حكاياتنا مع رمضان ..كلّ يوم عضو

[شيماء الشام]

السلام عليكم ورحمة الله وبركاته


تعالوا أحبتي لنواصل أبحارنا مع اعضائنا الكرام ويومياتهم في شهر رمضان المبارك



لن أطيل عليكم بالتقديم


فكلكم شوق لمعرفة ضيفنا لهذا اليوم





هو متميز دائما


متميز بإسلوبه وإطروحاته


لديه بوح ليس له مشابه في كماله


في النقاش حكيم وواقعي ومطلع ومتفهم




ضـــــيـــــفـــــنـــــا الـــــيـــــوم هـــــو

الشاعر المبدع هشام القواسمة

بسم الله نبدأ


س1 / بطاقتك الشخصية (( كما تحب )) ؟


س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟


س3 / بنظرك هل اختلف روحانية رمضان أمس عن اليوم ؟



س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟



س5 / أطرف موقف حصل لك برمضان ومازلت تتذكرة ؟




س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك







س7 / هل سبق لك الصيام خارج وطنك ؟ وهل هناك إختلاف بذلك ؟؟






س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟




وفي الختام القلم لك فلتتفضل مشكوراً وتختار العضو الي بعدك


:28_1_19:

[هشام القواسمة]

تحياتي شيماء وشكرا لك على هذا الموضوع الجميل ، رغم أن اختياري في البداية نوع من محاولة الثأر لكن يكفيني شرف الريادة ههههههههههه
طبعا انا بحكي مثل هيك لأنها تتهمني بالغرور

س1 / بطاقتك الشخصية (( كما تحب )) ؟
هشام القواسمة
متزوج وعندي أمورتين ( ميسان و ليان ) والولد الأمور (ريان)
عمري 37 عاما
احمل ماجستير في الادب العربي
اعمل مشرفا للنشاطات الثقافية

س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟
اتذكر اني أتممت صيام شهر رمضان وأنا في تاصف الثاني الأساسة يعني وعمري كان 8 سنوات


س3 / بنظرك هل اختلف روحانية رمضان أمس عن اليوم ؟

طبعا لأني عايشت البيئة الشعبية فكثيرا ما اختلف رمضان عن أيامنا ، مثلما أختلف في حياتنا كل شيء جميل لم يعد لأي شيء طعم أنا أتذكر أن سفرتنا تمتليء بالعديد من الأصناف حيث كان الجيران يبعثون أقداحا من فطراتهم للجيران.
كما غاب ( المسحراتي ) بندائه العذب ( يا نايم وحد الدايم ) لكن يبقى لرمضان طعما مختلفا في كل عام

س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟
يبدأ بالاستيقاظ للسحور وتناوله ثم الذهاب إلى المسجد لأداء صلاة الفجر وقراءة جزء من القران ثم أنام لغاية وقت الدوام ثم أذهب للدوام ، وبعد الدوام أرجع إلى البيت وأنام حتى صلاة العصر بعد صلاة العصر اقوم بأعمال حرة ( مطالعة ، كتابة ، نت) ثم أقوم بجولة أنا والبنات حتى اقتراب موعد الأذان ثم الصلاة والإفطار ... وصلاة التراويح .. وهكذا ...
ممكن إذا وجدت شيئا أفضل أن أغير هذا البرنامج


س5 / أطرف موقف حصل لك برمضان ومازلت تتذكر


في يوم من أيام رمضان وأنا في المدرسة ، رجعت إلى البيت ولم أجد أحدا فقمت بإخراج الأكل الموجود في الثلاجة وقبل أن أبدا في الأكل تذكرت أنني صايم ... فأرجعته خائبا


س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك
تتكون من التمر ، العصير أو قمر الدين ، شوربة
الأكلة المفضلة أكيد المنسف
شوربة العدس







س7 / هل سبق لك الصيام خارج وطنك ؟ وهل هناك إختلاف بذلك ؟؟

نعم صمت في مصر وأبدا ما في اختلاف كبير




س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟
أنا ما بتابع القنوات العربية ولا المسلسلات إلا نادرا ، لكن أحرص على متابعة قناة المستقلة ،
أكيد هم جعلوا رمضان للتسلية ، وصار هناك مسلسلات رمضانية .. وأغاني رمضانية ، ومسابقات رمضانية ... يعني هم الصحيح حريصون على سلب الأجر منك ببراعة



وفي الختام القلم لك فلتتفضل مشكوراً وتختار العضو الي بعدك

أنا رح أختار ريماس وتجاوب عن نفس الأسئلة التي وجهت لي

[شيماء الشام]

تحياتي شيماء وشكرا لك على هذا الموضوع الجميل ، رغم أن اختياري في البداية نوع من محاولة الثأر لكن يكفيني شرف الريادة ههههههههههه
طبعا انا بحكي مثل هيك لأنها تتهمني بالغرور

:161[1]: انت ما بينحكى لك شي هشام ,,بتعرف انهم كلهم بيحبوك بالصدى وما بيهون عليهم فيك
عاوز تعمل فتنة بيني وبينهم :patch_galc:

س5 / أطرف موقف حصل لك برمضان ومازلت تتذكر


في يوم من أيام رمضان وأنا في المدرسة ، رجعت إلى البيت ولم أجد أحدا فقمت بإخراج الأكل الموجود في الثلاجة وقبل أن أبدا في الأكل تذكرت أنني صايم ... فأرجعته خائبا

:v9v9net_084:نعمة النسيان عندك من زمان مو شي جديد عليك



س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك
تتكون من التمر ، العصير أو قمر الدين ، شوربة
الأكلة المفضلة أكيد المنسف
شوربة العدس

:188[1]:والتوت الشامي وين راح هشام

وفي الختام القلم لك فلتتفضل مشكوراً
وتختار العضو الي بعدك

أنا رح أختار ريماس وتجاوب عن نفس الأسئلة التي وجهت لي

وين ريماس :23_33_7:

:36_1_70:

[هشام القواسمة]

ولك فضحتينا على على التوت الشامي
:006:
بدي أكسرها

[شيماء الشام]

ولك فضحتينا على على التوت الشامي
:006:
بدي أكسرها

في أشياء صعب كسرا هشام باشا :159[1]:

انت ناسي انها مصنوعة من البلاستك :v9v9net_084::v9v9net_084:

[ريماس]

س1 / بطاقتك الشخصية (( كما تحب )) ؟
اسمي امل
معلمه
سكان صحراء النقب (الزرقاء)

س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟

بذكر اني كنت بالصف الاول يعني 6 سنوات وصمت يوم كامل ولما اذن ما عرفت من الفرحه شو اعمل
لكن جد كنت فرحانه كتير وبعد الافطار دبت في الروح وصرت اتحرك لاني اعتقد كنت مشلوله وانا صايمه




س3 / بنظرك هل اختلف روحانية رمضان أمس عن اليوم ؟

اول شيء كنت اشعر زمان يوم الصيام طويل وما بيخلص لكن هلا لا
تاني شيء كانت العائله اسم الله كلها مجتمعه واللمه كانت حلوة كتير
لكن هلا الكل اتزوج ومشاغل الحياة بنجتمع لكن مو متل اول
وزي ما تفضل ابو ريان المسحراتي هلا مو موجود وكنت اشعر انه المسحراتي
هو واحد من ابرز الاشياء الي بتحسسك بنكهه رمضان وحلاوته


س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟

نبلش من الساعه 2 الفجر بحاول يوميا اقرا قران
بعدها بنجهز السحور وبنتسحر وبرجع اقرا قران لاذان الفجر
بعد الصلاة ممكن اقرا قران شوي وانام بعدها

على الساعه 11بروح على الدوام وبرجع للبيت على الساعه وحده

بصلي الظهر وبنام شوي وبصحى بنصلي العصر

وبنشتغل في البيت لحتى اذان المغرب

بنفطر وبنصلي وبنلش شغل البيت وبتابع التلفزيون وبسهر مع اهلي

يعني بعد الافطار ما في شي محدد ممكن زيارة وممكن سهرة مع اهلي

وبنصلي التراويح وبنتفرج شوي على التلفزيون وبشبك على الصدى


س5 / أطرف موقف حصل لك برمضان ومازلت تتذكرة ؟

والله بصراحه مو متذكرة اي موقف




س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك

شيء اساسي عصير التمر الهندي والشوربه شوربه الماجي تحديدا لازم دائما تكون موجوده

بالاضافه الي الطبق الرئيسي مو محدد علمك كل يوم شكل الاكله المفضله عندي الملوخيه وعملناها اليوم



