو مو مغلبني ودايما داير باله على حاله


7-نصيحة تنصحيننا بها أثابكِ الله؟
الله يهدي الجميع ويوفقهم







وشكرا اللكم جميعا
هذه اجابات الوالده الله يحفظلنا اياه ويخليها ويطول عمره

ويطول عمركم اجميعين انشالله



اللي بعدي راح يكون


*






*







بختار أنيسة





مع اطيب تمنيات للجميع بالتوفيق
(صديق قديم )
:8_4_135:

[نشمي]

اهداء خاص لجميع امهاتنا

ست الحبايب ياحبيبه يااغلى من روحي ودمي
ياحنينة وكلك طيبة يارب يخليكي يا أمي
زمان سهرتي وتعبتي وشلتي من عمري ليالي
ولسه برضه دلوقتي بتحملي الهم بدالي
انام وتسهري وتباتي تفكري
وتصحي من الآدان وتيجي تشقري
تعيشي لي ياحبيبتي يا أمي ويدوم لي رضاكي
أنا روحي من روحك انت وعايشه من سر دعاكي
بتحسي بفرحتي قبل الهنا بسنة
وتحسي بشكوتي من قبل ماأحس أنا
يارب يخليكي ياأمي يارب يخليكي ياأمي
لو عشت طول عمري أوفي جمايلك الغاليه علي
أجيب منين عمر يكفي وألاقي فين أغلى هدية
نور عيني ومهجتي وحياتي ودنيتي
لو ترضي تقبليهم دول هما هديتي
يارب يخليكي ياأمي ست الحبايب ياحبيبة

استمع الان
http://song1.ozq8.com/music/arabic/egypt/fayza/ram/fayza1.ram

[خالد النورس]

شكرا لكم جميعا والله يحفظ امهاتكم وامهات المسلمين جميعا

بالنسبة يا صديق قديم سوف أقوم بستبدال المشرفة انيسة بالعضو الغطاس

[الغطاس]

اوكي خالد انا ما عندي مشكله اني اطرح الاسئله على امي الي انا كتير مشتاق الها وصارلي زمان ما شفتها
ادعي ربنا يقومها ويرجعها بـ السلامه لانها خارج البلد صارلها مده والله اعلم متى بترجع:175:
اسف كتير ما بقدر في الوقت الحالي اني البي طلبكو مشكور اخ خالد و دعواتكو الها

[هبة الرحمن]

ربي يخليلك الوالده غطاس ويرجعها بالسلامه ياااااااااارب

[ندووش]

الله يرجعها بالسلامه غطاس

[خالد النورس]

الله يخليها الكم ويرجعها بحال السلامة وبالصحة والعافية


بدنا نختار عضو جديد وراح يكون عبدالله محمود

[أنيسة]

شكرا لك أخي صديق على الإختيار للأسف أخي الغالي الموضوع رائع و جميل و متميز و تمنيت المشاركة أنا أمي متوفية رحمها الله و أسكنها و جميع أموات المسلمين فسيح جنانه و رزق الله الأحياء الصحة و العافية و أطال الله أعمار أمهاتكن للخير
رائع دائما أخي خالد في اختيار أرقى المواضيع

[عبدالله محمود]

شــــــكـــــــــــــرا ً اخي خـــالــــد على اختيارك لي . . . ولكن للاسف لا استطيع في الوقت الحالي . . . ارجوا ان تعذروني . . . وان شاء الله سأضع مشاركتي في اقرب وقت . . . شكرا .

[خالد النورس]

على الرحب والسعة اخي عبدالله ونحن في انتظارك دائما


راح نختار العضو العقرب

[العقرب]

الاسئلة:-

1- ماهي نظرتكِ للنت ؟ وهل فعلا النت سرق أبنائكِ من الجلوس معكِ ؟
النت هو عبارةعن وسيلة استمتاع ذات حدين فيجب استخدامها بطريقة ايجابية لا لم يسرق ابنائي لانهم لم ينسوني

2- يا ترى ما هي الأمنية التي تتمنينها لابنكِ أو أبنتكِ الذي يقرأ عليك هذه الأسئلة ؟
ان يكون مجتهدا في دراسته مأدبا و خلوقا يتعامل مع الناس بأدب

3- هل ابنكِ هذا أوأبنتكِ هذه مرتبة أم فوضوية ؟ وما هو السبب ؟
مرتب و الحمد لله لكن لديه بعض الفوضوية لانه تربى على اخلاق

4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟
ابني ليس مدلع لكن قلبي يحن عليه و فعلا التدليع مدمر و خاصة للشباب اللي في عمره

5- لو طلب منكِ أن تغيري شيء في هذا العالم ما هو أول شيء تفكرين تغيرينه ؟ ولماذا؟
ان اجعل جميع المساوئ غير موجودة في العالم

6- ياتري ماهو المستقبل الذي كنتِ تتمنينه من الصغر لابنكِ او ابنتكِ وهل هذا ماوجدتيه عليه اليوم ؟
كنت اتمنى بان يصبح مهندسا و الحمد لله هو الان مجتهد في دراسته

7- موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟
حين صدمته سيارة ولكنه لم يتأذى و الحمد لله

8- نصيحة تنصحيننا بها أثابكِ الله؟
ان تتقو الله في جميع الاحوال وان لا تبتعدو عن صلواتكم

[العقرب]

الاسئلة:-

1- ماهي نظرتكِ للنت ؟ وهل فعلا النت سرق أبنائكِ من الجلوس معكِ ؟
النت هو عبارة عن وسيلة للتسلية لكنها ذات حدين لا لم يسرق ابنائي مني لانهم لا ينسوني

2- يا ترى ما هي الأمنية التي تتمنينها لابنكِ أو أبنتكِ الذي يقرأ عليك هذه الأسئلة ؟
ان يصبح مهندسا فب المستقبل

3- هل ابنكِ هذا أوأبنتكِ هذه مرتبة أم فوضوية ؟ وما هو السبب ؟
الحمد لله مرتب والسبب هو الخلق الذي تربا عليه

4- هل تدليع الفتاة أو الرجل يدمر؟ وكيف تجمع بين حبكِ وحنانكِ له وبين تدليعه الذي ربما يخربه؟
نعم التدليع يدمر الرجل لكن قلبي يحن عليه وانا لا ادلعه

5- لو طلب منكِ أن تغيري شيء في هذا العالم ما هو أول شيء تفكرين تغيرينه ؟ ولماذا؟
غرفته لانه لا يحبها لانها ليست في الاعلى

6- ياتري ماهو المستقبل الذي كنتِ تتمنينه من الصغر لابنكِ او ابنتكِ وهل هذا ماوجدتيه عليه اليوم ؟
بان يبقى على خلق الاسلام والا يبتعد عنه وان يلتزم بدراسته

7- موقف حصل لابنكِ او ابنتكِ منذ الصغر ومافارق مخيلتكِ الي يومنا هذا؟؟
عندما حدث له حادث سيارة و لكن الحمد لله هو معافى

8- نصيحة تنصحيننا بها أثابكِ الله؟
الا تبتعدو عن الاسلا و الا تتركو صلاتكم..

[خالد النورس]

شكرا لك اخي العقرب والله يحفظ الكم الوالدة واطال الله في عمرها

نسيت تختار عضو من بعدك اختار عضو وبلغه في رسالة زوار وشكرا مرة اخرى