القهر ...

[دانا]

احمل شعور داخلي وقوي اظن انه ما يطلق عليه مصطلح القهر
شعور بالحاجة والعجز والألم والرغبة بالبكاء والصراخ
والرغبه الشديدة بالوصول الى الراحة والامان ولكني حقا تائهة لا اجد الطريق

شعور يحرقك طول الوقت دون ان تستطيع التخلص منه
لان الحل ليس بيدك وذلك لان المشكلة ليست بيدك

شعور هادم حقا من اصعب المشاعر يقتل كل لحظة جميلة بيومك
الآن انا في حرب معه ونحن متعادلان ولكن أخاف من ان ينتصر علي
لأنه يحاصرني من كل الجهات وبكل قوته

اضحك كي لا ابكي واكتب كي لا اصرخ
احاول ان انسى من انا كي انسى ما انا فيه

ربما سوف اضحك غدا على ما انا فيه الآن
ولكن انا الآن اعترف بأني فعلا مقهورة
الآن استحضرتني مقولة قالها رامي مرة
" نحن نخطط والقدر يبتسم "
ربما يضحك القدر علي الآن ولكني لا استطيع ان اخرج نفسي من هذا
وهذا ما يجرح اكثر اني اريد الخروج ولا استطيع


" هاي فشة غل مش اكتر "

[rami]

مين اللي قاهرك احكيلي والله غير اكسرلك راسه هالحيوان هههههههههههه
دانا كل شي بوقته حلو خليك صبورة وامورك انشالله كلها بتنحل بس دايما الاشياء الغريبه او الجديدة بتكون خطوة متعبه بس اللي بعدها بكون اريح
انا فاهم والله هاد الشعور يمكن مريت او بمر فيه او رح امر فيه بس الاهم انه تكون هاي المشاعر صادقه وبعدين تعالي مين حكالك انه الحل مو بايدك الحل اكييد بايدك بس الحل اللي بايدك مو مناسب الك ف انت بتستثنيه وبتتاملي ربنا يعمل معجزة اكيد لا فكري منيح بتعرفي انه الحل بايديك.
وازا الانسان بخطط مزبوط وبيتوكل على ربنا اكيد ما رح يضحك عليه القدر بس لازم نفكر من زاوية تانيه غير اللي احنا بنطلع منها ودانا خذي قاعده شو ما بتكون مشاعرك باتجاه اي اشي وبتركزي انك بدك اياه هاد الاشي اكيد رح تحصلي عليه انا بضمنلك هاد الاشي لانه هاد الاشي من كثر تركيزك عليه بشعر بهاد التركيز والمشاعر وبخضع الها وبشعر برضو نفس هاي المشاعر.
دايما نحكي يا دانا لعله خير فشة غل عنا كلنا هاي ههههههههه
:158:

[خالد النورس]

أن تصـــــلح بين شخصين متخاصمين وفي نهاية المطـــــاف يقع اللوم عليك
فهذا هـــــــو (( القهــــــر ))

أن تــــرحل من الدنيـــــــا و أنت فــــــي غفلة عن الآخــــــــــرة
فهذا هـــو (( القهـــــــــر ))

[دانا]

تسلم رامي بقدر احكيلك انه كلامك كله بمحله كله مو جزء منه
واللي قاهرني ممكن حالي اكتر من اي ناس تاني وصح ممكن الحل بإيدي بس كل شي فيي بيمنع ايي انهم يتحركو ويخطفو هالحل
وانا اكيد رح اتوكل على ربنا والله يجيب اللي في الخير
المهم بجد فشيت غلي شوي كتار

[دانا]

يسلمو خالد على المرور وردك الحلو وفعلا تعبيرات حلوة عن القهر

[ريماس]

الله لا يقهر حدا

انت حكيتي دانا شغله حكيتي ممكن بكرة ترجعي تتذكري القهر الي كنت عايشيته اليوم وتضحكي وانا باذن الله بأكدلك هالشي


دوام الحال من المحال ما في شي بضل على حاله بكرة ربنا بيفرجا وبتصيري تضحكي على حالك ليش كنت مقهورة

[حرف]

فشي غلك
عااااادي كله بتغير
زي ما حكت ريماس بقاء الحال من المحال
الله لا يقهر حدا
:010:

[دانا]

تسلمي ريماس وان شالله اخلص بسرعة من هالشي كلامك ع راسي رموسة

[دانا]

اهلا حرف نورتي ومن تمك لباي السما يارب والله لا يقهر حدا

[ريماس]

يسلم راسك وعمرك دانا

[تونس الخضراء]

تسلمي دنونة الغالية و سلامتك من القهر
ربما يضحك القدر علي الآن ولكني لا استطيع ان اخرج نفسي من هذا
وهذا ما يجرح اكثر اني اريد الخروج ولا استطيع


http://m002.maktoob.com/alfrasha/up/1940892115323476020.jpg

[دانا]

تسلمي راضية على المرور والرد يبعد القهر عني وعنك يارب

[زهرة السوسن]

ما عاش مين يقهرك
http://www.5foq.com/vb/uploaded/42233_11224259002.jpg

[دانا]

تسلمي زهرة السوسن من زوئك والصورة كلماتها كتير حلوة شكرا الك