س7 / هل سبق لك الصيام خارج وطنك ؟ وهل هناك إختلاف بذلك ؟؟

لا والله ما سافرت ولا جربت الصوم خارج الاردن

س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟

طول السنه في انتاج للبرامج لكن برمضان بيكون اكتر والمسلسلات كتيرة برمضان

فالشخص هو الي ببرمج وقته يعني لا تتعود تكون 24 ساعه على التلفزيون

انا بصراحه بتابع برامج برمضان بس في برنامج جد ممتع جدا جدا على قناه نورمينا

اسمه قناديل الهدى ومقدم البرنامج محمد نوح القضاه فعلا بحسه قمه

وفي برنامج للشيخ محمد العوضي على قناة الراي اسم البرنامج بيني وبينكم جد قمه هالشيخ وبرنامجه رائع

في النهايه بشكرك شيماء على تميزك في طرحك للمواضيع
رمضان خيرعليكم جميعا وان شاء الله بينعاد عليكم بالصحه والعافيه يارب

[ريماس]

بختار خالد النورس للاجابه عن نفس الاسئله

[خالد النورس]

س1 / بطاقتك الشخصية (( كما تحب )) ؟

الاسم :- خالد القراقره

العمر 26 سنة

اعزب

اعمل في وزارة التربية في مركز مصادر التعلم مسؤول التعليم الالكتروني والمناهج المحوسبة

س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟

عندما اتممت اول يوم صيام كان عمري 5 سنوات وشعوري كان ممتع ولكن بنفس الوقت متعب

س3 / بنظرك هل اختلف روحانية رمضان أمس عن اليوم ؟

نعم اكيد هناك اختلاف واهم نقطة فيها كان جو الالفة والمحبة بين اهل الحارة الواحدة وكثير من الاختلافات

س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟

لما تكون عطلة: ببدأ يومي من السحور بتسحر وبقعد اقراء قران لاذان الفجر بعدين بروح وبصلي وبنام الى ما شاء الله طيب مش قبل 11 بيكون فيه صحيان بعدين بغسل واذا في مجال اشبك نت بشبك مافي مجال بجهز حالي لصلاة الظهر وبعد الصلاة الظهر بشبك نت لصلاة العصر وبعد صلاة العصر بنشارك في مسابقات المنتدى لساعة 6.30 بعدين قراءة قران لاذان المغرب بنفطر وبنصلي صلاة التراويح ويتلوها سهرة مع الشباب على القدم هههههه

لما يكون دوام: ما في اختلاف كثير بس الاختلاف في وقت الصحيان بكون الساعة 8.00 صباحا وبرجع عالبيت الساعة 2.00 بعطيها نومة لاذان العصر وبعدين نفس البرنامج


انشالله يكون هناك تغير للافضل من ناحية العبادة

س5 / أطرف موقف حصل لك برمضان ومازلت تتذكرة ؟

اطرف موقف لي في رمضان هو مش لي شخصي يمكن لنص محافظة الطفيلة كنا بننتظر اذان المغرب الا هالاذان بأذن طبعا امي في البيت عودتنا ما نفطر الا لما نسمع اغلب المساجد بتأذن شوي والا المؤذن بحكي على السماعة لا تفطروا لا تفطروا انا خربطت في الاذان والله اعلم يمكن اغلب الناس افطرت


س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك
يعني افطار متواضع منسف لحمة كبسة لحمة مندي ههههههههه ما بهمني شو موجود على المائدة اي ايشي انا بقبل فيه عدا الملوخية والبامية

الاكلة المفضلة هي المنسف

احرص على وجود المخللات






س7 / هل سبق لك الصيام خارج وطنك ؟ وهل هناك إختلاف بذلك ؟؟

للاسف لم يسبق لي الصيام خارج الاردن




س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟

اكيد سيء وسيء للغاية لانه هناك ضعيفين انفس بتسول لهم انفسم ابعاد الناس عن عباداتهم

نسأل الله لهم الهداية



رح أختار اسرار تقوم بالاجابة على هذه الاسئلة

[اسرار]

صباحووووووووو .... كثيير اسفة على التاخير بس في سببين ما بدخل فيهم للمنتدى
الشغل في رمضان عنا في الجامعة كثير والوقت ما بيكفي لانجازه //// هاد بالنسبة لطبيعة شغلي طبعا///// وكمان انا كثيير كثييييير تعبانة ومرهقة هاي الايام (الله يكون في العون)
وكمان الصدى كان عنا بالجامعة مغلق مش عارفة السبب



س1 / بطاقتك الشخصية (( كما تحب )) ؟

الاسم :- شذى
العمر 26 سنة

متزوجة وعندي ولد ازعر اسمه يامن العسل عمره سنتين ونص

بشتغل في جامعة الطفيلة


س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟

بيجوز كان صفي اول ..... طبعا فرحانة ومبسوطة ومش مصدقة وهو ياذن عشان اكل اللي بعد الافطار كنا انا واخواني محضرين اكلات بلاوي في الكياس...اممممممم اشباس وبسكوت وشكلاته ومشترين حلو وليييييييييي كانت ايام

س3 / بنظرك هل اختلف روحانية رمضان أمس عن اليوم ؟

تقريبا ... زمان العيلة كانت تتجمع احلى اليوم بالزور لحتى تلاقينا متجمعين بدنا مواعيد وحجوزات لحتى نجمع..... وبرضه التلفزيونات خربت الشهر


س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟

نبلش من عند السحور ...
سحور ..... وجلي ومن ثم قراءة القران والصلاة وبرجع انام اذا في دوام بنزل ع 9 واذا لا هيك نومة لل 11 وسواء راجعة من الشغل ولا صاحية من النوم ببلش نهاري مع يامن ومع العيلة بنتشاور شو بدنا نعمل ..... وبعد هيك استراحة ايمانية ومن ثم الى المطبخ بعد صلاة العصر وما بطلع الا لاشوف برنامج خواطر ع ال mbc وبرججع للمطبخ ومن ثم الى السفرة ..... تمر وقمر دين وصلاة ومن ثم اكل واستراحة وجلي ووووووووووو

كل سنة بنوي اكثف جهودي انه قربي لله يكون اكثر........ والله يهديني

س5 / أطرف موقف حصل لك برمضان ومازلت تتذكرة ؟

كانت دايما تصير معاي بكون بساعد ماما في المطبخ وما بتلاقيني الا وانا ماكلة نص الاكل وانا معاها وبعدين بس اشرب مي واشبع بتذكر اني صايمة ههههههه .... وماما بتحكي الي الله اطعمك واسقاك وعادي بكمل صيام بعد ما كون فللت ......الله يرجع هذيك الايام هسة بطلنا ننسى انه صايمييييين


س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك
تمر وقمر دين وشوربة

الاكلة المفضلة هي المنسف
واي شي ثاني ما بتفرق معي

وانا زي خالد ..... احرص على وجود المخللات






س7 / هل سبق لك الصيام خارج وطنك ؟ وهل هناك إختلاف بذلك ؟؟

لااااااااااااااااااااااااااا





س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟

على راي وزير الصناعة والتجارة عنا ..... هاي تجارة وموسم للناس الحق في استغلالها كغيرها من المناسبات والعروض
طبعا اصبح الامر مبالغ فيه الى حد انه الواحد بطل يلحق على شي فبالاخر بيسكر التلفزيون وبيريح راسه



برجع وبكرر اعتذاري الكم جميعا وخصوصي لشيماء وخالد على التاخير



رح أختار هبوش تقوم بالاجابة على هذه الاسئلة

[هشام القواسمة]

تحياتي لك أسرار
منورة
الله يتقبل منك صيامك

[هبة الرحمن]

س1 / بطاقتك الشخصية (( كما تحب )) ؟
الاسم هبه
العمر 23 الشهر هاد بكملهن

س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟
مو متزكره بلزبط كم كان عمري
بس كنت كبيره مو صغيره

