وبعدين مع هالشغله [الأرشيف] - شبكة ومنتديات صدى الحجاج

Gladiator

14-09-2009, 16:57

يا مشرفات هذا المنتدى اللعين
ارجوكم انقذونا
هذا المنتدى هو بالنسبة للرجال اهم شيء في حياته مع اني استغرب دخولهم القليل عليه

ما علينا مابدنا ندخل في ادم وحواء ومش عارف شو ونقيم على بعض الحد .. كل واحد عارف راس ماله شو .. ايوااا الله يرضى عليكوا لا تتدخلوا في ادم
.. نرجع لموضوعنا

وبعدين مع حواء هي بدها تتحكم فينا على خاطرها .. ولا بتذل فينا عشانها بتعرف تطبخ والمطبخ هو عبارة عن مملكتها

طبعا حواء الي هي امي العزيزه ..

اولا يا مشرفات هذا المنتدى الغالي على قلبي ..( والله شكلي من يوم وطالع ما بدي اطلع من هالمنتدى بلا عام بلا فضفض بلا شعر بلا خواطر .. ان العلم لا يكيل بالبنتجان هههههه )
يا مشرفات
الي طلب عندك صغير ..كثيييييييير
بدي تحذفوا وتطبوا وتمحوا وتقضوا على اشي اسمه طبخة الكرش وتوابعها
يووووووووووووووووووووووع ..
هذا يا سيداتي يا انساتي يا حفيضات السلامه
اليوم حواء الي هي امي العزيزه عامله فطور كرش وانا ريحتها بكرها
فانطردت من البيت وتقلعت وحكتلي اقلب وجهك روح دور الك على حدا يطبخلك
قلت بروح عند نسيبي ابو ريان .. المشكله انه هو معزوم عنا عليها
اكيد ما هي عمل قومي بطولي تاريخي ذكرى .. عيد قومي لازم يدعوا عليه كل الناس وكل الناس تشارك في رمي القنابل وتكسيير الرووس

انداااااااااااري عنكو .. والله العظيم الكرش انخلقت لشيء واحد فقط والي هي وظيفتها بس وما بدي اقلب معدتكم هسه

بالله عليكم يا مشرفات ويا من له دخل في الطبخ احذفوا هاي الطبخه

ومن هون لما تقرروا وتطلعوا بقرار .. اعطوني اي طبخه صغيره سريعه اسلك حالي فيها ..

بس لا .. امي وانا عارفها حنونه الله يخليها ما بهون الها هسه بروح على البيت بلاقيها عامله الي جاجه صفها رابع ابتدائي .. قولوا يارب

دانا

14-09-2009, 17:01

ياااااااااااااااارب
ما بتهون عبيها لانك صايم لو مش صايم ممكن تهون عادي اتطمن وحط ببطنك جاجة ونص هههههههههه

حرف

14-09-2009, 20:50

:189[1]::189[1]:
والله انك بتفهم
انا مو عارفة مين اخترع هاي الطبخة
بتعرف في مطعم مو عارفة وين اسمهk&k يعني كرشات وكوارع
يييييع
بس يلا لولا اختلاف الاذواق ما نفذ ما بالاسواق ( ما نفذ مافي الخروف )
....امانة عليكم ما حدا يجيب سيرة هاي الطبخة

المشتاق

14-09-2009, 23:10

يا عيني على الكرش .. بس مين يقدر

ريماس

15-09-2009, 03:22

شو بفهمكو بالاكل اصلا احمد روح طير والله زاكيه

بس اللسان زاكي والا الباقي ما باكله ما انا لساني ناقصه طول ههههههههههههههههه

عمون

15-09-2009, 03:28

انا اللي بقدر يا مشتاق ...خلاص فطوركم بكره عندي كرشات وروس ...واحلى لسانات لريماس :7_2_207:

ريماس

15-09-2009, 03:32

والله يا عمون يا خوفي الجلي يطلع براسي

مهو لو بالصومال صارت عزومه بيكون الجلي علي هههههههههههههههه

ابو_محمد

15-09-2009, 08:37

احلى الاكلات يا احمد بس كمن سنه وبشوووفك يا بطل شوبدك توكل

ريما الحندءة

15-09-2009, 09:09

له له يا احمد كله الا الكرش والله طيبة ولزيزة وزاكية ... بغض النظر عن وظيفتها ما احنا بناكل الكبد والقلوب والكلاوي بغض النظر عن وظيفتها كمان

روح يا شيخ والله انك فسقان متل اللي صحلها زوج وقالت اعور

ريماس يا قلبي كل اللسنة على حسابك بلكي تصيري تقدري تحكي لأني شايفتك مو قادرة تطلعي الكلمة ... هههههههههههههههه

يا ريتني معزومة عند امك يا احمد

هبة الرحمن

15-09-2009, 11:20

كل شي نعمة من ربنا

النور والضياء

18-09-2009, 16:16

هو حد طايلها فتة الكوارع

احنا بنعملها بالسنة مرة

والله يعطيها الف عافية امك يا احمد

وكل عام وانتم بخير

Gladiator

18-09-2009, 17:52

الله يعطي الجميع عافيه
ما اشطركم في الحكي
ما في واحد فيكو كلف حالوا وحكى له يا ابو حميد لا توكل هم اليوم فطورك عندي ههههههههه
على سلامتكم والله ما بتقصروا
شكرا للجميع
ما نروح الكم في حاجه وحشه مثل هيك
انتظرونا في طبخات قادمه

النور والضياء

19-09-2009, 09:40

أبو حميد والله معك حق

حقك علي ولا يهمك اليوم انت عنا عالفطرة

لا تتأخر بنستناك ولعيونك أحلى طبخه أنت بس

اطلب ............ اتفقنا

:064:

زهرة السوسن

19-09-2009, 13:52

زاكية و انا بحب لسانات مثل ريماس
وهاي الطبخة ما بتمناها الا الك
http://www.ahyaarab.net/vb/imgcache/365.imgcache.jpg
واذا ما عجبتك في كمان هاي ما ظنيت تقول لا ، وصحتين وعافية

http://www.x5share.com/uploads/988179948b.jpg

هشام القواسمة

19-09-2009, 14:26

هههههههههههههههه
حتى أنا يا احمد أمك ضحكت علي وخلتني احبها
ههههههههههههههه

اسرار

29-09-2009, 16:03

هههههههههههههههههه
ضحكتوني منيح اني ما شفت الموضوع في رمضان ولا بضل
صايمة حتى في العيد
عن جد صحيحح كله نعمة من الله ..... بس كرشات مرة واحدة والله قوية ومدوبلة
ههههههههههههههه
بس ضحكتوني والله

Gladiator

02-10-2009, 01:36

ضحكت عليك يا هشام ويا خوفي تضحك علي
والله ما بتقصري يا النور بس الحمد لله انتهت الازمه على سلام
زهرة السوسن طيري من قدامي ولا تعيديها لو تشوفي الكيبورد عندي بس شفت الصور مابدك هالشوفه بببببببععععععععععع

اسرار من زمان وانا بحكي انك بتفهمي وقرايتك بره مش في هالبلد هههههههه
ينصر دينك يا استاز نفيسه
الحمد لله انه رمضان خلص لانه هاي الطبخه من السنه للسنه وحتى لو يعملوها هسه بكون في عمان اقهرررررر يعملوها كيف ما بدهم ولا يهمني

@حلا@

02-10-2009, 06:01

ربي يحفظك مميتك خيووه ويخليك الها وتعمل لك منسف بحاله

^ _ ^ الموضوع ظريف يسلمـــــــــو