س3 / بنظرك هل اختلف روحانية رمضان أمس عن اليوم ؟

لا مابيختلف كتير
الجو نفسو والتقاليد هي هي
بس يمكن كانت الناس شوي اقرب الى الله

س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟
عادي بيفق الساعه 11 او 12 بشبك انترنت وبشارك بصدى
بكمل على ال 2 او على ال 1 بصلي وبقراء قران للعصر وبناام وبرجع بشبك انترنت لا الافطار وبعد هيك بقراء قران لا صلاة العشا بعد هيك بطلع من البيت برجع على ال 11 ببقئ اقراء قران لا اذان الفجر
وبس


س5 / أطرف موقف حصل لك برمضان ومازلت تتذكر


مره فقت كان مادن الفجر كنت ميته عطش فحكيت لسئ الشمس ماطلعت وماهو ربنا حكى الصيام وقت تشرق الشمس وشربت مي وبس


س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك
مابتفرق معي كل شي خير ونعمه من ربنا
الحمد لله على كل شي

س7 / هل سبق لك الصيام خارج وطنك ؟ وهل هناك إختلاف بذلك ؟؟

خارج الاردن مرتين نفس الشي بس برا الاردن اجتماع مع الاهل




س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟
ازا بحكي انو بحضر برامج دينيه بكون كزابه
بشغل التلفزيون بوقتين
اول مره بحضر باب الحاره على mbc
وتاني مره بحضر نصف القمر على الاردنيه
والحمد لله ختمت القران 3 واليوم ان شاء الله راح اختمه الختمه الرابعه





راح أختار عمون يقوم بالاجابة على الاسئلة

[هشام القواسمة]

الله يبارك فيك شيخة هبة

[هشام القواسمة]

بانتظار عموووووووووووووون

[شيماء الشام]

ولله الحمد تقربي الى الله في رمضان متل باقي الايام يمكن زياده شوي برمضان انو بالايام العاديه بختم القران مرتين بالشهر بس الحمد لله صرت خاتمه القران ثلاث مرات وان شاء الله اليوم بعد صلاة الظهر راح بلش بالختمه الرابعه
الحمد لله


هنيئاً لكِ أختي هبة الرحمن
وتقبل الله منكِ
لا تردي على ابو ريان
هو ما بيحب يكون حدا أحسن منو :156[1]:

[هبة الرحمن]

هههههههههههههههههه بركاتك شيخ هشام
:36_1_80:

[هبة الرحمن]

:hh29: بعرف حبيبتي شيماء هوا غيران ما بدو حد يكون احسن منو
:patch_baskt:

[عمون]

عدنا والعود احمد....

أنا متأسف عن انقطاعي المفاجىء عن المنتدى ويخلف على Orange .... ما علينا .. المهم

مش عارف ايه الاحراج ده ....وكل دول اسئلة حجاوب عليها !!!

نبدأ بسم الله

س1 / بطاقتك الشخصية (( كما تحب )) ؟ كما تحب !!!!

الاسم الحقيقي عامر .... اسماء اخرى john_aa12 , عمون , ...الخ في فضاء النت
العمر 22 سنة
ادرس في جامعة مؤتة العريقة ....(اللي بسمع بصدق )
اعمل مشرفا في صدى الحجاج وبرامج نت
الهوايات : كرة القدم , الانترنت , وتجربة كل ما هو جديد

س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟
على ما اذكر انني في الروضة كنت دائما ارغب في الصوم ولكن الأهل لم يوافقو فأخبروني بالسر العظيم ......صومة العصفورة خخخخخخخخخ
لكن اول يوم صوم حقيقي كان في الصف الاول ....اما شعوري لحظة الافطار فلا اتذكر .....

س3 / بنظرك هل اختلف روحانية رمضان أمس عن اليوم ؟
اكيد ....في الامس كنا اطفال ننتظر الآذان بفارغ الصبر بعد يوم شاق في المدرسة ....أما الآن فأغلب الاوقات أكون نائما الى أن يأتي احد ويصحيني من النوم للإفطار ( حاسب حالي صايم )

س3 / بنظرك هل اختلف روحانية رمضان أمس عن اليوم ؟
طبعا لأنه قبل دخول الجامعة كنت اعيش بين اهلي في الزرقاء ..يكون كل شيء متوفر طبعا وما في دوام ....فأقوم بكامل العبادات من صلاة الفجر في المسجد الى التراويح وقراءة القران

اما في الكرك ويا حسرتاه على الكرك ...نرجع من الدوام على الساعة 3 العصر ونصلي ثم يبدأ الهم اليومي وهو ماذا سنأكل ؟؟؟؟
بعد معاناة قد تدوم لأكثر من ساعتين في التفكير العميق ..ننام الى أن يأتي موعد الافطار ...وبعدها نصلي المغرب ونصلي التراويح ثم يحين موعد السهر مع الاحباب والاصدقاء للصبح والدراسة على الله خخخخ ...


س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟
المشكلة انه في رمضان تقلب الموازين ...الليل يصبح نهار والنهار يصبح ليل...!!
بعد السحور أذهب لصلاة الفجر وبعد الانتهاء اقرأ القران تقريبا الى الساعة 6:30 ثم انام واستيقظ على الساعة 2 لأصلي الظهر ثم اعود للنوم ثم على الساعة 4:30 لصلاة العصر ثم ادخل على النت ويبدأ العمل ....الى ان يحين الافطار ثم الى صلاة المغرب وبعدها صلاة العشاء والتراويح ...بعدها موعد السهر ...شدة والقهوة مع الاصحاب ...للساعة 12 تقريبا ...ثم اعود للنت الى ان يحين وقت السحور ....هذا في ايام العطل ...أما الدوام فشي مختلف تماما

س5 / أطرف موقف حصل لك برمضان ومازلت تتذكر

حصل هذا الموقف في الكرك ...انتهينا من الدوام بعد يوم متعب فرجعنا للسكن انا وصديقي ونمنا بعد ان قمنا بالاتصال في المطعم ووصينا على وجبتين فرايد من الآخر من عند ارنون ...المهم نمنا كان يؤذن على الساعة 6:30 ولم نستقيظ حتى الساعة 7:30 ولم يأتينا الطعام....شو بدنا نعمل ...خرجنا بحثا عن الطعام (والله كنت حاسس حالي في الغابة ) ولم نجد أية دكانة أو مطعم أو شي فاتح في منطقة السكن (مرود) اتصلنا ببعض الاصدقاء القريبين من المطعم فذهبوا الى ارنون واحضروا لنا الوجبات ووصلنا الطعام اخيرا على الساعة 10 خخخخخخخخ
تخيلوا المعاناة ...( آخ لو ترجع أيام صومة العصفورة )

س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك
شراب تمر من ابو احمد ...صحن الشوربة + الطبق الرئيسي
الاكلة المفضلة كبسة

س7 / هل سبق لك الصيام خارج وطنك ؟ وهل هناك إختلاف بذلك ؟؟
نعم في الكرك ...الاختلاف مثل ما حكينا قبل...(اختلاف بسيط)

س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟
الحمدلله ..لا اشاهد أي مسلسل عربي ولم أشاهد التلفاز في هذا الشهر ابدا ....أما بخصوص الانتاج طبعا هذا شيء مفيد بخصوص البرامج الدينية ...اما المسلسلات فهذا شيء غير مقبول ابدا...

---------------------------------------------------------------------------------------------------------------------------------------------------------------------

لكن اكثر شي ضحكني موقف خالد النورس لا تفطروا لا تفطروا انا خربطت في الاذان
خخخخخخخخخخخخخخخخخخخخخخخخ




أنا رح أختار Gladiator للاجابة عن هذه الأسئلة

[Gladiator]

:hh27:

شوووووووووووو .. ماشي ماشي يا عمون .. على رأي اللمبي وانا الي كنت فاكرك مؤدبه .. ليش هالأذيه
بتموووووون ابو العماميين .. ( لا تسئلني كيف طلعت معي ابو العمامين .. .. جمع عمون خخخخخخ )

بسم الله .. استعنا بالله على الشقى .. ربي .و الله الصدى الا يجلطوني

هات السؤال الاول خلينتا نشوفه بتجاوب عليه ولا نزحلق اله

س1 / بطاقتك الشخصية (( كما تحب )) ؟ كما تحب !!!!
اي والله من اول ما دخلت على الصدى وانا بعطي بطاقات شخصيات .. حاس حالي بشتغل في دائرة الاحوال المدنيه .. اذا ما خاب ظني الي في جزر الواق الواق زهقني
الاسم : احمد
العمر .. (ما يبلى هالعمر .. الي بسمع بفكرني افنيتهم في طاعة الله وانجازات وفي الجهاد خخخخخخخ .. نصه نوم )
26 سنه راح من عمري على ما اظن .. انا هيك حكولي
طالب مجتهد جداااا في الجامعه والدليل انه انا لغاية هسه على مقاعد الدراسه الجامعيه خخخخخخخ
بدرس هندسة الكهربا وهندسة الحاسوب .. واظن انه قربت اتخرج .. اظن بكفي ولا انتو شو رأيكو . اذا حابيين اقعد كمان في الجامعه ما عندي مانع

الهوايات .. والله ما ضل ماتت كل هواياتي مع موتة قلبي .. انطفى قلبي
بس بنقدر نحكي الرياضه جميعها .. خصوصا ركوب الخيل .. والكراتيه.. والمطالعه ... واعمل حالي فيلسوف بتفلسف كثيير هههه

اعزب على وجه خطبه ( يعني محجوز ويا ويلي اذا الحصه بتعرف عني اني بشتغل على النت وفي المنتديات .. الا تقيم علي الحد .. الله يستر )

هذا سؤال تمام ... هاتوا الي بعده ؟

س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟
ميلادي ولا هجري ؟؟ خخخخخخخ
على ما اظن بعد ظهور الاسلام وبعد الهجره .. بس اي سنه بالضبط مش فاكر
لا عنجد وعمري 5 سنوات .ما بعرف شو كنت لانه ما دخلت روضه ولا كان على دورنا تمهيدي ولا بستاني ولا حقلاني ولا مزرعاني
تقريبا صمت نص الشهر لاني كنت يوم اصوم ويوم افطر في هذا السن
وفي الصف الاول بلش الجد .. يا ويلي اذا بفطر يوم .. بحشوو رجلهم في .... بطني .. ( احنا اولاد عز بس ترباية نكد )

وشو شعوري اول ما افطرت ..
بصراحه مش متذكر .. اي منيح مني متذكر شو افطرت مبارح
بس بتذكر وانا صغير .. كانت هواياتي اشتري بسكوت وراحه واعمل سندويش بسكويت وراحه .. كان على دورنا بسكوت ميري بتبير
وكانت دايما امي تفضح الدنيا علي انا واخوي .. عشان كنا نسرق حبات قطايف قبل ما تعملهم وتحشيهم ونحط عليهم سكر ونخبيهم للفطور نوكلهم بدون لا قلي ولا شوي


الي بعده ..
س3 / بنظرك هل اختلف روحانية رمضان أمس عن اليوم ؟
اكييييد
هسه احسن .. زمان ما كان لا في فيمتو ولا ميزو ولا راني ولا شاني ولا الربيع ولا سيزار ولا ولا ولا
ما كان في الا القمر الدين يطلع من جنابنا واحنا بنكرع فيه

بس ليش لما اتذكر الايام الي فاتت وانا صغير بأجي بدي ابكي وبصير مش طبيعي ما بعرف ( بالكم انه زمان احسن .. بدكم الصراحه ما بدنا لا فيمتو ولا ربيع ولا بطيخ بس اعيش يوم واحد من الي مضت )

يغص بال هيك سؤال .. اقسم بالله انمغصت واكتئبت
بس لو بدنا نحكي من ناحية العبادات وبكل صدق اختلفت ..ونحو الافضل . الان اصبح المجتمع اكثر وعيا من قبل وابتعدت كثيرا من البدع التي كانت تحدث كثيرا في رمضان
والفضل لله بأن منّ علينا الان بهذه القنوات الفضائيه الدعويه الاسلاميه .. التي تحاجج الناس ..ولا يوجد حجة لاحد بان يتابع مسلسل ..فهذه القنوات قد سدت


الي وراه ..
س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟
لازم تحرجونا بئى ...
بصراحه بصراحه
انا الي بعمل السحور وبصحي الحجه واولاد اخوي .. وبنتسحر .. وكمان انا الي بجلى جليات السحور غير وهو مأذن الفجر .. بروح بصلي الفجر .. وبرجع على البيت وحسب العيون اذا كانوا طافيين بنام لا والله مش طافيين بقرأ جزء او الي بقدرني عليه ربنا وبنام
بصحى مع اذان الظهر بصلي .. وبتخوث في البيت شوي انا والاطفال . ومع قرب العصر بنزل على النت .. بدخل على الصدى وبصلي العصر .. تقريبا للمغرب ..
هون هاي الساعه عن كل اليوم .. بس بتخايلها دقيقه يحرق حريشها بسرعه بتخلص . حتى هاي الساعه الها طقوس عندي .. .بعد الاكل بروح على غرفة الضيوف ادخن واشرب قهوة لما العداد يطلع لفوق
ويأذن العشا بنروح بنصلي العشا والتراويح وبننزل انا وزالشباب على الشوق نشرب قهوة وبنرجع على طول عشان الحق برنامجين واحد على المستقله وواحد على قناة الصفا
واحد بطخ وحاقد على الصوفيه والثاني على الشيعه ..عشان هيك بتلاقيني ماخذ عزّي لاني بكرهم الطرفين .. يعني اسعد اوقاتي وانا بحضر هالبرنامجين
وهييك للسحور ما بنام


حكيت كثير انا صح .. عشان اعلمكم مره ثانيه تختاروني خخخخخ

س5 / أطرف موقف حصل لك برمضان ومازلت تتذكر
والله الموقف مش بعيد .. اول مبارح بس
دخلت البيت وما كان باقي على اذان المغرب شي ..واهلي عاملين فيمتو في الثلاجه فتحت الثلاجه والاقي الفيمتو كله منكب في الثلاجه .. ورجعواعملوا واحد جديد وبسرعه بسرعه صرت اضحك
وانا بتشمت عليهم .. شوي امي كان معها علبة طحينيه كيف انسكبت منها ما حدا بعرف .. وخذ يا ضحك عليها وانا بتشمت .. وهمي بحكولي ماشي ماشي ربنا الا يجازيك ..
قعدنا على الفطور على الطاوله اخوي بطلب مني اصبله بيبسي .. مسكتها اول مره وقعت مني .. صاروا بدهم يضحكوا بس انا ما فتحت مجال .. مره ثانيه وقعت وما حدا حكى
المهم مسكتها منيح وفتحت غطاها وعينك ما تشوف الا النور .. الغازات في كل مكان الغطاه في وجهي فقعت وقميصي وبنطلوني ووجهي تعبوا بيبسي وعلى الاكل وعلى الفرش
وخذ يا ضحك من اهلي وصاروا يتشمتوا همي في .. امي بتحكيلي مش حكيتلك ربنا الا يجازيك ..

وسلامتكم
س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك
بس بالله عليكم بدون ضحك ولا حدا يعلق علي ..
انا بحب غير التمر والعصير .. بحرص دايما يكون على المائده قطايف .. وبوكل اكثر من 4 حبات قبل الفطور .. هيك طبعي مابعرف ليش .. طبعا بس انا في البيت بعمل هاي الحركه
اكلتي المفضله
بعد الكبسه والمنسف والسبانخ والسمك. واي شي فيه رز
ولا احكيلكم .. كل شي بحبه ماعدا الكرش والفاصوليا الخضرا والصينيه مش كثير بحبها

س7 / هل سبق لك الصيام خارج وطنك ؟ وهل هناك إختلاف بذلك ؟؟
نعم .
في العراق الشقيق , في الموصل .. تقريبا نفس العادات مع بعض الاختلاف ..
اجمل ما كان هناك عصير الرمان وشربت الزبيب ..( شراب زبيب ) والدولمه

س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟
اضم رأي لرأي اخي عمون .. ولا ازيد على ما قال
الحمدلله ..لا اشاهد أي مسلسل عربي ولم أشاهد التلفاز في هذا الشهر ابدا ....أما بخصوص الانتاج طبعا هذا شيء مفيد بخصوص البرامج الدينية ...اما المسلسلات فهذا شيء غير مقبول ابدا...


اشهد ان لا اله الا الله .. اففففففففففف قد ما بحكي .. لوك لوك لوك لوك

__________________________________________________ ______________________________

انا راح اختار انيسه .. للاجابه عن هذه الاسئله .. فلتتفضل مشكوره ( حاس حالي في اذاعه مدرسيه خخخخخخ) تصفيق حار لانيسه
المايك معك يا انيسه

[هشام القواسمة]

والله يا احمد انت شطور ما خليت لأحد موضع يدخل الك منو

بس عجبني عمون صايم خارج وطنه في الكرك
ههههه

[Gladiator]

هههههههههه والله وانا عاجبني كمان
متغرب يا حراام ..خخخخخخخخ
عمووون على راسي والله

[هشام القواسمة]

احمد ابعث لأنيسة رسالة خبرها

[Gladiator]

حاضر طلباتك اوامر .. اففففففف هو انا الي كاتب الموضوع .. انداري عنك متسلط علي ولا عشانك نسيبي اكبر مني يعني خخخخخخخ

[هشام القواسمة]

احنا قلنا كل واحد يخبر اللي بيختاروا
اوك ابو نسب

[أنيسة]

بسم الله الرحمان الرحيم
اللهم صلي و سلم و بارك على سيدنا محمد و على آله و صحبه أجمعين
أخي الغالي أحمد مشكور برشا و الله ما راح أدعي عليك بالعكس راح أدعيلك بالخير
يعطيك الصحة و العافية ربي يخليك و يسعدك و يوفقك
و كمان كل الشكر لأخي الغالي هشام و للغالية شيماء

س1 / بطاقتك الشخصية (( كما تحب )) ؟
إسمي الحقيقي عواطف و أنا أحب إسم أنيسة برشا
تونسية الجنسية
صاحبة مكتب للإعلامية و المكتبية
صرت مغرومة بالدخول إلى المنتدى الغالي و لي الشرف الكبير أن تعرفت على ناس طيبين و لطيفين
ربي يخليهم كلهم

س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟




على ما أذكر كان عمري 8 سنوات و كان يوم صعب برشا





س3 / بنظرك هل اختلف روحانية رمضان أمس عن اليوم ؟



أكيد صار فيه اختلاف كبير بين رمضان اليوم و رمضان زمان كانت فيه ميزة و نكهة خاصة الكل يجتمع مع بعض العائلات الجيران فيه تواصل حلو برشا و سهريات جميلة
الآن صار فيه نوع من الجفاء بين الناس في التعامل و التواصل
الشيء الجميل إلي مازال موجود عندنا هو المسحراتي يجوب الشوارع بطبلة يوقض الجميع للسحور و الصلاة


س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟


أوّل ما أبدأ به يومي النهوض و تحضير السحور و إيقاض العائلة بعد السحور انتظار آذان الفجر و قراءة ما تيسر من القرآن أصلي ثم أنام و بعدها الذهاب إلى الشغل من الساعة السابعة صباحا حتى الساعة الثالثة بعد الزوال أرجع للبيت أصلي الظهر أنام مشوي و بعدها صلاة العصر ثم أدخل للمطبخ أساعد لحتى آذان المغرب الصلاة ثم قراءة القرآن
و الله التعديل في البرنامج يصير حسب الظروف


س5 / أطرف موقف حصل لك برمضان ومازلت تتذكرة ؟


أطرف موقف حصلي في رمضان هو أنه كان أبو لجارتنا شيخ لطيف و طيب برشا الله يرحمه دائما يحمل في جيبه الحلوى و يعطيها للأطفال و الكبار كل يوم على هذا المنوال في أول يوم في رمضان اعترضني سلم علي و أعطاني الحلوى و بدون ما اشعر وضعت واحدة في فمي أكلتها و ابتلعتها


س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك


تتكون مائدة إفطار من أكلات مختلفة مثل الكسكسي، الشوربة، السلطة أهم شيء تمر و حليب ما عندي أكلة مفضلة الشيء الذي أحرص أن يكون على مائدتي هو البريك




س7 / هل سبق لك الصيام خارج وطنك ؟ وهل هناك إختلاف بذلك ؟؟


لا لم يسبق لي الصيام خارج الحدود التونسية

س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟


لا هذا شيء مو سليم الافضل لقنواتنا العربية تخصيص برامج دينية على طول السنة مو تقتصر على شهر رمضان فقط فنحن بحاجة ماسة للبرامج الدينية و التثقيفية التي تليق بالشهر الفضيل
المسلسلات صارت كلها متشابهة بدون فائدة و أنا شخصيا ما عندي ميول للمسلسلات



في النهايه كل الشكر و الإمتنان للأخت الغالية شيماء على الموضوع الرائع و المتميز
رمضان كريم على الجميع و كل رمضان و أنتم بألف خير وان شاء الله ينعاد عليكم بالصحه
والعافيه يارب

[أنيسة]

شيماء الغالية مشكورة ألف مرة على الموضوع الرائع
أنا أختار بعدي أخي الغالي ابو معمر للإجابة عن الأسئلة

[م.محمود الحجاج]

بسم الله نبدأ


س1 / بطاقتك الشخصية (( كما تحب )) ؟
المهندس محمود محمد الحجاج /ابو معمر
مواليد الطفيله / الاردن
سكان مدينة العقبه
رئيس قسم الدراسات الفنيه /الدائرة الفنيه / مؤسسة المواني




س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟

كنت في الصف الخامس الابتدائي / 12سنه


س3 / بنظرك هل اختلف روحانية رمضان أمس عن اليوم ؟
الروحانيه لم تتخلف ولكن الناس اختلفت ... والبركه قلت



س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟

السحور الساعه 4 فجرا
فتح الموقع وتنزيل جزء من القران .. وتشغيل برنامج لن يسبقنا احد الى الجنه
الساعه 5 ايقاف التشغيل للبرنامج
صلاة الفجر
الساعه 6 الذهاب للدوام
الساعه 11 العوده من الدوام
النوم لصلاة الظهر
العمل على الموقع لغاية الساعه 5 مساء
البدء بعمل الفطره
صلاة التراويح
باب الحاره والعمل على الموقع ... النوم


س5 / أطرف موقف حصل لك برمضان ومازلت تتذكرة ؟
اطرف موقف ... موقف باصات عمان العقبه ههههههه




س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك

والله مائدة الافطار المكونات الرئسيه العصير الشوربه والتمر والسلطه .. وبعدين الوجبه الرئسيه تتنوع من يوم ليوم

س7 / هل سبق لك الصيام خارج وطنك ؟ وهل هناك إختلاف بذلك ؟؟

نعم صمت 5 سنوات في يوغسلافيا بس بتقطع



س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟

هذا مقزقز والخروج عن الواقع الروحاني والبركه لرمضان

اختار المراقب المشتاق

والف شكر لك انيسه لاختياري
والف شكر لشيماء الشام لهذا الموضوع الرائع
وكل عام وانتم بخير وتقبل الله طاعاتكم

[Gladiator]

والله يا هيك المواقف يا بلاش فعلا اطرف موقف هههههههه
انا شفته بضحك هذاك اليوم الباصات فاتحه ثمها خخخخخخخخخ
يقطع شرك ابو معمر

[هشام القواسمة]

بس وين راح ابو معمر
ما اختار اللي بعده
بفكرها شلفقة
ارجع هون وشوف مين بدو يقعد على المفرمة

[حرف]

ابو ريان ابو معمر اختار المشتاق
سلامة عيونك
ارجع اقرأ

[هشام القواسمة]

هههههههههههه
أقسم بالله مولابس النظارات انا
هههههههههههه

[المشتاق]

مشكور ابو معمر ما قصرت .. كيف لو اني ما حكيتلك


س1 / بطاقتك الشخصية (( كما تحب )) ؟
عبدالوهاب محمد الحجاج
75 مبارة دولية ولا هدف
بكالوريوس احياء .. جامعة مؤته



س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟

والله مش متذكر بس كان اول يوم في الابتدائي
شعور لحظة الافطار لا يوصف .. افطرت قبل الاذان


س3 / بنظرك هل اختلف روحانية رمضان أمس عن اليوم ؟
هذا السؤال بنسأل لواحد عمره في السبعينات في التسعينات
عاش في ايام الفقر والنقر وعاش في ايامنا اما بتسألوني انا اللي عمري 20 سنة
يعني بالنسبة الي ما في فرق نفس الاجواء ما تغيرت



س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟

السحور وبعدين صلاة الفجر ... النوم للساعة 7 وبعدها على الدوام
برجع على الساعة 2 تقريباً ... على النوم للساعة 4.30 بصلي العصر وعلى المنتدى
برد على كمن موضوع وبكتب سؤال المسابقة ... بعدها بقرأ قرآن للآذان
بفطر .. بتمدد شوي .. على التراويح ... على البيت على طول واكيد برجع على المنتدى
وفي ايام العطل .. النوم ولا الحوم

س5 / أطرف موقف حصل لك برمضان ومازلت تتذكرة ؟
ما في مواقف .. بس موقف خالد عجبني كثير وعلى فكرة صارت اكثر من مرة
لا تفطروا .. لا تفطروا .. اتنو شوي انا غلطت انا تهت


س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك

ما في اشي محدد .. بس اكيد التمر والشوربات والسلطات اشي مهم بالنسبة الي .. والطبق الرئيسي بختلف يوم كبسه يوم منسف يوم محاشي يوم ..... والأكلة المفضلة المسخن
س7 / هل سبق لك الصيام خارج وطنك ؟ وهل هناك إختلاف بذلك ؟؟

نعم صمت 5 سنوات في السعودية .. وسنة في سلطنة عمان
الاختلاف كان في السعودية .. معظم الناس كانوا بفطروا على فول ، حمص ، سمبوسك
والطبق الرئيسي كان بعد صلاة التراويح



س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟

اكيد اشي سيء وبالنسبة الي ما بعرف اشي في التلفزيون غير آذان المغرب

اختار المشرفة المميزة دانا

وكل عام وانتم بخير وتقبل الله طاعاتكم

[عمون]

يا اخوان هو في تشابه اسماء بين المشتاق وابو معمر ولا انا بتهيألي ...شكلوا الصوم مأثر علي :h17:

بعدين مشتاق ما شاء الله كيف خلصت البكالوريوس في سنتين

:23_30_125:

[المشتاق]

لا تدقق كثير يا عمون مش لصالح

[هشام القواسمة]

ورطك ابو معمر يا عبد الوهاب

[المشتاق]

لا عادي ... ابو معمر كبير وبمون على اللي اكبر منها

[ريماس]

عمون

مشتاق خلص بكالوريس و بعد التخرج سافر 5سنوات السعوديه وسنه في عمان

كل هاد بسنتين في الشهر؟؟؟؟؟؟؟؟؟؟؟؟؟؟

وكل هاد لسه عمرة 20 العمر كله مشتاق هههههههههههههههههه

هاد انا عمري 18 ونص ههههههههههههههههههههه


:022::022::022:

[دانا]

س1 / بطاقتك الشخصية (( كما تحب )) ؟
دانا عمري 19 سنة بدرس طب اسنان بجامعة العلوم والتكنلوجيا


س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟
اظن كنت بالصف الاول يعني عمري شي 6 سنين كنت مبسوطة وما خليت حدا ما قلتله عن هاليوم العظيم ههههههههه وقديش عانيت فيه
وكنت قاعدة مبسوووووطة بستنى عمو المؤدن ليأدن وما اقتنعت آكل الا لحتى يخلص ادان بس خلص اقتنعت آكل هههههههههههههه
بخاف يضيع صيامي ازا اكلت بنص الأدان

س3 / بنظرك هل اختلف روحانية رمضان أمس عن اليوم ؟
اوهووو كتير يا سلام على زمان كنا كلنا نجتمع عند جدي بعد الافطار يوميا الله يرحمه هلأ كل واحد تزوج وكل واحد بمحل ما بنشوف بعض الا بالعزايم
وكمان زمان كان رمضان احلى واهدى واروق من هلأ كله عجقة بعجقة الله يرحم ايام زمان


س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟
بصحى تقريبا على ال 4 بتسحر وبقرأ قرآن ليأدن الفجر بعدين بصلي الفجر وبروح بنام تقريبا للساعة 9 بقوم بغسل وبضب غرفتي وبقعد على الصدى
بعدين بقوم برتب البيت وماما بتطبخ بعدين بساعدها بالاشياء الخفيفة وبعدين بحاول احل لغز المشتاق بعدين بنفطر وبصلي المغرب وبقعد مع اهلي لحد ما يروحو لصلاة التراويح بصلي العشا والتراويح وبستنى اهلي بقعد معهم شوي وبنام

س5 / أطرف موقف حصل لك برمضان ومازلت تتذكرة ؟
هو يوم لما افطرت اول يوم وما قبلت آكل لحتى يخلص الأدان
انا بطبعي بحب الرز وهو ساخن بالطنجرة وبتعود ايما ادوقه فلما ماما طبخت كبسة كنت كل شوي اروح ادوق شوي تقريبا 3 مرات ولا مرة تزكرت اني صايمه ههههههههههه
وبالآخر تزكرت

س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك
شوربه وتمر وفتوش وسمبوسك ومي وعصير والطبخة الرئيسية
الطبخة المفضله عندي شيخ المخشي طبعا

اهم شي يكون موجود هو المي

س7 / هل سبق لك الصيام خارج وطنك ؟ وهل هناك إختلاف بذلك ؟؟
لا ابدا ولا مرة ما صمت خارج الاردن ولا حتى شميت هوى غير الهوى الاردني

س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟
هو سيء لانه بجد الواحد مو فاضي يعني زودوها انا بصراحة حاولت اول رمضان اتابع شي بس ما قدرت فاضطريت اعتزل التلفزيون كله بس بحضر باب الحارة ونادرا كمان مو دائما يعني لما ما يكون في شي وراي

بختار يكون وراي حرووووفه (حرف ) تفضلي مشكورة

شكرا الكم فكرة كتير روعة

[حرف]

س1 / بطاقتك الشخصية (( كما تحب )) ؟

حرف ...سنة تالتة ...تربية خاصة في الجامعة الاردنية ...عشرون عاما


س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟
كنت بالصف الاول يعني 6 سنين ....والله كنت معصبة ليش بضلهم يقرأوا قرآن وبطولو ...وبعديييييين باذن
بس كنت جعانة وعطشانة ونفسي اكل كل شي

س3 / بنظرك هل اختلف روحانية رمضان أمس عن اليوم ؟
نوعا ما ...يعني مرات ما بنكون مجتمعين كلنا مع الاسف على الفطور ..بسب الانشغالات...اما الروحانيات اتوقع انها نقصت بسبب التلفاز ..مرات الواحد بنسى انه رمضان ،وما بستغل الوقت صح

س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟
انا اصلا الي 20 سنة بعدل على رمضان تبعي والحمدلله هاي السنة اعدل واحسن سنة
بصحى على الساعة 4 بتسحر وبقرأ قرآن وبصلي وبرجع بنام للساعة تسعة (ما في وراي شي)...بعدين بصحى وبرتب البيت
وبعمل الواجبات المنزلية الروتينية ..وبقعد على الصدى ..بعدها بصلي الظهر وبقرأ قرآن ومرات برجع للصدى ..بعد ما اصلي العصر بقرأ كتاب الي من اول رمضان وما خلصته(الرجال من المريخ والنساء من الزهرة) ...وبس يقرب اذان المغرب بروح بعمل السلطة ...والشوربة ...وبحضر الفطور مع ماما ...بعد الافطار بصلي وبرجع على المطبخ للجلي ..وبحضر خواطر ..وبرنامج مذكرات سائح..وبس يأذن العشا بصلي وبعدها بحضر مرات باب الحارة او بقعد مع ماما وبابا ..وبرجع الى غرفتي لممارسة طقوسي الخاصة ..بكمل صلاة وبضل اقرأ قرآن للساعة يمكن 1 ونص وبطلع من الشباك شي نص ساعة وبشم هوا وبنام للأربعة
والله النهار طويل ..تعبت وانا بحكي.

س5 / أطرف موقف حصل لك برمضان ومازلت تتذكرة ؟
بتزكر عادة كل رمضان بأول يومين بس احضر الفطور مع امي ..بضل اتذوق كل شي ..بس بكتشف انه انا صايمة....بضحك شو اعمل

س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك
شوربة وسلطة اكيد ..وعصائر مختلفة ..ومرات سمبوسة والطبق الرئيسي ..وطبعا بحب المسخن والمنسف والكبسة والدوالي ..ما خليت شي

س7 / هل سبق لك الصيام خارج وطنك ؟ وهل هناك إختلاف بذلك ؟؟
ابدا ابدا .
س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟

اها فعلا كل القنوات بتشتغل برمضان ..وفي الغالب لاشغال الناس ..بحب انتاج القنوات المحترمة وبحب البرامج اكتر اما المسلسلات بحسها متل الشيطان ..وكلها دم ونكد وبتضيع الوقت ..والحمدلله مسيطرة على الوضع وما بتابع الا برامج ومرات باب الحارة. طبعا الانتاج المحترم نعمة ..بس السيء نقمة ..الله يهديهم.

شكرا على الموضوع الحلو ..شكرا دانا
بختار بعدي رامي ...اتوقع انه ما حكى

[هشام القواسمة]

دانا وحرف
ما شاء الله عليكم

[عمون]

ما شاء الله ...دانا بتدرسي طب .... الله يوفقك:36_1_55:
يعني عادي اذا بتفوزي علي في المسابقة


الحمدلله طمنتوني ( دانا وحرف)...كنت مفكر حالي اصغر واحد في المنتدى :23_9_10:

[دانا]

ماشالله عليك عمون ... لا تخاف انت كتير سريع وانا بطيئة بالحل باخد راحتي هههههههههههه
مع اني بشك فيك وبسرعتك بس كله ع الله هههههههههه

[عمون]

شو قصدك يعني ...مشتاق بغاوز معي !!! :8_4_135:

[دانا]

لا انت بتغاوز مع حالك :010:

[عمون]

خلاص ...كرمالك رح احكيلك السر ..... أنا عرفت الكتاب اللي بجيب منه الاسئلة....بتحبي اعطيك اسمه!!!:8_4_128:

[دانا]

ياريت ههههههههههه
بس معقول :23_30_125: شفت انه الي حق اشك لانه الاسئله بدها وقت
احكيلك ما بدي الكتاب خلص بس طمنتني يا زلمة شككتني بحالي لانه بجد سرعتك رهيبة فكرت حالي صرت غبية متلا بس ازا هيك القصة الحمدلله يعني رجعتلي الثقة بحالي شوي ههههههههههههههه ...

مشتاق غير الكتاب ههههههههههههههه

[ريماس]

عمون ليش تغششها ول على قلبي ليش تحكي من وين مشتاق بنزل الاسئله؟؟؟؟؟؟؟؟؟

[rami]

س1 / بطاقتك الشخصية (( كما تحب )) ؟
طبعا قبل ما احكي انا شفته الموضوع الصبح ومسطل واكيد رح اختصر لانه الحكي الصبح كارثه عندي اسمي رامي عمري بلشت جديد ب25 الله يحفظني لامي مهندس اجهزة طبيه مسقط الراس الزرقا اصلي من الطفيله واهلي سكان الطفيله وانا مقيم بعمان



س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟
مش عارف اصله بآلي كتيييير اتوقع انه كان صفي ثالث




س3 / بنظرك هل اختلف روحانية رمضان أمس عن اليوم ؟
بالنسبه الي رمضان هو رمضان مهما اختلف الزمان ولا المكان مستحيل يتغير بالنسبه الي




س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟
ما في برنامج يومي الي بغض النظر ومستحيل يزبط معي اي برنامج حياتي كلها مفاجات وتغيرات لحظيه ما بقدر اتحكم فيه بس ع الاغلب
دوام للساعه 2 بعديها بروح انام لقبل الفطرة بعديها صلاة وسهر لاذان الصبح بصلي وبنام شوي ممكن هيك




س5 / أطرف موقف حصل لك برمضان ومازلت تتذكرة ؟
ههههههههه اول صيامي وانا صغير كنت اصوم لآذان الظهر وزي اللي عنجد اقعد استنى بآذان الظهر وانا معصب انه طول كنت صغير اول ما علموني ع الصيام





س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك
اهم اشي شوربه اكيييد يعني الاكله المفضله دوالي ما في اشي محدد بس حكيت اهم اشي شوربه





س7 / هل سبق لك الصيام خارج وطنك ؟ وهل هناك إختلاف بذلك ؟؟ لا بس انشالله







س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟
اكيد سيء بس الحق مش عليهم كل واحد بتحمل نتيجة خطأه



شكرا ع الموضوع , شكرا حرف
بختار بعدي بنان صاحبيتها لدانا دانا خبريها اذا ما شافته

[بنان]

س1 / بطاقتك الشخصية (( كما تحب )) ؟
بنان فادي عمري 19 سنة بدرس في جامعة التكنو أصلي من تركيا ، درست الصفوف الاولى من عمري بتركيا بعدين لما صار صفي اول كنت في الاردن بدرس هندسة حاسوب



س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟
كان صفي اول بس






س3 / بنظرك هل اختلف روحانية رمضان أمس عن اليوم ؟
لا بس رمضان قبل كان احلى زي ما حكوا




س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟
ببقى صاحية للسحور بتسحر وبصلي وبنام بفيء الساعة 10 صباحا بعد على النت بعض الاحيان بصلي الظهر وبقرأ قرآن وبنام ما بين ساعة لساعة ونصف بصحة بصلي العصر وببلش أشوف شغلي بعدين بفطر وبصلي المغرب وبروح على الجيم وبرجع بصلي العشة وبقرأ قرآن وبسهر مع اهلي . بتمنى أنه يبقى برنامجي هيك او يتحسن بس ما يسير أسوء وكله في علم الله





س5 / أطرف موقف حصل لك برمضان ومازلت تتذكرة ؟

هههههههههههه وانا صغيرة كنت اصوم مومت العصفورة ، والموقف الاخر أنه أول اسبوع من شهر رمضان ما كنا نفيء بالبيت الا لبعد صلاة المغرب قريب العشا



س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك

المائدة تتكون من سلطة وتمر وعصير أو بيبسي وشوربة اكيد ، الاكلة المفضلة المقلوبة البرياني الملوخية وغيرها ، بحرص انه يكون السلطة والشوربة




س7 / هل سبق لك الصيام خارج وطنك ؟ وهل هناك إختلاف بذلك ؟؟
نعم ، بتركيا ولبنان طبعا هناك فرق كبير اكيد








س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟
لا مش سليم ولا سيء لانه الحق مش على منتجي المسلسلات بالعكس الحق علينا ولكن في بعض المسلسلات مفيدة
وأنا بدي الي يجاوب بعدي تكون لمى

[لمى]

س1 / بطاقتك الشخصية (( كما تحب )) ؟
لمى عمري 19 انا من عمان وبدرس صيدلة بالتكنو مع دندونة




س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟
تاني وكنت كتير مبسوطة لما ادن عمو الشيخ







س3 / بنظرك هل اختلف روحانية رمضان أمس عن اليوم ؟
اكيد تغير وبتوقع قبل احلى






س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟
انا بصحى على العشرة برتب البيت مع ماما بعدين على الوحدة برجع بنام للستة بعدين بقوم من النوم بنجهز الفطور انا وماما بعدين بقعد على النت للعشرة تقريبا بعدين بضل على الكومبيوتر التاني للاربعة الفجر وبعدها بنام وهكزا







س5 / أطرف موقف حصل لك برمضان ومازلت تتذكرة ؟

مرة كنت اشتغل مع ماما وعطشت رحت على المطبخ وعبيت من الكولر ووتر وشربت كاسة كااااااااااملة بس طبعا كنت ناسية




س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك

سلطة وتمر وشوربة وزيتون والاكل الزاكي اللي من تحت ايدين ماما والاكلة المفضلة هي البخاري والشي اللي بحرص انو يكون موجود هو عصير الجوافة



س7 / هل سبق لك الصيام خارج وطنك ؟ وهل هناك إختلاف بذلك ؟؟
لا ما صار قبل هيك









س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟
اكيد شي مو منيح بس شو بايدنا نعمل غير نحكي الله يهديهم

[لمى]

انا بقترح انو كويتية تجاوب بعدي

[كويتية وافتخر]

س1 / بطاقتك الشخصية (( كما تحب )) ؟
كويتية ودارسة دبلوم سكرتارية واعمال ادارية واسمي ندووووووشة



س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟

عمري 9 سنوات وشعوري احلي شي بالحياة لاني كنت صغيرة اموت علي الحلويات اعشق الشوكولاتة





س3 / بنظرك هل اختلف روحانية رمضان أمس عن اليوم ؟
اختلف انفس الناس اما الرمضان كما هو






س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟
اول شي بدابة من الفجر قبله اكون علي النت وبعدين اقري القرآن واتسحر تمر وماي لاني اسوي رجيم ولما ياذن الفجر اصلي واقول اذكار الصلاة والصبح واشوي اقعد بالنت اذا صديقاتي موجودين وانام لان عندي دوام يبدأ التاسعة وارجع الساعة الواحدة اقري قرآن اشوي وافتح النت اشوي والساعة الخامسة اطلع من البيت حتي اروح للمشي قبل الفطور وارجع اكل اشوي واروح للصلاة التراويح وارجع واحط المسابقة الرمضانية واقول اذكاري المساء واقري اشوي قرآن ...والحمدالله صار لي سنتين ما اتابع ولا شي من التلفزيون ...اتمني اني ما اقعد علي النت كثير هذي نيتي مرة اخري بالرمضان الله يساعدنا علي طاعتة...


س5 / أطرف موقف حصل لك برمضان ومازلت تتذكرة ؟

والله في صلاة التراويح واحنا نصلي طبعا وصل عند الدعاء وانا ما شاءالله علي مندمجة كثير ورافعة يدي للدعاء وفي النهاية ما قال لنا الدعاء ولما سلمنا اثاري الكل ملاحظ اني رافعة يدي وصار يضحكون علي الناس وانحرجت بس ما وضحت لهم ...



س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك

مائدتي شوربة وسلطة وتمر ولبن وماي..اكلتي المفضلة معكرونة بس محرومة منها لاني اسوي رجيم ...التمر والشوربة



س7 / هل سبق لك الصيام خارج وطنك ؟ وهل هناك إختلاف بذلك ؟؟


سبق لي وصمت بتونس وهناك اختلاف كبير بالاوقات يعني انا بالكويت الساعة 6 ياذن وهم الساعة 8 ياذن الحس طوف والله



س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟

طبعا سيء لان يشغل العالم ويلهون عن الذكر وهذا الشهر المميز وفرصة ما تتعوض لذا احب استغل هذا الشهر بكل شي لان بس شهر خلينا مع انفسنا اشوي ...الله يتقبل صيامنا ويغفر لنا يا رب...
اللي بعدي سميتي (ناديه عربيات )فتتفضل مشكورا

[ندووش]

س1 / بطاقتك الشخصية (( كما تحب )) ؟
اسمي نادية
معلمة



س2 / كم كان عمرك عندما أتممت أول يوم كامل صياماً ؟ وماهو شعوورك لحظة الإفطار ؟؟
مش متذكرة عشان اكون صادقة بس كنت مبسوطة كتير لانه بعد الافطار في مغريات كتير ( الحلو )


س3 / بنظرك هل اختلف روحانية رمضان أمس عن اليوم ؟
المسحراتي هيك اهلي بيقولوا انا ما لحقته (ههههههههههه)
طبيعة الناس اختلفت و صلة الرحم عن اول قلت و اول كان في امان اكثر




س4 / برنامجك اليومي برمضان مما يتكون ؟ وهل هناك لك نية بتعديل برنامجك اليومي أو إضافه شي له ؟؟
من السحور بتسحر وبقرأ قران وبصلي الفجر وبنام شوي وبعدين ع الدوام وبرجع من الدوام ع البيت بشتغل شوي وبصلي الظهر وبنام وبصحى وبقعد ع النت وتجهيز طعام الافطار وبعد الافطار اكون في ا لبيت الا لما يكون زيارات مناسبات او تسوق وهو الاهم اما التلفاز مو كتير بس اخبار الساعه 8
والبرنامج يتغير حسب الظروف


س5 / أطرف موقف حصل لك برمضان ومازلت تتذكرة ؟

مواقف كثيرة شو بدي احكي لاحكي المهم وانا صغيرة وصايمة كان عند اهلي ورشة دهان وفي عمال وانا صغيرة وبلعب شفت العامل بدخن وقمت شربت ميه وما حكيت ...... كملت صيامي والله ما حكيت حتى لامي لحد هلا مش تحكوا ؟؟
س6 / مما تتكون مائدة إفطارك ؟ وماهي الأكلة المفضلة لك ؟؟ وماهو الشيء الذي تحرص أن يكون علي مائدتك
الشوربة شيء رئيسي والفتوش او السلطة والتمر والماء لاغنى عنه والسمبوسك والمتبل والوجبة الرئيسية والعصير
بحب كل شيء ماعدا الملوخية والمعكرونة


س7 / هل سبق لك الصيام خارج وطنك ؟ وهل هناك إختلاف بذلك ؟؟

لا لم يسبق لي ذلك



س8 / قنواتنا العربية تركز هذا الشهر علي الإنتاج بكافة المجالات ويعتبره أكثر المنتجين (( موسم )) ! بنظرك هل هذا شيء سليم أو سيء ؟؟
اصلا ما بنتبه ابدا اذا في مسلسلات الا لما اروح عند ناس معزومين وبتلاقيهم بحكوا عن المسلسلات ما بتابع شيء
بس الاصل برمضان شهر عبادة وتقرب الى الله

كل عام وانتم بالف خير
وتقبل الله طاعاتكم

[محمود]

الله يكون في العون

[المشتاق]

خلينا نكملها ... بأيام العيد

1- متذكر اول لعبة اشتريتها بالعيد ... شو هيه
2- اول نقوط الك بالعيد من مين ؟ وكم ؟
3- برنامجك بالعيد ...
4- بتشتري ملابس جديدة خاصة للعيد .
5- حلويات العيد ... بتشارك باعدادها أو بشرائها ( بتفضل الجاهزة او من اعداد البيت )
6- ماذا تتمنى بالعيد ؟

برشح ريماس للإجابة عن الأسئلة

[ريماس]

خلينا نكملها ... بأيام العيد

اكتب يا حسين اكتب انت مشتاق غير تجيبني كتاف هههههههههه


1- متذكر اول لعبة اشتريتها بالعيد ... شو هيه
والله اني متذكرة امي الله يخليها جابتلي لعبه اطول مني لابسه فستان عرس ابيض
بجوز حقها 75 قرش بس كانت جد لعبه يلعن عينها ما ازكاها
اموت واعرف وين راحت هههه
2- اول نقوط الك بالعيد من مين ؟ وكم ؟
نقوط والا عيديه لانه النقوط بالعرس بحكيلك اذا بدك عن نقوطي ههههههههههه

بصراحه مش متزكرة بس اظن وقت ما كنت صغيرة كان الي عيدته دينار ابو زيد خاله

3- برنامجك بالعيد ...
ما في شي محدد بس بنصحى او مش بصحى لاني اصلا ما بنام الحمد لله
مثلا امبارح ما نمت ضلينا نزبط البيت ونجهز البيت
والصبح عيدت على امي واخواني وقعدت شوي والنهفه انه لما بلشت الناس وخواتي يجو انا نمت هههههههههه يعني حد الله ما شفت حدا
4- بتشتري ملابس جديدة خاصة للعيد .
هو مو خاصه بالعيد انا الحمد لله دايما راتبي رايح على الشغلات الفارطه والملابس
يعني بصراحه اه والله بشتري هيك متعوده اداوم بملابس جديده لازم اشتري والا عندك مانع هههههه
5- حلويات العيد ... بتشارك باعدادها أو بشرائها ( بتفضل الجاهزة او من اعداد البيت )
حلويات العيد ما بنشتريها احنا بنعملها وطبعا بشارك وبشارك بعنف كمان دااانا غلباان
بس سبحان الله دايما العيد بيجي فجأه ههههههه لو حتى بنكون عارفين انه عيد قبل بسنه لازم قبل العيد بيوم ننعجق انداري المرة الجاي بدي اعيد بره الاردن بلا اهلي بلا هم هههههه عمون لا تفسد بعرفك فساد
6- ماذا تتمنى بالعيد ؟

الله يطول عمر امي واخواني يارب وتضل بيوتنا وبيوتكم عمرانه بالخير واتطول عطله المدارس كمان اسبوع لاني مرهئه هههههههه

برشح ريماس للإجابة عن الأسئلة
وانا بقول ليش رشحت اكيد منك يا استاذ مشتاق ولا لا يكون معي انفلونزا خنازير هههه

حظي وبعرفه

[محمود]

مرحبا وشكرا على اختيار مثل هذة المواضيع الراقية والبناءه